麻辣真漢子 (已結業)

麻辣真漢子，不論Menu定店舖外貌都以地盤佬裝束及路牌為擺設🚧…店員都著左螢光衫扮成地盤佬👷‍♂真係玩味十足。因為星期日人太多…地盤佬店員好有禮貌講聲唔好意思🤣💰$35/ 4款名都得意過人🍢叫刻骨銘心初戀金銀情侶套餐🤩。享Menu上有分A區同B區，可任揀兩款A + 兩款B。我揀左A區”邪牛丸”同”雙刀火雞腎”+B區”我叫雞..肉腸”同幾粒蛋蛋”有7種辣度，我呢D係平時食到出面既BB辣/小辣果隻，即係唔多食得辣又要加小小吊味😝所以叫左BB辣🌶點知…BB辣已經辣到顛左🔥 真係好鬼冇用，腸仔 魚蛋 火雞腎同牛全部好入味又彈牙，所以麻辣度高🌶🌶再加左辣粉享面。佢隻麻辣係好食🌶會追住食果隻，不過睇黎我係食初生嬰兒辣都搞唔店😆附上搞笑圖一張😜食食下要刮走D辣粉🔥火辣辣*#葵芳 #葵涌廣場#麻辣真漢子 #麻辣 ...……………………👱🏻‍♀️肥妹小編.........................

葵廣雞翼節，沒有理由不去吧!! 雖然今日是雞翼節的第二天，而且星期六的晚上，又未算多人得進退兩難。這間麻辣真漢子很特別和著名，是因為員工穿上地盤常見的反光衣，而且都是傳說中辣到不停流口水的真漢子!為了留肚盡試不同店舖的雞翼，所以和朋友點一份兩隻的太太口服翼 (中辣)! 從賣相可見，確實是油的! 太太口服翼的麻味和辣味都很到位，而且雞翼肉質很嫰滑! 今日都了好幾店雞翼，目前為止，這間的辣雞翼是最好味的!!😍

今日同個朋友坎左葵涌廣場行街兼掃街，見到佈置好有職安健feel既「麻辣真漢子」，一於就試下。我哋叫左份套餐，有腸仔有墨丸有雞肉的，唔記得左佢叫咩名。不過佢既七味粉的確好重手下，我哋只係叫少辣，但係都好辣。重點係得個辣字，其實無咩特別感覺同食到食物既味道，而且果種辣就好似就咁食果啲七味粉咁，其實都幾無意思。希望如果佢哋有心做既話，其實可以自己配製一啲辣味既配方，打響下個招牌，唔好浪費左咁好既一間鋪頭。我見佢哋為食物去改名其實都幾有心思，容易吸睛的，不過做飲食小店既生意，其實各方面都要兼顧的。希望佢哋會加油啦。

葵廣掃街系列之麻辣真漢子傳說中辣到口水係咁流嘅真漢子🤤等我嚟試試A2 花枝招展丸 （$10）實心花枝丸，入邊仲有花枝粒粒A6 麻甩老肚（$10）牛肚都縮晒啲麻辣味爽彈有咬口B4食神唐牛（$8）爆多兩份係牛上面，啖啖肉B9低調芋絲（$10）麻辣蔬菜類！ 爽口彈牙芋絲原來都幾襯麻辣夠麻夠辣，但係唔會食完好口渴證明唔係一敵辣😂😂😂

呢間已經係食過幾次，水準都一直keep到，佢嘅麻辣小食除左麻之外仲有好香嘅辣，仲要整得好入味，令人一食醒神。佢個菊花辣真係唔好亂試，食完成個人痹晒，希望有勇者可以挑戰成功

小食店都幾集中, 唔難搵, 喺窄巷入口有個牌寫住 “入面都有條食街”我先識行入去搵! 第一站先試 “麻辣真漢子”, 試試 “花技招展丸” 及 “滑嘟嘟雞”! 中辣, 食物個樣好似好辣, 勁多辣粉, 但係睇勁過食! 辣汁都夠麻夠辣仲幾香, 唔會係死辣一滴香嗰種! 唔錯! 滑嘟嘟雞真係好滑, 花技丸都爽口彈牙! 

難得去到葵芳, 梗係要順便去下葵涌廣場掃小食店啦! 小食店都幾集中, 唔難搵, 喺窄巷入口有個牌寫住 “入面都有條食街”我先識行入去搵! 第一站先試 “麻辣真漢子”, 店主無著螢光衫, 所以差少少錯過! 有 d 食物都幾難落 order (唔好意思讀個名出嚟, 讀號碼又好似唔好玩) , 所以我只係試左 “花技招展丸” & “滑嘟嘟雞”! 我叫左小辣, 食物個樣好似好辣 (驚's) , 勁多辣粉, 但係原來睇勁過食! 辣汁都夠麻夠辣仲幾香, 唔會係死辣一滴香嗰種! 唔錯! 滑嘟嘟雞真係好滑, 花技丸都爽口彈牙! 

朋友介紹我食,話個辣汁好得上次黎冇開門，今次黎到終於比我試得到！叫咗個情侣套餐，可以揀2款A, 2款B嘅嘢食A揀咗魚腐同滑嘟嘟雞B揀咗齋卜同響玲玲揀咗中辣店員係著住件地盤嘅螢光衫，好配合個主題😂嘢食黎到見到個辣有小小嚇親，好似好辣咁點知食落啱啱好！啱曬我呢d鍾意食辣，又唔會辣到遮曬食物本身嘅味道朋友真係冇介紹錯，個辣汁堅係正！好過嗰間充斥成個葵廣都有嘅大陸川辣多多聲！呢個辣食落去係舒服，唔會有嗰種大陸一滴香嘅味道！好欣賞！第一次食齋卜，口感好得意，配辣嘅味道好夾個雞係一串串燒咁，好香，都真係好滑下次想試下個麵餐，配食神唐牛唔知咩黎🤔

之前睇過報導，呢間小食店幾有趣，店員會著住工人反光衣賣野食，食物名亦都好盞鬼，叫左一串小辣食神唐牛（$8）試，辣油夠香，食完後好快就有麻既感覺好正，而且雖然好似好多辣粉，但小辣可接受唔算太辣，不過牛肉味就唔係好食到，但喜歡食辣小食既不妨一試~~

之前睇過網上報導, 途經葵廣, 不如就搵佢一試。個舖頭比較入, 要行入啲先見到。舖面設計幾特別, 好有工地feel. 剛啱食完飯已有啲飽,難得黎到, 諗住都買串魚蛋試下。估唔到"幾粒魚蛋"真係得幾粒.. 無三不成幾..就係得三粒..真係呆左唔識俾反應..價值$8。。個麻辣係幾特別, 有幾個程度任君選擇, 有辣椒粉又有辣椒籽, 食完後嘴唇同脷先慢慢發熱同興起黎, 魚蛋係炸魚蛋, 彈牙, 正常size..但份量很令人失望啊。值唔值得就見仁見智啦。

去葵芳掃街見到依間野見到舖面好有創意當你糾結緊試唔試下個陣店長又會撩下你傾計同你吹下水 個店主好吹得👍🏻又會話佢舖頭啲辣係點樣嘅咁我次次黎都會食下佢啲辣野過下口癮嘅每次黎都一定會嗌幾樣野必嗌 滑嘟嘟雞 齋卜 響玲依三樣點都會嗌佢個滑嘟嘟雞好嫩加埋佢啲辣一個字講到比你聽 正😋🤤齋卜 同響玲依兩樣野表面記咁睇覺得平平庸庸咁但其實加左佢啲辣依兩樣野係會索汁 甚至會鎖埋啲辣汁係入面你一咬啲辣汁就會係口入面四散真心唔錯佢啲辣都有分唔同嘅等級等到依定都依緊佢嘅中辣/大辣試下要試下食佢個大辣以上嘅野佢個辣睇得出佢由唔同嘅辣mix埋唔係單單普通嘅辣油 乾辣椒粉 等等佢唔同個辣係第一啖食落去都唔同佢個辣可以留係你個口入面一段時間覺會慢慢散好期待佢個魔鬼辣同爆菊花個辣呀🤤等我練返啲辣🤤同埋佢有樣好呀就係你試完個個辣度覺得唔太夠可以同佢講你想加辣不過個店長同等吹水個陣都同等講過個兩個辣佢食完係點樣😆

葵涌廣場三樓係掃街熱滿地帶，日日迫爆人群，食物種類又多，又壽司，甜品，burger，果汁，麻辣粉.....應有盡有。我帶爸爸媽媽到此一遊，佢地嘆為觀止；后來倆位老人家仲學識拍拖來買嘢食，做下午茶🤣今日一個人戇居居，又走去掃下街，見到依間門面有趣嘅舖頭，用整路標誌做題材，又黃又黑，連員工都着整路工衣，好過癮😅這店主打麻辣食物。我點左份雞腎，麻辣好刺激，雞腎確係卜卜脆👍🏻美中不足就係等候時間比較長，而且份量超細；不過只係十蚊份的情況下，原諒佢😁 但我情願佢買貴少少，份量再加大少少，先至夠喉。

雙11當日我同娜娜子去了搵「麻辣真漢子」，食咗個 “ 刻骨銘心初戀金銀情侶套餐”。 其實麻辣真漢子，裝修擺設到成個地盤聖地咁，我已經想拜候好耐，今次機緣巧合之下終於畀我去到。好喇～品嚐一下咩叫真漢子先，ummmm..... 原來地盤裡面嘅猛男係有麻辣感架~ 麻麻辣辣相當刺激，花椒八角味道很濃烈，像男人的衝勁， 感覺到有手瓜起展嘅感覺，哈哈哈。沒錯，最L好食係“麻甩老肚”，非常入味，麻辣配上牛肚非常夾，而且牛肚煙韌可咬開，真心推介。雖然食材普通是合格的，而佢哋嘅麻辣醬汁都有心思，應該是有用心鑽研的，呢間「 麻辣真漢子」是創意無限的小店，間中幫襯支持下都不錯。

葵芳掃街就係人都知, 間間都各有特色, 今次行經呢間野, 本身有gimmick之餘亦都正中我食辣之人既口味, 食麻辣串燒衣加寫文都忍唔住吞2啖口水咁呢間野個名擺到明就係借職安真漢子而命名, 而佢鋪頭既deco都好符合佢個名, 個店長真係著曬地盤服, 仲要曬到好黑又大隻, 唔通真係地盤佬轉行賣野食!?好喇, 提外話唔講咁多, 今次叫佐個食神唐牛, 滑嘟嘟雞同埋熱血牛柏葉, 等佐大概5分鐘就出到菜, 咁今次我就因為帶住女朋友既關係就唔叫太辣, 淨係叫佐個中辣就算睇相都知色香就俱全喇, 味道就正常唔太突出啦, 都唔錯既Overall計埋d gimmick都幾深刻, 行過既朋友都值我泥留低下腳毛, 叫下野食支持下佢

前排成日見到fb介紹，搞到我心思思好想吃，特登放工走去買黎吃...我去到既時候，見唔到鐵漢們，因為收銀果哥仔無著制服🙈佢個餐牌好搞野，食物名又盞鬼，諗左好耐都唔知吃咩好...最後收銀哥哥介紹左幾款必食，我就選擇左麻甩老肚同牙簽仔臘腸，辣度方便揀左少辣...等左幾分鐘左右就有得吃啦！其實辣味唔算勁，但麻味好正麻甩老肚勁好味，本身索左d汁，而且唔韌，好入味..牙簽仔臘腸反而有d失望，同辣汁唔多夾我會為左個麻甩老肚再光顧，下次要試埋牛柏葉先得！*收據重點：我很窮但有胸肌😂