點點心點心專門店 (已搬遷) 新店位置

機緣巧合走進了點點心，食物創新可愛。內有鮮菠萝和奶黃，味道甜甜酸酸，夏天吃最好。這個最驚喜，以为是包內餡料是牛肝菌，原来外型是十字花菇樣，多可愛，包身亦軟綿綿。蟲草花棉花雞，味道中規中矩，今天下午茶多驚喜！

店名：點點心點心專門店地址：佐敦文英街文華樓23號地下好味指數:7.5／10價錢：$10風味粉皮粉皮滑溜，配上麻醬，青瓜絲和花生碎，味道不錯。驚奇的是，竟加入了芥末，個人不太喜歡這種味道。店名：點點心點心專門店地址：佐敦文英街文華樓23號地下好味指數:7.5/10價錢：$27晶瑩鮮蝦餃蝦餃皮薄，蝦肉爽鮮味口，不錯！店名：點點心點心專門店地址：佐敦文英街文華樓23號地下好味指數:7/10價錢：$19滋味蜂巢糕蜂巢糕一籠有4件，口感有九成像黃金糕，爽口煙韌味道甜甜的，蜂蜜味道尤為突出。提提大家，平日下午茶時間食品有七折優惠，非常實惠。

假日早起希望飲個早茶但不想到集團式經營的酒樓食一同一個模樣的點心，揸車到佐敦的點點心時間尚早小店式經營的點心店沒太多人，一個大廚推薦的香菇咖哩包很吸引造型做真的香菇很相似，用可可粉灑上的裂紋表面幾可亂真，有心思但味道較淡!店內的點心大部份都很好不會太過油膩，芥末木耳比一般酒樓的陳醋或四川辣味的特別而且味道配搭清新值得一試! 有菠蘿的菠蘿包對個人來說則太甜了。整體質素不錯。

一早約好今晚打完league要一齊食飯, 隊友間要好好聯絡感情! 打緊波個時已經諗緊食咩好, 最後其中一個提出不如食點心, 仲話個有個波蘿包入面真係有波蘿, 咁特別點可以唔食!!!  於是打完就係官涌行過去九龍個邊喇, 咁岩差少少luck添, 745到但已經坐滿左, 跟住店員話入黎坐收銀旁邊一張額外加出黎既摺枱, 同成間餐廳木製既枱格格不入, 難得一齊食飯, 我地寧願等多陣都要坐返木製既枱! 呢間得一張點心紙, 係出面等緊位個時已經揀好晒喇! 3個人好似叫得太多...   20分鐘後終於可以坐低食喇!!! 第一碟到既就係皇牌波蘿包! 新鮮出爐真係未食都嗅到香噴噴呀! 餓左咁耐當然即刻大啖咬落去啦! 面脆內軟, 加上裡面熬辣辣既波蘿餡真係唔錯!咬開左當然要搵下係咪真係有波蘿啦?!  見到左邊有舊嗎?   真係估唔到點心地方有波蘿包食, 仲要整得咁好食! 另一樣整得同樣出色既就係脆皮鮮蝦腸, 除左有大大粒爽口既蝦, 重點係皮同蝦中間個層脆米! 為滑溜既蝦腸增加一點脆口, 口感層次一流! 另一款招牌點心燒汁釀茄子, 賣相已經非常可愛, 企係度既茄子再加頂帽

兩個人的晚餐大約六點半到達，店入邊唔算太多客，佢地近排仲做緊周年特價，今次都叫左其中一款係素菜炸雲吞只係$3。另外一款特價湯圓都只係$3，不過上次已經試過唔係好得，可以慳返。另外叫咗牛柏葉，掛住食唔記得影相，雖然好油但係佢辣辣地好食。

早兩天上午,和朋友到佐敦的點點心午餐,看見門口似有少少的人龍,於是我們決定等一會兒。內面整齊清潔，環境不錯，但人太多，有少少逼的感覺。急不及待我們很快便點東西吃，排骨，燒賣， 山竹牛肉等是必然之選。上菜速度很快， 雖然知道是一早準備好的食物，但味道卻不錯，排骨肉質很滑，很入味。山竹牛肉的山竹分量很多，燒賣屬於正常質素。之後我們在點了北菇滑雞飯。飯的軑硬度岩岩好，北菇滑雞的雞肉名副其實的很滑,味道不錯。其他食物如鹹水角，質素就只是平平,沒什麼驚喜。最驚喜的就是點心價錢 十分便宜十分抵食。

是日與男朋友在尖沙咀行了一輪都不知道吃什麼東西好...我想飲啖茶食個包卻碰著酒樓落場的時間...男朋友醒起可以到佐敦的這家店滿足我想吃點心的慾望，於是就興緻勃勃的前往~到達該店門前，只有一枱客在等，因此很快就安排到座位給我們店內裝飾簡單，牆壁以白色為主，天花板有一盞盞圓圓的黃燈旁邊有一些鳥籠作燈罩，算是花了些少心思可是桌椅很細小，放了手袋只有半個位坐...是木製的...餐廳環境略嫌太擠迫了...><點菜方面，跟一般時下的點心專門點一樣是用點心紙的彩色印刷的點心紙令人容易看到那些是推介點心雖然我通常不會理會人家推介什麼...只點自己想吃的...不過對於有選擇困難症的人來說算了幫助了縮窄範圍點心款式不多，不過算是有自己的特色，不是款款都可以在其他酒樓找到我們點的食物都沒有漏單，上菜速度尚可百花芝士釀魚肚，吸滿了汁的軟軟魚肚上釀了蝦肉，還有點點蝦子點綴，蝦肉爽口，魚肚軟林林，口感有層次，可惜我吃不出芝士味黑松露小籠包，黑松露我不太懂欣賞，湯不夠多，沒有一口咬下去就被湯汁充滿整個口的滿足感，皮略厚賽磅蟹翡翠菜苗餃，這個我頗為喜愛，皮薄餡多，菜苗爽口不會老，配搭新鮮，賽磅蟹味道香

食物水平十分十分一般，章鱼肉餅飯D肉餅無咬口，炸春卷、炸雲吞無味，糯米飯口感一般，侍應生反應遲缓，对客人愛理不理，又要收茶錢，但又無為客人加茶，令人感到萬分反感。真是令我萬分萬分失望。😠😠😠😠

家姐話想食蒸飯，諗起呢間點心店好似口碑唔錯，所以就到呢度買外賣。星期日下午一時多，店外已有人龍。廚窗外貼上一些得獎報道，好似真係好掂咁。門外有menu紙，有齊中英日文，十分國際化。點心價錢二十多元一碟，也算大眾化。選擇了兩個蒸飯，兩個點心，店員話等候時間約15分鐘。周圍逛逛，已20分鐘，仍未ready。比我遲來嘅人已取外賣，真係開始有點不耐煩。25分鐘、30分鐘、太耐了吧！已多次向店員查詢，竟然現在說由於其中一款蒸飯賣完，所以翻蒸需時，建議我轉另一款⋯最後等咗35分鐘花菇滑雞飯﹝$24﹞講真，真係毫無特別，跟一般蒸飯無異，唔明點解、亦唔值等咁耐。雞柳雖滑，但缺雞味；飯亦有點淋。章魚肉餅飯﹝$24﹞肉餅冇嘜口感，該是加入太多粉了。幸好還有章魚粒，尚算有點咬口。蜜汁叉燒腸﹝$21﹞皮較厚，只有少量叉燒，叉燒亦略乾了點，不夠蜜汁。蟹籽燒賣皇﹝$23﹞得獎嘅話相信只有呢個燒賣。每粒都餡料十足，以鮮蝦為主，配以少許豬肉；蝦彈牙，亦冇肥豬肉，真材實料，味道不錯。儘管燒賣唔錯，但其餘的點心只是好一般而已；加上店員如此待客之道，實在不值光顧。

地點吊腳，不過成日都想去食.脆皮鮮蝦腸 --- 皮薄內脆 山竹牛肉 --- 簡單好味真係菠蘿包 --- 若果酥皮鬆脆d就好了蛋白杏仁茶 --- 老公必叫滋味蜂巢糕 --- not bad, 幾特別燒汁醸茄子 --- 惹味黑松露小籠包 --- 老公order的時候我心裡即說oh no~ 不過都好有義氣同佢捱左2粒.豬頭流沙包 --- cute, 小孩子會like，雖然只是普通奶黄包, 都幾有心機整靚d.鮮蝦菜苗餃 --- 不錯蛋牛飯 --- 乾左d有機豆漿 --- ok

跟朋友同樣係「點心愛好者」，成日心思思想去食，但兩個人走酒樓又貴又唔知邊間好食，最後上網查到呢間「點點心」又近工作地點，當然要嚟試下！點心款式唔少，但當然無酒樓咁多，不過好多點心都相當特別，喺一般酒樓唔會食到！因為兩個都未食Lunch，所以擔心剩要點心唔夠飽，所以叫咗份 金銀蛋瘦肉粥 ，其實就係平時食嘅皮蛋瘦肉粥嘅加咸蛋版，調味十足，就算唔加胡椒粉都好好味！不過為咗滿足自己100%試味嘅心，緊係要加脆脆同胡椒粉啦！之後嚟緊就係 真係菠蘿包 ，因為真係用菠蘿做餡先會用叫呢個名，不過自己唔係太鐘意食識嘅菠蘿，所以好感一般。而且真係要趁熱食，一凍咗就打哂折扣。飲茶又點少得 蝦餃、燒賣、山竹牛肉呢三寶！蝦餃 ，皮唔算太薄，但非常好食，而且餡有成3、4隻蝦，爽口非常！皮太薄反而會包唔到，超好食！燒賣 ，最意外地好食嘅一款點心！估唔到入面都係用蝦做餡，仲唔只一隻，今餐最鐘意嘅點心！山竹牛肉 ，無咩驚喜，但比出面食嘅水準都要高。最後嚟嘅係 脆皮鮮蝦腸 ，同樣，腸粉皮唔算薄，不過入面嘅脆脆同蝦都幾好食。可惜自然反應下將豉油倒咗落去，先醒起會淋哂，好彩都救得翻，極速完食！

最近突然好想飲茶，但2個人又不想去茶樓 >__<之後上網查看得知這家點心專門店，當然要來試試看吧。飲茶當然要點的是 - 蝦餃、山竹牛肉和燒賣吧 蝦餃入面超多蝦  皮也不算太厚~  山竹牛肉則普普通通沒太大特別。燒賣也是有蝦！！這個最喜歡 =  =+ 很不錯！因為怕只吃點心會不夠飽，所以點了粥︿︿這碗是「金銀蛋瘦肉粥」　就算不加胡椒粉調味也很好吃～（不過覺得粥不太夠熱）然後這個是「真係菠蘿包」XD！會這樣命名是因為真的有菠蘿在餡內。(但這款絕對要趁熱吃)最後點的則是「脆皮鮮蝦腸」。腸粉皮不算薄，不過蝦也是大隻的，所以口感來說還好=)

我和太太下午大約12:00入座，用了5分鐘時間寫好點心紙比姐姐，坐了大約15分鐘一樣食物也沒有到，我想可能是人多吧，再過了15分鐘也是一樣，開始問姐姐我們已坐了半小時，他只是答了一句整緊，不覺他有去櫃面問，繼續做他的樓面工作，再過5分鐘問了第二位姐姐，他真的幫我們去櫃面追了，轉頭他放下一張電腦入單紙，但時間是12：38，即是剛剛才入單，即時去櫃面問收銀姐姐，我們座了40分鐘竟然剛剛才入單，他只懂答不好意思。我説埋單，我比返茶錢你們我夠鐘上班了！這樣的服務，很好吃的餐廳我下次也不會再去

   今次是第2次到點點心 本來去MK分店但怕多人所以都係去JORDAN 分店好了自從上次食過 脆皮鮮蝦腸 就念念不忘 成日介紹身邊友人去點點心試下D點心全部都係即叫即整 所以要等!哈哈 2個人食4樣野已經好膩 夠飽了山竹牛肉, 脆皮鮮蝦腸, 係菠蘿包, 花菇滑雞飯

猶記得小時候，吃點心都是到酒樓去的。一張大圓桌放得滿滿的，點心籠多得要堆疊起來。身後呀姐推著點心車大叫：「鳳爪排骨飯、北菇滑雞飯……」另一邊又有呀姐手捧一大鐵盤喊著：「新鮮出爐叉燒餐包……」叫賣聲此起彼落，好不熱鬧。不知打從何時，坊間酒樓的點心都變得又貴又不好吃，大概是大集團化與食材漲價的後遺症？漸漸的幾乎一兩個月都飲不上一次茶。現在點心癮發，也情願到小型點頭心店去，食物至少讓人覺得有花過心思，非純粗製濫造的來貨。是日來到佐敦的點點心，午飯時間人客亦頗多，樓面待應忙得話也沒時間多說半句，放下茶壺茶杯及點心紙便轉身離去。點心紙上選擇不及酒樓多，但亦不乏特色創意，同時保留了好些傳統選擇。好包難覓，現在的港式麵包全用上膨脹劑，實好久沒吃過讓人滿意的菠蘿包。真係菠蘿包($18)乃這裡的招牌名物之一，暖烘鬆軟的包上蓋了酥脆的菠蘿皮，裡頭裹了不過濕的菠蘿餡，香甜味美，屬一舊中創新的美點，念頭值得一讚。即撞蛋白杏仁茶($25)是整頓最叫人回味的一道。杏仁味香濃不腥，蛋白滑溜，質地稠密細緻，很滋潤似的。我們都笑道比前兩晚在滿記吃到的優。蜜汁叉燒腸($20)，本身不喜歡軟滑得入口便融化的腸粉，感覺粉漿太