點點心

營業中

休息中

因為離家很近，偶爾都會去呢間度食，但係味道水準已經今非昔比，每次去味道都唔一樣，不知道是人流多趕著做還是材料問題。但吃物整體中規中矩。但今次令我極不滿意的是其服務態度，服務員上菜時翻倒左碟喼汁落我隻腳度，佢就咁係台面度抆左兩張紙巾俾我講左句「你自己抹下佢啦」，道歉都無句，就走開左繼續上菜。咁我都算抹兩抹繼續食野，臨走時埋單同收銀姐姐講聲叫佢提醒下「以後同事上菜時小心d」，望都無望我隨便回應一句「喔，好呀」。真誠的待客態度和一句簡單的道歉都沒有，這家餐廳的服務真令人十分失望，以後亦不會再支持。

飲茶必嗌既奶皇包🐣流心係十分重要！🤤另外，呢度既脆蝦腸十分脆口！擺幾耐都咁鬆脆！不過當然都係熱辣辣最好食！而炸鮮奶的確係一大驚喜！奶味好夠，但又一d都唔油膩，不過食得多都肥，所以最好都係同人一齊share!!另外相比起傳統茶樓既叉燒腸，鮮蝦腸，牛肉腸，呢度既黑松露腸粉都幾特別，黑松露味好足，又唔會搶左腸粉既米味！雖然賣相一般，但值得一試！——#allisonfootforfood #foodblogger #foodie #dimsum #hkfood #流心奶皇包 #奶黃包 #流沙包 #究竟係皇定黃 #farewellmichelle #waityouback #hkfoodie #dimdimsum #點點心點心專門店 #點心🥧 #colleaguelove #girls #support #share #followers #likeforlikes #followforfollowback #love #hk #full #🐽 #foodie_son_allison

我鍾意食點心，但係唔鍾意去茶樓好嘈，同埋每次都要食好耐咁所以依啲賣點心既餐廳就好啱我2個人嗌左4樣點心，外賣返去又可以坐得舒舒服服咁食燒賣係我至愛所以每次都會嗌質素正正常常馬拉糕同腸粉都正常啦唔算係我鐘意食既嘢，所以都無話覺得好好食，但又唔差既被逼食得健康啲，所以嗌多左個菜我平時鐘意食佢個釀茄子釀得足料又入面價錢唔算太貴，又多款式揀偶爾過下點心癮都可以📍超主觀+有偏見評分 (5為最多)📝📃hunger(食物🤤/🤮): 中規中矩📃anger(感覺🥰/🤨): 中規中矩📋hangry(整體🤬/😟/😛/🥳/😍): 還可以😛

有位同學係英國返來，佢話好掛住香港嘅點心，我梗係識做！這家點點心我之前都來過，我覺得水準唔錯，於是同佢去試下，黎度係冇得 book 枱的，我地中午去到，已經排滿很多人，差不多15分鐘後终於有位了，我地點了一些經典食物: 中式點心及鳳爪排骨飯！呢度嘅鳳爪排骨飯 size 適中，裡面嘅用料新鮮同埋全部即叫即做！排骨用上上等排骨，唔會比啲骨位你食。大大隻蝦餃，皮薄餡靚，熱辣辣上枱！仲有蝦春卷全部都係即叫即做，難怪咁多人排隊，唔似得其他中式酒樓有裝修，昵度純粹賣點喺食物，水準真係保持到，做到香港點心嘅味道

聽聞佐敦這間點心店CP值好高，中午11:45去到，已經九成滿，我哋order蝦餃、菠蘿包、藥膳棉花雞、炸雲吞、章魚肉餅飯、脆皮蝦腸粉、釀茄子、牛肉球，釀茄子好好味，蝦膠加了肥豬肉好香，誠實菠蘿包係有真菠蘿，炸雲吞係即炸非常脆，棉花雞有四舊大棉花，$60一個人，而且點心絕對不是行貨，抵

曾經拿過紐約新聞週刊101 大食府之一嘅香港點心舖， 當然有興趣試下。在門口佈滿一堆又一堆嘅食客， 來自五湖四海，世界各地， 但係我地有一個共同目標， 就係要入去食點心。蝦餃味道唔錯， 有蝦味， 個皮厚度適中， 有10接。再來就係燒賣， 燒賣有蝦， 豬肉同蟹子， 蝦爽脆， 豬肉淋， 加埋口感剛剛好， 再加上蟹子嘅鮮味，咁就Perfect。之後就到牛肉腸粉， 腸粉皮薄， 滑， 牛肉嘅味道蛤到好處。醬油亦不會太鹹。最後就係鮮竹卷， 這道點心嘅精華就係個湯底， 本身腐竹係無咩味嘅， 但個湯底亦做得好鮮味。 真係連湯都飲埋。

話說成日返工出去食lunch都想食點點心，但夾啱三隻腳時(因為啲點心多數都三件，要三個人食一人一件就啱啱好，唔會有人無得食，又唔會太多食唔晒)又撞正weekend好多人排隊，加上高鐵開通後多咗好多大陸人。終於等到今日約到三個人可以去食喇!好彩當日weekday下晝一點去到唔洗等位即刻有得坐，當然拿拿林點點心啦。由於又係太肚餓，我哋又係叫得有啲多，叫咗蟹籽燒賣皇、山竹牛肉球、黑松露小籠包、蜜汁叉燒腸、真係菠蘿包、芥末咸水角、千島蝦春卷同花菇滑雞飯。基本上全部都好好食而且一啲都唔貴，抵食過高鐵站內某連鎖點心餐廳，又要等好耐位，又唔平。我哋三個人食咗咁多嘢都只係唔駛$200，好抵呀!最特別有創意嘅係真係菠蘿包同芥末咸水角。真係菠蘿包顧名思義就係菠蘿包入面真係有菠蘿，真係第一次食，鐘意食甜嘢一定鐘意食。近年好多創新菜式都會用上日式青芥末沙律醬，今次嘅芥末咸水角都唔例外，少少微辣嘅刺激，同咸水角都非常match, 推介鍾意食甜甜辣辣同試新嘢嘅大家試下!

聖誕假期🎄想嘆茶食點心🥢，所以黎到午膳到達時不要等位，服務員示意我地2人坐在6人長抬的另一端，而長檯另一端本身已有2位食客坐著，因此中間還有2個空位坐下來不久，有位a君進入，而服務人員安排這位a 君坐在我地隔離，跟著這位a 君不知何故取了我們的茶壼倒茶，無奈之下，叫服務人員卑個另一壺茶我地，但當服務人員取茶過來時，見中間這位a 君枱上有茶壼，便説： 你地吾係已經有我們就說這壺茶是a 君的，而我們不是一齊的，但服務員話這壼茶是共享的😂😂雖然服務員都有放下新取來的茶壼不過除左茶壼共享之㚈，難道馬拉糕和類似豉汁鳯爪的物體都共享一籠🤔️

難得好天氣 約左一班同事去佐敦食lunch難得湊夠三隻腳 又見點點心有位就一枝箭衝左入去啦呢到啲點心大部分都係三件 所以三個人食最好一人一件岩岩好 唔會太飽 又唔會有人無得食😆😆😆呢到啲點心好特別 咸水角入面有啲芥茉醬微辣咁 好開胃 但又唔會太過漏春卷剛炸起 熱辣辣咁 新鮮脆口 仲唔小心辣親條脷添牛肉同燒賣王彈牙得黎 又足料😋😋北菇滑雞飯同小籠包就一般般 無乜驚喜最有驚喜係誠實菠蘿包 入面係真係巿菠蘿㗎餡料既味都同出面既有啲分別 食得出佢地既用心❤️總括黎講 今餐飯都幾有驚喜 啲食物全部熱辣辣 點心即叫即蒸 個菠蘿包係必食推介

難得好天氣 約左一班同事去佐敦食lunch難得湊夠三隻腳 又見點點心有位就一枝箭衝左入去啦呢到啲點心大部分都係三件 所以三個人食就岩哂啦一人一件岩岩好 唔會太飽 又唔會有人無得食😆😆😆呢到啲點心好特別 咸水角入面有啲芥茉醬微辣咁 好開胃 但又唔會太過漏春卷剛剛新鮮炸起 十分脆口 仲唔小心辣親條脷添牛肉同燒賣王彈牙得黎 又足料😋😋北菇滑雞飯同小籠包就一般般 無乜驚喜最有驚喜係誠實菠蘿包 入面係真係巿菠蘿㗎餡料既味都同出面既有啲分別 食得出佢地既用心❤️總括黎講 今餐飯都幾有驚喜 點心即叫即蒸 一定夠熱 同埋個菠蘿包係必食推介

佐敦渡船街就係一個好野食嘅地方啦，而且條街周圍都好多地方可以泊車，咁今日係尖沙咀收工，女友就建議渣車去果度食下點心咁啦！泊好車之後就就行入餐廳啦，見到有好多外國遊客呀，原來都幾出名呀！好啦，坐低點餐啦！對住個餐紙，真係花多眼亂呀！最後我地就選擇左e幾款點心啦！花菇滑雞飯，d飯煮嘅時間係剛剛好，有時候係出面酒樓食果d都係好乾呀！飯好有口感，而且雞就好滑，唔錯唔錯。之後就係香煎蘿蔔糕啦，好足料，食落去就都重有d蘿蔔絲呀，不過如果會跟埋d甜醬就好d啦！之後就係金沙肥豬仔流沙包，佢係用左豬嘅造型，三隻小豬，食落去好白奶黃味，而且就真係好流沙呀！出面好多都係一舊舊咁樣，e個就真係值得推介。到蝦餃同燒賣啦，都非常足料，特別係蝦餃，總係覺得佢地d點心係比起酒樓食果d係好味d呀！唔怪得之咁出名同埋咁多人黎啦！會再黎。

佐敦呢間點點心真係最好味嘅！兩個人食叫咗一個章魚肉餅飯，燒賣，鮮竹卷同埋炸鮮奶。每人都係50幾蚊。佢個肉餅飯，啲飯煮得啱啱好，唔會又濕又諗。最欣賞係佢個炸鮮奶，每次嚟到一定會食，即叫即炸，外脆內軟！

今日室友无早堂，两人睡个懒觉起来突然想吃点心，就去到家附近的点点心一试。手头现金好少，收银台阿姨都很好心帮我算价格看够不够钱。后来翻出一些硬币又加了两次单，阿姨都没嫌我们麻烦，服务态度味道也很不错点了凤爪、鲜虾肠、烧卖和马拉糕（这里好像叫马来糕），每样都好食凤爪大大只切半，松软易去骨，酱汁好入味鲜虾肠超赞，里面加了一层脆皮裹住虾仁，还加了一些葱蒜类调味。肠粉皮偏厚，但软软的都好食烧卖中规中矩都算好味，马拉糕普普通通有点易碎但味道是好的还会再来

點點心 食左兩次由於附近食點心地方唔多釀尖椒幾好食 熱辣辣上枱其中兩條好辣 但兩條唔辣炸鮮奶唔得 好多油！第一次食咗咖喱牛腩飯上枱嘅時候發現成碗野得薯仔得一粒牛 好似俾人食完咁樣好彩同左職員講之後佢哋都係廚房攞番啲牛腩俾我黑松露小籠包上面有少少黑松露醬但其實冇黑松露味包裏面亦都冇咩湯不過叫有汁 味道都幾好嘅相反花菇滑雞飯 份量都幾滿意肉量都幾多 花菇都好厚身 飯比較乾身脆皮鮮蝦腸粉好食兩次都有叫裏面仍然香脆外面既腸粉都好滑

今日約咗朋友喺柯士甸站附近，近渡船角一帶搵嘢食，見到呢間 門口櫥窗位置似乎有很多推介，於是我同朋友就入去試試！ 呢間似乎係專食港式點心，我們隨意點了一個鳳爪排骨飯及一些點心……發覺裏面裝修都很簡單，但值得一讚係茶永遠是熱的，因為食中國點心難免要多飲茶消消滯！鳳爪排骨飯，餸料很足，鳳爪及排骨放滿一個碗，配上指天椒、豆豉，賣相及味道都好牛肉球，山竹很入味，牛肉夠柔軟！金錢肚，少少辣但用料上乘，絕唔會畀毛肚你食到！豉汁排骨真係好好食，我哋再encore多一籠，肉質結實，顏色乾淨配上辣椒絲很入味！