點子 (已結業)

首先，如果你冇耐性等，就吾好黎食喇。排隊20分鐘等入座... 入座叫野食都要等2:30先落單... 叫左日式芝士漢堡，只不過須要等三十分鐘...(真係算等得少，因為重頭氣個梳乎尼pancake 要等一個鐘起... 3:00先可以落單, 最快3:30 先有得食... 另外, 飲杯水都要自己去拿，吾知個加一收係邊個service。總括黎講，如果想消磨一整個周末既下午，強力推介比大家...

離晒大譜~ 3點去到同我講中場休息ok~要等十分鐘都ok~等到搭半(半個鐘)仲未有得落單 水又唔俾杯人飲 同我講係自助形式 又唔x知自己間鋪幾x細 好啦 跟住有兩個客人黎 個老闆娘又同客人講等10分鐘 咁即係當人傻仔啦~跟住有個男侍應無啦啦走黎同我講話可能要搭枱 個樣又x口x面 語氣又差 心唸落單啦xx!! 未試過咁燥!!

Have been waited outside one hour 😖. 在外面等了1小時。Waitress said need to wait for 30-40 mins for the order. 😭😪 店員說食品要再等30-40分鐘的。伏了💀☠️👽

難得朋友放假，加上佢又喜歡食pancake，於是我地山長水遠入左黎堅尼地城食點子。店舖裝修簡約，燈光柔和，絕對係聊天休閒的好地方難得入黎，當然要試下呢個出晒名嘅限時限量供應梳乎厘班戟 - $88⏳每日供應30份（3點、6點、9點各十份）等左30分鐘，終於有得食啦！班戟好鬆軟，有淡淡嘅蛋白味，口感算不算，不過味道一般，如果可以再香d就好！日式流心厚鬆餅 - 宇治綠茶配豆腐雪糕嘩，呢個鬆餅竟然要等一個鐘，真係嚇親😱完全無想過要等咁耐，一問之下，原來要焗晒所有班戟先開始焗鬆餅，所以要等一個鐘，心諗有無搞錯，呢間店嘅配套點解可以咁差？😵等到呆晒嘅鬆餅終於出場，流心程度不錯，不過綠茶鬆餅竟然無乜綠茶味，整件鬆餅只食到粉漿味同蛋腥味，味道怪怪的，除此之外，其他味道完全食唔出，真係完全唔知食緊d乜，呢個鬆餅可以話完全係伏😫😫😫最後有一樣要提嘅係，點解店員唔係落單時提醒每人需要order一件/一杯食品，要等我地等左30分鐘後先同我地講呢樣野？時間就係金錢，點解唔早講？

平日3點15分去到，估唔到要排隊。咁以為會好快啦，點知排左1個鐘先有得入。重點係一開始我地已經排第一個，即係係一個鐘內無人出過黎。後來終於知道點解要等咁耐，主因係佢出野食超慢囉！叫左梳乎厘pancakes 同芝士pancake，咁menu話要等30分鐘。咁理解既，點知等左成個鐘梳乎厘pancake先到  ，講講個pancake  同日本g字頭果間梳乎厘pancke比較 仲有好大斷距離，pancake  好濕而且無果種空氣既口感，講真比88元食2件質素麻麻仲要用2個鐘等待既pancke  唔多值囉。食完梳乎厘pancake 個芝士流心都未到，咁以為仲整緊啦，點知等左半個鐘先知佢漏單！真心火都黎！唔會再幫趁！如果大家有好多時間浪費既話，歡迎去感受下。

唔知幾時開始, 凡係d甜品有 芝士 / 綠茶 / 流心 / 紫薯 其中一樣, 就一定會好出名而位於堅尼地城既點子就有晒以上既野, 所以要係佢未係太出名之前食一次!今日四點半去到, 已經有7-8個人排緊隊原本話每日限量供應三十份既流心鬆餅 (3pm/6pm/9pm, 每一個時段十份), 但排到我地既時間已經剩返最後幾份. 賣晒就閂門所以建議大家最好早d去食, 同埋攞左飛就唔好周圍走; 因為排隊既情況其實好混亂侍應一個人要負責派飛, 帶位, 落單, 出餐, 收碟 同 埋單; 偏偏廚房就有五個人.....等左大概45分鐘, 終於入座!店入面環境唔錯,, 但就係好多蚊仔飛黎飛去宇治抺茶流心鬆餅配豆腐雪糕鬆餅既抺茶味唔算好重, 質地感覺似半熟蛋糕/心太軟, 超有空氣感~豆腐雪糕都好清新, 食完唔會太膩整體黎講, 食物既味道係唔錯, 會想下次再試其他甜品同咖啡.但排隊同食物既等候時間, 以及服務質素就有待改善啦~

山長水遠來到堅尼地城， 就係為咗試一試這個綠茶流心鬆餅。 是日是星期日，下午六點鐘去到，綠茶流心鬆餅已賣剩一件，十分好彩 。切下去，流心隨即湧出，係好勁嘅流心，可惜嘅係綠茶味不是太濃，甜味重而蓋過茶味，十分失望。可以－讚是，鬆餅十分鬆軟，流心蛋糕焗嘅時間恰到好處， 不要為抹茶而來就沒有失望。

見有幾個網站介紹有近期大熱Souffle Pancake，一心試試這間小店。開門後一陣子到達，只有兩三枱。餐室內氣氛怪怪的，老闆不斷指示員工整呢樣整果樣。枱上無食物飲品，食客們你眼望我眼。因不是在指定出爐時間，注定與Souffle Pancake無緣。失望下只點了一份普通Pancake及兩杯飲品。侍應指要等20分鐘，40分鐘後連杯的影縱也不見。三催四請下食物上桌，個碟好靚但Pancake竟是凍的，死死實實一點也不鬆軟。麥當勞的熱香餅比它好吃多了！

西環最近開左間厚鬆餅，作為街坊的一份子當然要支持下。平時餐廳唔需要等位，但最近U Travel介紹過，即刻變左長龍...由4點8去等位，等到5點半先入座。係輪侯期間，已經通知好多款鬆餅已經Sold Out，重提早5點就截龍休息.....網絡的力量真係恐怖。室內燈光同設計都幾好，環境好有Cafe的感覺。最大問題係好多蛟，係真係好多蚊。因為店鋪旁邊係一個小公園好多花草樹木，加上係一間甜品店，甜味所以引來好多蚊不斷圍住我地張台，好滋擾...去到我地可以選擇的只係得番朱古力同埋綠茶味，我地就選擇左綠茶味。點左單大約十分鐘就黎到，賣相的確唔錯。豆腐雪糕味道好清香，唔會太甜搶左鬆餅的味。豆腐味好香，唔錯。厚鬆餅中間有少少流心的感覺，但係冇流到成碟都係咁誇張。鬆餅味道唔錯，綠茶味好香，但唔會過份死甜。口感鬆軟，配上雪糕一啖熱一啖凍都幾得意。伴碟有楓蜜糖漿，加添了甜味，味道尚算滿意。總括而言，隨了等侯時間同衛生環境需要改善下，食物的質素上尚算理想。可以一試！

見到早前facebook有page介紹佢個綠茶流心鬆餅超邪惡超吸引，所以就算對於我黎講山長水遠都要黎拜訪試下! 餐廳唔算好大，座位唔多，裝修以淺黃色同木系方格做主調，牆身上亦都有一啲波點圖案配合番佢個名小點子，燈光柔和，幾舒服嘅感覺。專登入嚟食甜品，所以我地淨係order佢嘅甜品，冇食鹹食。今次叫左日式流心厚鬆餅-宇治綠茶陪豆腐雪糕同埋梳乎厘班戟。日式流心厚鬆餅-宇治綠茶陪豆腐雪糕，真係好好味!!!!!!! 極力推介，食完有好幸福嘅感覺! 首先佢嘅流心做得好好，堅流，充滿住濃濃嘅綠茶味，我覺得仲好過食心太軟。厚厚嘅鬆餅，食落口有少少蛋糕味道但厚實D，密度高D，同個豆腐雪糕一齊食又幾夾，豆腐味雪糕係真豆腐味，真係唔錯。連個碟都有佢哋餐廳個名，影相效果出嚟都幾靚，小店用心。梳乎厘班戟都ok，不過個人喜歡日式流心厚鬆餅多D~ 比起K-11個間，依款我仍然會揀K-11個間略勝一點。口感有少少紙包蛋糕味道，整體也ok!另外仲叫左杯earl grey tea，正常，沒有特別~ 有機會也會回來encore日式流心厚鬆餅!!!環境氣氛： ★★★★☆食物質素： ★★★★☆服務態度： ★★★☆☆

見附近開左間甜品店，一心諗住試一試。當我一入到去，見到位店員掛住篤手機，而另一位店員則掛住禁電腦，我地入去都冇抬起頭望過。我地坐底之後，水都無杯，一啲招呼都冇，本身禁手機個位店員只係行遠其他地方繼續禁，最後我地就走左，唔幫襯。

秋風起，身邊的朋友接二連三嚷著計劃十至十一月去日本旅行賞秋葉的行程，其中不乏討論之一就是要去東京那個有不知幾多層高的厚鬆餅餐廳朝聖。個個都未出發就先興奮，只有得個「恨」字的筆者，唯有起他們未出發前就早著先機，在香港找處可以吃厚鬆餅的餐廳，望梅止渴。位於西環山市街新開的小型Cafe，正正以厚鬆餅為賣點。室內一片鮮黃色與淺木系的裝潢，與鬆餅原有淡黃色的色澤不謀而合。透明的膠背椅、鮮黃色的長沙發、淺木系的枱面，襯上簡單的獨立燈泡吊燈，設計元素簡約，柔和卻不失鮮明，很有獨特性。餐牌同樣以黃色為主，分設有午餐和下午茶餐，另外的主餐牌分有主食班戟、日式流心厚鬆餅、漢堡配沙律薯條、沙律、蕎麥麵、分享小食和甜品班戟。至於飲品方面，則有咖啡、特色拿鐵、味道咖啡、熱茶和點子特飲。炸粗薯條配咖哩蛋黃醬($38)下午茶餐一共有六款，大多是炸物配沙律口味，最後點了炸粗薯條配咖哩蛋黃醬。用木盤盛上的粗薯條，份量挺多，但醬汁方面計比例似乎又少了一點。粗薯條不見得明顯地粗，與麥記的size相若，外表淡黃偏白，略嫌可以再炸耐一點，不過卻欣賞薯條炸得夠乾身，條條長立而不腍，入口啖啖薯香，咖哩味屬於日式香辣偏甜的那種醬，和