點心盒 (已結業)

小餐館坐得舒適，食物精緻，lunchbox用心製作，味道和服務也𣎴錯！和朋友聚會聊天沒時間限制太開心了，地點也方便，吃飽－起去shopping ，會再去吃，推介👍👍👍

經過幾次都唔多人，今日walk in 試下喇橫掂自己都中意食點心。2個人叫左4樣野：蘋果流沙包，花之戀（蟹籽春卷），椰皇花膠保養生燉湯，同埋招牌黑豚肉叉燒有機蛋飯。茶就揀咗香片。首先要讚嘅係個蟹籽春卷，春卷入面係有蝦，外脆內軟，都夠味。個流沙包好流沙，一咬係噴出嚟嗰隻，雖然我就唔覺得有蘋果味，不過男朋友覺得有蘋果味，所以見仁見智啦。椰皇花膠燉湯都幾好飲，最後啲椰果肉可以一次過成塊甩出嚟。不過有啲貴，$168未加一係一個椰子既份量。但係招牌黑豚肉叉燒飯真係好一般，其實就係加大版黯然銷魂飯，叉燒完全唔軟熟，硬繃繃，而且每一嚿都有筋咬唔爛嘅，唔明點解可以做到係招牌🤔除此之外，茶壺入面係3塊普通茶包，顏色就夠既但就完全冇香片味。BTW餐廳驟眼睇好似好乾淨咁，但係一用紙巾抹下啲餐具，無論筷子定係茶杯，都抹到啲啡色嘅嘢出嚟，個筷子好似甩色咁，但茶杯都抹到啡色就感覺好似擺咗好耐好多灰塵。6:00左右食咗大概一個鐘都係得我哋一台客，可能因為我地早食飯～亦都可能因為得我哋一台客，上菜同埋買單都好快手😂

最近K11 musea開咗間點心店主打精美中式點心盒價格非常實惠 CP值好高餐廳亦有提供多款點心及中式美食質素同賣相都相當唔錯🔸點心盒·春 $128呢到嘅點心盒非常豐富，有點心拼盤、精選小食、鳳爪排骨蒸飯同埋精美甜品。點心拼盤有蝦餃、燒賣、蟹籽春卷同埋鹹水角。精選小食有青瓜雲耳同埋菜心。鳳爪排骨蒸飯亦都好有水準，成個點心盒嘅味道平衡得好好，而且相當健康。🔸花之戀［蟹籽春卷］$46師傅將頂部嘅春卷皮切成條狀再油炸，令到外觀好似一朵花咁樣，再喺面層鋪上蟹籽，賣相好吸睛。食落口感好香脆，但唔會好油膩，非常出色。🔸增城掛綠奶黃釀荔枝球 $46外觀睇落真係好似一粒荔枝咁，賣相相當精緻。食落外層好酥脆，中間有奶黃做感，口感外脆內軟。🔸和牛山煎包 $68上菜時用鐵盤熱住上保溫，相當貼心。包嘅上下兩面都煎到好金黃，食落外層香脆，包嘅質感好軟熟，內裡嘅和牛餡料爆哂肉汁，非常juicy。🔸京蔥爆嫩牛片 $168份量好多，絕對夠兩個人食。牛肉片炒完之後都好嫩滑，京蔥口感好爽口，兩者配合令口感好有層次。醬汁嘅比例都恰到好處，味道唔會太鹹。🔸脆香蛋散 $46蛋散賣相金黃香脆，加埋糖漿落去真係流哂口水。食落蛋味好

同朋友黎到K11 Musea 地鐵站出口行過去都好方便 係大商場既餐廳環境都好好 下午時間都係人唔多 岩哂我帶bb同朋友食下野花膠鮮蟹粉蟹肉羹🦀🍲呢個係季節限定既至尊系列餐牌 一見到又係毫不猶豫地同朋友講話我一定要叫呢個 一見到個名就覺得好吸引🤩 味道好好 好有蟹味 比個仔食又係不斷追住要再飲😋點心盒-夏🍱(包括點心拼盤 精選小食 蟲草花蒸雞飯 精美甜品) 呢個係佢地既招牌 佢地介紹呢個理念係一個創新既美食概念 將中式點心同便當盒融合一齊 以現代方式去體驗中國風味點心拼盤有最常見既點心-蝦餃燒賣咸水角 仲有名為花之戀既蟹籽春卷 蒜蓉拍青瓜好入味 仲有菜心有營養啊👍🏻甜品係杏仁糊🥣 好岩我口味 有啲杏仁味太重我唔得🙈 比左個仔飲 佢都好鍾意❤️蘋果流沙包🍏 睇張相就知我仔幾鍾意食包 用蘋果黎做個皮 入面係流沙 蘋果味如果可以重啲就好啦🙊增城掛綠奶黃釀荔枝球 呢個都係第一次見 賣相好吸引 外面脆卜卜 入面就係奶黃 好有新意😝香檳金蝦餃同黑豚肉燒賣點心盒的係一樣既 正常發揮😚