點好味 (已結業)

點心店如雨後春筍,不時在餐廳搜尋中發現新開幕點心店,這家位處大角咀的都是其一,地點就在有幾家分店的點心居旁,老闆似乎蠻有信心跟其來個正面比拼。不知道是否客人都喜嘗新,點心居仍有不少吉位之時,這家新店卻只餘寥寥幾個位,我也被安排跟一位斯文女仕同枱,並不能獨佔一桌呢。茶錢來說這家是最貴的,每位收$3,不過卻是原個茶壺送上,就像酒樓一樣自斟自飲,這更像飲茶了。選了自己喜愛的香片,可惜茶味同是欠奉,更莫說茉莉花香了,總算是有點顏色的熱開水。這裡用上西式有耳茶杯,這方面更像一般酒樓,只可惜給了我一個崩口杯,可幸自己不是崩口人,問題就不大了;不過開業不久已出現如此現象,再過一段日子會出現鯊魚食具嗎??自己為了酥皮叉燒包而來當然不會錯過,這裡換上一個更漂亮的"雪影叉燒餐包"($12)名字,詩意得很。淺黃色包子上桌時香噴噴,出爐熱氣撲面而來,一夾下去感到其脆脆酥皮面,對辦! 大口咬下去,好熱!!再一次對辦!!! 正細意欣賞其美味時竟發現叉燒包裡面仍有些糊糊麵粉漿,我竟遇上了未熟的叉燒包?! 為免肚子痛就通知阿姐,站在不遠的老闆即時過來看看情況,即時再給我焗另一份。第二次相隔十多分鐘再送來,今次顏色比上

夜晚諗唔到食咩~突然醒起依度有間新開食點心既~就決定黎依間試下~兩個人~唔使排隊~good~!!!!入到去開左壺茶~香片~~~緊係呷啖先啦~還可以啦~之後就開始叫野食~叫左黃沙豬潤燒賣~黃沙豬潤腸~雪影杏汁餐飽~蛋煎糯米雞~仲有煎蛋牛肉飯~講下個黃沙豬潤燒賣先~佢D豬潤真係好好味~爽甜得黎好大塊~下面既豬肉亦都好夠味~黃沙豬潤腸亦都一樣~豬潤好食~腸粉皮都好薄~蛋煎糯米雞個蛋皮好香~入面既糯米雞唔乾~亦唔會太濕~平衡得剛剛好~煎蛋牛肉飯既牛肉好滑~一篤落隻蛋度~D蛋汁係入面流晒出黎~成碗都好香蛋味~雪影杏汁餐飽都好好味~入面既杏汁好香~亦都足夠~不過兩個人有三個飽都幾多下~因為食多過一個會覺得漏左少少~環境上我都覺得幾好~因為D位都幾闊落~而且服務幾好~見你無茶會好快咁幫你~衛生更加唔錯啦~話晒係新舖~地下好乾淨~同埋佢最貴個樣都係十八蚊~好抵~!!!雖然選擇少D~但係都係夜茶之選~

今日午餐選擇了吃點心。新開的點好味在點心居隔離，星期六要等位。看來點心都頗受歡迎，不過點心的選擇太少。茶錢3蚊，算是合理。不過卡位好闊，坐响度背靠不到椅背有點不舒服。試了幾樣點心包括土魷肉餅飯, 蝦餃, 古法馬拉榚, 杏汁包同蘿白榚。味道OK, 蝦餃皮薄蝦都相當大隻。馬拉榚很香軟好味。杏汁包太少杏汁，杏汁也不夠香濃。兩個人食七十多元，下次有機會再試叉燒包同糯米雞先。

埃華街又開食肆了﹐又係點心專門店?開正係點心居隔離﹐正面對撼﹐一定有啲料到啦﹐我地急不及待去試下先蛋煎糯米雞‥唔係好多地方可以食到﹐但我又超喜愛食﹐一見到仲唔即刻叫﹐好香口﹐外圍少少脆口﹐內裡仲有少少汁﹐唔會好乾﹐幾好味喎~~鮮蝦腸‥呢個有水準﹐皮又薄又滑﹐絕對做得好過好多酒樓﹐蝦都好爽口露筍蝦餃王‥蝦餃又係皮薄餡靚﹐加入左露筍除了多樣口感之外﹐仲加入了一份鮮甜叉燒包都要讚啊﹐包做得鬆軟﹐餡料夠多而且醬汁夠甜﹐啱晒我口味鳳爪排骨飯‥排骨份量都不少﹐用個瓦煲仔上枱又靚又精緻雪影叉燒餐飽‥墨西哥包面﹐熱辣辣﹐同叉燒包一樣的餡﹐好味道~其實我真的很滿意這一餐﹐因為新開張﹐老闆會走過來問下意見;他想堅持做到即叫即做﹐現在小試牛刀﹐試下個反應先﹐遲啲種類就會愈做愈多。我簡直覺得它有"添好運"咁有水準添﹐希望老闆可堅持﹐保持到水準﹐肯定能發圍﹐到時我地想搵個位坐都難啊~~

簡直係酒店級水準 超有驚喜已經試過兩次 每次都有驚喜 但一定要有耐性 因為慢工出細火 推薦 土魷肉餅飯...好香...大約有一至兩人份量 脆皮米網海鮮腸粉....幾特別從未見過....但略嫌米網有D油....但老婆鍾意食 雪影杏汁餐飽.....一定要試...好好食 香煎蘿蔔糕.....外邊香脆裡面軟 蛋煎糯米雞...幾特別....好香蛋味 蟹粉小籠飽...多汁..拍得住"鼎泰豐" 因為太好吃 所以每張相 吃到一半才記得影相 直得一試 晚餐兩人用了$108 價錢合理(茶$3)...一定再去試埋其他招牌菜