麻辣派 (已搬遷) 新店位置

門外模型，好像真wor 😬我地揀左$268 set.等主角嘅時候可以自選10串即食熟串，有丸，牛柏葉，腸，午餐肉等等。同行朋友有人唔食得辣，所以叫左小小小小辣，汁底非常四川風，濃味，之後越煮會越辣😂肉蟹係爆多膏，有2大隻😍蝦size中型彈牙。帶子一人一隻， size都係中等，鮮味👍花甲沙白蜆份量十足，無沙~秋刀魚有2大條，吸哂湯汁好滋味。自助bar有唔同款既菜任食，本身煲內亦有大量豆卜同薯條，吸哂d湯汁只可用不得了形容😂一行五人食剩太多，絕對需要打包，但打包的份量也太恐怖了吧😂最後食埋四川涼粉，辣意即刻消除哂😬呢度我一定會再嚟！如果地方可以搬大點，坐得舒服d就更好👍

涼涼地食麻辣野最合時，由於呢間好似晚晚full，想試唯有lunch去碰碰運氣；是日星六1pm去到都未有人，事實證明作為第一個食客都係幾正確既選擇，因為小店剛打掃乾淨，而且冒菜D串串都岩岩整起！一坐底叫左個人頭268既餐，我地3個人食，佢會因應人數而分配食物數量。我叫左杯豆漿諗住可以解辣（之後發現一D都唔辣），但豆漿味道唔係正常果種，似花生奶多過豆漿＠＠ 以前係大陸飲過呢隻味，望下個樽原來真係香港無得賣架（就算有我都唔會買..）一邊等一邊食下涼菜，毛豆幾麻，係‘周黑鴨’既味道！不過得幾粒所以止唔到辣癮，另外一個唔記得係乜，無食到，因為主角已上盤！賣相幾“WOW”既海鮮盤！食法好似烤魚（海鮮）咁，食完魚（海鮮）就可以隨意放D菜／配料入去滾，都咪話唔飽肚！ 海鮮比想像中好，蟹有好多膏，分好左身同蓋都方便進食，蟹身都幾多肉而且幾甜！表面輕輕炸過，所以D蟹膏唔會跌出黎，唔錯～ 其它比較入味既係魷魚，不過太大一筒所以食得有D麻煩；最令人不解既係有條多春魚...鋪左係底一開始見唔到，去到後尾個煲好似越食越腥先知原來係條魚搞搞震！條魚較腥，又多骨，建議唔好擺入去會好D！（或者換第D粗骨／少骨既魚）食左

朋友知我食得辣，話呢間餐廳幾有特色所以就約嚟呢度試一試因為知道都多人嚟食，所以就食早少少唔駛迫我哋order個$268@嘅餐除咗個海鮮鍋之外，每人仲可以揀10串蔬菜為主嘅串串同一罐飲品等緊個鍋嘅時候可以去慢慢揀啲菜都幾新鮮，排放得都好整齊！仲好細心咁紮好一紮紮俾客人番到埋位個海鮮鍋已經嚟咗好多款海鮮排得靚靚仔仔我同朋友見到超興奮~個鍋一眼望落去已經見到帶子，扇貝，蟹，青口，蝦，鮑魚，魷魚，蜆鍋下面仲用火興住，熱辣辣香噴噴嘅感覺好好動手食最易搞嘅帶子，扇貝，青口。可能因為無浸住啲汁，全部都食得出好鮮甜而且啲肉都脹卜卜，感覺好滿足之後食鮑魚~同樣好鮮甜食完啲殼類海鮮，多啲位空出嚟就撩吓下鍋底有乜“墊底“發現原來有啲薯粉，好粗又好爽彈，！最意想不到竟然仲有薯條心諗啲炸嘢浸住點會好食點知食落又發現啲薯條豆卜索咗啲麻辣湯出奇地正雖然明知邪惡都忍唔住食咗好多之後食蝦同蟹餐廳好細心有俾手套我哋拆殼隻蟹都好多糕啲肉都好實好甜~整體嚟講，啲海鮮好鮮甜同大件麻辣方面就好靠薯粉，薯條等配料托出嚟睇得出店鋪都細心安排過份量同味道配搭2小時慢慢食傾吓偈感覺都好舒服最後仲有個甜品清一清口入面嘅熱辣好有特式的甜品，

約左1300 1245去到職員話未開 1305再去都未開 好彩職員都俾我地坐住先地下超級跣 要小心--三個人去叫左個$268一位既海鮮大咖每位有十支冒菜 一罐汽水 一碗冰粉--🍢冒菜個汁幾好味 微微麻辣配啲丸呀肉呀 都幾惹味--🦀海鮮大咖(小辣)因為有一位唔食得辣 所以叫小辣我食開爆辣既人覺得冇辣味但因為有好多蒜頭 薑 香料 所以都好香蟹好多膏 不過炸過我覺得麻麻青口 蝦 魷魚 鮑魚就好食😚底有好多薯條 薯粉 豆腐卜當中令我驚訝既係薯條 竟然勁夾喎😳吸哂啲湯 脆又好食 浸淋左都好食我食左好多😂--🍨冰粉係涼粉加啲應該係黑糖漿既野好甜 我麻麻 但同行二人都話好食😛--可能因為我午市黎 全場得我地同兩個女仔但聽到職員接好多訂晚市既電話 仲好full添如果大家黎食晚市記得訂位啦👍🏻

一行五人係三3個星期前Book咗呢間餐廳，仲要打電話book永遠無人聽電話一定要親身落去,定位仲要交$100 deposit。心諗咁勁一定好食都不得了非常之咁期待！點知，中伏到一個點！！！一入門口好似用油來拖地咁，個個都差啲扇低，啲職員見到你咁都可以冇反應--"都算啦諗住啲嘢食得其他唔理啦。個海鮮鍋一上台，就睇到D帶子極度唔新鮮，鮑魚又係甩晒，隻蟹好似好大隻好多膏，一反轉黎睇，係炸過先上台架，有冇搞錯啊！跟住啲蝦唔新鮮到啲蝦腳全部黑色，個頭同個身分離曬嘅。D青口完全咬唔到，好似擦子膠咁 。算啦唔食海鮮，食下邊嗰啲配料，從來未試過食口感咁奇怪同咁難食嘅粉條！！！！完全入唔到口。五個人望住盤海鮮真係落唔到手。。。比$268食呢餐，講真價錢唔係貴，但俾啲唔新鮮嘅海鮮人地，仲要主打食海鮮，完全唔知點解咁多人嚟食。大家真係諗清楚先好黎。。。

我想講我從來無寫過食評，佢係唔掂到我忍唔住要出手寫。講真，$268一位確實唔係平，你出去食自助餐都唔駛依個價，佢仲要唔係任食任飲，食完我真係諗其實依餐一人嘅成本都唔駛$68啦，請問海鮮有邊樣係新鮮㗎？啲蝦霉，啲蟹又炸過先擺落去(好人好姐駛鬼炸咩)，帶子細隻又無味，條魚無食但我知勁多骨囉，比較上青口、貴妃蚌較正常(但我無話好食呀！)係豆卜、芽菜、蜆啲下難嘢最多。最精彩係個寬粉，其實只要個汁係濃嘅索哂啲汁都會好味同入味，但佢竟然比到種怪味你(類似膠膠哋嘅感覺)，好驚食咗大陸啲假嘢，如果要搵最好食嗰樣嘢就係佢送嘅甜品冰粉，因為佢有黑糖同啲生果粒喺裡面(佢係有比較下先覺得好味，即係你平時一定唔會比錢入去食嗰隻)總之比咗啲短片同食評呃咗，慶幸自己無叫$328個餐啫

呢間餐廳有幾難book，食過噶人都知。朋友大半個月前book，先book到平日噶9點。我地提前去到，預早order定268一人噶套餐。呢度等上菜都幾耐，因為d海鮮係即煮噶。海鮮上檯，真係好正。d海鮮擺得好靚啊。每樣見到都好想食。但食左就真係勁失望啦。所有海鮮一食就知唔係新鮮野啦，而且縮水縮得好犀利。鮑魚細粒到呢，帶子都係，又鞋。唔知係咪因為叫小辣，所有野都係無麼味道噶。令人最期待噶蟹，蟹膏勁苦，因為炸過，所以好多油。而且d肉係霉噶，得個樣。蝦都係，眼見大大隻以為唔錯，點知每隻都係霉噶。魷魚筒算係食得過噶，不過都係麼味都無。所以同朋友都食得好唔過癮，又唔夠飽。甘噶價錢，我去 x心食噶係新鮮生猛海鮮，海鮮鮮甜之餘味道仲一流，同埋係勁飽噶。

第一次吃旺角麻辣派的海鮮大咖，十分惹味而且性價比很高。當晚和朋友book了枱晚上9時半入座，在門外約等了十分鐘，讓店員清潔桌子再入座，可見餐廳十分受歡迎呢。兩款小食為麻辣蓮藕和花生，兩款小食都十分爽脆，味道麻麻辣辣，十分開胃。個人偏愛吃蓮藕，吸滿了麻辣汁，咬下去索索聲不絕。套餐每人會包一罐汽水或豆漿。就在等待海鮮大咖上桌時，去了冒菜櫃夾配料，冒菜包羅萬有，有丸類（芝士丸、蟹子丸等）、雞牛豬肉，當然也不少得蔬菜和菇菌類。冒菜而一串串計算，每串約有兩至三件丸。冒菜是成都的特色，主要是用中藥和各種調料配出湯汁，再用湯汁燙熟食材。海鮮大咖來到了，當中有八款時令的海鮮。個人最喜愛海中蝦和青口。海中蝦的肉質爽口彈牙，証明海鮮來貨新鮮又高質。青口的肉飽滿，塞滿了整個口腔，十分滿足。底下更會有木薯粉、豆腐卜和薯條。豆腐卜和薯條吸滿了辣汁，味道十分刺激。四川冰粉其實是水晶粉配葡萄乾和西瓜粒，入口十分冰涼。

一入門就見到凍櫃，串物吉好曬🤗都幾多款野食～可以好似雞煲咁，食完海鮮，就dump 落去滾滾滾。如果蔬菜嗰啲唔想辣食，廚房可以幫手淥：） 不過今次太飽，食唔落🙈🙈是次食左269 一位既，食唔到咁多。下次會試埋個帝皇蟹！！佢地整蟹堅好食😋飲品選擇幾多元化～我地點左豆奶 解辣!好可愛既裝飾 放喺餐廳度好有feeeeel ，四川特色。登登登登！！最鍾意咁多芫茜～同埋花椒無打散到，唔駛驚唔覺意咬到粒，唔中伏，香氣撲鼻。個盤底部有一個火燒住，keep 住食物溫度。如果唔想打邊爐任食食到飽，冬天都幾岩食呢個。就係呢個蟹🦀第一次食蟹黃係撈辣食，原來係match 架喎～黃既咸香加微辣，好食！呢個可以encore 😂帶子 唔算超大粒 但勝在幾鮮甜 索曬d汁 配麻辣都幾惹味。哈哈哈哈，龍蝦仔顏值好高，個frd 搶左黎食，我只分到一啖 肉質幾彈牙。 因為本身個汁重香不重辣，而鮑魚係夠新鮮，所以個鮑魚鮮味係食得出。本身好驚成個鍋得個辣字，好彩唔係喎！個汁係教得唔錯，食到辣之餘，又食到鮮味👍👍👍重中之重！ 🦀🦀啲蟹整得剛剛好，肉質係好嫩，juicy 既！ 食完唔夠喉 下次好想試埋佢個帝皇蟹呀😋鐘意食海鮮+辣既朋友

被FB膳稿推得多點知去到完全中哂伏一入到去係無可能企得穩，點解？因為地下全部都係油淋淋😨只不過係食火鍋既地方，韓燒店都未至於地下油到企唔穩，大家可想而知店內地下幾耐無清潔過🤧衛生程度自己諗諗然後上菜個賣相係幾好J, 之但係好多海鮮都唔新鮮蝦係霉既，蟹肉散既，蜆肉雖然打開，但食咬絕對唔係新鮮所謂既甜品涼粉一啲甜味都冇，淨係俾碗涼粉灑左幾粒乾果（？）求其俾你食飽就算混和埋地下既油，加上食材既挑選無環境無美食$300真係買條氣頂住自己😂 果粒星係俾食完無肚屙既無下次bye~

我地二人食每位328，一星期前已經book好台，未夠6:00已經入座，大部分貝類肉質都ok，不過肉雖然擺係殻上面但係完全唔痴殼，唔知係咪廚師劏得太乾淨（但係又有沙）而且隻龍蝦，蟹，海蝦肉質霉到不得了，唔講都唔知佢個賣點係蟹膏，我隻膏都冇粒，以為自己食薑蔥蟹，食完先見到人地四人台隻蟹爆哂膏，如此大細超令人失望，侍應呀姐禮貌都係一般，都唔知應唔應該再俾機會佢，人少又大細超，人多地方又窄，十個電話打黎呀姐九個都講冇位講真對我黎講最賣點既係裡面果d炸薯條同透明薯粉

最近在Facebook 被瘋狂洗板就係麻辣派 , 我地當然要黎試下舖頭細細, 所以置唔多 , 要食的話記得早啲打電話黎卜位店內環境都幾乾淨 , 只係坐的位比較窄少少晚市只有2款選擇,只係每位 $328 同 $268 的選擇咁我地都有問老闆娘有咩唔同 , 以當日黎講係會多左龍蝦有時係會阿拉斯加帝皇蟹 , 咁就要睇下當日有咩新鮮喇! 我地見到268都有蟹所以就叫左268果一個 (不過係肉蟹)仲有埋餐前小食 , 好食架! 不過就比較辣 , 放心鍋反而唔辣好有以前我係大陸旅行食的包裝小食FEEL (回憶......吖)真係超級大盤 !!!!!!!!!佢一上之下我已經係道諗緊食唔食得晒呢道只不過係2人份量咋小龍蝦 , 肉蟹 , 海蝦 蝦蟹類比起貝類比較失色所以我會先建議大家食左蝦蟹先 因為佢隔住左個殼 , 所以無貝類的黎得咁入味我最中意的係隻蟹(其實我唔知佢係咪叫肉蟹)佢係爆膏架! 蟹膏控請舉手! 不論個蓋同埋身都係爆爆爆爆爆膏 !同埋佢地拆得好乾淨 , 不論腮同埋個蓋唔食得的部份地都已經拆走晒你可以放心咁食你仲可以問店員拎拆蟹的工具 ( 唔係鉗 , 佢都已經同你爆開晒)( 食大閘蟹果啲剪同埋果

麻辣同海鮮都係我好鐘意食既野！因為食得太多麻辣火鍋，所以最近就搵下除左麻辣火鍋之外仲可以有咩一次過滿足晒兩個願望！意外地畀我發現到最近係旺角新開既麻辣派啦！見到又有海鮮又係麻辣野，即刻約埋兩位食辣既朋友係Happy Friday 既夜晚去食餐飽！因為較早既時間都被人book晒，所以我地book 左9點半。雖然booking 好爆，又係星期五晚，以為去到都要等一陣，點知一去到即刻有得坐！正！一坐得低就緊係拿拿聲叫野食，有2個餐可以揀，分別係$268同$328/位，我地就揀左$268/位 果個餐。叫完之後等左一陣就有得食啦！ 餐牌($328 / $256 每位 – 兩位起) 餐前小食係可以係到揀10串!有菜有腸等等唔同既野揀~揀完店員會幫手煮，不過我地未揀得到就個主角—麻辣海鮮鍋就到左！個鍋一黎到真係嘩嘩聲！勁足料！就咁睇已經有肉蟹、鮑魚、小龍蝦、帶子、蝦、花甲，麻辣既香味直撲鼻子。仲有一樣野好貼心既係個盆一路都係熱住，等D 野keep 住熱！ 好足料！麻辣既香味keep 住飛埋黎！ 帶子、花甲、鮑魚👍👍👍全部都係一人一食~唔洗驚無得食 美味既肉蟹&龍蝦仔~ 肉蟹炸完再放落辣鍋落吸晒D味

位於旺角通菜街威達商業大廈的派辣派，主打豪華級的海鮮火鍋。海鮮大咖鍋兩人起便可以叫啊，份量會隨著人數遞增，最多十人一鍋。剛坐下，侍應並會詢問海鮮鍋的辣度，我和朋友不算太能吃辣，所以點了小辣的辣度。海鮮鍋需要等候約二十五分鐘，等候期間，店員叫我們先去選冒菜的配料。每人的份量為五串冒菜，可以自由選擇。其實冒菜有點像串串香，把配料煮熟，整碗上。冒菜的選擇很多，約有幾十款。我們夾了多款蔬菜和香菇。冒菜約十分鐘後便來到了，廚師在面頭加了少許蒜蓉和香蔥，而且各類食物都煮得剛剛熟透，味道不錯。等待海鮮鍋來到時可以填填肚。我們選了較經濟的一款，海鮮也會根據供應和季節而稍有不同。海鮮鍋的賣相十分震撼，今次吃的包括肉蟹、海中蝦、帶子、鮑魚、青口、原隻魷魚和秋刀魚。每款海鮮一人至少有一件，青口一人更有兩件。海鮮鍋的份量很夠飽，男士們用餐也會捧著肚子離開。個人最喜愛肉蟹，秋天正值肉蟹當造的時期。所以這隻蟹肉質十分飽滿，啖啖肉。蟹黃的味道十分鮮香。

首先講環境，唔算大，但裝修別緻－紅牆加啲裝飾做點綴，都幾舒服。不過因為屬小店，果日去都 FULL HOUSE，所以一定要記得預先訂位！我地一行三人試個平啲每位 $268 套餐。好肚餓，然後等等等等... 終於上左成盆海鮮鍋，賣相 200分！！好豐富，好多種唔同海鮮，每人一隻，份量其實剛剛好。首先食扇貝，夾住少少麻辣（但又唔太辣），好滿足！仲有鮑魚，都幾大隻，爽口！如果可以有多隻就好啦，未夠喉哈哈哈再黎龍蝦仔，單係賣相影相已經可以呃到好多 LIKE！鍋有好多蜆肉，而且 size 比平時打冷大隻，味道好野味！！同埋蝦，本身我唔係十分鍾意食蝦，但係’點’佢個麻辣湯底又幾好食喎，每人兩隻！！最後要隆重介紹....... 肉蟹！！！舖頭首先將肉蟹拆件再蒜炸先放落海鮮鍋，所以一口咬落去時，啲蟹膏依然留在，每一啖都仲有蟹膏，真心好好食！！！忍唔住，平時我呢啲咁嫌麻煩嘅人竟然都清哂個蟹，超正！我地叫左小辣，個辣度岩岩好，唔會太辣，食落好舒服！如果有啲朋友想挑戰辣都唔怕，因為套餐附送豆奶，可以解辣，唔洗驚！！