點煲 (星輝台智星閣)

營業中

休息中

星期六晚8:30pm左右入坐，侍應話儘快落單因為9:30pm 就收舖，呢度出名食煲仔飯, 8:45pm已經落哂單，小菜飲品到齊，但等左半個鐘都未見有煲仔飯上，忍唔住問侍應，佢話廚房煮錯左要重新整過😮😮，又等多十分鐘。奇就奇在8:30pm後只得另一枱人入坐，會有幾多單呢？侍應全部機械人咁木口木面，食完就拿拿聲走人👎🏻👎🏻

我和太太晚上8:30 落單 煲仔飯，等左35分鐘 追單，侍應話搞錯單 再做，結果45分鐘 先出菜。途中 木口木面，無笑容，態度差，趕收工。出餸慢。太古食肆多，大家無謂去一間食完激氣的店舖！

I’m crazy about clay pot rice. I taste all the Michelin stars, reco one just to find my crave but here is where that search is over. Clay pot rice is a unique hong kong food that is basic but so hard to get it right.Order their signature “煲仔飯” clay pot rice is a must. The essence is not on the topping you select but the rice and the magical combination of lard and soy sauce. Yes Lard! The evil ingredient that makes you feel backwards “live”. Put a few on the bowl and you got the most yummy clay

尋日我地一行6人去左呢間鋪食野，樓面得3個人已經見到佢地好忙，再加上客人不停甘舉手問野都表現出一種專業精神，言語雖然好急，但都快速解決問題食物方面就中上水平囉，有好有壞，我地點左3個二人餐，有湯，有小菜，煲仔飯，仲有燒雞。當中燒雞最為出色（ 時間容許的話可以選擇食燒雞）， 煲仔飯中規中矩，至於小菜（ 柱侯蘿蔔牛腩煲 同魚香茄子煲 ）就較為差牛腩唔夠諗，茄子油勁多到埋單嘅時候經理哥哥都好好人同我哋講， 呢度有啲糖可以隨便拎清一清個口腔， 能夠做到呢一點真係買少見少，大讚

香港食市服務態度差，已經出名排行第一，價錢又貴，品質差，難怪香港人北上消費，應該自我檢討！顧客入門口無人招呼，店員黑口黑面問一句答半句，滾水要求至奉上，如要茶須付費，燒雞要自己剪，太危險發生意外誰人負責？原本想加食物，但不願再留多一回，亦冇下次！

星期五自己一個喺點煲食飯，真係一個好享受！🥢 一入去就覺得好溫馨，裝修得舒服得滯。率先試咗碟花雕浸雞腎，估唔到咁彈牙，花雕味又馥郁，正啊！咁點少得嚟試下佢哋嘅招牌—備長炭火燒雞？👀 等咗一陣，隻雞熱騰騰上枱，仲帶咗班剪刀、手套嚟，意思係要自己剪，好有趣！雞皮香脆到嚟又帶少少甜，肉質鮮美、汁水充足，從來未試過咁好食嘅燒雞。再有，個煲仔飯都超級出色。我叫咗金銀蒜蓉蝦煲仔飯，飯香勁出，個蝦仁甜滋滋，同啲金銀蒜一撈，每啖都夾雜著香脆同鮮甜。食到底部嗰啲飯焦，真係幾正啦！🥘總括嚟講，呢間點煲嘅燒雞同煲仔飯都算係掂過吓，尤其係嗰烤雞，我一個人都輕鬆可以清曬隻雞，咁好食嘅嘢，下次一定要同班朋友一齊再嚟試下其他嘅菜式！

【點煲暖笠笠煲仔飯 好味但衛生情況要提升☹️】天氣最近開始轉冷中午都會想食啲熱嘢暖下個胃😋 我去過食《點煲》煲仔飯，佢嘅午餐時段都需要排隊，大約等10零分鐘先可以入座。本身佢問我哋四人會唔會分開兩個兩個咁食，但一齊食飯又好難share食物…後尾我哋講返唔想分開，佢就帶咗我哋去一張五人枱😂我哋四個人，點了一個二人餐+1個小菜再加一客青菜，大家都食到好飽！🐔老火雞腳湯因為本人真係好鍾意飲中湯，而且燉盅上嘅湯好似更加保溫，飲落真係幾舒服🥰♨️點心跟餐仲有一籠點心— 有啲🐷豬仔款或者🍄蘑菇包做人都幾特別，雖然都唔會話特別好食，可能都係造型取勝。🍆魚香茄子茄子真係好好食而且好夠鑊氣，上獲咋咋⚡️⚡️聲咬落口仲係熱辣辣、亦到非常惹味，有少少辣味，送飯好啱👍🏻🍲蘿蔔牛筋腩煲牛筋燘得幾腍，食落口係滿滿嘅骨膠原😆 蘿蔔熟啲會再好食啲不過都幾香嘅🍲臘腸潤腸煲仔飯而家已經好少食到臘腸同潤腸飯😹 臘腸我覺得都幾有鹹香，不過潤腸始終係內臟食落感覺有少少腥味…個人唔太喜歡。不過煲仔飯最正係煲底入面嘅飯真係有飯焦粒，脆卜卜好好食！同場加映雞油撈飯🍚邪惡嘅極致級別😈🥬青菜一客本身係嗌生菜單上賽後竟然見到有隻蚊係菜上面🦟🤢我哋

成日去太古城中心，經過都見到呢間，一直都想吓，今晚見到人排隊就同男朋友去食啦~首先我哋叫咗個陳皮鴨腿煲仔湯飯，另外見到最出名係30分鐘即叫即燒嘅備長炭火燒雞，所以一開頭叫燒雞之前，問咗位好人經理。佢話如果想剪嘅話可以幫我哋剪開隻燒雞，因為本身係原隻上。所以我地先決定叫。好啦，30分鐘之後隻燒雞到咗。我哋見到好吸引！就即刻叫另一位經理上嚟幫我哋剪。點知佢話呢啲我哋唔會幫你地剪架喎，你哋自己剪。哇200隻雞仲要收加一，幫客剪幾下雞都唔肯，咁嘅態度😅😅除咗呢個人之外全部都ok，大家可以試下的。

早排約左朋友, 試左佢介紹的佢屋企附近個間煲仔飯專門店。今次特別試左餐廳最新菜式, 備長炭火燒雞, 即叫即燒, 遠遠已經聞到香味，燒雞既外皮燒得好脆,咬落去卜卜聲， 唔使任何醬汁已經很濃香入味，已經好好食，見到差不多枱枱的客人都有點，點可以唔試。有趣的是，居然餐廳提供埋剪刀、手套和圍裙俾我哋剪雞, 感覺很專業(對燒雞)，十分有趣既體驗。另外也點了排骨煲仔飯，份量都算多，排骨香口入味，米飯間也滿滿浸透了肉汁香氣，每一口都吃到排骨，肉多骨少，也有脆口的米飯焦在旁，這是煲仔飯必有的，這令我很滿足。

餐廳位於太古，與地鐵站只有3分鐘步行距離，非常方便。「點煲」是港式點心專門店，店面非常易認，中國武俠風裝潢，周圍都有霓虹燈打卡位，尤其是「降龍十八掌」最為吸晴。餐廳的備長炭火燒雞有一道菜式遠近馳名，非常推介。鮮嫩的雞肉搭配備長炭的火燒方式，能夠保留雞肉的原汁原味。外表金黃酥脆，內裡多汁鮮嫩，啖啖肉，口感非常豐富。另外花雕浸雞腎有驚喜，雞腎十分爽口，散發出濃郁的花雕酒香氣，香醇回甘。餐廳有多款特色煲仔飯選擇，今次試了北菇滑雞煲仔飯。飯底有很多飯焦，金黃酥脆，上面鋪滿了滑嫩多汁的北菇和雞肉。入口時，米飯散發出獨特的煲仔香氣，北菇的鮮香和雞肉的滑嫩口感相得益彰。總括而言，如果你想品味道地的港式美食，這家餐廳絕對是你的不二之選。點煲 📍太古太古城道16號星輝台智星閣地下G1016-G1017號舖

放工與同事晚膳，想吃煲仔飯，去了太古太古城，港鐵太古站D1出口，步行約3至4分鐘。店內舖面頗大，座位寬敞舒服，環境清潔衛生，格調非常港式地道，感覺很親民舒服，室內的霓虹燈造型應景又特別，未到食飯時間，已經枱枱坐滿客了。菜譜很豐富，有港式點心、粵式小菜、海鮮、煲仔飯、長備炭燒雞、小食等，任客人自由配搭。一壺中國茶（鐵觀音）$14花雕浸雞腎$25花雕酒味香濃，雞腎肉質爽脆，調味剛好，是一道極佳的餐前小吃。豉汁鳳爪排骨煲仔飯$82熱騰騰上枱，開蓋時香氣四溢，鳳爪和排骨賣相吸引，排骨肉質彈牙多汁，鳳爪爽脆嫩滑。特別一讚飯粒分明，柔韌爽口，加上這店特製香濃豬油和豉油醬汁，好食到不能停口，筷子一挑，煲底的飯焦，真是有驚喜，久違的味道，正。備長炭火燒雞$198上枱時雞身正在散煙，小心燙手不能輕碰，果然是即叫即燒，是餐廳主打菜餚之一，雞身脆皮呈現金黃色，賣相很吸睛，店家很貼心用具齊全，有圖片教切雞法。皮脆肉質軟嫩多汁，啖啖彈牙，調味適中，雞味香濃，油脂均勻，真是飽足又滿足，美味。

This shop is famous for its claypot rice.To my pleasant surprise, the newly introduced bincho charcoal grilled chicken was outstanding. It was worth the wait of 30 minutes to enjoy this super yummy made to order grilled chicken. The skin was crispy. The chicken was full of flavour, tender and juicy. It was a most satisfying experience to cut the chicken yourself with a pair of scissors and enjoy the chicken right away.The claypot rice never disappoints. Tonight we had claypot rice with fres

After waiting for 40 minutes for a dish, which we were told required 30 minutes to prepare, we decided to call for the manager who informed us we just needed to wait. When we asked how long more, he impatiently asked if we wanted to be served a raw chicken. Five minutes later he sent his staff to let us know they had left out the order. No apology whatsoever - just stood at the cashier and pretended to be on his mobile. Never going here again!

住港島嘅朋友最近推介我地太古點煲，話一定要試吓招牌備長炭火燒雞😋去到見到裝修風格用咗霓虹燈，好有香港懷舊風格😎去到必叫一定係隻燒雞☺️備長炭火燒雞 $198期待咗呢個主角好耐😍除左限量供應之外，仲係即叫即燒👍🏻用炭火燒嘅雞外皮烤得好香脆！口感好似食緊薯片咁🤤雞肉鮮嫩又多汁🥹真係推介必叫！餐廳仲會有”剪雞大法”教你點樣去拆骨🫶🏻方便易學金銀蒜開邊蝦煲仔飯 $88煲仔飯落完豉油再焗一焗，即刻成個飯底都有飯焦😍米飯乾身又粒粒分明，配埋金銀蒜更加香口惹味👍🏻好食🥹🫶🏻自家製醬油手拍小黃瓜拼雲耳 自家製醬汁酸酸甜甜夾埋雲耳同青瓜一齊食好清爽，好啱作為開胃前菜！整體來講餐廳價錢唔貴之餘，又可以食到咁多高質嘢食，好啱一家大細或者同朋友一齊去食😆😋會再encore!

太古城星輝台智星閣地下有一間叫點煲的飯店，以煲仔飯和備長炭火燒雞出名。今日晚飯叫咗一碟青瓜木耳，青瓜係非常之新鮮爽口，酸酸的好開胃。來點煲一定要食燒雞，舖頭內見到櫃內吊住一隻隻光🐔，有客人點🐔嘅時候，就會立即攞去燒。因為用碳燒這種烹調方式，能夠賦予雞肉獨特的炭火香味和口感，等了約25-30分鐘，熱辣辣香噴噴嘅雞上枱啦，客人自己用剪刀剪開雞，雞皮不肥膩，金黃色、脆卜卜，雞殼裏面留有好多雞嘅汁，雞肉原汁原味， 十分美味。其實佢嘅煲仔飯都好正嘅，我哋叫咗金銀蒜蓉開邊蝦煲仔飯，啲飯唔會肥肥膩膩咁，飯係一粒粒有飯焦嘅，有專業水準，值得吃。食煲仔飯加杯普洱茶，真不錯。值得再訪。