點籽冰室 (已結業)

聽男朋友介紹筲箕灣新開左呢間茶餐廳嘅早餐好正，於是去左試‼️多士餐💓有4款醬揀( 煉奶/果占／花生醬/牛油),仲可以任揀其中兩款醬。我揀左果占牛油多士，麵包幾酥脆，好多果占👍🏻鮮茄蘑菇奄列配牛角酥，茄汁豆 💓啱晒素食嘅朋友，加$6仲有迷你火腿通粉添。奄列口感豐富，d茄汁豆醬酸甜可口，搭配蘑菇的嫩滑同牛角酥嘅酥脆，層次豐富👍🏻牛奶麥皮配雙拼三文治💓真係好夠營養又好味。麥皮煮得夠熟柔軟，牛奶香甜。芝士蕃茄三文治好充料，好滿足。呢個組合俾人感覺係有個美好一天嘅開始👍🏻熱檸茶+ 熱檸蜜+ 凍紅豆冰 💓熱檸茶同熱檸蜜酸甜度適中，提神解渴。凍紅豆冰清涼爽口，紅豆同奶嘅比例都好好👍🏻

今日唔想煮飯，就黎佐呢間冰室食晚飯；唔好睇佢裝修簡單，但食物出品絕對有質素。🩷三寶炒烏冬🩷炒烏冬茶餐廳都成日食，呢度用既就係煙鴨胸，餐肉，魷魚，好香口好惹味，最中意啲魷魚，夠晒爽脆，烏冬又唔會炒到好油，亦都唔會太咸，質感味道都岩岩好，唔會食完覺得好滯！🧡羅勒肉醬意粉🧡呢度既肉醬用佐牛肉同豬肉，質感口感更有層次，味道鮮甜，加佐羅勒好清新，肉醬份量好多，意粉沾滿肉醬，唔會太淋既意粉襯肉醬就至岩！💛冰室富豪炒飯💛話明係富豪炒飯，用料當然上乘，有鮑魚，珍珠帶子，蝦球，瑤柱，食材既咸鮮滲晒落炒飯入面，再微微打個芡汁已經好濃味，炒飯粒粒分明，好爽口，美味！飲埋熱檸水，熱檸茶，熱奶茶就最舒爽啦！

💓💓筲箕灣愛禮街既愛蝶灣商場一帶系平民美食天堂，今日食呢間餐廳裝修以綠色作為主調，經過既朋友仔真心要來試下。/////全日供應-咖喱牛肋條飯，充滿了香料的香氣，為牛肋條帶來了豐富的味道。牛肋條煮得恰到好處，肉質鮮嫩多汁，與咖喱汁的搭配完美。配上香噴噴的米飯，適合喜歡濃香口味的人品嘗。。/////全日供應-豬扒湯意粉配菠菜炒蛋及餐包，豬扒煎烤得金黃酥脆，肉質香嫩。湯意粉入口滑嫩，湯汁鮮美，與豬扒的肉香相互融合。炒菠菜為整道菜提供了清爽的口感，而餐包則是搭配這道菜的完美伴侶。。🍚🍚超級MATCH。🦐🐟飲品：熱檸茶🐟熱奶茶🐟食物質素高，令我地今個週末可以大快朵頤，成個安排妥當 舒服👍🏻!

放咗工，同老公係點籽冰室食晚餐，嗌左一個小炒飯餐和一個全日餐。小炒飯餐夠量夠，炒得又靚。全日餐大份又扺食。晚餐小炒超靚點籽小炒王用韭菜，煙鴨胸，餐肉，魷魚🦑一齊炒，又香又惹味。嫩綠的韭菜，怎樣肉色嘅鴨胸肉和餐肉，魷魚顏色非常吸引。每一種食材都有不同口感，鮮味又有咬口。配上又香又軟熟嘅白飯，超正晚餐！豬扒湯意粉配菠菜炒蛋及餐包。晚餐都有餐包食👍，餐包暖暖哋又軟熟，夾埋菠菜炒蛋一齊食，味道更豐富。大大碗豬扒湯意粉，意粉份量非常多，豬扒又腍又鬆化，好好味！

屋企人話呢間冰室抵食夾大件，嘢食都整得幾有誠意，就等我趁今日返晏，落去食個常餐試試係咪真係咁掂先😆✴️熱奶茶✴️一間冰室嘅靈魂一定係茶底，飲熱奶茶就知冰室嘅質素🙈依杯奶茶好香醇，茶味濃郁帶茶澀味，飲完有回甘嘅餘韻☕️✴️羅宋湯通粉✴️平時食其他冰室/茶餐廳嘅羅宋湯通粉邊會有咁多菜🫢一定用咗好耐去煲先會令到啲菜吸收哂湯汁，配埋通粉食好舒服☺️✴️瑞士雞翼及餐包✴️雞翼入哂味，一咬就骨肉分開，好滋味！餐包軟熟，仲有少少餘溫👍🏻

約左朋友係愛蝶灣商場食下午茶，餐廳係商場地下，非常容易搵。餐廳食物真材實料，原汁原味好好食。室內裝修以白色，綠色和啡色為主調，完全係自然系色調，柔和得來又夠突出，俾人嘅感覺好醒神好舒服。🍗下午茶-瑞士汁雞髀配薯角，大大隻雞髀用瑞士汁熬煮，甜甜地好滋味，雞肉🍗又滑又多汁。🥔薯角新鮮即炸，又香又脆，入邊薯蓉軟綿綿，外面脆卜卜，滋味無窮。咖喱牛腩撈丁，咖喱牛腩已經超惹香，咖喱香味十足又夠辣，滿足晒鍾意食辣嘅我。咁邪惡嘅食物再加上撈丁，邪惡增加10倍，但滋味增加20倍😎，要人可以點樣唔食。而且牛腩肉大大件仲炆得好腍，入口溶化好易咬開。凍紅豆冰，紅豆🫘主導軟綿綿，加上椰香十足嘅椰漿汁，清甜又好味，飲落去冰冰涼涼，每一啖都食到紅豆粒粒，好滋味！熱檸水，食個撈定食到好飽飲番杯酸味十足嘅熱檸水即刻消滯。

最近發現屋企下面開咗間新冰室，作為街坊嘅我點可以唔試呢😙咁啱今晚無煮飯，同媽咪去撐枱腳先🫶🏻⏺️羅勒肉醬意粉⏺️份量好驚人，肉醬鋪滿成個碟，crazy!肉醬酸中帶甜，肥瘦肉適中🍝意粉都幾彈牙，兩者撈埋好開胃，欣賞😘⏺️啖啖肉無骨海南雞⏺️媽媽食海南雞再配飯🐓雞肉無骨啖啖肉，有雞味唔會有雪味，加上真係好滑同多肉，CP值高!食雞點薑蓉好夾，撈飯食更加正，搞到平時唔係點食飯嘅我都忍唔住食咗半碗🤪由於嘢食真係太大碟，我同媽媽都食剩一半，又可以帶返屋企聽日當午餐😆好味、大份、選擇多、價錢平，真開心屋企樓下開咗依間冰室😘

今晚無煮飯，又唔想求其食碗麵咁無聊，決定去點籽冰室食飯🍴 點籽冰室係筲箕灣剛開業嘅餐廳，成個感覺都好新好乾淨，中西式餐都齊集，我哋兩個人今晚就嗌咗：✅點籽小炒王食小炒王最重要係火喉同鑊氣🔥點籽小炒王就絕對做到依一點❗️韭菜清新脆綠、煙鴨胸同餐肉鹹香十足、魷魚有咬口，佐哂成碗飯綽綽有餘🍚✅雞扒拼鮑魚嗌咗個鐵板餐，上枱時淋黑椒汁「咋咋」聲令人好想快啲食🙊唔好講笑，依個鐵板餐可以夠2個人食，你睇個2大塊雞扒就知，塊塊都大過塊臉❗️重點係鮑魚，依個價錢竟然都有鮑魚食，仲要係成隻上，真心誇張💥食到好飽，點籽冰室將會成為我哋嘅食堂，抵食又大件‼️

香港地太多美食了，真係唔知食邊樣先好，今次終於有機會去依間勁多😋評價的點籽冰室食。羅勒肉醬意粉其實個份量我覺得一啲也不迷你👍🏻，肉碎同個汁嘅比例做得幾好，羅勒味道也調校得幾好，正常發揮味道，但記得要熱辣辣吃。一個女仔都可以食曬成碟~男仔就可能會唔夠飽了~真係第一次茶餐廳有得食鮑魚🦞😳我哋諗都無諗就即刻點一份試吓😂雞扒拼鮑魚（黑椒汁）好嫩好多汁好juicy🍗🍗煮得剛剛好，外皮煎香，肉質鮮嫩。份量十足很大塊，簡單的黑椒汁加上香脆的雞扒，已經很惹味。認真估唔到會出現鮑魚，呢個配搭好新奇!裝飾唔錯，店內裝潢帶點情懷、燈光都好足，環境寬敞。美食賣相好有香港特色，整體來講幾好，價錢又大眾化，性價比高，值得支持.

週末晚餐時段約左幾個fd 來食下呢間食dinner,地鐵站行幾分鐘就到。我地今次對所有食物都好滿意。⚓️一齊睇下我地食左咩:~~~點籽小炒王@@惹味嘅小炒王的確非常美味，超好餸飯！菜脯同蝦乾嘅香氣，令到整個菜式生色不少， 再加上腰果脆脆嘅口感，層次實在太豐富，好味到停唔到口！~~~羅勒肉醬意粉@@最令我印象深刻的就系呢個，肉醬調味不會讓人覺得heavy, 食起來不會覺得很滯, 讓人有驚喜!~~~冰室富豪炒飯@@非常足料，暴扣鮑魚，珍珠帶子，蝦球，瑤柱等等。~~~啖啖肉無骨海南雞@@好夠味，生熟岩岩好，非常嫩，全部既小食伴碟都擺得好精緻好整齊，令人賞心悅目。朋友仔都好鍾意呢度既裝修風格，好放鬆、食物都唔錯。

暑假放縱自己，瞓醒已經係下晝，夠鐘食下午茶😆見附近新開咗間冰室，嘢食款式都幾多，好似幾吸引😋一個人食但叫咗兩份茶餐，姐姐都話我勁😌叫咗《瑞士汁雞髀配薯角》同《華田脆脆西多士》，賣相好掂，一睇就知好食👍🏻瑞士汁雞髀🍗好厚肉大隻，瑞士汁滷得好入味，雞肉都滷到啡色，但又唔會太鹹😍薯角就即叫即炸外脆內軟，而且都幾大塊，下午茶必食🤟🏻作為甜品嘅華田脆脆西多士🍞好邪惡，多士炸到金黃色，面頭灑咗華田粉，額外仲俾多碗華田脆脆你自己再加，食到一半唔夠味就自己落，不得了😈食咗咁多肥膩野飲杯熱檸蜜🍋就perfect，解解膩又滋潤😍

又係醫肚時候，喺愛蝶灣商場呢間《點籽冰室》醫肚仔，嚐美食。呢間冰室保留左以前冰室嘅風味，餐牌食物亦好有冰室嘅規格，非常推介大家嚟食。餐廳嘅梳化卡座亦好有冰室風格。不論係美食或是環境都超級一流。三寶炒烏冬⭐️⭐️⭐️⭐️⭐️我係一個烏冬行，呢個三寶炒烏冬用咗煙鴨胸，餐肉和魷魚，超級豪華，淨係喺呢間餐廳先食到，簡直係超班嘅三寶炒烏冬，食到舔舔脷👅。經典羅宋湯通粉配瑞士雞翼及餐包⭐️⭐️⭐️⭐️⭐️酸酸甜甜羅宋湯，充滿蔬菜🥬🥯🥕🫑🍅滿滿纖維，鮮甜健康又好味。每一啖都係蔬菜嘅清甜味道，配上Q彈通心粉一齊食，簡直好似喺口裏面奏緊演奏樂。瑞士雞翼入晒味，瑞士汁同雞油混合一齊，又香又甜，濃郁嘅醬汁包滿喺雞肉表面，簡直係一個不可分離嘅完美組合。餐包香甜又鬆軟，再食多個都得呀！

早餐食麵就最爽架啦，香辣肉碎魚片頭湯米，香草炒蛋，牛油餐包，一個豐富全餐，炒蛋夠滑夠香，餐包夠軟熟，湯米好足料，辣肉碎有大大隻辣椒放湯，辣味滲晒出黎，魚片頭都好香好嫩，肉碎同魚片頭配米線真係好正，味道濃烈🌶️🌶️清淡啲既早餐就有牛奶麥皮配雙拼三文治，簡佐芝士蕃茄，牛奶麥皮唔會太甜，淡淡地稠稠地，夠晒健康，三文治既包皮好軟綿，芝士蕃茄都好新鮮，好清新既三文治🥪🥪熱氣啲既早餐就有多士餐，簡佐煉奶同花生醬，絕對係最佳配搭，多士焗得好脆，配上煉奶同花生醬好甜好香，奶香十足🥖🥖早餐最重要一定要有飲唔品，熱奶茶同熱檸茶都好飲，奶茶茶香奶香配合得好好，檸茶夠酸夠開胃☕️☕️

屋苑附近開左間新餐廳，見裝修幾文青，去支持下先（平時呢個係死位,較少人知道，希望佢keep到）坐得舒服，適合傾計閒日無咩人，叫左個下午茶-肉醬意粉（個樣一般啦，無特別）但食左幾啖發覺原來幾好食，先補返影相老公食 羅宋湯通＋瑞士雞翼＋一口菠蘿油（佢話ok) ，個迷你菠蘿油好cute, 幾脆

今日係好突然在外街就聞到呢間店抄嘢好香，咁樣我就吸引入咗去試吓食，嘩全部抄粉面都好好食，本人覺得非常值得超值，下午茶又平又好食，卡位又好坐，俾我感覺老板又好傾裝修又正最後最緊要所有野都食出驚喜