點一龍 (如心廣場一期)

營業中

休息中

由於接近做冬日子既星期六日晚上，餐廳仲有訂位服務及無限時催埋單，8人檯座位都算闊落，檯與檯之間唔會好貼出入起身去廁所容易，今晚點左冬季特別煲仔菜色，牛仔骨煲肉質好un難咬唔入味，炸子雞肉滑入味，炒4季豆夠味撈白飯好正，金沙蝦球西蘭花香口好味， 臘味飯砌得唔夠薄片，欖角冰梅骨即係排骨唔掂，大舊咬唔到，菊普茶位18蚊/位略貴，其他菜色都算可以，cafedeco會員有75折折扣，只限一次，今餐做冬餐算尚可以

之前試咗幾間點心放題，都唔係真放題。 但呢間係真放題。點心放題只限平日，即星期一至五， 我用餐時已經過咗午餐時間， 餐廳內冇太多客人， 去到已經有位。 店內闊落,企理是正 ,也坐得舒服。至於食物方面，好正呀！有蓮子蛋白杏仁茶，好耐都冇食過啦， 好香杏仁味。點心也不錯， 蝦餃和燒賣都大大粒， 鮑魚蛋撻酥的飽魚都大隻，點心足料。分別點咗三次，三次都到齊，唔使催， 啱啱好食得曬，唔做大嘥鬼。有加一服務費，每人埋單大約二百。佢哋的茶都好好飲。 下次咁啱經過都再食

點心放題 $188／2hrscp值超高 🥰點心超出色！！尤其是與蝦🦐相關的點心😋蝦餃皮薄，而且每隻蝦餃竟然有兩隻大蝦，超多汁🤩蝦春卷亦塞滿超彈牙蝦肉，是真的塞超滿！！一點罅都沒有🤣燒賣除了上面有蝦之外，竟然下面除了豬肉還有都有蝦！！這幾款極度推薦瘋狂再點！！😋而其他點心也在水準之上，甜品就稍遜，不過不失 🙈 而且每人都會送1款點心喔，可以選極品鮑魚穌或養顏燕窩撻😋 總結：超抵食點心放題😍小妹跟同事2人吃了20多籠點心🤭超回本  ，而且小妹跟同事平日食，人不算太多，地方闊落👍 點一龍 (如心廣場)荃灣楊屋道8號如心廣場一期地下G01A號舖

下午約了2位中學同學食點心放題，3個女子，食了接近30籠點心。香蝦粉絲蒸鮮魷冇味，牛肉球好咸，蛋煎糯米雞外層不夠脆，沒有腸粉。煎的食物好油，碟底沒有墊索油紙。皮蛋瘦肉粥不會好咸，粥底不錯。其餘的點心好味，尤其是甜品。最後有少少漏單。

今日同同事嚟試下點心放題，任食2小時，好滿足。第1輪叫咗蝦餃，燒賣，小籠包，鳳爪，魚肚，春卷，鹹水角。蝦餃，燒賣同春卷好足料，啖啖蝦肉，小籠包皮薄多汁。第2輪叫咗雞餃，紅油抄手，鮮竹卷，蘿蔔糕，花姿餅，紅棗糕，芝麻卷，果仁酥，馬拉糕，杏仁茶。甜品一般，冇乜特別。最後我哋食咗22碟點心(贈送1件燕窩撻同1件鮑魚酥)，真係飽到上心口。成人$188，性價比高。

上次假期來到時發現無點心放題，看見餐單上食物價錢頗貴，今日難得同兩口子閒日放假，馬上到荃灣如心廣場，首次試試食點一龍既點心放題！非常推薦...（供應時間：星期一至五 11:30 - 20:00）座位寛敝舒適，任食2小時價錢每位$188 另收 加一每位入座後可選一款燕窩撻 or 鮑魚酥推薦必叫點心晶瑩海蝦餃：大大粒蝦肉, 皮薄大蝦燒賣：蝦同豬肉比例剛好茶樹菌嫩雞餃：健康小清新味道奶皇流沙包：流心必試...雪影金腿差燒包：幾飽都食得落清灼菜心：清甜蔬菜叫左幾round，點心多到枱都放唔晒。十分回味，食到捧住個肚，期待下次再去！

真120分鐘點心放題上網搜尋有好多以點心為主題嘅放題。點一籠都算係熱門搜尋榜上嘅頭幾位。 平日放假中午十二點就去到，唔知係咪太早 人數寥寥可數，有一刻擔心係咪中伏😂一坐低就會問你要燕窩蛋撻定係鮑魚酥，我哋就揀咗燕窩蛋撻。燕窩好豐富好味道。跟住就開始叫點心，講真放題來講點心款式唔算太多，約莫只有廿款內。但份量就同你出面飲茶一樣一籠有三隻，隻隻都大大舊。下面逐款逐款講。大蝦燒賣好大粒 每隻都有隻蝦味道就中規中矩蝦餃 值得推介 好好食 蝦肉彈牙大粒鹹水角 即叫即炸新鮮熱辣牛柏葉同魷魚鬚，水準中高。最後二人一共食左廿五碟點心，打破個人紀錄，埋單$413兩位，出面飲茶肯定唔止呢個價錢，CP值高

鮮竹牛肉球：彈牙出到牛味，但大大粒！豉蒜蒸排骨：肥瘦適中！雪影金腿又燒包：料多味出，個人覺得偏甜！海蝦脆春卷：蝦多脆口，好食！晶瑩海蝦餃：皮薄蝦多夠鮮！蜜汁叉燒腸粉：皮薄料多，腸粉夠新鮮！以上咁食，環境清靜，聚舊吹水的確是好地方！

昨日10月3日，因阿媽不良於行，趁住放假，買啲點心上去佢屋企畀佢食，買咗春捲，蝦餃燒買，叉燒包，粟米蝦餅，金桔味排骨，外賣買咗返去點心形係熱辣辣，唔食由自可，一食把幾火，排骨老過我阿媽，叉燒包，係迷你叉燒包一共有三隻，啲叉燒柴到不得了，我阿仲話有枕怪味，蝦餃，嗰陣皮重厚過水餃皮，燒賣韌到好似塑膠，應該可以用嚟打乒乓波，最簡單嘅粟米蝦餅，都可以做到好似塑膠咁，唯一係春捲叫做正常啲，咁嘅門面加收咁嘅價錢，真係垃圾中嘅垃圾，一鑊過冇下次😤😤

見同事/朋友說這間點心不錯，於是去試下～真係好足料😂😂 不過如果平時散叫的還好，任食的話，會好快飽。。因為每樣點心都做到好 "實" 🤣🙈最後同朋友兩個都吃了好多。。。反而鮑魚tart 同燕窩tart 指定送，不過味道最唔吸引😖反而煎堆入面係紅棗泥來。。好驚喜😋😋👍🏻.訂位方面：book 位好煩，先網上付款，去到再開返出來比果邊掃code 認證～如果對泊車的朋友來講，會唔方便，因為無即日單泊車，而如心果邊唔收重印發票😵😵所以整個book 位流程都奇怪同唔方便～.

經過如心睇到有一個一人燉湯套餐，包一個小菜一個飯一碗燉湯，套餐$138，叫咗個XO醬茄子魚塊，燉湯係響螺淮山，我都知道食茄子同埋XO醬呢一啲嘢，一定係會好油嘅，咁接受嘅，呢個餸基本上諗住佢係好惹味，香香辣辣，但係完全係平淡，魚塊又乾，簡直失敗。燉響螺湯好濃郁，足料，食完呢餐飯之後，可能啲響螺味太搶，個口有啲好唔舒服感覺，飲茶都沖唔到，見天氣有啲乾，叫碗糖水比自己滋潤吓，就叫咗碗蓮子蛋白杏仁茶（$44蚊），職員放上枱，嗰刻我有啲呆咗，見到一碗漿糊嘅狀態，正所謂三行佬做門過得人都要過得自己，你比客人食呢個蓮子蛋白杏仁茶，但你比咗碗漿糊，你覺得過唔過到自己呢？我即管試吓，點知啲蓮子重要係酸嘅，真係好離譜。

點心兩小時任食,地方寬敞,服務就中規中矩啦,因侍應不多有時要等,但落單出點心時間很快,沒有留單情況,落第二次也很快送到,比較貴價嘅蝦餃都可以任叫,整體點心味道到可以,飯粥類沒本事試,唯一缺點腸粉及灌湯餃不提供在放題之內,如果有就最好啦,整體非常ok

星期六午市，一行六人飲茶，不料隔鄰檯有幾個小孩，不斷叫囂，令人非常頭痛。我們正在忍耐之際，經理主動好言勸他們控制音量，以免騷擾其他食客。該台食客離開後，經理向我們解釋剛才的情況，並細心地照顧我們的其他需要，例如給我們額外的座椅放背包，也提醒侍應為我們的點心分件，讓我們容易分享。真的感謝經理的細心服務。食物方面，比較推薦流沙奶皇包，非常夠熱，餡料也不太甜。另外焗叉燒包也非常好吃。其他傳統點心例如蝦餃燒賣的水準中等。

今天打算和家人前往荃灣如心廣場的點一龍餐廳嘗試點心放題，大家懷着開心愉快嘅心情前往，但是到最後感覺有點失望。我明白從事餐飲業者的忙碌及煩惱，但是等待時間頗長實在有點失望及難過，第一輪點心比其他輪點心等待時間非常長，而且已經多次向服務人員表示此輪點心仍有很多點心未到枱，但是一個札髻的男性服務人員表示即蒸點心會有點耐，但是當時已經差不多45分鐘左右，同時期表示其他客人與我們叫的點心有部分一樣，而其他客人入座時間較我們遲20至30分鐘，但是其他客人已經進食中，之後每隔10至15分鐘所得到的答案如岀一徹，最後差不多離開時才有一名應該是比較高級的女性服務人員（店長/經理）向我們詢問有什麼點心仍未到達，最後家人們表示非常失望後已離去。

雖然我們桌很明白中午放題時段很忙，但我們已經等了足足一個小時，第一張單的點心都沒有上來。追問了第一次，是女伙記，她說今天很忙要再等等。再等了一會，追問了第二次，是男伙記。他看到單子沒來也傻眼，也僅僅是傻眼，並沒有作為。中途點了四碗杏仁茶，還下錯單送錯桌，伙記態度不友善。比我們桌更晚進來的客人，跟我們點了同一種點心，別桌的也到了，我們桌的連影都沒看到。點一龍，很爛！不推薦！我們都不知道我們來是等點心吃點心？還是等空氣吃空氣？