鼎泰豐 (已結業)

Most Din Tai Fung venues have a crazy queue but for some reason this one is a hidden gem up in level 4 of Mira Mall TST - I wouldn’t even bother going to the one in Silvercord (also in TST)!!!On weekends I suggest coming around midday to get a table; by 1pm the lunch queue is forming. Weekdays are easy - we came at midday on a Tuesday and got a fantastic seat by the window overlooking Kowloon Park and Nathan Road.Aside from the popular xiao long bao, we had an appetiser of croker fish, fried ri

可能8點半比較夜，即時入席都就唔使等位。9個人所以點了好多不同款式，但我沒哪一款覺得好食到留下深刻印象。明明五六年前第一次在銅鑼灣店食小籠包很感動，現在倒覺得沒有什麼特別。涵肉都新鮮，但細粒。湯汁唔多，沒有那種一咬入口就衝擊味蕾的香甜。是我這幾年試過太多不同店的嘴刁了？值得讚碟香干馬蘭頭。清清地、不油膩。配飯一流！（雖然這個名怪了點）湯炒菜苗偏向青嫰的味道，一樣健康不油膩。蝦仜炒飯不錯👍。粒粒飯也有鑊氣和飯香。和排骨炒飯是同一款飯，不多說了。甜酸川子雞則是我覺得全部菜中的表現最差。只有薄脆和辣的感覺，很空虛，我完全不知道自己在食什麼。墊底的我們都不知道是紫菜定辣椒葉，得個脆字，食而無味。但班男仔都清了。我們額外出櫃檯點了壽桃慶祝朋友生日。經理都很醒水，會私下向點的人細聲問清楚。壽桃的豆沙蓉不甜，不太喜歡甜的朋友啱晒。菜式中規中矩，服務都幾有水準。但這個價錢和質量相比下，我都應該比較少機會再來。(除非我要帶外國朋友來介紹香港啦😂😂😂)

又係美麗華做完物理治療~做完5點幾, 又未夠鐘開飯, 唯有黎食少少頂住肚先, 返去先再開飯啦~~~~由於得我同阿媽兩個人, 食唔得幾多野...叫少少頂下肚後返去同老豆一齊食XDDD小籠包必叫~~~~雞絲蝦仁春卷... $50/4條好似食緊薺咁~ @#@香蔥拌麵~~~正呀好香呀~~~~撈起佢就最好味~~~~好香~~~~整體黎講, 普普通通都唔會出事~上次食過酸菜肉絲拌麵, 唔夠香...今次就轉叫呢款, 雖然冇乜料, 不過又真係好香~好食過有肉既麵~下次唔會叫春卷, 轉叫另一款好過~

逢星期五都唔知道要食啲乜好。又唔想食太貴又要食得好，所以今次就揀咗間係尖沙咀區嘅台灣老字號餐廳鼎泰豐。尖沙咀一共有兩間鼎泰豐，兩間本人都有食過。好多港人都知道之前去鼎泰豐食都要排隊大概30至60分鐘。因為現時尖沙咀開了兩間的關係吧，現在都不用太太久了。我個人認為尖沙咀新港中心呢間鼎泰豐係香港頂替鼎泰豐來講係最好食㗎。以我所知識食嘅人都係咁講。今日食得比較清淡所以我介紹咗以下幾款俾大家去試吓。小黃瓜清炒小白菜。菜肉紅油抄手，有少少辣味道很好。小籠包，必食！

好友共聚，隨便一餐，因朋友仔有些感冒，生冷，熱氣食物不想選擇。鼎泰豐也是不錯的！四喜烤麩個人必點，醬汁調味恰好。什錦豆乾絲，小小酸辣，很有刺激味雷。很好吃！醉雞，沒有吃哩！青島啤酒，咁開心要啤啤佢！菜心苗很嫩很甜，也沒有渣。水晶肉，也沒有吃哩！必點的小籠包，湯汁豐富。但吃時要多小心哩！紅油炒手，居然吾辣。最後加了個湯麵，忘記了名字，但因太飽都沒有試到！傾在很久，也沒有做咁耐的口部運動了，很爽也很累哩！

今日Boxing Day約了朋友收工去呢度食飯，我哋去到差唔多八點，入面已經有好多人，但還好我哋都唔需要等位，一坐低已經急不及待叫嘢食，你呢度必食嘅小籠包係我一定會叫的水晶粉皮依舊keep到水準，好好味，其他嘢都不過不失，唯一覺得有啲失望嘅就係我最鍾意食嘅小籠包。。。覺得有少少失色，佢個皮做得厚之餘，入邊嘅肉食落口有種好鬆散嘅感覺，記得以前過嚟食小籠包食完都仲會想再叫，依家食完一粒都已經冇興趣想再食但作為招牌菜我覺得就應該要改善一下埋單每人二百幾蚊，價錢不過不失，但如果以食物質素就爭小小喇

同樣位於尖沙咀，這家鼎泰豐環境大，而且人很少，完全不用排隊！食物水準跟其他分店無異！不想排隊當然要來這一家啦！小籠包皮薄湯多，薑絲十足，絕不吝嗇。蝦肉湯餛飩的蝦沒有蝦味，不是還是挺爽口彈牙的。湯是味精湯，所以不用喝光。油麥菜不咸，但油。是一般的味道，不過不失。牛肉麵嗅覺一流，但實際一點都不濃，不過麵條軟硬適中，牛筋，牛腩都夠軟。擔擔拌麵可能不是香港人的口味，還是湯麵會比較習慣。由於我們在吃別的菜色，把它先擱一邊，貼心的店員見到就馬上上來提點要先攪拌，原來擱久了就會黏在一起，很難攪均勻。不用排隊服務周到

今晚happy friday相約好友在尖沙咀食飯，朋友係尖沙咀番工，就相約在美麗華廣場，到大約8點行左一陣大家都開始肚餓星期五晚尖沙咀特別多人,晚飯時間周圍都排隊，咁就最終選了鼎泰豐，我們大約8點去食，等左一陣就有位我們3個人就點左幾款野食1)香菇素餃-無什麼特別,味道一般,與一般餃子差不多2)小籠包-小籠包都可以keep到水準3)台式擔擔麵-台式擔擔麵一般, 味道不合個醬汁不太夾4)亁伴蝦肉餛飩-味道一般, 皮都算薄5)紹興酒醉雞-紹興酒味道香濃,雞肉有都無俾酒蓋左雞的鮮味

姐妹們都係惠食之人，今晚係尖沙咀揾食～而美麗華呢個地方，我地食10次食，有8次都黎。梗係啦，要就住係大西北嘅姐妹！呢排都黎過2-3次呢間食店，真心推薦以下2樣必食之選。或者大家都餓得濟，我地一輪狂風掃落葉。相都影唔到姐妹淘，重點係傾計同互寸互support。食物係重要，但個環境可以俾我地大笑更重要！

今日嚟到尖沙咀食鼎泰豐，當然要講嘅就係小籠包啦，我地點左兩款小籠包，一款係雞肉一款係豬肉。嗰籠會有隻雞仔作識別，麵粉做嘅唔知食唔食得，味道上來講比較清淡，肉餡嘅質地比較實淨，雖然有湯汁滋潤，識落都係冇咁可口。豬肉做嘅小籠包，肉嘅質地比較細膩，更容易同湯汁混和，粉皮嘅厚度亦都夠薄，令到口感十分充實。另外仲叫咗一個蝦仁蛋炒飯，份量比較少，但上面大大隻嘅蝦仁一食就知係用鮮蝦做嘅，好鮮甜，飯都炒得幾乾身，蛋絲亦都冇過老，係幾出色嘅。

今晚同從台灣來的兒時玩伴食飯，她竟然提議這裡食，咁快有思鄉病？！我也是第一次在香港食這間餐廳，所以抱住－試無妨心態看看同台灣有無分別！餐廳空間感闊落，我地被安排坐二人卡位，坐得舒適，好多店員會主動打招呼，服務友善，突然想起昨天食那間越南餐廳對比很大，人老左要求多左，發覺自己不單要求食物質素及味道好之餘，服務質素也很重要，客人感受到店員的親切及禮貌的對待，自然會覺得好食，不然食龍肉都無味。而這裡屬於前者，所以點的食物我都覺得好味台式四季豆四季豆脆口，加上台式醬肉，好惹味咸味適中小籠包細細個，一啖－口，有肉汁，餡料肉質肥瘦均勻，略嫌皮厚了點！絲瓜蝦仁小籠包切碎的絲瓜和蝦仁同食，好爽甜，有小清新感覺！清燉菌菇湯面湯有香濃菇味，不會過咸，沒有苦澀味，而且有好多雜菌，喜歡食菇的我很喜歡值得讚賞是他們的服務態度很好，會主動加茶，面帶笑容打招呼，埋單會友善地講多謝（我已很久沒有聽到了）

香港的幾間鼎泰豐，我最愛尖沙咀美麗華這間，因為坐得最舒服，人客比尖沙咀新港那間較少，環境一樣咁清潔，令人坐得舒適！今次我和閨蜜二人去吃下午茶，點了兩杯凍豆漿，一份粉皮肉、一碗麵、一籠小籠包，吃得滿足。總覺得鼎泰豐的麵條很好吃，無論湯麵、伴麵都很棒！一定要試的係小籠包，因為係好味！今次覺得值得一提係這個小食蒜香粉皮肉，很特別，配料很好，具色、香、味齊全！雖然價錢唔算很便宜，兩個人要食飽要大約花費$130，講緊下午茶。如果晚上吃，應該要點多一個餸菜才夠。但總括來講，除左店內洗手間遲遲未修理好之外，食物、環境、服務都係很好，價錢如果有優惠推出，一定更多支持者！By Good Chui

鼎泰豐真係食左甘多年都係咁好味,第一次係去台灣食~ 2個人排隊排左2個幾鐘~仲記得人山人海既情景~嚮香港初時全部都係台灣服務員,漸漸都有香港既服務員了~每位都親切有禮~真好!今次我地叫左:1客小籠包$60/6隻1碟炸醬拌麵 $531碟排骨蛋炒飯 $891客豆沙小籠包 $46/6隻,全部都好好味呀~一定一定要叫佢地既小籠包,真係皮薄餡靚~新鮮熱辣,正呀!食開佢個小籠包都會加醋,發覺佢個醋唔同左顏色,之前係黑色,而家好似係果醋咁~清清地,唔錯喎!而炸醬拌麵 材料好似係肉碎,切粒豆腐乾同蕃茄粒食嗰時每條麵都包住配料,好有口感!排骨蛋炒飯個炒飯好香口,滑身得黎唔會油淋淋,GoodGood~肉質好好,唔會乾同Un,有肉汁~至驚喜係個豆沙小籠包我成日覺得餡太多會好甜,但佢真係好多餡又唔會過甜,好實在!!!

又到Happy Friday約了在尖沙咀等周圍都好多人，是即日約的所以沒有訂位！咁就黎左鼎泰豐，我朋友未食過所以就去左一試！點了以下幾道菜式：紹興酒醉雞，味道很好，雞和酒的味道很融合小籠包皮薄+肉+湯都很適中美味乾伴蝦肉餛飩，味道很不錯，皮又唔會太厚岩岩好！台式擔擔撈麵，湯麵就食得多，擔擔撈麵就第一次食，個醬汁就麻麻地感覺很奇怪，唔係好夾，麵是很好的👍香菇素餃，沒有什麼特別，與普通餃子差不多。整體來說，服務態度麵很好，又不用等位等太耐，食物一般。

其實呢間舖開咗好耐，識得去吃的人一定揀平日午飯前後時間去，今次2:30左右，得二、三張枱，勁舒服。指定動作：小籠包，一個人份量完全無問題。唔知係咪我無記性，由幾時開始小籠包得番6粒㗎，今次蒸過龍，個小龍包皮硬咗，不過依舊入口即溶。紅燒牛肉麵，自己一個吃𣎴敢叫小菜或其他蒸包，不過牛肉麵就好一般，牛肉淋及牛筋軟滑，普通蛋麵，一個拼合而成的牛肉湯麵而已。加埋一約170，一個午餐確係昂貴咗d，反轉來說吃晚餐呢個價錢，但要排隊等位1小時，我寧願吃貴午餐。