黑布小巷 (黑布街) (已結業)

喺旺角行到餓餓地最適合掃街，其實黑布街有唔少特色餐廳，有Knockbox、甜品店、安東奶奶雞，今次試新野食吐司😝《台式肉蛋吐司 $46》採用美國榖飼豬扒，質感嫩滑唔乾柴，金黃色半熟流心蛋幾有蛋香，脆口吐司配埋自家製醬汁，大大啖幾好食，好辣之人仲有另外2款選擇。《古早味蜜芋頭撈三色圓 $38》有芋圓、地瓜圓、紫薯圓，自家製口感煙靱，呢款芋泥比芋泥球好食，香味甜味都好夠，口感滑身，亦食到唔少原粒芋頭，相信會滿足到芋泥控～《原味芋泥球 $18/3粒》芋泥球可試可不試，雖然炸到熱辣辣，但食落有d乾，而且味道好似唔夠香。