黃金冰室

營業中

休息中

「晨早流流食早餐」系列之早來的午餐。歐陸早餐好抵食，因為本人十分之好魚，咁一見到有魚，就唔使諗，就係佢啦！呢間鋪第一次來，估唔到有驚喜。吉列魚柳配牛油多士，魚柳新鮮滾熱辣，炸得香脆但唔會干，多汁又夠滑，讚！牛油多士脆卜卜又夠厚身。櫻花蝦雪菜肉絲米，湯夠濃，味精唔重，湯俾我飲唒；櫻花蝦好多，落重本，令到個湯好濃郁；雪菜肉絲米夠足料，唔會過咸，肉絲夠滑，米粉幼身夠爽口。茶走有少少偏甜但夠香濃滑。Overall 成個早餐都好令人滿意。

行過入去食咗個lunch set, 叫咗冰室常有嘅「魚香茄子炆米」。茄子油泡完保持紫色，讚!👍 但可惜太大條，所以有d硬同唔入味! 好多冰室魚香茄子冇乜魚香，但呢間有, 仲好明顯見到一粒粒咸魚粒，用料比較足!👍 炆米炆完唔會太淋，冇又散又斷!👍

幫襯嗰日係8號風球，所以嗱嗱臨食埋個飯返屋企可能就係因為打風關係，嗌咗個咖喱牛腩飯，咖喱汁非常的稀，只有輕微咖喱味，亦都似咖喱湯多過汁，咖喱牛腩的肉質普通，不是炆得很冧，薯仔的份量嘅不多，只有一兩舊。最大獲的是，白飯未煮熟，很硬，亦睇得出唔夠水，好似係趕唔切嗱嗱臨要攞出嚟一樣，所以呢方面非常的失望。因為之前的性價比實在太高，所以今次的失望令我暫時停一停光顧這間餐廳，希望下次嚟到嘅時候，可以重拾返之前嘅水準。

北角的黃金冰室開業不久，由於太忙，午餐都無時間食﹐直接到下午茶時間才有時間過黎食，就試下佢啲下午茶餐。。。她的下午茶餐聽個名好多都好吸引，掙扎左好耐叫左個炸雞脾沙律餐（朋友話我總係食左先記得影相，我答「咁咪證明我真係有好好品嚐完先講囉」）等左10分鐘左右，終於有啦，炸雞脾外表睇落去好似有少少過左火，但食落就知啱啱好，表皮好脆口，內裹的肉質鮮嫩，肉汁有被好好咁鎖住，有啲後悔因為驚太邪惡而放棄叫「黑松露芝士炸雞脾」，相信有埋黑松露個香味應該會再好味啲。。。呢10分鐘，不但證明佢係生炸，咁重要的是「值得」。佢配的沙律係蟹籽蟹柳青瓜絲沙律，比起普通薯仔沙律好食好多～～總結：北角黃金冰室都好好味，佢的炸物做得好，而且抵食，值得一試。

同事提議食常餐，我就諗起一間冰室既沙爹牛肉，呢間冰室LUNCH 時間都多人食，要等位大慨15分鐘，安排入座坐在門口的卡位，但冷氣唔夠，有點熱，伙計落單非常快，有禮貌，我叫咗個食得飽既常餐，自選1款可揀吉列魚柳/吉烈豬扒/漢堡扒/牛扒/豬扒/雞中翼(2隻), 我揀豬扒拼厚多士 五香肉丁+煎蛋米粉 (我冇揀沙爹牛肉, 因為上次已食過, 今次想試五香肉丁)，凍檸茶。食物好快上枱，豬扒唔太厚，有少少un ，厚多士係即烘，麵包軟熟，牛油已經溶晒入多士，超好味。五香肉丁有少少辣，煎蛋一般，米粉粗身，但偏碎，總括黎講，沙爹牛肉必吃，其他款可以一試

自從請咗工人之後，中午已經好少叫外賣，發覺原來請咗工人係慳咗好多，而家喺外賣平台本身個飯已經收貴左，仲要再收運輸費，手續費，本來四$50可以搞掂嘅一個午飯變咗過百，又話科技可以改善人嘅生活，到最後都只係用錢解決。講返個咖喱牛腩飯，佢啲牛腩都唔係牛腩嚟嘅，好似食緊牛雜咁，舊嚿個樣都唔同，仲要大部份都咬唔開，搞到最後好似食緊咖喱汁撈飯咁，仲要個咖喱又唔好食，個飯又冇味嘅，個質素就好似工廠飯堂$20嘅質素甚至更加衰，已經好耐冇寫食評，但真係落差太大， 唔X佢唔得。

lunch 都唔使點等位，好快就入座，但都人山人海。見到其他人食炒粉麵飯，好大碟，望落似性價比都好高。但今次我哋選食咗扒餐，因為想食豪少少。揀咗法式黑椒牛柳餐配黑椒汁，另一個就係雜扒餐配黑椒汁。個雜扒餐真係大到不得了！雖然成$118 份，係幾貴，但份量超足，絕對冇欺場呀！而我牛柳餐選左5成熟，個人覺得就剛剛好，因為好怕食過熟的牛。同埋個忌廉湯同飽都好食，唔係求其罐頭溝出嚟咁，整體個餐都好滿意，薯仔就連皮上，夠香口。味道：5/5環境/服務：4/5價錢：3/5

今年新年流流，午餐要搵餐食，唔係度度有開，行行下就黎到黃金冰室食好西啦👍🏻👍🏻呢間係九龍新界都有分店既冰室，終於都開到黎炮台山啦，今日就一於食一食佢👍🏻新年menu，睇黎係特別貴左，但新年流流，冇計啦😂先有碗餐湯，要左羅宋湯主食：牛氣沖天（法式芝士焗牛扒飯）芝士好足料，有唔同層次嘅芝士，好味👍🏻👍🏻牛扒又不過不失，唔會太頹既扒，唔錯個扒又唔會太un，合格💗💗整體來講，質素唔錯，平靚正之選😍😍

最近呢間黃金冰室取代咗之前嘅龍門冰室舖位，開業到依家我都未食過！今次行完街肚餓，就買個外賣返去試下！睇完menu覺得黃金冰室定價都算係偏高少少！另外，收銀員態度友善！👍🏻 ❤️ 黑松露芝士炸雞脾配紅豆冰 $42估唔到喺茶餐廳都食到咁高檔嘅炸雞脾😂 炸雞脾體積唔算大隻，拎到返去已經淋咗😬 不過炸雞脾唔會炸得太乾，有少少肉汁！炸雞脾上面加咗片芝士同黑松露醬，講真芝士同黑松露味道唔係話好突出，並無令成件事錦上添花，都係綽頭嘢！😅 另外跟餐紅豆冰正正常常，紅豆比例較少，甜度啱啱好👌🏻好食度：⭐️⭐️⭐️ (3/5)❤️ 花生醬西多士 $26食落唔油膩，幾軟熟，但蛋香味淡！內層有花生醬夾心，配埋糖漿都唔會話太甜！好食度：⭐️⭐️✨ (2.5/5)餐廳推薦度：⭐️⭐️✨ (2.5/5)呢區其實好多高質冰室及茶餐廳，我都食過好幾間，心中排名依次序係：🥇半島冰室> 🥈大澳德發 & 閨 · 家 > 🥉時代冰室！黃金冰室就排得較後，質素比快餐店好但價錢比另外4間稍為偏高，相比之下性價比較低！

趁聖誕假最後一日，去港島行過山舒展筋骨，吸收天地靈氣……事前梗係要食飽啲上路啦。於是揀咗呢間連鎖茶餐廳食個tea，一開始朋友未到，經過既店員都好貼心咁問落咗單未。目測個menu屬於合理價格，不過底下既價錢有啲高，吸引我嗌返個黎試下。XO醬乾炒牛河睇牌面係好大份，我諗有平時餐廳既兩份。牛肉份量比一般餐廳多，但係味道稍遜，完全感受唔到XO醬既味道，食到底先食到XO醬既少量蝦米。整體覺得正正常常，可能我食乾炒牛河都接受到。食完，店員好快收起用過既餐具，唔會等到客人離座先收拾，呢點抵讚