黃金冰室 (北河街) (已結業)

今日黎到深水埗呢間人氣熱店醫肚💛💛星期日下晝都要排隊等位，可見佢人氣幾高❗️❗️最鍾意啲茶餐廳食飯前有湯飲，呢度除咗中湯之外，仲有西湯可以揀，佢個羅宋湯一啲都唔失禮😋😋好飲❗️❗️❗️❗️❗️滑蛋粟米龍脷柳飯 $46龍脷柳外皮炸到金黃，入面又多肉，唔會得個炸粉，魚肉又幾嫩滑，好味😋呢個粟米汁都幾有驚喜，唔會落得太多生粉，杰撻撻咁，又有蛋花，都幾好食整體來講質素唔錯，有機會可以嚟試吓❗️❗️❗️

本來係想隨隨便便食個中午飯就算，平時對食物水準要求都唔算高，但今次真係忍無可忍！ 入座時都唔算特別煩忙，結果點左一客午餐E蒸排骨，等左接近半小時都未有等食，落單時又無提需要等30分鐘。 到我舉手表示落單已接近半小時，侍應先話蒸排骨仲蒸緊，叫我再等等。 接下來才是惡夢開始，大約兩三分鐘後，侍應遞上一道蒸排骨並聲稱剛剛蒸好。我吃了兩三舊排骨發覺肉質奇怪，有點似未熟透的感覺。 心想由落單到上台花約30分鐘，排骨依然未蒸好！想不到更誇張的在後頭，竟然有排骨係接近未蒸過的，肉程紅色，附近的豆卜更有血水。 這樣的食物質素真的嚴重有問題，我不會再去，亦不建議再去該餐廳。

某日 , 我們百無聊賴 , 去完 💛 Will's Coffee, 飲完咖啡之後 , 就去附近的 💛 黃店 "黃金冰室" 食個飯 ~餐廳的位置 , 說是 "深水埗區" , 但以認知的位置上也算是 "石硤尾區" , 是兩區的交界 ....照燒窩蛋肥牛飯 : 原個鐵窩上 , 有聲有色 , 有種似是日式牛肉飯的味道 , 但在味道上又點變奏 , 是 fusion 之味吧 , 牛肉軟嫩入味 , 洋蔥亦入味又香口 , 甜香且帶酒味的照燒汁是其靈魂之所在 , 配上窩蛋 , 撈起來吃 , yummy ~本篇完 ~

武漢肺炎改變咗好多人嘅飲食習慣，有啲人技能解鎖，搖身一變成為廚神；有啲人變咗格價專家，各大超市網店食品價格瞭如指掌；我呢？可能就係以後同陌生人搭枱嘅時候都多咗份戒心😆。話說今日午飯時間去咗黃金冰室，因為人多，需要同其他食客搭枱，坐喺我對面係個大叔，由於張枱比較細，當大叔用口吹佢個熱辣辣嘅鹹魚雞粒飯時，我正埋頭食緊嘢，於是就聞到應一應🥵。到我食完嘢飲最後一啖熱檸茶時，大叔忽然咳咗一下，咳聲帶痰😵，嚇到我心離一離，即刻閉氣抹嘴戴口罩起身埋單走人。好啦，講返食物，今日本來想叫午餐，但見到隔離枱個飯勁大碟，我肯定食唔哂，無謂浪費，於是就叫咗個常餐。我揀咗沙嗲牛肉拼仿鮑魚絲即食麵同吉列豬扒，呢度嘅沙爹醬好濃，比較甜，幾好食，牛肉雖然鬆肉粉落得比較多，但係都算有牛味，唔錯，仿鮑魚絲份量就少咗啲啦😂。至於塊吉列豬扒其實並唔吉列，只係普通炸豬扒，不過都炸得幾香口，鬆肉粉令到肉質偏腍，好易入口。隨餐附送嘅多士則充滿牛油香氣，好好食😋。

北河黃金冰室再嚐今次仲唔俾我食到咕嚕肉同通菜菠蘿咕嚕肉豬肉肥瘦適中，肥3瘦7，又無骨，正其他野都正常馬拉盞通菜炒鮮魷野味，佢淡味啲，同埋其他餸一齊食就prefect 西檸雞都係咁好味，不過凍咗嗰陣，個sauce變咗西檸糕，好驚凍檸茶 忌廉湯好多味精，同埋飲落比較杰身，但忌廉味唔重，料亦無咩，所以下次唔會再叫碟碟分量都好多，兩個人3個餸搞唔掂，下次都係叫兩個餸算味道: 7/10味精: 7/10價錢: 8/10環境: 6/10服務: 6/10

呢間北河街分店都好多人食，都明嘅，平靚正，又分量多，可以做飯堂所以咕嚕肉同通菜好早就賣哂所以最尾就叫咗西檸雞同咖哩牛筋腩西檸雞即炸即上，外脆內軟，個雞肉又唔會有雪味，西檸汁又夠檸，好味 不過個西檸雞有椰菜底，所以食到後尾，連個sauce都有椰菜味咖喱牛筋腩就腩多，筋少，非常好，仲要牛腩多過薯仔，兩個都好入味，正! 不過偏咸，要配飯凍檸茶都正味道: 7/10味精: 7/10價錢: 8/10環境: 6/10服務: 6/10

來逛電腦城前，先醫肚，lunch +tea一齊食，搵間 ...經濟圈幫襯。平價吃❮黑松露芝士雞脾配紅豆冰❯$35 邪惡炸雞脾還加上芝士，口水流晒出來，咬到黑松露再增添味道層次感，茶餐廳也有高檔食物。紅豆冰正常杯，少甜糖水，紅豆反而滲出甜味，一起吃甜度剛好。❮蔥花咸牛肉炒蛋軍艦伴薯條❯ $32牛肉不足夠引至嫩滑炒蛋咸味不足，蔥花有少許青香，軍艦❨熱狗包❩煎香但有少許油膩，反而薯條不會油膩，又夠脆。華田夠華田味。

今日請假走左去深水埗嘅黃金冰室食早餐,再搞車牌,lee間係我同男朋友都極愛吃嘅茶餐廳,已經食左無數次嘅早餐門面都幾新淨,𥚃面細細,有時太多人爆左,仲有樓上坐我今日食早餐,A同D餐都係我常嗌A: 火腿炒蛋配餐包,多士加1蚊D: 多士,我多數叫奶醬多兩個餐都跟一款餸嘅麵我今日嗌左A餐,其實以前lee個餐係火腿🐷奄列,正好多,佢轉返就好了個沙嗲牛🐂麵🍜超正,又多牛又濃,好好食😋😋奶茶都沖得好好飲👍個早餐又大又可以頂到全日😋

書中自有黃金屋，深水埗就有黃金冰室。黑蚊蚊既炒蛋，咦～係黑松露呀☺️三十幾蚊個早餐竟然食到黑松露炒蛋仲要足料架。但聞落陣味唔重；食落堅係滑蛋，可能因為油都幾多下。個set包埋牛油餐包，都係用尼填飽個肚冇咩特別。仲有個沙嗲牛肉米粉，呢個可以自由配搭要咩麵，好邪惡、好香口但真係好油呀，唔可以多食呀🙊另外仲叫左個炸魚柳餐，塊魚柳又係太油，所以用紙巾吸一吸，自我感覺好啲啦🙊魚柳皮脆可口、肉質嫩滑、新鮮即炸，值得一試。而麵包上枱時已經加左黃油烘左底👍🏼抵讚呀魚柳餐配左個沙嗲牛肉麵，上面係啲汁撈暈左既效果。

星期一晚難得放工早就可以同老人家黎食晚餐！ 到達時間係18:30 唔洗排隊 餐廳內都已經有幾個家庭用膳餐廳內環境舒適 夠光猛 四人坐卡位夠大夠闊 老人家都坐得舒服坐低就立刻有侍應奉上兩杯水同餐牌枱面玻璃下其實已經有兩張餐牌可以大約睇到餐廳會有咩類型嘅食物餐牌中嘅食物有好多類型 由中菜到西餐 咖喱到炒飯都有 價錢夠晒平民 老人家食得唔多 所以我地只係點左個黑松露脆蝦炒蛋飯同一條是日海鮮蒸魚作為一個碟頭飯份量相當唔錯黑松露炒蛋夠味蝦冇雪味價錢平民 價錢都包括一杯野飲同中湯 老人家想飲咖啡另外加咗錢 中湯表明冇加味精 都飲得出真材實料蒸魚就冇影到相啦 不過魚夠哂滑 仲跟一個飯同飲品 老人家食得開心又有得睇住電視食飯食到差唔多19:15開始多人我地就賣單走人兩個人兩個餐連飲品都係$122 出街食算唔錯啦服務都幾好 支持下小店

哩間黃金冰室係深水埗有兩間今日去食早餐火腿奄列+沙嗲牛肉米粉 配餐包 $31仿鮑魚絲火腿通粉 配煎雙蛋 餐包 $29普通茶記味道 正正常常 食到飽 幾抵食餐廳環境不錯 牆上畫啲畫幾靚

因工作關係，偶然都會來這附近吃東西。近日，這間「黃金冰室」憑著還不錯的食物水準和合理的價錢，成為了我與同事們近期的飯堂新選擇。 平日的午膳，總不成帶著大大部的單反相機去吃飯和拍照，所以雖然光顧過這飯堂多次，也沒有寫過它。直到最近的某個星期日，因為開OT的關係，獨自到那裡吃了一個午餐，才有機會寫篇有關這冰室的有圖有真相的文章。 吃的是數款周日午餐中的「蘿蔔炆排骨」午餐。這一次的午餐，是我幫襯過這冰室那麼多次以來最失準的一次，排骨尚可，但蘿蔔炆得明顯時間不夠，完全不夠腍，而且這天的招呼也不好。因為是星期日的關係吧，冰室中座無虛席，人頭湧湧，但店中的侍應嬸嬸又不足夠，所以無論下單、送菜都甚為緩慢，實在令我有點後悔為何在周日仍來和那麼多的街坊顧客來逼。 不過話分兩頭，在平日裡，這冰室是沒有這種情況的，而且這兒的「無骨海南雞飯」和「霸王雞飯」午餐都挺不錯呢！

晚上8:30叫外賣，兩個快餐，相距一條街，9:05追問幾時到，話已經送咗出去，9:30都仲未到，離曬大譜⋯⋯完全冇唔好意思。不知所謂到極點，最後取消咗個餐，自己煮個公仔麵冇咁嬲。放長雙眼睇下幾時執粒

星期六下午無咩做，當然係去tea下.我係老套鬼，都係鍾意炸下雞亦薯條今天行過來稻香呢邊見到黃金冰室🤭原來係到開左分店近黃金個間就幫親左幾次都唔知開左😝呢間分店比黃金大，坐得幾舒服wo.叫左普通雞亦薯條：雞亦脆，薯條係厚切粗薯另外仲叫左黑松露芝士雞脾😍個名好正夠脆，但略嫌雞脾無黑松露味🤣🤣野飲叫左凍檸茶同紅豆冰檸茶茶味有少少太濃，可能我地叫左少甜啦！紅豆冰太甜😝同埋多點冰同奶應該會好點😄埋單$69，正常價錢，值得一試

上openrice搜尋一下，就見到呢間新餐廳，係門口睇見價錢親民就入去試下啦，估唔到求奇搵食都有驚喜。首先，我同叫咗個生炒骨、鮑魚雞煲、牛尾煲、椒鹽鮮魷同薯仔牛柳粒，見隔離枱不停讚個豬手好味，我都忍唔住叫一個烤豬手試下，果然好好味，7、80蚊一隻豬手，仲好味過2百幾蚊嘅德國餐廳，4個人有湯有飯有野飲，埋單先係4百幾蚊，真心讚！大集團以外的平民小店，大力推介👍🏼