黑布小巷 (黑布街) (已結業)

喺旺角行到餓餓地最適合掃街，其實黑布街有唔少特色餐廳，有Knockbox、甜品店、安東奶奶雞，今次試新野食吐司😝《台式肉蛋吐司 $46》採用美國榖飼豬扒，質感嫩滑唔乾柴，金黃色半熟流心蛋幾有蛋香，脆口吐司配埋自家製醬汁，大大啖幾好食，好辣之人仲有另外2款選擇。《古早味蜜芋頭撈三色圓 $38》有芋圓、地瓜圓、紫薯圓，自家製口感煙靱，呢款芋泥比芋泥球好食，香味甜味都好夠，口感滑身，亦食到唔少原粒芋頭，相信會滿足到芋泥控～《原味芋泥球 $18/3粒》芋泥球可試可不試，雖然炸到熱辣辣，但食落有d乾，而且味道好似唔夠香。

今日下晝想搵啲興成食下，見驚OpenRice幫黑布小巷叫外賣自取有折扣（順便幫OpenRice賣下廣告廣告），就試吓呢間區內出名既黑布小巷👍🏻👍🏻👍🏻呢間舖頭主打台式吐司，同一啲台式小食，另外芋圓都好似幾出名，因為今日話咗食輕食所以都係叫個吐司算數🤦‍♀️🤦‍♀️咁就梗係要叫佢最出名嘅麻辣鬼椒肉蛋吐司🍞😍😍麻辣鬼椒肉蛋吐司 $48 （OpenRice:$39)最大既亮點就梗係個麻辣鬼椒醬，辣得來好開胃，佢又落得好多，好好食，另外配合里脊肉同蛋，成件事好夾😱😱整體來講10分出色，彷彿返咗去台灣食台式吐司咁，有機會一定要試💪🏻💪🏻

早晨喔 新既一日又要諗食咩好 咁就早啲介紹俾啲頭緒你哋✨台式肉蛋吐司 $46 首先ummm小編前排好鐘意用呢啲filter影食物搞到有啲難睇到吐司既材料🥺🥺🥺佢係有一塊正普厚度既豬扒 特點係勁淋身加上會瘋狂爆蛋汁既半熟煎蛋 令到成個吐司食個時都有蛋汁（超滿足🥰）成個吐司即叫即整 上菜時係熱辣辣 烘咗既吐司仲好脆口 係個𝐜𝐨𝐦𝐛𝐢𝐧𝐚𝐭𝐢𝐨𝐧係幾出色的痴上小店最貼心係會比手套你食 唔洗整污糟自己隻手🤣💛評分: 8/10🌟呢間小店位於巷子轉角位 算係比較難搵 加上堂食座位有限（只有四個）同埋位置都比較遜色（冇冷氣有時有小昆蟲飛過）住得近都係建議外賣買返屋企慢慢嘆或者坐低快手快腳食咗佢就走🤨食完一份都有啲滯 都係share吐司仲可以試埋佢啲小食/糖水 個日去食都好多人嗌🤣加上佢係💛店 大家都可以搵人去試下 支持下黃色經濟圈🥳——————————————————————黑布小巷 (旺角)旺角黑布街104號地下D號舖

朋友推介，即刻要幫襯下先！Join會員第一次order仲有85折，好多都已經係會員價，用唔到無85折，不過都夠抵·最低消費$150,另外不同地區既運費都會唔同，大家記得留言番喇！·•黑松露芝士飛驒牛竹炭漢堡($88)。個黑松露汁好正，超級香，飛驒牛都幾彈牙，不過個肉味有少少比黑松露醬搶咗🙈•台式芝士肉蛋吐司($53)。黎到雖然d芝士溶晒，好彩個吐司仲係好味，但就比個漢堡搶晒風頭😆•香煎雞胸田園沙律($68)。上次叫 @pickeat_hk 都有，一樣大大份，雞胸好嫩，好抵食👍🏼•桂圓杞子玫瑰三色圓(熱)($38)。姑姐話好食，芋圓夠煙韌星期六既lunch order，大約預1-1.5小時

未夠膽出街坐喺餐廳食飯，所以呢幾個月都係買外賣為主。對主要做堂食嘅餐廳呢講無疑係一份挑戰，而做開外賣嘅餐廳就多在競爭。之前睇片時睇到人哋點樣係一塊大鐵板度整好多份吐司，上網search下就bookmark 左呢一間台灣嘅吐司店。睇佢個樣主打外賣，應該習慣咗外賣嘅速度，或者唔使等好耐所以就去買啦。我比較懶買外賣通常用個鴨apps叫定啲嘢去拎，費事去到先叫，再等10-15分鐘。今次叫咗兩份台式蛋肉吐司，由於用apps叫嘅關係去到就已經整好喇。打開個袋有白色一包嘢放咗喺度，仲係熱辣辣嘅不過因為熱辣辣嘅關係你見到個袋因為水氣開始淋淋地。(可能整D 位比佢透氣, 好似D 雞蛋仔咁會好D?)個袋就睇完啦打開入面，兩塊麵包夾住咗豬扒同蛋，個汁呢比想像中多但係亦唔會話太濕啱啱好可以吊起成個吐司嘅味道。兩塊多士小小脆唔會太乾，唔錯。豬扒醃得好好唔會好鞋，都煎得幾香。而個蛋因為佢切開咗一半嘅關係蛋汁已經漏咗出嚟，呢個係我有少少傷心嘅地方😂 總結覺得呢個吐司可以係一個簡單嘅快餐，但係到男士嚟講就可能唔會飽啦。同埋如果可以加少少椰菜絲可能營養,色彩同口感可以再balance d。 疫情當中我哋更家要繼續支持小

台式肉蛋吐司雖然似餐蛋治，每樣都夠濃郁亦算足料，但味道就比較一般般，我覺得支持本土小店嘅話， ，可以一試。依家嘅價錢 ，我真心覺得偏貴。如果佢喺40蚊嘅話 ，就啱啱好啦 HA

Visiting Hak Po Alley for a Taiwanese sandwich is good enough as a substitute to a trip to Taiwan during COVID-19.This delicious Taiwanese Cheese & Pork Sandwich was freshly made upon ordering, and hence the sandwich bread was buttered and toasted nicely to give a crunchy texture.The melted cheese made a very delicious sauce for the sandwich. The grilled pork chop was so tasty too! No complain for this gourmet!

過左9點無堂食，無手冷下無幫個包影相。唔知麻辣鬼椒係咩椒，你唔會察覺到尐鬼椒落左喺邊度，因為已經同溶岩咁嘅蛋漿渾然天成。即使係後到自取，即使走到火車站前先食，個包仍然熱氣騰騰。平時唔特別食辣，但呢個包嘅麻辣度，會令我忍不住喺酷熱嘅晚上，一啖啖襯熱咬落去，又熱又辣，好自虐喉嚨，早知買支茶。豬扒軟熟且有兩分咬勁，果然係店嘅招牌菜。如果唔辣嘅都有優惠就好啦😆😆下次試埋甜不辣💪🏻。唔知點解玫瑰芋圓唔係openrice 自取選項上，唔通21:45已經賣完🥺？

自己一個逛街逛到肚餓，經過這裡決定買來簡單充飢，雖然小店面積不大，但食物選擇和質素真的不錯。台式豬扒蛋吐司 $58吐司的口味頗多，第一次來當然要試招牌豬扒蛋吐司！吐司外層烘得夠脆，豬扒很有鹹香又不會太油膩，吐司最大亮點就是很厚的流心煎蛋，咬下去流心充滿整塊吐司，加上甜甜的沙律醬，味道非常豐富，份量也算大，可以當一餐！

✨我好鍾意幫襯小店，除咗因為我好鍾意小食之外，係因為覺得佢地會比較多有誠意或新奇既美食，依間✨［黑布小巷］既吐司想試好耐，我發覺佢鋪頭位置真係好唔起眼，為咗食係要搵吓🙈⋯⋯.💬台式肉蛋芝士吐司 💰$53一份普通既三文治或者吐司，點樣會做到好食?對我黎講，依個吐司我覺得都唔錯，即叫即整熱辣辣，豬扒無咩特別偏薄唔韌，有蛋汁既半熟蛋加埋溶溶地既芝士同個醬混埋一齊，一口咬落去口感勁好，整體黎講食完好滿足仲要啲汁漏到成手都係🙈，雖然唔係咩特別既野，但係味道同口感都算好唔錯‼️（補充，係貴咗啲囉😂...試吓ok既）..

掛住台灣嘅味道，除咗平時經常見到嘅珍珠奶茶、牛肉麵同蛋餅，仲有早餐店嘅吐司同埋夜市小食，今次喺黑布小巷搵到呢啲味道😋•🥢 台式肉蛋吐司 $46吐司入面係豬扒同流心蛋，流心蛋嘅蛋汁係呢個吐司嘅重點，未咬落去已經見到蛋汁流緊出黎，咬落去好juicy，但蛋汁冇影響到麵包嘅質地，因為4面都烘到脆卜卜！豬扒一啲都唔韌，加埋自家製嘅醬汁，好夾，而且有驚喜！🤩•🥢 芋泥球 $18/3粒面頭炸得好脆好乾身，唔油， 冇影響入面芋泥嘅軟滑，芋泥入面仲食到芋頭粒，口感豐富🤤•🥢 桂花烏龍冷泡茶 $25佢地嘅冷泡茶係同「茶家宅養生茶」聯乘，無加糖同防腐劑。聞落好香桂花味，第一啖飲落就先有桂花香，然後就有烏龍茶嘅回甘，都唔錯😋

旺角有好多好味既小店，今日揀左黑布小巷。舖頭唔算大，但位置唔難搵， 就係黑布街街頭。因為即叫即做製，所以需要等10至15分鐘。- - - - - - - - - - - - - - - - - - - - 台式肉蛋吐司 $46因為外賣自取，食既時候已經唔太熱，但烘過既吐司依然脆，豬扒唔太厚肉質鬆軟加上流心蛋漿，如果趁熱食會更好，吐司可以encore再食。地瓜球 地瓜球比想像中大粒，淋左D，口感一般。淮鹽花技丸 淮鹽味道唔重，唔太鹹，味道幾好。

而家夜晚冇得出街食飯，唯有外賣自取，呢間黑布小巷嘅食物好高質，我哋都叫咗唔算少嘢，呢啲時期更加值得多啲幫襯。1.台式肉蛋吐司要試緊係試埋招牌菜啦！蛋汁多到要瀉出嚟，一食就入口即溶，再食埋肉，好match好好食，好似返咗去台灣咁2.黑松露芝士竹炭漢堡一食落同樣都有種入口即溶嘅感覺，包嘅外皮都好食好鬆脆，牛肉好香好嫩滑，非常足料，好彩係拎返去食，唔係都食得幾論盡😂 3.甜不辣炸得好香，比我想像中大塊4.海苔肉鬆地瓜球裡面都足料，都好食

之前已經幫襯過一次食佢嘅超邪惡𝚝𝚘𝚊𝚜𝚝，係就係幾好食嘅不過有啲膩，所以上次食飽到食唔落甜品，今次特登再嚟幫襯食 朋友推薦嘅芋圓～鋪頭位置唔算特別方便，名副其實係黑布街入邊嘅小巷～不過小巷入邊都有少少位置比大家坐低食😇整體來講，芋圓係幾好食幾有驚喜嘅，但整體定價比較貴。.been here to try their super evil and fatty toasts before 😆 but this time came to try their taro balls! not many seats at this place so prob expect to eat out on the streets or buy takeaway 🥡 overall, the taroballs are pretty decent but its slightly expensive ! definitely come and try their toasts as well 😊.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.2/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 6

今日同朋友去咗試黑布小巷，餐廳位置喺旺角，十分之方便易搵。黑布小巷係一間小食店，專賣台式吐司為主。今日我哋試咗留心芝士肉排吐司，因為吐司係即叫即做，所以要耐心等候。舖頭雖然唔算好大，但當日亦都有四名員工，而且陸續都有人前來朝聖，十分之受歡迎。因為舖頭只可以外帶，所以我哋只係叫咗一份吐司。吐司用咗台式嘅美拉茲，而唔係一般嘅沙律醬，味道甜甜地，有少少煉奶嘅感覺。建議大家趁熱食，因為芝士流心嘅時候先係最吸引。不過由於餡料太多，食嘅時候有小小狼狽，大家記住要有紙巾係身邊。整體味道唔錯，有台灣嘅口味，不過肉排較薄，價錢來講比較貴。吐司嘅外觀唔錯，打卡來講可以話係一個好好嘅選擇。黑布小巷亦都有其他口味嘅吐司，有機會嘅小編同朋友下次都會去試嘅。