麻酸樂米線專門店 (青海圍) (已結業)

比佢餐牌啖啖肉所吸引，叫左碟$57龍崗雞飯麻辣汁。如果相所示，雞的份量相當少，肉只佔三成。發育不全營養不良的雞，可能有虐畜成份，成年男需要五碟才滿足！攝牙罅都唔夠，唔好問滑唔滑同味道！麻辣汁只有丁點的麻和辣，但鹽份充足，想挑戰淨腎功能人士可以一試！性價比超低！侍應非常溫柔，聽佢講野有少少困難，我地「吓」左一次，原來佢聽我講野都有困難，都冇應我地，不過我地好聰明地知道佢想問飲咩！朋友的咖哩魚柳飯佢話no comment,因為佢完全對食冇要求！其實我都冇！想食好雞，我都係推薦元朗xx 米線！要二百字先可以評分，所以個個都寫埋無聊野！

知道置樂多了很多小店食市，今次試試這間「麻酸樂」店名很有趣吸引著我，以名為名物，當然有麻辣同酸辣，而且我地大慨21:30到，仲有埋消夜時段，抵食！我揀了「豬光寶氣麻辣米線」及 「大三元酸辣米線」2款味道十分都野味，而且有多款配料在內，可能因為消夜時段，份量比較細小，但正好適合我的肚子容量，剛好而且餐內包一款小食「春卷/雞翼/冷盤青瓜/冷盤雲耳」真係超抵食而且我們仲叫了特價小食「煎羅白羔」香口！好味😋

餐廳的米線有8類，如果唔岩仲可以自選自選都各有特色。比較中意食麻醬撈薯粉，麻辣醬都好食。薯粉几軟，可以咬得斷，撈埋青瓜雞絲好好食！另外，仲試過田園米線蕃茄湯。有蕃茄生菜木耳冬菇魚蛋金菇，餸菜好豐富。多款蔬菜，營養均衡，健康清腸胃之選。如果自選菜式，潮州魚腐值得一試，好特別，好似有魚旦味的響鈴！蛋餃都好特別，蛋意思係係蛋做的餃子皮，味道唔錯。😋😋😋蕃茄湯底唔會太重茄膏味，係清清地小小酸的。雞湯都比較清。但佢仲有肉碎麻辣，冬陰公等湯底揀。面都有米粉，拉麵，薯粉揀。所以好自由。都係可以一試的，尤其係麻醬撈薯粉！

有機龍崗雞麻辣肉碎米線 $55個人覺得麻辣味足夠，然後龍崗雞係用口水雞嘅醬夠辣又夠味，整體唔錯鮮茄味炸菜雞肉上海拉麵 $34雞肉幾嫩，拉麵有d淡，而且蕃茄湯唔夠濃，但價錢抵仲送凍或熱綠茶。

工作常常都到很晚，很多時也趕不到餐廳的last order，幸好麻酸樂有宵夜餐牌，剛好趕上了，宵夜餐也很豐富，一個麵+一個小食及飲品，而這次跟家人一起吃，小食可以開心shareヾ ^_^♪ 我們選擇了手撕雞撈紅薯粉，有其他麵選擇，但喜歡紅薯粉Q彈的口感，加上麻醬拌在一起，真的超棒喔。另外是豬光寶氣米線，名字聽起來很有氣勢，但來到有點失望，豬排、豬肉的分量較少，蕃茄湯底也不夠味，反而上海麵就不錯的。小食方面選擇了椒鹽無骨一口雞，是即叫即炸，所以吃的時候要小心點，但味道較咸。另外有吉列一口炸魚柳，也是很熱騰騰的，魚味很香，炸得香脆美味。

上次試完呢間餐廳嘅米線, 都算唔錯, 今次就專登過嚟試下佢嘅飯餐係點.今次就要左個“雞扒肉燥飯” 可以加3蚊有凍飲,於是就要咗杯凍檸茶. 嘢食隔咗一陣就嚟到, 裝肉燥個方法有少少特別, 並唔似一般餐廳咁樣淋啲肉燥汁上過飯度, 而係有個碗仔畀你裝住 雞扒就有4塊, 份量唔算多, 但都唔算少, 食落係知道佢係即煎嘅, 雞皮又唔係太多幾好食. 配料就有半隻鹵水蛋, 同埋少少唔知乜菇. 隻鹵水蛋其實唔係點食到有鹵水味, 但起碼冇發臭,係新鮮嘅. 嗰啲菇煎過係幾好味, 成餐飯最好食就係個雞扒 個肉燥汁味道有少少似叉燒包嗰隻味, 雖然有啲奇怪,但食落喉嚨好舒服 配埋杯凍檸茶, 一樣唔算特別多冰,茶底幾好.

去完探朋友,就去置樂食飯,主要都係近屯門公路果邊. 廚房佬餐廳開到成個屯門都係,今次就唔去食啦. 本身想試雞煲, 但太多人等位,所以決定放棄.行多幾步就食一間叫做 麻酸樂 嘅米線專門店, 咁啱有位,就入去食啦. 我就要咗個自選米線配湯底加配料, 34蚊包一個配料. 我就金銀蛋芫茜湯底米線,配料要手打肉丸, 再額外加個牛丸同埋鴨胸, 埋單先至50蚊.個麵好快就嚟到, 原來佢每款丸都有各4粒, 鴨胸就有3片. 個湯底清清地幾好味, 而且啲皮蛋同埋芽菜都幾多, 仲有幾舊腐竹. 手打肉丸其實食唔出真係手打, 只係一般街邊啲魚蛋咁樣, 牛丸就反而幾好食, 真係要推介牛丸 鴨胸就正正常常唔太油膩, 幾好食, 配埋杯低糖凍綠茶飲, 令到喉嚨好舒服.總括而言, 先至50蚊,但有8粒丸,3鴨胸,配埋足料嘅米線,又夠味道,扺食

而家度度食早餐都要成四十蚊，好難得搵到一間咁平味道又唔錯嘅，自然要推介一下。一份火腿多士再加個米粉都只係需要三十二蚊。味道其實就一般，始終呢類食物好難話好好食，但勝在夠平同坐得舒服，早餐來計真係乜都夠。

今日想食下午茶，行黎行去都唔知去邊好，老公又唔想去咁遠，咁就過置樂睇下有乜食。咁岩見到麻酸樂入面無乜人就入去食，$38皇牌推介-迷你手撕雞撈紅薯粉配上麻香醬，食唔到辣嘅揀麻香醬的確幾好，唔辣又幾好味，不過雞絲略少醬汁都較少，可能辣味會岀色啲，另外仲有三個免費小食，其他嗰啲都係加$2-$9，我就揀咗川椒皮蛋豆腐，味道一般，我唔喜歡個醬嘅味！有杯凍嘅綠茶飲+2，$40就落到樓算ok!如果唔想等位又想hea下，下次都會再黎食!!

自從有小朋友嘅生日，老公都好願意慶祝，大概係因為從而增加女兒對節日嘅觸覺。老公1月生日🎂我哋一家三口都係冬天岀世，我同呀女咁岩都係12月生日。喺上年我求其整咗個蛋糕🧁今年咁早買係因為有人行過見到扭計要買，諗蛋糕年年都好頭痛，唔知邊款先岩bb食，太甜又唔敢，有朱古力又唔得！行過fresh fresh 見蛋糕幾靚咁就入去買呢款OH!MY DEER鹿鹿蛋糕，入面仲加錢轉咗鮮果，有士多啤梨、藍莓、芒果、奇異果。

話說以前食過都覺得ok👍🏻，搬左去置樂就無食過😮，今日經過諗住反正咁耐無食過就試下啦😵，點知就中哂伏😩，叫左一碗招牌十式米線麻辣湯，一碗豬仇家米線清湯，個麻辣湯近乎無味，入邊個冰豆腐重要醙左，同店員講佢比個碗我叫我夾左啲冰豆腐出黎後就收走左😒，跟著隔一陣拎碗腐皮黎話係換比我😟，我話我唔想要腐皮，佢就問想換咩我答佢換冬菇，但最後拎粒肉丸比我😏碗野真係勁難食，最後無食完就走左，去食其他野😰

今日同呀媽呀仔一齊去食Lunch , 屯門既野食真係花多眼亂，而我最鍾意嘅都係麻酸樂 既米線。我哋叫咗兩碗米線，一碗係我食開嘅海洋之光，阿媽嗰碗係十色米線，原來再隔多10分鐘即係下午茶我哋早到左添，海洋之光係我最鍾意嘅米線，因為有兩塊魚腐而且可以索晒所有嘅湯汁好juicy,yummy yummy!! 湯底我哋叫咗皮蛋莞茜湯底，因為清清地比較啱我口味。佢哋每款米線仲會隨餐附送一杯綠茶，可以選擇冷熱飲都唔使加錢！今次嫲嫲同個孫一齊去食麻酸樂真係變左嫲孫樂

今日去咗屯門置樂，梗係要去麻酸樂食返個二人雞煲套餐啦，個雞煲其實望落好細，好似完全唔夠食咁，但係其實佢仲配左一大堆配料，加埋米線底最後其實兩個人係食唔晒嘅。雞煲方面個味都夠濃，食完個雞煲先落湯，煲滾啲湯再落配料慢慢食。

雖然最近熱熱地，但係我真係好鍾意打邊爐，就連依家食米線嘅地方都開始有得打邊爐啦，而且仲有最流行嘅雞煲添。今次我嚟到麻酸樂就叫左一個養生杞子紅棗雞煲，真係聽個名都知道夠晒補啦，所以成日話除咗女人要補男人都要補。呢個餐睇落去好似有啲偏貴，但係其實原來好足料。落左單之後侍應就好快攞咗個煲上枱啦，上菜嘅速度真係神速。當個煲滾滾地嘅時候，我就已經聞到藥材既飄香等左幾分鐘期待已久嘅雞煲食得啦，一打開個蓋真係嚇咗一跳，好足料啊啊啊，差唔多有成半隻雞，分量多不在話下，而且雞肉鮮嫩，又爽口，又夠晒入味連啲配菜都唔輸蝕，食材好新鮮，而且米線都好多，足夠晒兩個人嘅份量，所以我覺得呢個價錢一啲都唔貴滑牛肉鮮嫩爽口，啲雞柳都好鮮嫩而且冇雪藏嘅味道。原來個套餐仲包左一款小食，腐皮蝦滑，裏面真係有蝦嫁，而且新鮮炸起，外層好脆，內裏香甜。

剛走進餐廳服務員便立刻安排位置，上菜速度都幾快，服務態度唔錯。環境方面，都算乾淨但有時候有些小昆蟲飛過😅我個人幾鐘意呢間泡菜餅😍今次叫左魚腐和泡菜餅酸辣湯底米線(大辣另上)合共$39。魚腐係真正的魚腐，唔係用魚蛋黎扮魚腐，無腥味吸左湯汁後更好食。泡菜餅跟坊間的不同，不是個個鐘意但我就好喜愛🙈D配料(芽菜同腐竹)都幾多，而湯底叫左酸辣另上可以自己調節，但酸味不太濃。附送的綠茶，味道麻麻有苦澀味😥但整體來說呢餐都唔錯。😊______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️