鼎·會館 (已結業)

人生可以有幾多個十年？對於鼎爺來說，可能從未想過高峯在晚年！ 其實身為武術指導的李家鼎－鼎爺，名氣向來不少，但作為演員始終只是配角，現在當起大廚，竟然成為深受歡迎的主角，天時地利人和的配合，藝人機遇就是這樣！ 鼎爺的私房菜，既要排期價錢亦較高，最近 H Queen 開了一家鼎。會館，是他與李翔師傅攜手合作主理，可以親民一點的價錢朝聖，當然諗得過。 也許大部份人都好似我一樣，明知鼎爺只作顧問，亦慕着他的名而來，但原來拍擋李翔師傅在飲食界更加資深，來自富豪聚地的港島廳，巧手工夫難不到，今天大家淺嚐午市行政套餐之後，讚美不絕，食材味道賣相皆恰到好處，鉅細無遺的傳統做法，吃得出是大師級功架，再加上舒適環境，這天的午餐，寫意人生的享受！ 環境優雅，庭園風格，大廳的水晶蓮花燈非常耀目，倚窗有高居林下之景觀，室內紅酒酒櫃，高級粵菜餐館的格局。 午市套餐有兩款，行政或鼎級，分別每位$498/$698，專誠來到自然要＂鼎＂啦！ 涼菜孖寶 賣相清雅，有點別樹一格的脫俗之感，蝦與鮑魚皆沿出於海洋但質感吃法不一樣。光澤的表，看起來新鮮。 我很喜歡充滿話梅味的大蝦，酸酸咪咪的就是討好，海蝦肉彈鮮美

近年從大台節目知道李家鼎 —— 除了武藝，原來廚藝精湛，意想不到大台卧虎藏龍。從電視欣賞到鼎爺大師父廚藝，意想不到幾年後跳出電視框開餐廳，之前銅鑼店已經長期爆滿。今次朋友聚會到中環店，比起銅鑼店私房菜，比較多細枱，沒有min charge，容易make booking，不需要湊夠一圍先食到大門當然有鼎爺一比一紙版公仔作生招牌餐廳位於新食廈H Queen’s，一入去見到好霸氣鼎字四合院設計人手繪毒壁畫，相當古色古香，店內落地玻璃望出中環摩天大廈與店內強烈對比大廳裏蓮花水晶燈氣派盡顯秘製火焰叉燒自己本身係叉燒迷，鼎爺叉燒可算叉燒中極品！選用本地黑毛豬，阿爺仲要揀用肋骨之間的肉，一層肥一層瘦待應上枱之前加酒在叉燒上，即場燒脆外層。一點火，火焰發出吱吱喳喳，叉燒香氣散發整個大廳，視覺嗅覺率先享受叉燒一層肥一層瘦，外層蕉香，口感非常好，肉質香滑帶點爽口，十分享受在口裏嘴嚼，鼎爺叉燒可能叉燒中極品！阿爺巧手桑拿雞桑拿雞肉入口嫩滑鮮味，材料同金針雲耳蒸雞差不多，但做法更繁複。新鮮雞肉去骨，雞肉連同冬菇、蟲草花、雲耳、新鮮夏桑葉蒸上層蒸雞，下層蒸雞不是普通水，而是八隻雞殼熬成的湯八隻雞殼加紅蘿蔔、粟米

鼎爺嘅節目次次都睇到我垂涎三尺，喜聞開了家鼎爺私房菜及鼎會館，今日特意約左三位好友食lunch set，平啲又light啲✌🏼終於黎到位於23/F嘅鼎會館，𨋢門一開隨即見到鼎形嘅屏風，後面一張張圓枱，再後面就是寫字樓景。環境好開揚，而且太陽光充足再配上全店的中式裝潢，正氣十足Lunch set分兩款: $498 & $698難得一場黎到，當然食豪啲啲首先用熱辣辣嘅燉盅著住花膠響螺竹絲雞湯，味濃又滋補，雞味清甜 ; 整片花膠非常入味，稍有口感 ;螺肉好軟靱度適中，飲完成個胃都暖笠笠正式開餐！兩款前菜: 酒香話梅蝦、麻香口水雞話梅蝦充滿花雕酒香，師傅亦預先挑走蝦腸，食得特別放心特別享受本以為係普通口水雞，原來除左麻辣，仲有日式芝麻醬，用甜味去中和辣味的刺激感，彼此沒掩蓋對方味道，反而好配合第一道主菜來嘍上湯焗開邊龍蝦龍蝦肉一刮即起，肉質爽彈鮮甜，配上湯可謂完美無瑕四十五頭吉品伴花菇我會用參茸海味黎形容成件事嘅味道，四十五頭乾鮑非常入味，而且質感做得岩岩好 ; 花菇挺有厚度，味道好濃薑葱頭抽煎星班球怕食魚的朋友都吃光，可想言知係幾吸引正常用薑葱擗走魚腥味，但今次嘅薑葱純粹係爆香用途，因為星斑

前排鼎爺私房業成為全港熱話，聽聞booking full 到下年！最近知道左呢間都係鼎爺打理既中菜，就即刻約埋朋友黎潮聖下！內裡裝潢好雅緻，感覺好有文人氣息！我地直接叫左個set !頭盤係酒香話梅蝦，蝦非常大飯，酒既香味滲透左入蝦肉，清清地得黎有酒香，入口蝦肉好爽口彈牙！古法扣肉，扣肉非常軟嫩，醬汁帶點甜味而唔膩，醬汁搭配扣肉好入味，好開胃呢！鮮枝竹雲耳豆卜，雲耳好爽脆，豆卜吸哂醬汁既味道 入口有醬汁爆出黎既感覺，好正！甜品係芋蓉燉鮮奶，芋蓉好柔滑芋香味十足，唔會過甜，燉鮮奶滑到會自己滑入喉嚨，十分香滑！呢度既菜式十分高質、而且價錢親民，中環又多一個地方食飯！

不吃粵菜都不知道原來自己那麼喜歡粵菜，自回港之後，吃粵菜的頻率逐漸遞減，大概是因為香港家常小菜質素「參痴」，要吃到高質素的又昂貴，可能世界就是沒有兩全其美的事，想找到質素又好價錢又平的更是難上加難，又經過多次中伏後，默默地吃粵菜就從我名單內刪走。.但今日老細贏大錢的關係...請食午餐，從沒想過會有機會食到「鼎爺」開既餐廳，因為網上面都見過好多關於【鼎•會館】既介紹，一直都有點心動...終於能夠一嘗心願。.【鼎•會館】選址中環食廈高層，高級中菜廳，地區當然都會講究點，中環既 H Queen’s 距離地鐵站唔遠，就「中環站C岀口」行5分鐘左右即達。電梯到達23樓樓層，一開門就見到「鼎爺」可愛既人型紙牌公仔見唔到佢個人都起碼見到佢塊板😂。室內環境氣派十足，如四合院設計，掛著巨型蓮花水晶燈，落地玻璃配上摩天大樓景觀，亦整個氣氛帶點中式優雅。枱數不太多就大概十多張枱左右，空間感絕對足夠，這麼環境清幽，加上落地玻璃透入黎既陽光，簡直係非常寫意，感覺自己都有點變成貴婦了一樣啊。可能是針對遊客，餐廳設有多款套餐及散叫菜式，但午市的關係便方便點了午餐，總共有兩款選擇...不知道鼎爺親自監製的會是怎樣的粵

食中菜食到悶悶地, 今次攪攪新意思去鼎爺新開既餐廳幫襯. 呢間裝修好鮮明, 樓底仲有盞好大既水晶吊燈, 盡顯非凡.. ...一入到去店員好快就安排左我地坐低, 睇完左個菜單就人一世物一世即刻點左個貴少少既餐黎, 淨係見倒個menu就覺得D野係會幾好味XD第一樣黎既係湯品, 花膠竹絲雞煲響螺, 個湯一黎到係新鮮滾熱辣, 湯呢就一定要襯熱飲, 一入口就十足屋企煲既陳年老火湯之餘, 一畢落去就更加不得了, 大大舊花膠, 大大舊響螺, 直頭仲好過屋企煲既湯料, 個湯就十分之濃味, 可能大家會覺得有些少咸, 但對本人黎講就岩岩好啦, 除此之外, 平時屋企煲既湯渣大家都未必會食, 因為可能煲左太耐既關係會變到又老又鞋, 但估唔到既係, 宜個湯既竹絲雞係完全唔覺得鞋, 係有少少咬口, 等我仲係到諗會唔會係佢地煲好左個湯先偷偷地放返舊雞落去呢之後就係冷盤, 平時唔食蝦既我都覺得隻蝦好好食, 入味不突止, 肉質係十分之彈牙, 食得出係新鮮貨, 唔似得出面有D鋪頭又霉又難食, 最點精既係隻蝦下面有粒話梅, 岩哂鍾意食宜D口笠濕既我另外就係一個麻辣粉皮, 味道都唔錯, 凍凍地咁都幾開胃, 唔錯之後就係第一道

前排晚晚睇到電視鼎爺的飲食節目，很喜歡他們風格，亦好想一試他的手藝，得知他在中環H Queen’s 23樓開新店，今天一於相約好友們到”鼎會館”朝聖。來到餐廳入門已看到鼎爺的紙牌和”鼎”字作的玄關，餐廳裝潢極具氣派，充滿著古色古香的風格，處處可見細緻的裝潢，最吸睛當然是這顆巨型蓮花水晶燈。這裡還有室外的位置，23樓景觀開楊，飽覽中環的景色。店員有禮招呼坐低後，介紹餐牌，殷勤又細心。我們選擇了鼎級午市套餐每位 $698 (2位起)燉湯入口味濃郁，有粘嘴的感覺，花膠大一片，螺頭鮮甜，用上竹絲雞做食材，滋保養生！第一次食到咁香酒味的凍蝦，不是濃烈的味道，而係帶微甜酒香，很喜歡這個味道，蝦頭蝦膏豐富甘甜，蝦身已經剝殼，肉彈牙；食完蝦再食粒酸甜的梅，配搭又幾有新意。香麻口水雞，味道麻香帶微辣，十分汁潤，雞肉嫩滑還配有凉皮，两款前菜已有驚喜。龍蝦肉厚實在，輕易可把龍蝦肉取出，入口多汁鮮甜又入味，正。輕輕下刀已經可以感覺鮑魚好腍，入口果然，而且好入味；花菇好大隻，吸滿醬汁，鮮甜美味！牛坑腩厚切，肉味濃而不韌，蘿蔔腍甜，湯底清甜，給我一滴不漏飲完。店員細心為我們每位分好，雞肉肉質嫩滑，重點在於酸甜的紫

之前係無記嘅飲食節目，都對鼎爺嘅廚藝讚不絕口，雖然我無機會親自去試佢下廚嘅私房菜，不過去食下佢有份搞嘅粵菜餐廳，都算唔錯餐廳環境佈置到四合院咁，而餐具亦十分講究，整體感覺自己變左皇室貴族，係度享有茶點我地女朋友叫左佢地嘅午市套餐。頭盤係蟹肉羹，好濃味，而且好多蟹肉。美中不足係會食到蟹殼，不過都證明左佢係用新鮮蟹肉整出黎燒味拼盤，就無咩驚喜，算比較平凡呢一道用柚子皮整出黎嘅菜式，令我非常驚喜。柚子皮無左本身嘅苦澀味，而且燜到好軟，食落去仲有小小似薯仔梅菜扣肉，偏咸，不過如果可以跟白飯一齊食，我諗一定好夾叫左2款唔同嘅蝦菜式，千島蝦球&蛋黃蝦球。2款都好好食最後，仲有番薯糖水添

踏入十二月，又是接近一年的終結。做冬、聖誕、生日、除夕，各式各樣的聚會，令年尾的飯局分外熱鬧。今次友好邀約做冬，並安排廚神鼎爺於中環新開的鼎。會館晚飯，提早做節。裝修雅致，尤其喜歡這盞巨型花花水晶燈😍。麻香口水竹絲雞 - 麻醬味濃，香中帶辣，竹絲雞雞味濃且不肥有驚喜，粉皮煙韌，拌上切成幼絲的青瓜和大蔥，多重味道和口感集一身👍。順德拆魚羹 - 冬星斑拆肉後啖啖肉，拌以鮮甜的魚湯和大小長闊相若的木耳絲，紅蘿蔔絲，唐芹絲和粉絲而成。當見到魚羹裡的紅蘿蔔絲比粉絲更幼細時，可見廚師的手藝。竹笙醸花竹蝦扒蟹肉 - 清新清淡但味鮮的一道菜，鮮味來自食材花竹蝦和蟹肉本身的原味，竹笙帶來清新清爽的感覺。紅燒妙齡乳鴿 - 乳鴿帶點甜調味合宜，如果乳鴿一開二代替一開四的話，相信效果會更好。豉香欖角骨 - 磨碎的豆鼓為㰖角骨帶來畫龍點睛的香口惹味，骨肥瘦均勻，口感熱、軟、糯。花旗參湯浸汕頭白 - 大白菜嫩，花旗參湯清。順德姑娘炒米粉 - 炒米粉幼身，滑而不油膩，配上蛋絲、冬菇絲、青紅椒絲、肉絲，白蘿蔔片等同炒，非常入味，轉眼掃光。阿爺芝麻卷 - 據聞此芝麻卷的芝麻漿經五次過濾才拿去蒸，所以會特別幼滑。芝麻卷微

星期六一家四口到中環品嚐了一頓十分可口的午餐。午市套餐是一個非常豐富八道菜的組合，有花膠、鮑魚、遼參等高級食材，十分矜貴。八道菜中，我最喜歡花膠竹絲雞燉雪梨。湯水十分滋潤補身、清甜可口。喝後使人暖和，十分適合在最近既寒冷又乾燥的天氣飲用！魚湯鮮腐竹稻庭麵亦是我十分喜歡的一項。它似是十分簡單，但我覺得奶白色的魚湯並不平凡。魚湯甜美，沒有過重的調味，亦不會有丁點的魚腥味。環境舒適、衛生，食物可口、細緻，服務貼心、到位。總結，這頓飯十分出色！

今日約左mentor午餐，佢話想搵個坐得舒服、可以靜靜地傾偈嘅地方，所以book左鼎·會館。一踏出升降機，已經覺得餐廳裝潢好清新，又具中國特色。陽光透過落地玻璃映照入黎，令餐廳格外醒神。食物方面亦整體令我地滿意，而且每道菜份量都唔少，必定飽肚。一開始先飲湯，花膠同雞都相當足料，好有住家湯嘅感覺。之後嘅鮑魚鵝掌調味都恰當，唔會過濃，重點係個汁唔會做得過稠。再黎兩道炒蝦同欖角骨都好出色。蝦件好新鮮同爽口，連西芹食完全去除腥味。欖角骨非常惹味，且肥瘦相間，我地食到津津有味。再黎就係稻庭烏冬同甜品。烏冬嘅湯底係濃郁嘅腐皮熬嘅，特別之餘亦味道唔錯。甜品係番薯糖水，而啲番薯一概係糖心嘅，咬落香軟，係呢餐好好嘅完結。整體來說，鼎·會館環境清幽，坐得舒服，係中環區新嘅中價午餐之選！

之前睇鼎爺煮餸睇到流曬口水，知道佢開咗私房菜，就一直想約朋友去食，收到風知道佢喺中環開咗間，人少少都食食得！即刻book位試試！午市套餐分別有$498/$698，雖然$498可以揀3個小菜，但$698既開邊蝦同吉品鮑都係吸引啲！間唔時豪返轉先🤪一出場已經用印有「鼎」字既湯碗上，一打開！好大塊花膠！而且味道好濃，一飲落去，原來仲有塊鮑片，鮑片同花膠都有湯味架！之後就係涼菜孖寶，開頭重以為係d青瓜之類，原來係雞絲粉底配話梅蝦，2樣都凍冰冰好爽口，雞絲粉皮彈牙！話梅蝦酸酸甜甜好開胃，而且好易就甩殼，好新鮮 👍🏻👍🏻然後就到最期待既開邊蝦同吉口鮑喇！開邊蝦超級大隻，又係新鮮到可以輕易脫殼，而吉品飽講明係隻45頭！一邊食再慢慢切，慢慢品嘗一下，吉品鮑好鮮甜😌，啲冬菇同西蘭花都吸滿鮑魚汁，好快就掃清光🙈🙈之後就到兩道主菜，我地選擇咗「草菇鮮魚湯浸玉帶」，見到白雪雪既鮮魚湯底，忍唔住當湯飲咗幾啖， 好鮮甜嘅魚味，啲玉帶即係帶子，好大粒！份量一點也不吝嗇㗎！另一款主菜就揀咗春梅紫薑炒雞球，賣相顏色好吸引，雞球吸曬個芡汁，好入味，雖然都食到飽飽哋，但原來重未完！原來仲有鮑汁鱆魚雞粒燜飯，有小小似福建炒飯

星期六放假同家人去左食位於中環新開的鼎會館食午餐，享受一番😄😄點左鼎級午市套餐$698/位，環境很舒適，很有空間感，而且有露台俾吸煙人士，很貼心！涼菜孖寶首先前菜有鮑魚和蝦，鮑魚好林又鮮味；蝦大隻食落去很鮮味可口，有粒話梅係底更添滋味。肘子菜膽燉鮑翅燉鮑翅十分足料，翅很細滑豐富，味道好香濃，美味極了😋上湯焗開邊龍蝦好大隻的龍蝦，整得好林用叉一下就感口吉住黎食，用料新鮮，好彈牙而且十分入味！三蔥燜和牛助骨燜和牛助骨十分入味，食落去啖啖都好林又滋味👍🏻連香蔥都十分美味可口！松露野菌炒雞球好香濃的松露味，雞球十分入味，整得好出色，津津有味😋酸湯煮玉帶原來玉大係帶子黎，用左酸湯去整很特別嘅食法，帶子很入味。魚湯鮮腐稻庭麵魚湯好清甜，麵的質地好細滑好似食緊烏冬咁煙韌彈牙😋懷舊蕃薯糖水最後仲有糖水都很美味，好有薑汁的味道，清香舒解油膩的感覺😋