點煲 (星輝台智星閣)

營業中

休息中

以為只有秋冬季節才有煲仔飯食，發現太古城這家‘點煲’後，相信一時興起，想食煲仔飯的朋友可以得到滿足啦！今天，家里的老中青3人，一起來此午餐👇提前訂位，中午早到，不用等位，裡面的環境不錯👍餐單如下 👇👇👇👇👇👇這家店除了煲仔飯，還有一些小份的飲茶點心供選擇，不錯👍發現特色- 燒豬油，侍應說是用來拌煲仔飯噠👇1）臘腸排骨煲仔飯 HKD 85.- 排骨入味，飯焦唔少，薄但偏硬，老年人食會辛苦啲，豆豉+秘制醬油+豬油，撈在煲仔飯里，熱呼呼的，極好味！推薦👍2）油鴨脾雙臘腸煲仔飯 HKD98.- 臘腸受歡迎唔使講，油鴨脾似乎應該冬天食，這隻鴨脾蒸得火候OK，肉唔鞋，但臘味不夠，不如上面的臘腸排骨抵食。3）三份小點心 @HKD28.- x 3- 酥炸鳳尾蝦春卷 ：麻麻，too oily，小小蝦- 薑蔥牛百葉：大堆的蔥絲，小小的百葉- 五香金錢肚：普普通通，墊底的豆腐泡好食茶水要單叫@12蚊/位，我們要的普洱，原來只是泡茶包，加水還算勤，ok喇帳單好任性👇，沒有明細，只有總額💰無論如何，對這裡感覺還不錯，應該會再幫襯😍

醬油皮蛋 $15  - 先叫個小食開開胃先, 皮蛋質感軟綿彈牙, 配上醬油一齊食感覺唔錯。羅漢齌煲配金鳳白飯 $78 – 每次食中菜, 我都必定叫呢個餸,貪佢可以一次過食到唔同類型既蔬菜嘛 ! 呢個餸有好香既南乳味, 但可惜略為咸左D, 一定要同白飯一齊食, 否則淨食會覺得幾咸。 金銀蒜開邊蝦煲仔飯 + 馬友咸魚 ($98+20) – 蝦肉彈牙鮮味, 加上香味十足既金銀蒜同咸鮮風味既馬友, 所有既香氣全部滲入去有微微飯焦既白飯當中撈埋食, 已經好正。枱面仲有自家制既豬油同醬油任用, 如果想增加煲仔飯既香味, 不妨一試。點煲 (星輝台智星閣) 太古太古城道16號星輝台智星閣地下G1016-G1017號舖港鐵太古站D1出口, 步行約3分鐘

太古城最近開左間以首創備長炭煲仔飯作賣點既餐廳，除左招牌煲仔飯外，仲有點心，海鮮等食物可供選擇餐廳以武俠小說為題材，入面裝修亦都好有特色，感覺就好似去左舊時既客棧咁鴛鴦腸煲仔飯臘腸潤腸真係煲仔飯缺一不可的，兩款腸既油脂係煮既過程慢慢滲入落個飯到，淋上秘製醬油，唔怕肥既可以再加d自家製燒豬油，香氣昇華，飯焦香脆梅菜扣肉煲仔飯備長炭煲仔飯，追求準確火喉控制，除左能鎖住食物既原汁原味，仲令每粒飯都均勻受熱，形成薄脆既飯焦，扣肉一層肥一層瘦，真係好味又邪惡點心點了懷舊潮洲粉果同真係冬菇包，上枱既時候熱辣辣的，味道就不過不失整體黎講煲仔飯係做得不錯，疫情下都有好多人外賣煲仔飯，因為係連煲一齊攞走，所以價錢係包埋煲既按金的，太古城食煲仔飯餐廳唔多，加上港人又鍾意食，真係絕對有得做！

沒想到午餐都會去咗食煲仔飯☺️，呢間新開業無耐嘅煲仔飯店，又幾夠潮，裝修好有特色，除咗有常規港式煲仔飯口味之外，仲有推出咗幾款出位嘅創意煲仔飯，枱上面更備有自家製豬油同豉油，保證一定令到煲仔飯更好食😋———————————————————————————🥢金銀蒜開邊蝦🦐煲仔飯💬開邊蒸蝦好彈牙好鮮味，金銀蒜🧄加埋蔥🌱嘅香滲入米飯🍚之中，食落滋味，加入豬油更有另一番感覺🤤.🥢芝士櫻花蝦金蠔🦪銀魚煲仔飯💬呢一款個味道十分複雜，選用飽滿嘅生曬流浮山金蠔🦪，加入唔覺太膩嘅芝士🧀，豐富口感嘅櫻花蝦同銀魚仔，絕對是超級精彩😀

開張第一天1月30日就幫襯外賣🥡點了主角 - 芝士櫻花蝦金蠔銀魚煲仔飯 + 四款點心🥟，煲仔飯連煲外賣🥘回到家還熱氣騰騰，加上芝士香味，令入垂涎三尺🤤飯粒分明，櫻花蝦配銀魚仔倍是甘香，但金蠔可能只是蒸熟，沒有香煎金蠔的鮮香，飯粒也過份乾爽而變得有點硬，這些都是扣分位📉點心份量偏細，但價錢不貴，可以讓顧客多試幾款吧😉之後再試過另一款煲仔飯 - 油鴨髀鴛鴦腸煲仔飯，這款跟上次的芝士金蠔完全不一樣，臘味油香滲透入粒粒分明的飯粒，令飯粒格外甘香，不得不讚肥瘦適中的鴛鴦腸，好味得想再添上一碗白飯呢😋上星期再給一次機會，還特意加了鴛鴦腸，但吃到一半發現沒有了其中一個主角 - 芝士🧀😂 退回瓦煲時告訴了經理，經理態度良好，大方承諾另送我一個煲仔飯，這星期經理果然履行承諾 - 送我一煲飯🍚😁沒有了鴛鴦腸的滋潤，飯粒仍是偏硬，是這個飯的美中不足之處😅但還是謝謝經理的慷慨🙏處理手法大方得體👍服務態度對現今所有服務行業至為重要，希望能保持水準，顧客會繼續支持的✌️

太古分店繼承備長炭煲仔飯嘅特式，店面裝潢將武俠小說同埋現代街頭風格混合，而且菜式多元創新，「籠」蒸「釜」猛值得一試。煲仔飯最好食莫過於脆飯焦，可遇不可求，但點煲火喉同埋米水比例都拿捏得宜，有黃金飯焦慢慢嘆。而且仲備有自家特製嘅豬油用黎調味，絕對估你唔到。煲仔飯款式有創新有傳統，有罕見的蒸大鱔，現場生劏，店內魚缸仲有淨化功能，難怪鮮味十足又嫩滑肥美；不得不提芝士配櫻花蝦煲仔飯，似乎更岩年輕人口味；豪華嘅海膽安格斯牛肉煲仔飯真係未食過，中西合璧又有格調，味道亦好夾。除左煲仔飯，仲有一系列精品點心，即叫即蒸。其中，薑蔥牛柏葉食到齒頰留香，懷舊臘腸卷食到濃郁肉味。賣相一百分得真係冬菇包，真假難分，菇包都好食。唔怕辣可以試埋三星蔥黑胡椒包，淡淡蔥香一試著迷。

Since there are not many dim sum places in Tai Koo, this shop happens to be very popular since its opening. So, my family also decided to give it a try.There were nice staff and good looking food. However, the taste and portion are not as decent as their decorations and services. I would prefer to go to an ordinary yum cha place instead. Nine dishes couldn't fill the tummy of two adults one child. If you are looking for a comfortable place, it is ok. But if you are looking for satisfactory dinin

返工最期待嘅一定係每日lunch time同班姊妹嘅講是非時段啦！喺太古城返工嘅我哋，發覺食嚟食去無咩新意，終於等到有間新開嘅餐廳，好感動呀！呢間新開嘅餐廳主打點心同煲仔飯，所以餐廳名夠直接，就叫點煲！點煲作為港式食店，就連餐廳嘅設計都以香港功夫為主題，夠晒貼題又獨特。芝士櫻花蝦金蠔銀魚煲仔飯煲仔飯即叫即整，所以製作需時，啱晒我哋邊講是非邊等上菜啦！煲仔飯用熱力均勻嘅備長炭燒，所以上枱嘅時候，唔使再焗，就已經形成飯焦。另外，餐廳亦大玩fusion菜，將芝士同櫻花蝦融入煲仔飯，形成拉絲嘅狀態，估唔到煲仔飯都可以同creamy畫上等號！而加入金蠔同銀魚，就令煲仔飯嘅味道更有層次，值得推介。當然唔可以錯過脆卜卜同焦香嘅飯焦啦！梅菜扣肉煲仔飯除咗玩另類嘅煲仔飯，一啲傳統嘅煲仔飯呢度都有，我哋就叫咗梅菜扣肉煲仔飯，扣肉係薄切，一層肥一層瘦，入口即化！由於梅菜扣肉嘅調味已經十足，我哋就覺得唔使再額外加豉油，反而可以加啲豬油，令飯嘅油香滿溢，雖然罪惡咁十足，但真係好好味呀！清蒸游水鮮筍殼魚平時酒樓先見到嘅大魚缸，估唔呢到都有！魚缸內除咗有新鮮嘅白鱔，仲有筍殼魚。新鮮嘅魚最啱就係清蒸，加少少豉油，就食

年初四 四大兩細 叫咗三個煲仔飯（臘鴨鴛鴦煲 臘味滑雞同安格斯牛肉窩蛋飯）一個開邊蒸蒜蓉蝦 另外一啲小吃（雞腎、金錢肚）點心（叉燒包）五伯幾蚊埋單 包括$120嘅按金 退還煲嘅時候可以攞返錢 即係實際$450左右因為知道佢要一個鐘左右時間預備 所以提早電話預約 同佢預計嘅時間差不多已經準備好 煲仔飯唔錯 價錢唔算太貴 值得一提嘅係窩蛋牛肉飯拎到返屋企隻蛋已經熟晒 呢個建議堂食 反而小吃點心一般 因為太古城呢類選擇唔多 所以鍾意食煲仔飯嘅可以一試

亂到九彩，之前已經聽人講等好耐，今次諗住一早訂定，點知都係去到先整。唔想害人，大家如果唔介意等30分鐘以上，就隨便去。講返食品質素，一般，唔算好突出，性價比唔值。

好耐冇食過煲仔飯，見佢新開張，所以就過嚟試吓，估佢唔到仲有點心食。叫咗4個點心，同埋一個煲仔飯，埋單$322，真係好貴。燒賣3粒，牛肉球2粒，叉燒包2個，金銀蒜蒸排骨6-7粒，味道都係ok既金銀蒜龍躉煲仔飯要成$130，普通一個北菇滑雞煲仔飯都要$80🤦🏻‍♂️排骨同埋龍躉煲仔飯都落咗金銀蒜，即係生蒜同炸蒜，味道真係好出，落埋秘製豉油，好味嘅，自家製豬油就真係唔敢試啦。煲仔飯亦都有應有嘅飯焦，值得一讚，但係價錢真係要講多次，真係好貴，都係自己整啦。

好差，點心一般，不過這個價錢不能要求太多，但煲仔飯真係不能接受，激發我第一次寫負評。啲飯比隔夜飯更硬咁乾，基本嘢都做唔好，究竟佢地有冇人試食，先至賣出街，我現在要隔水蒸5分鐘才可入口，免得浪費

見到呢間煲仔飯新開張無耐，但係門口都已經成日有人排隊，鍾意試新嘢嘅我就貪得意去買個外賣黎試下啦。估唔到佢主打煲仔飯之餘仲賣埋點心，全店嘅價錢都偏貴。前菜——花雕雞腎（$15）雞腎食落好爽口，唔會好韌而且好香花雕味，不過唔鍾意花雕味嘅可能會覺得有啲苦，成碟份量唔算多，都幾好食。點心——陳皮牛肉球（$22）牛肉球比平時食開嘅細粒啲，一客有兩粒，計返一粒$11都幾貴。食落口感比普通牛肉球實啲，牛肉味都幾香。點心——蟹籽香菇燒賣（$28）燒賣都係比平時嘅細粒啲，不過上面好多蟹籽！一咬落去就見到有蝦，然後就係冬菇同豬肉嘅香味，食落口感爽口彈牙，好味。點心——奶皇小豬包（$22）一客有兩個細細個嘅奶皇包仔，豬仔形狀都幾得意，食落餡料都幾多，啲奶皇唔係流心嘅，幾香甜細滑，唔錯。豉汁白鱔煲仔飯（$128）見到外賣紙上面放大左呢款煲仔飯嘅相，睇落好似好吸引就叫黎試下啦。拎到返屋企成個煲都仲係熱辣辣而且有啲飯焦，唔錯。成個飯份量適中，上面有四舊白鱔，啲魚肉都算厚，食落幾嫩滑仲有啲陳皮味，幾香。豉汁排骨煲仔飯（$80）本來係想下試鳳爪排骨飯，不過鳳爪賣曬，唯有試下排骨飯。啲排骨嘅調味同白鱔煲仔飯有啲似，都係

極度惡劣之餐廳，一片混亂，所有單錯哂，等了差不多兩個小時，要走埋鬧先會優先處理⋯所有人在餐廳等嘅客人都燥哂，漏單只叫你不停等⋯態度極差⋯⋯新開張已經七國咁亂，不知所謂⋯⋯所講炭爐燒，原來是電爐，一點炭燒嘅香味都沒有，騙人！就算幾好食，一定唔會再幫襯！亦不會推介！