影片
更多
2020-10-01
368 瀏覽
#肥doi遊將軍澳.呢間熱狗店個名相信好多人都聽過甚至食過，近年不斷係唔同地區擴展分店，終於等到佢係屋企附近開分店，二話不說即刻試下佢地啲熱狗！-《火灸芝士辣肉醬熱狗》$42聽聞呢個熱狗係齊柏林既招牌，材料多到就黎滿瀉，有芝士、辣肉醬、洋蔥同黃芥末，因為肥DOI唔鐘意食洋蔥所以叫店員走生洋蔥，但點知辣肉醬入面都有洋蔥碎，不過都已經煮得好淋。芝士表面比火槍輕輕燒過做到拉絲既邪惡效果，食果陣會食到好似火灸壽司既燒烤味。熱狗包內兩側都係烘到鬆脆，辣肉醬本身唔係好辣仲有少少甜，辣味主要來自黃芥末，所以怕辣既朋友都可以一試。.《士林原味熱狗》$32雖然話上面個芝士辣肉醬熱狗係招牌貨，但肥DOI覺得呢個士林原味熱狗比較岩口味。呢個熱狗用左芝士粉代替熱溶芝士，突出左燒烤醬同酸瓜醬既酸味，味道酸酸甜甜非常開胃，亦都中和左熱狗腸既咸味。·《美國洋蔥圈熱狗》$36齊柏林最有口感既熱狗非佢莫屬，煎到表面香脆既法蘭克福腸串住4-5個炸洋蔥圈，面頭鋪滿芝士粉同燒烤醬，本身以為炸洋蔥圈會比燒烤醬整淋，但都可以保持住脆口。熱狗飽既軟配合炸洋蔥圈既脆令到個口感好豐富，不過食果陣要好小心炸洋蔥圈會跌出黎！.《芝味熱狗》
#肥doi遊將軍澳
.
呢間熱狗店個名相信好多人都聽過甚至食過，近年不斷係唔同地區擴展分店，終於等到佢係屋企附近開分店，二話不說即刻試下佢地啲熱狗！
-
《火灸芝士辣肉醬熱狗》$42聽聞呢個熱狗係齊柏林既招牌，材料多到就黎滿瀉，有芝士、辣肉醬、洋蔥同黃芥末，因為肥DOI唔鐘意食洋蔥所以叫店員走生洋蔥，但點知辣肉醬入面都有洋蔥碎，不過都已經煮得好淋。芝士表面比火槍輕輕燒過做到拉絲既邪惡效果，食果陣會食到好似火灸壽司既燒烤味。熱狗包內兩側都係烘到鬆脆，辣肉醬本身唔係好辣仲有少少甜，辣味主要來自黃芥末，所以怕辣既朋友都可以一試。
.
《士林原味熱狗》$32雖然話上面個芝士辣肉醬熱狗係招牌貨，但肥DOI覺得呢個士林原味熱狗比較岩口味。呢個熱狗用左芝士粉代替熱溶芝士，突出左燒烤醬同酸瓜醬既酸味，味道酸酸甜甜非常開胃，亦都中和左熱狗腸既咸味。
·
《美國洋蔥圈熱狗》$36齊柏林最有口感既熱狗非佢莫屬，煎到表面香脆既法蘭克福腸串住4-5個炸洋蔥圈，面頭鋪滿芝士粉同燒烤醬，本身以為炸洋蔥圈會比燒烤醬整淋，但都可以保持住脆口。熱狗飽既軟配合炸洋蔥圈既脆令到個口感好豐富，不過食果陣要好小心炸洋蔥圈會跌出黎！
.
《芝味熱狗》$38算係齊柏林最平平無奇既熱狗，三重芝士無咩特別，放耐左仲會痴埋一齊變左一層膠咁，食落味道有少少似杰左既忌廉粟米湯，可以無下次。
.
《芝士辣肉醬薯條》$26薯條份量唔孤寒而且唔會好碎，撈埋面頭既芝士辣肉醬都唔會變得好淋，但最好盡快食因為熱溶芝士一放耐左又會變成一層膠咁，掛唔到係薯條上面。
-
👅味道：7/10
🍱賣相：7/10
🏠環境：N/A
⭐總評分：7/10
張貼
