點鍋

營業中

休息中

火鍋湯底同食物款式多我地食雙拼鍋 壽喜燒拼蟲草花煲雞食食下先知，原來餐廳仲會贈送海鮮拼盤及冰鎮鮑魚又抵食，7點前離座仲有七折環境闊落，仲有私家廁所好乾淨值得下次再嚟！

有時同朋友行完街，唔知食咩又想坐耐啲嘅時候，就會想嚟呢度。上次去完尖沙咀行街都過返嚟呢度今次去完尖沙咀又係過返嚟呢度諗住食肉，就想打邊爐想打邊爐，就諗起呢度出菜快，質素又唔算差，份量又好多😂有是叫半份都比一份過嚟又無限時，又請咗啲特殊人士，佢哋都好勤力做野又快，呢度真係同朋友食飯傾計嘅最佳選擇。真係好鍾意嚟呢度，希望可以繼續維持吖💪🏻💪🏻

朋友揀左呢間打邊爐，一開頭睇到地址係兆萬，就有感覺伏伏地，但既然朋友揀左，就去睇下。可能時間太早，一枱人都無，都照入去啦。由於入去之前都有睇到呢度員工係聾啞人士，所以呢點都會加分。我地先揀左胡椒豬肚湯底，其他食物再用手機落單。豬肚同胡椒味一般般。入坐跟一個海鮮拼盤。由於太肚餓，落剩啲蝦先記得影相。其實係有帶子，蝦，鮑魚同蜆。除左蜆無乜味道， 其他三種都係正常。而牛就係一般既肥牛，同一般放題打邊爐差不多，頭一轉牛係好啲，之後呢...最值推係金沙魚皮，即叫即整，香脆而環境係闊落既，裝潢就地道啲。要比較美觀既環境就未必合適。

前日放完工同朋友冇嘢做，諗住去旺角劣食之塔兆萬試伏🤣，一搭完扶手電梯上二樓，就見到有間火鍋店，但係竟然晚飯時間七點鐘裏面一枱客都冇😨，非常清靜，但係我朋友話佢之前食過覺得ok，又見佢做緊85折優惠，咁就入咗去試下啦🤣入到去真係一枱客都冇，一開始都少少驚中伏，湯底都有唔少選擇，我哋就揀咗胡椒豬肚湯底，當我哋想叫員工過嚟落單嗰陣，嗰員工原來喺聾啞人士😢，之後老細同我哋講原來呢間鋪係專請啲聾啞人士嚟做，真係一間良心小店😭啲嘢食都好出乎意料好食，胡椒豬肚湯入面有勁多豬肚，胡椒味重，雖然打邊爐一定要食嘅肥牛呢度得普通肥牛，但係呢度嘅手打丸同餃子真係好好食，特別係個黑松露蝦蟹餃真係好好食😋😋見到佢咁少生意真係覺得好可惜，下次一定會再嚟食😋🤣

平日去咗兆萬食呢間，唔使排隊就有得入去 本身諗住都係普普通通打邊爐料，所以就是但咩都嗌咗啲嚟試吓。 肥牛同埋羊肉都唔差，最出色一定係牛丸、湯圓、炸枝竹。牛丸非常之多汁食落去好Juicy，而湯圓應該係我咁大個人食過最好食嘅，呢兩樣嘢下次去都一定會encore。至於炸枝竹響鈴嗰啲全部都係即刻炸上到枱都仲脆嘅。 仲送一個人頭份量嘅海鮮拼盤，有鮑魚，帆立貝同埋蝦。鮑魚非常好食。 食到一半嗰陣發覺上菜好似有啲慢，點知原來係個朋友唔記得撳落單制，一落返單啲嘢就即刻上返晒嚟，菜嗰啲都算多選擇嘅，油麥菜啊，菠菜嗰啲都有。總括嚟講呢間嘢都幾抵食，算係兆萬入邊嘅清泉，平日仲有八折，所以一定會嚟再encore。

久唔久就會想打邊爐諗起呢間喺旺角兆萬嘅邊爐放題🍲一兩年前都嚟過幾次，覺得都🆗所以又嚟幫襯咁耐無嚟加咗少少價💰但都同坊間邊爐放題價差唔多餐廳睇落尚算乾淨✨但成間鋪有少少噏味，有啲扣分👎🏻餐廳醬料都好齊好開心佢有荽茜荽茜控至愛💚野飲種類唔算好多唔似大型連鎖鋪有手沖茶🍵但盒裝茶﹑汽水個啲都會有🧃仲有少量日﹑韓罐裝飲品湯底方面都有幾多選擇都係啲大路港式湯底雙拼要加錢💰今次揀咗四川麻辣湯底🌶️特別叫咗小辣但注意個湯底係會越滾越辣嘅🌶️🤣🌶️🤣湯底好快嚟到💨入面本身有好多料有辣椒﹑芽菜﹑豆卜﹑豬皮等等（雖然最後無點食到😂）入座會按人數送海鮮拼盤有蝦﹑鮑魚﹑蜆﹑帶子🦐蝦同帶子都幾鮮甜😋食物方面真係有太多野揀各種肉類﹑特色丸類﹑餃子﹑蔬菜…🍖🥟🥬特別推薦嘅係佢嘅蟹柳🦀同埋自家製，即叫即炒嘅金沙炸魚皮🐟熱辣辣又勁脆超級惹味👍🏻👍🏻👍🏻總結:如果喺旺角附近臨時想過下邊爐癮﹑同朋友吹下水💦都可以一試但如果想食啲精緻少少嘅特色邊爐放題對餐廳環境有少少要求或者約女仔👫呢到就唔太適合了

兆萬中心又名「勇者塔」、「劣食之塔」，入面好多餐廳都係一個令人難忘嘅艱鉅任務，而要喺勇者塔入面全身而退。其實都係有一個安全嘅選擇，經本人真人打塔實測過真係安全無伏！點鍋雖然係一間任食火鍋，但佢哋嘅自家制食物好有質素！同埋佢係一間有聘請聾啞人士做員工嘅良心社企餐廳👏🏻👏🏻👏🏻員工都好勤力爽手，好值得支持。環境相對比較清靜同乾淨企理，特別有種恬靜同和諧感我去嘅時候入座即送升級海鮮拼盤，入面包括有鮑魚、帶子、大蜆同鮮蝦！新鮮甜美無沙湯底勁多款，我哋嘅鴛鴦鍋湯底要咗豬骨濃湯拼冬蔭功，兩款都足料又夠味~豬骨濃湯大大舊骨湯底鮮甜，冬蔭功酸而不太辣好提神~食物都有幾多唔同款式，推薦必試佢哋幾款自家出品餃子（犢別係黑松露蝦蟹餃，大粒好香黑松露味，食落好鮮又夠曬爽）丸，滑類同炸魚皮，手工紫菜響鈴卷都好食！encore 咗幾 round 先夠喉🥰仲有自助飲品中同雪糕，大滿足

無諗過喺旺角夜晚都可以搵到間唔過$300嘅邊爐，真心正而且湯底同食物都好高質先講湯底，嗌咗豬骨濃湯湯底，真材實料，真係有大大舊豬骨同蘿蔔熬，飲落好清甜所以飲左兩碗先開始打邊爐而任食嘅食材選擇都好多同好高質，先有一盤海鮮拼盤，另外再用二維碼嗌食材，要留意部分熟食要額外收費。而食材方面，特別係蝦滑同手工餃，值得一試，而侍應上菜同加湯都好快，食得好盡興抵讚另外，無限時任飲任食，仲唔趕人走，真係好啱同朋友吹水。值得推介

環境坐得舒服 飲品選擇都好多 醬料自家醬油都好味食物質素貴精不貴多 海鮮新鮮 蜆好大隻最值得一讚嘅係有個男服務員服務態度非常之好 令我印象最深刻係我拎紙巾出來用 佢隨即拎左一大包紙巾過來比我地用呢啲服務態度係香港買少見少

見到網上好多好評，加上朋友推介，決定一試。老實講去到門口，裝修係十分簡單，餐廳唔多人，連接商場既位置，係會有少少卻步。不過最後決定一試，結果充滿驚喜！揀左兩個湯底 ，胡椒豬肚湯+ 喇沙海鮮，兩個湯底本身十分足料！海鮮湯有海蝦、青口、蜆，鮮甜！食料部分都係任食（掛住食野無影好多相😅） 相對肥牛，其他食料更好食！ 如果無期望要食靚牛，就唔好揀呢間，但如果你想咩都試下，絕對可以考慮呢間，淨係炸魚皮都3、4款比你揀！（咸蛋黃魚皮好食！）手打丸都大推，每人約$300 ，由於店內唔多人，所以唔會絕你走，成餐都係無漏過單，份量比足曬，而且服務態度勁好！絕對會再食！

係呢度唔洗加錢嘅湯底都有好多唔同嘅選擇，又可以加20-40蚊轉鴛鴦。我地就叫左一個普通版嘅豬骨濃湯同升級版嘅杏汁木瓜雞腳鴛鴦鍋。兩款湯底都超級足料！湯渣都比我地食曬😂啱啱叫完野食就黎咗個海鮮拼盤（每枱一個），原來係送嘅！嘢食都有好多唔同嘅選擇當然有叫我最鐘意食嘅脆骨腩，仲有手打蝦滑，芝士墨魚丸，豬腩片等等全部都好有水準不得不提係佢個即炸手工響鈴，食得出係新鮮即炸，無論就咁食定浸湯食都好正！😋 飲品同甜品都係任拎嘅，選擇唔算多但係我主力都係食火鍋入面嘅嘢😂值得一提嘅係服務員嘅態度超好，十分有禮貌！呢晚舖頭唔算多人，比我地慢慢食埋d嘢，吹下水

已經嚟過好多次，帶唔同嘅朋友嚟佢哋都係零負評，而且質素都keep到。湯底好多選擇，最欣賞係蕃茄薯仔湯，入面個有牛肉一齊煲，有羅宋湯嘅感覺好濃好甜，配料亦好多選擇，又有手工餃手工丸，咸蛋黃炸魚皮同響鈴都係必試。醬料好多選擇，特別喜歡麻辣醬加醬油同醋呢個配搭，小小辣又好香。選擇之多同高質素可以感受到食店嘅誠意。地方坐得舒服，乾淨，啲碟唔會油淋淋，拎醬料嘅位置keep住會清潔，staff好有禮，十分欣賞會請聾啞人士，所有人都好好，好細心。有心經營嘅餐廳實在好少，所以第一篇嘅open rice食評絕對值得俾佢哋，由唔同嘅細節上都睇得出佢哋好有心經營，希望大家睇完都去俾個機會佢哋🤍。

120分鐘任食+任飲非酒精類飲品湯底選擇多，可以單點亦可以加錢雙併湯底7個人食有兩個爐用～食物選擇都多，飲品都算多選擇有海鮮肉類丸類餃類蔬菜仲要有唔少手打丸同自家制餃雖然店舖部分職員為聾啞人士，只要揚手搵人幫手時亦會好快幫忙店內環境唔嘈，成班朋友吹水都方便，坐得亦舒服！餐廳入座率只有一半左右🥲食夠120分鐘後店員幫忙收走枱面嘅食物，我哋超時切埋生日蛋糕都冇趕過我哋走希望佢哋會有多啲客人幫襯啦🥹

湯底味道相近唔會大分別 好似一個湯比另一個湯更鹹咁鮮牛肉非常滑是推介之首❤️飲品都可以再多啲選擇可以多啲甜品🤤環境比較安靜唔會好嘈 聽唔到朋友講野好啱邊食邊傾計☺️整體 尤其係服務態度有進步空間～

點鍋係我經常會食嘅打邊爐放題，佢嘅放題完全有散叫嘅質素，首先會有個海鮮拼盆，無論無蝦、魚、帶子定其他嘢，都係好新鮮嘅，次次都保持到個質素湯底我好鍾意叫佢哋嘅胡椒豬肚，落嘢落去打邊爐前一定飲返兩碗先，其他食物嘅質素都係穩定地高，選擇係好多好多，特別想推介佢嘅花生湯圓，冇諗過呢個食法係會出奇地夾，另外我好欣賞嘅就係佢哋各款餃子同手打丸醬料同飲品嘅選擇都係又多又充足，雪糕都唔錯，最想讚佢哋請咗唔少聾啞人士喺樓面幫手，所有店員都殷勤有禮，啲位又闊落好坐，真心推介俾大家