點一龍 (如心廣場一期)

營業中

休息中

經網上訂座中午來到如心廣場這店，也試一試食物的味道如何。店內環境寬敞，有卡座有圓檯，待應帶我們到另一面入口的座位，那邊有落地大玻璃窗，可望到街外景致和天空，透光度十足，仿似身處戶外之感，令人放鬆，接下來慢慢享用美食。脆網海皇腸粉，油光滑滑的兩條腸粉，每條一開四，粉枝內包裹著香脆的油炸皮，油炸皮內包含大大隻的蝦肉，一口啖之，軟脆爽，餡料飽滿，口感十分好。晶瑩海皇蝦餃，一籠三隻，漲實大隻，雖然不算晶瑩剔透，但餃皮厚度適中，咬開餃皮，露出一大團蝦肉，粒粒彈牙。梨子鹹水角，用梨的形狀造成鹹水角，外皮軟糯，內裏餡料豐富，肉碎、沙葛、冬菇與蝦米碎混在一起，口感脆而不韌。杞子鮮蝦燒賣，黃澄澄的燒賣皮包著團團蝦肉，面層鋪有蝦膠，用杞子作裝飾。整粒燒賣吃的都是蝦肉，每粒都彈牙鮮味。乾炒牛河，河粉帶油光，豉油上色均衡，味香。牛肉嫩滑，銀芽爽脆，整體賣相佳，雖然是多油的食物但卻不會令人吃得滿口油膩，只是上檯時不夠熱度，吃時感覺微溫。

心血來潮突然之間Dinner時間想食蝦餃同燒賣😅 所以就同男朋友去左附近如心廣場食點一龍！荃灣區酒樓好多但類似呢類型既點心中菜館真係好小！又可以食到點心，小菜，炒粉麵飯，燉湯同甜品等等 應有盡有！⭐️我地分別叫左兩款點心，一個小菜同埋一個炒飯，仲有兩款甜品😗杞子鮮蝦燒賣🥢 晶瑩海蝦餃🥢燒賣係男朋友既之愛😌 佢地既燒賣餡料豬肉半肥瘦加左蝦，咬落都有D肉汁，味道唔錯！蝦餃都幾大粒，雖然皮唔算薄但粒粒都好飽滿好足料🤓彩虹百合炒蝦球🥢呢碟小菜既蝦球既份量絕對唔少，粒粒都新鮮爽口！加左三色椒，翠玉瓜，百合同菇一齊炒，真係健康又好食😋 新鮮百合好清甜，調味方面岩岩好👍🏻杞子瑤柱蛋白炒飯🥢呢度既瑤柱蛋白炒飯好特別，同埋料都係好多😆 不過佢用翠肉瓜去代替左平時既芥蘭/菜心莖，仲加左杞子去炒食落多左份甜味，其實味道幾好唔會太咸口感豐富左😆 但係如果用番芥蘭/菜心莖相信會更好😁 食飽左當然要食埋甜品先叫滿足😌原汁原味西瓜🍉糕🍽呢個西瓜糕就真係第一次見🤣 實物黎到同menu 上面既一樣好得意😆 下面係西瓜皮上面既部分就係用左西瓜汁同魚膠粉整成！食之前加少少梅粉，味道會更加清甜突出！楊枝甘露🥣 又係非常足料😆

我真的很喜歡嘆一盅兩件但我挺怕酒樓的嘈吵，自從有了點心專門店後便成了我飲茶的新兒。這個星期四的午餐就到了荃灣點一龍嘆茶，別緻的裝潢坐位舒適首印象相當不錯。茗茶收費＄12/位但我選的菊普則要＄18/位，價錢對不便宜但是絕對值回票價，普洱喝下去非常香醇菊花亦散發陣陣幽香，最重要是泡了多轉仍然非常味濃真的很讚。先上檯的是原隻鮑魚雞粒酥＄55賣相非常精緻用料亦屬上乘，鮑魚口感煙韌而且入味，酥底亦做得鬆化香口味道不錯。然後是我們飲茶必吃的晶瑩海蝦餃＄39，澄皮爽滑不黏牙內裏是滿滿的爽口蝦肉，用了非常新鮮但味道別具一格很有新鮮感。這一個醬皇蒸鳳爪＄30又是我飲茶必吃的點心之一，鳳爪炆的口感恰到好亦弄得十分入味，但跟蝦餃一樣味道與平常吃開有少許分別，但又絕非不好吃只不是認知的味道而已。最愛吃魚肚的我點了這客魚肚棉花雞＄44，大大件的魚肚索盡雞肉和冬菇的精華當然好味道，加上嫩滑雞件我挺喜歡這個點心。忽然好想吃叉燒包就點來掛爐叉燒包＄33吃，包身鬆軟內裏有不少的叉燒粒作餡，可惜醬汁不夠豐盛所以口感又點乾！最後點多一個紅棗北菇蒸雞飯＄50，天氣涼涼地吃個盅頭飯感覺好溫暖，飯粒口感挺爽加點甜豉油吃總是美味的

記低呢間餐廳一段時間，見網站可用積分，又行經附近，所以就試一試。平日幫襯，又算早食，所以不多人。餐廳環境唔錯，寛敞舒適。入坐卡位，看一看點心紙；先點大路食物，蝦餃，燒賣，菜，牛肉，粉菓等，再加上附送的乳鴿，第一輪的點心已經十分體貼味蕾，蝦餃，粉菓，牛肉及燒賣係十分札實，鮮味。第二輪就叫其他種類的，有蛋煎糯米雞，梨子咸水角，小籠包，蝦卷，素餃等….今輪就好，壞參半；除咗糯米雞及咸水角，其餘都一段，最失望係瑤柱雞粥，完全冇味，雞肉味同瑤柱味都唔出！最驚喜的有煎蘿蔔糕，新鮮熱辣，加上糕面有件小鰻魚，有鰻魚汁，十分好味，另一推介係薑汁馬拉糕；食落去以為冇乜特別，再食落去就食得出薑汁味！夠特別！雖然點餐紙未有腸粉，但種類都足夠了！

晚市想食點心。🐽仔提議*點一龍*。食點心必點蝦餃同燒賣😍。🥢晶瑩海蝦餃皮薄喊靚。啖啖蝦肉超足料👍🏻。🥢杞子鮮蝦燒賣用咗半肥瘦豬肉做餡。食落唔會鞋烚烚🤪。🥢XO醬煙肉脆脆炒飯炒飯粒粒分明。材料有油炸鬼。煙肉。菜粒。油份滲滿飯粒。非常惹味可口😍。原汁原味西瓜糕🍉為食妹👧🏻第一見食西瓜糕。外貌激似西瓜🍉。上枱超驚喜🤩。西瓜糕🍉用上魚膠粉同西瓜汁製成。店員溫馨提示。沾上小小梅粉齊食味道更加好👅。

望落去價錢好似OK，但係所有點心份量都好少，蝦餃得三粒，蝦餃皮蒸到爛晒，叉燒包俾正常嘅細一倍，變咗迷你叉燒包，一啲都唔好食，成個小籠包嘅size，所謂嘅棉花雞最唔掂，魚肚變成豬皮都算啦，最唔掂係啲雞，全部都係啲蒸到爛嘅雞絲，依家啲冰鮮雞30幾蚊都有一隻，唔明點解可以慳皮到咁樣，有乜理由得嗰幾條雞絲，跟住同侍應投訴，佢仲話呢個係好正常嘅，雖然佢到最後幫我取消咗，但係呢間嘢真係冇下次，啲嘢食完全縮皮到咁嘅份量同質素，餐廳環境同間茶餐廳差唔多

今晚同朋友行開荃灣西，覺得有啲肚餓，朋友想食點心，但係我有想食中菜，結果上網search咗呢間兩樣都有嘅「點一龍」，佢主打高質嘅中菜，款式仲要好多添！一於去試下啦一坐低店員好快就問飲咩茶，呢度有比較罕見嘅菊花茶揀，店員亦都好貼心俾咗個兜我哋洗碗筷，雖然啲碗筷都好乾淨啦，不過都係心理上想洗一洗，木系陶瓷碗筷，真心靚同埋有誠意。睇下餐牌先，食物種類都多，點心即叫即起！我地叫左晶瑩海蝦餃 $39同埋醬皇蒸鳳爪 $30 晶瑩海蝦餃好足料，肉質厚實，啖啖蝦肉。醬皇蒸鳳爪微辣，味道正常～翡翠黑蒜豚碎浸魚肚 $108 份量多的黑蒜、豚碎、秀珍姑，魚肚份量都多，魚肚爽滑，口感堅挺，索哂Ｄ湯汁好正。黑蒜豚碎味道正常，湯非常清甜！杞子瑤柱蛋白炒飯 $88 炒飯拿捏得唔錯，好乾爽又餘唔太油，粒粒分明，加埋啲蛋白瑤柱香，帶有清新嘅感覺，炒出來都超好味， 超好食！甜品叫左楊枝甘露（素）$38同埋香芒滑布甸$44。楊枝甘露以芒果汁跟芒果肉作基調，芒果汁十分濃稠，又不會過甜，有咬口的爆珠粒。值得一讚係芒果布甸中間有大量芒果肉，芒果控必定喜愛！成個餐份量都好足料，大家食到飽飽，這家可以翻兜！

荃灣的如心廣場差不多是荃灣的地標，所以到荃灣就過來如心廣場行下，順便食埋個晚餐，來到如心廣場，入門口已見到點一龍這間餐廳，有點心又有小菜，行完商場後，最後還是揀了食點一龍。餐廳裝修充滿了中國風格。既然有點心又有中菜，所以就每樣點一些喜愛食的。杞子鮮蝦燒賣，有三粒，肉質緊緻，口感帶點爽，裡面有蝦及瘦肉，很鮮味。醬皇蒸鳳爪，蒸得夠腍亦都較為入味。翡翠黑蒜豚碎浸魚肚，沙爆魚肚食落帶點爽，又有口感，及頗多的黑蒜、豚碎、秀珍姑，底下也有非常多的豆苗，整個翡翠黑蒜豚碎浸魚肚底下也有較多的湯，湯非常的清甜，和著配料一齊食，口感清新美味。金不換鮮魷蝦仁炒河，整個河粉面有芝麻、芽菜、金不換……等，鮮魷及蝦仁都較新鮮，整個河粉炒得頗香口。生磨芝麻小卷，平時較小食，黑芝麻有益健康，生磨芝麻小卷煙煙韌韌的，不會很甜，是一個健康的甜品。餐廳的楊枝甘露有很多的一粒粒的柚子肉及芒果肉，味道很香甜。

食過多間點心小店酒樓點心：勝記，翠園，新光，鴻星，花園，一點心， 添好運及各式古法點心小店等等...，但呢間經過好幾次，未有入去食過。今日去試試d野食，見價錢都酒店級數，點左普洱茶，茶都算是中上級數（口感滑既，基本普洱泡久了才有重一點的茶香），一籠杞子燒賣同金不換鮮魷鮮蝦炒河試試，喜出望外有料到，好夠杞子味道，燒賣皮唔乾，菇同肉唔會散開仲極為爽口彈牙有油份，食得出師傅有返咁上下，係即做即蒸既，【成風之斫】。但個炒河就唔係果回事了，酒店價錢街市大排檔味道，可能係主打點心店，上枱時發現黑色奇怪異物，之後同位帶眼鏡的女士講，立即換過碟，服務一流。但到第2碟食到一半發現碟內邊緣是有點黑色的鍋底油，食到8成發現1粒豆豉咁大既爐屎。問到令一位男服務員睇睇是什麼，但就沒有回應了。個炒河食到d油係炸過金不換才用筷子炒的，但無乜油香同有點油膩，蝦同鮮魷彈牙，蝦還可以但鮮魷無乜味，銀芽是爽口無青味知道是分開炒的，河粉上到色同有金不換的甘香味，但唔夠層次味道如落少少魚露炒可能會好一點。總體來說這炒河算是分開炒上碟的，金不換＞鮮魷蝦仁＞銀芽＞河粉上色落蔥。【美中不足】見意：餐牌寫為炒河沒分 乾炒濕炒之分，可試

早前朋友推介荃灣點一龍話幾好今晚剛係荃灣做嘢 咁就約朋友食 餐廳位於如心廣場 地方寬敞座位舒適夜晚竟然重有點心食 我哋即刻order咗蝦餃燒賣蝦餃皮唔算薄 不過咬落又係另一回事蝦好大隻又新鮮 重帶點湯汁 真心好味燒賣都唔錯 不過蝦餃更勝一籌秘方炆牛腩 肉質好香有口感又唔會太硬我哋再加多個金不換海鮮炒河廚師炒得好惹味又唔會太油唔錯 而且重有好多蝦同鮮魷 材料十足最後緊係食埋女仕至愛的甜品 叫咗楊枝金露 芒果香濃加入西柚 西米露整得出色朋友叫咗西瓜果凍 餐廳跟埋金梅粉上提升西瓜的甜味真係好夾 呢餐完全有驚喜

食物賀素不錯，欣賞炸春卷、龍蝦湯餃，蝦球麵也好好味，價格拍得上酒店，但沒有酒店級服務，另部份服務員(似主管)態度好差，可足以趕客。令人沒有賓至如歸的感覺，除非冇選擇，如果唔係都唔考慮下一次。

荃灣點一龍係我同家人定期都會光顧既點心小菜館。記得初初開業既時候主打全日供應高質點心為主，後來餐單好似豐富左好多多左各式小菜主食甜品，務求做到多元化各適其適。.同傳統點心舖頭唔同，呢間點心店行比較高級路線。由舊鋪搬左新鋪好一段時間，係如心酒店旁地方大左裝修再靚左好多。.鍾意餐廳夜晚去都可以食到點心同埋小菜1️⃣晶瑩海蝦餃 💲39 ⭐️4/52️⃣洛神仙子素玉餃 💲39 ⭐️3.5/5兩個人叫兩個點心剛剛好，海蝦餃大隻，真正做到皮薄多汁，因為我食嘅時候冇為意爆汁唔小心噴到對面嗰個成身都係🙉🙉。而洛神素肉餃睇相幾靚，紅紅地色，餡有粟米同埋有啲素肉喺入邊。但係呢個我覺得比較淡口，冇蝦餃咁出色。.3️⃣彩虹百合炒蝦球 💲108⭐️3.5/5小菜叫咗一個炒蝦球，雖然蝦球冇餐牌張相咁大隻，不過都爽脆嘅嘅。.4️⃣瑤柱XO醬煙肉脆脆炒飯 💲103 ⭐️4/5我自己一向都幾鍾意呢個炒飯，差唔多次次黎都有叫。因為佢有香口嘅油炸鬼粒同埋少少煙肉提味，炒飯都幾香口。.5️⃣原汁原味西瓜糕 💲44 ⭐️3.8/5西瓜糕賣相好靚，打卡一流，係一個有西瓜樣子嘅冰凍甜品，凍凍地係西瓜啫喱嘅口感。餐廳有提供梅粉提味，不過我自己就覺得原味好食啲，通

今日約朋友來如心一期的點一龍，在如心地下都幾方便，入到去都空間感十足，不會覺得迫，茶有不少選擇，我叫咗普洱味濃口感幾滑身好飲。最後我們2人就叫了點心，小菜，炒飯同甜品，味道不錯而且份量都不少。 首先來的是點心 : 潮州粉果和杞子鮮蝦燒賣，熱呼呼啖啖料夠新鮮好味，粉果皮夠薄身軟熟，燒賣入面的蝦都不少，豬肉又不會太肥。之後其他食物都來到，小菜 : 欖角冰梅骨，酸甜味剛好，骨不會太大舊，幾易食同入味。炒飯 : XO醬煙肉脆脆炒飯，份量的確不少，脆脆原來是油炸條切薄，炒得都幾香口。 甜品每款都好吸引，但比西瓜糕吸引了，就叫了楊枝甘露和原汁原味西瓜糕，仲有梅粉好特別，西瓜糕的西瓜汁甜度剛好，口感有點似大菜糕。楊枝甘露入面好足料，芒果好甜好味。

今晚食的是一間充滿中國古典風格的特色的餐廳，特色小菜及點心集合於一身的餐廳。Menu有很多菜式圖文並茂。先來個杞子鮮蝦燒賣，今晚來到這間點一龍，就是看上可以食點心又可以食小菜，所以先點兩個點心， 燒賣入口有少少爽，肉味很鮮甜，為今餐的 小菜點心展開序幕~~。醬王蒸鳳爪，不會太腍及太硬，腍度剛剛好，鳳爪很入味，調味甜中帶點咸，頗惹味！xo醬煙肉碎脆脆炒飯，炒飯裏面有油炸鬼，脆卜卜的，也有鮮蝦仁、煙肉、還有翠玉瓜、芫茜及蔥……等，炒得非常香口，配著各款配料，有多重的味道及口感，很香口美味！平時都有食這個小菜菠蘿咕嚕肉，配料與平時食的差不多，都是青紅椒、菠蘿片及洋蔥等，不過這個菜的菠蘿片都頗多，我都很喜愛食，咕嚕肉啖啖肉，好爽口，酸酸甜甜，好惹味！楊枝甘露面非常多芒果粒、柚子粒及還有煙靱的西米，口感豐富，酸甜惹味！香芒滑布甸上枱，見到芒果黃顏色的兩條小金魚，令人眼前一亮，好可愛，加上跟上的鮮奶，入口軟滑及有奶香，好精緻的一款小甜品！

行過如心廣場一期，見到依家裝修精緻嘅酒家，提供特色嘅點心下午茶，下午茶點心三層架套餐每位$128 ，兩位起。二話不說就入去試吓先！第一層-甜點心 斑蘭馬拉糕、果仁腰果酥、紅棗小魚子、芝麻小卷  馬拉糕有香濃斑蘭味，味道特別，另外芝麻小卷非常香濃黑芝麻，呢個傳統點心而家好少食到，所以真係好開心！果仁腰果酥係點㗎名物，每日即製所以入口鬆化香脆，而且唔會太甜，值得一讚。紅棗小魚指其實係紅棗糕，同樣好香紅棗味，用了充足。第二層-香脆點心海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子   我最鍾意食嘅係春卷，皮薄而且趣卜卜，包住大大嚿嘅蝦肉，真係超正。苦盡甘來係一個好特別又好獨一嘅自家製點心，個酥皮做得送花又好味，淡淡的綠茶味做到苦味所以係真係苦盡甘來嘅點心。第三層-蒸點心晶瑩海蝦餃、杞子鮮蝦燒賣、幸運小水母、蟹子小籠包蒸點心全部都做得精美，皮薄而且餡料充足，其中我最鍾意嘅係蝦餃，蝦肉大大粒又彈牙。原隻鮑魚雞粥  粥夠棉味道也好，鮑魚大大粒，好味呀！鮮蝦雲吞麵 雲吞麵嘅湯鮮甜，可以飲嘅靚湯，雲吞大粒他有多，面煮得剛好又彈牙！一絕。