齊柏林熱狗店 (TKO Gateway東翼)

營業中

休息中

香港有超過20間分店 等咗咁耐終於開到去坑口 價錢都算幾平民 選擇又多 澳式風情熱狗 $38有芝士 千島醬 菠蘿 煙肉 腸仔 呢啲配料就好似平時食Pizza咁 只不過將薄餅轉咗做熱狗洋蔥圈 $15即叫即炸 都炸得幾香脆 不過味道就唔係好特別

🌭️🌭️熱狗黃店，你食過未？·呢間熱狗店紅咗好耐，仲喺全港多區都有分店，大家可以揀返近自己嘅區食呀😚😚其實自己好少食熱狗，不過見佢咁hit又喺黃店就試下😝·💛🌭️火炙芝士辣肉醬熱狗 $42第一次食當然叫佢嘅招牌款啦😋包有烘過嘅，芝士份量還可以，辣肉醬就唔算辣，整體就係一份正常不過不失的熱狗🌭️🤪熱狗專門店選擇唔多，黃店，價錢還可以，間唔中食下都唔錯👌🏻·🌟除咗以上呢款，仲可以選擇澳式風情熱狗/芝味熱狗，唔食得辣都可以食🌭️🤣👌🏻而士林原味望落好普通就唔推介叫了～

坑口最近開咗間人氣熱狗店🌭，成日都排長龍，今日終於忍唔住去咗試一試。餐廳只做外賣，冇得堂食，由於即叫即製，而且小店經營，所以我地落單後都等咗一段時間先有得食。我地叫左兩個餐，先講芝味熱狗，雖然話係三重芝士🧀🧀🧀，但由於會溶埋一舊，所以唔係咁食得出三種味，而且呢款嘅配料只有少許粟米，味道變得比較單調同淡味。不過芝士嘅份量真係好多，口感煙煙韌韌，鐘愛芝士嘅朋友可以一試。至於牛油粟米杯🌽，粟米夠甜，但就略嫌牛油味🧈唔夠，有點失望。相比之下，呢個澳式風情熱狗嘅表現就出色得多，芝士雖然唔似芝味熱狗咁多，但勝在有炙燒過🔥，食落較香口惹味。配料亦非常豐富，有菠蘿🍍喎煙肉🥓，配上千島醬，味道一流。薯條方面，因為入咗外賣盒嘅關係，食嘅時候薯條🍟已經焗腍左，有啲可惜，不過茄汁加千島醬嘅配搭值得一讚，幫薯條加番啲分。

這是一間由開張我就很喜歡的熱狗店，但一直都十分遠離我的活動範圍，但也令我知道，就算拿回家加熱也非常美味，現在到處都有分店，大家不用擔心找不到澳洲風情熱狗 $38用上紐綸堡腸，味道比較濃，但千島醬加上菠蘿和煙肉真的很像夏威夷pizza，連薯條也加上千島醬和茄醬，夏日的味道火炙芝士辣肉醬熱狗 $42雖然我有點怕辣，但試了兩粒辣椒的火炙芝士辣肉醬熱狗，很pizza的味道，很濃郁，但辣味完全可以接受，令人欲擺不能

#肥doi遊將軍澳.呢間熱狗店個名相信好多人都聽過甚至食過，近年不斷係唔同地區擴展分店，終於等到佢係屋企附近開分店，二話不說即刻試下佢地啲熱狗！-《火灸芝士辣肉醬熱狗》$42聽聞呢個熱狗係齊柏林既招牌，材料多到就黎滿瀉，有芝士、辣肉醬、洋蔥同黃芥末，因為肥DOI唔鐘意食洋蔥所以叫店員走生洋蔥，但點知辣肉醬入面都有洋蔥碎，不過都已經煮得好淋。芝士表面比火槍輕輕燒過做到拉絲既邪惡效果，食果陣會食到好似火灸壽司既燒烤味。熱狗包內兩側都係烘到鬆脆，辣肉醬本身唔係好辣仲有少少甜，辣味主要來自黃芥末，所以怕辣既朋友都可以一試。.《士林原味熱狗》$32雖然話上面個芝士辣肉醬熱狗係招牌貨，但肥DOI覺得呢個士林原味熱狗比較岩口味。呢個熱狗用左芝士粉代替熱溶芝士，突出左燒烤醬同酸瓜醬既酸味，味道酸酸甜甜非常開胃，亦都中和左熱狗腸既咸味。·《美國洋蔥圈熱狗》$36齊柏林最有口感既熱狗非佢莫屬，煎到表面香脆既法蘭克福腸串住4-5個炸洋蔥圈，面頭鋪滿芝士粉同燒烤醬，本身以為炸洋蔥圈會比燒烤醬整淋，但都可以保持住脆口。熱狗飽既軟配合炸洋蔥圈既脆令到個口感好豐富，不過食果陣要好小心炸洋蔥圈會跌出黎！.《芝味熱狗》

因為未食飯嘅關係所以單叫小食驚食唔飽就試咗個海南雞飯啦，估唔到一間熱狗店嘅海南雞飯係做得咁出色，睇相就知啦，首先會有三盤醬汁俾你點海南雞啦，仲有個好好味嘅油飯，整體來講其實我覺得比好多餐廳都好好食囉。一場嚟到當然就唔少得要叫熱狗啦，真係其實都幾邪惡嘅我叫嘅依一款，但係你望下啲餡真係多到好似要流出黎咁呀，而且真係超好味超Juice囉，所以你話有乜可能唔嚟幫襯啦。除此之外我仲叫咗個脆薯格啦，真係揸得超脆超好味而且配埋個醬汁真係一流。作為一間又好味又抵食嘅黃店，真係諗唔到點解你哋唔幫襯囉！

雖然屋企附近都有一間，但今次走咗嚟將軍澳終於試一試呢間幾出名既hotdog。由於佢個外觀都幾吸引，兩個人食都忍唔住各自嗌左一個熱狗加幾款小食。但係嗰日真係好多人嗌，幾個後生做多淋曬檔，結果等咗超過半個鐘。我哋嗌左火焰芝士辣肉腸熱狗🌭️同澳式風情熱狗🌭️同埋一啲小食。其實兩個熱狗都好食嘅，但係啲芝士好快就「鯨」左一舊，變得唔好食😭同埋建議個麵包可以整得再軟身啲，即場食嘅話一定係perfect ！小食方面都一樣，不過不失，但係熱食一定更好！下次會再試下屋企附近嗰間始祖店，但一定會等疫情好返之後可以放下口罩即食！

雞塊估唔到咁好味，正過某快餐店太多。洋蔥圈做到炸皮同洋蔥唔分離，高質！芝士辣肉腸熱狗：芝士爆醬咁多，足料，呢隻有黃芥末，我唔係太鍾意，見佢有好多味揀，好多都無芥末，下次再試其他先。

一直聽過呢間舖個名, 但冇機會試見到將軍澳開咗分店試咗個最貴嘅肉醬熱狗set點知不外如是， 非常一般薯條還可以, 睇到其他鋪啲食評話畀啲醬整到林曬,落單時膽粗粗叫佢醬分開上, 收銀姐姐好有禮貌, 值得稱讚( 其實這個我覺得是基本做法吧,麥當勞都唔會淋埋啲茄汁上去la,話曬嗰啲唔係芝士醬，只係千島醬同茄汁) 講返主菜熱狗, 其實係個包嘅問題， 個包好一般 ，又煎得唔夠， 我見負責煎包的都好"生手"下，個爐更似一啲都唔熱， 煎好耐都冇反應咁，如果个包煎得香脆啲，應該口感好好多， 又冇配菜蕃茄洋蔥等 淨係得呢醬汁，總括嚟講，好似食咗條珍寶腸加个包， 食到最後一啖我都冇食了， 个包唔值四十幾囉，試過一次就算了( 仲要買完先知原來xpanda自取有八折 )