黃金冰室 (北河街) (已結業)

依間新開冇幾耐，我媽話早餐好多人，不如試下依間食喎～當晚都差不多9點，原來佢10點關門。餐牌都算幾多野揀。我媽揀左蒸扇貝粉絲雞，有飯，有湯，有餐飲(是日中湯同西湯)($58)，凍飲加2蚊我媽都算大食，佢都食唔晒，可想言之幾大份。我就叫左常餐($41)揀左吉列魚柳，煎蛋同豆豉鯪魚米粉。一黎到，嘩，出面都冇乜幾何有豆豉鯪魚既常餐，而且係成條上，好有驚喜。米粉又係超級多，多都食唔晒。吉列魚柳好大份，炸都好翠口，又連埋烘左既多士，依份常餐好超值。2份餐夾埋$99, 真心覺得抵，食物質素OK, 下次會再來幫襯。