齊柏林熱狗店 (龍門居)

營業中

休息中

龍門居太多好野食！有時真係花多眼亂唔知揀咩食好今日唔太肚餓揀個熱狗🌭️食火焰芝士蕃茄辣肉醬熱狗🌭️超級足料勁大個， 荷蘭腸勁大條，個包好軟熟配合埋辣肉醬好好味😋口感豐富。食一個熱狗都好飽肚

鋪頭位於龍門居 小食街再入 角落是一間 鋪面唔大 只售外賣 選址偏靜 但值的確食過番尋味～餐牌上可見熱狗款式都多🌭️好認真睇完佢唔同口味有咩配料都花左我幾分鐘時間做決定佢唔同口味會有唔同既熱狗腸，所以今次心水係 澳洲風情熱狗🌭️ 聞落都好香 表面有火炙芝士 波蘿 煙肉 紐倫布腸仔 同微微甜 烘過的包包 配搭清新 唔肥膩 雖然你可能會話都係Pizza餡 都佢呢個價錢既素質 比起你坊間大牌子既料同味道 係有過之而無不及。10/10分 推薦

相信有follow開foodie嘅人都一定會聽過呢間好💛嘅熱狗店。呢間開勻港島九龍新界嘅熱狗店，我竟然二零二零年十月先試到。但係有心都未算遲啦！朋友們都話嚟間熱狗中午時段都要等好耐😆 我唔信邪，佢營業時間中午十二點半開始我十二點九先到，結果都要排五分鐘先落到單...~ 由落單到外賣到手時間為廿五分鐘，比起朋友係荔枝角等咗四十五分鐘較短。值得讚嘅係店內嘅同事，雖然做到踢晒腳但係仍然好有禮貌，外賣亦包裝得好好由於疫情關係，我都係拎到返屋企先食。澳式風情熱狗味道冇乜特別。熱狗上面有煙肉碎同兩舊細菠蘿，配料份量都比較少。同埋唔知係咪拎到返去凍咗少少，芝士食落亦冇乜味。熱狗係採用嘉頓麵包，好乾身，呢度扣咗唔少分。好可惜！反而小食真係令我刮目相待！價錢超級抵食！跟餐嘅兩款小食只係加十二蚊。細薯條嘅份量一啲都唔細。薯條上面放咗超級多茄汁同千島醬，仲有少少酸瓜碎。唔鍾意咁多醬嘅朋友記得分開醬。粟米份量都好多，比較硬身(我好中意)，牛油味唔係好濃，感覺健康啲！雞塊真係超級無敵好食，肉質較麥記實，食落唔會太油，配埋BBQ醬真係一流！整體嚟講，食物CP值都算高。聽聞呢間熱狗店間間嘅評價都好唔一樣。上次有另一

之前在龍門居買大阪燒時已留意到這間店，正是大阪燒店街的盡頭，見到有不少年青人正等待外賣，而且傳出陣陣香味，當時已經好吸引，所以今個星期日特意走到龍門居「掃街」─外賣自取。火炙芝士辣肉醬熱狗$42由於龍門居距離我家較遠，所以外賣回家時，熱狗已經放涼了，味道當然大打折扣。熱狗是相當大份，當然價錢也不便宜，不過味道並不是特別出色。其中令我感到鬱悶的是辣肉醬其實是蕃茄醬，芝士味道淡，蕃茄味很濃郁，而且幾乎感受不到辣味，所以我對醬汁是失望的。當然麵包很鬆軟，荷蘭腸相當大份，但熱狗的靈魂是其醬汁，我只是嚐到口腔充滿蕃茄味，失去了平衡。我想下次應該不會再吃這一款了。

我用openrice叫外賣自取 喺openrice apps度叫 有優惠 又方便原價五十元餐 現在有二十元優惠即係三十蚊就有一個餐 非常抵食 個餐有熱狗包一個 細薯條 一罐汽水 上幾次食菠蘿冰好好味好有兒時回憶 可惜 菠蘿冰但沒有貨了 只好叫汽水芝士包啲芝士多到滿瀉 個包又脆卜卜 條腸又長又大條 每一啖都好豐富呀爆曬將出嚟 超滿足薯條雖然係細薯條 但已足夠一個人的份量 薯條 上面已經加咗好多好多嘅醬甜甜酸酸熱辣辣 好好味 下次我會再試下其他包同埋炸魚柳我都會試曬熱狗店的小食

Zeppelin熱狗🌭️咁高人氣相信好多foodie都食過, 明明有好幾間近屋企嘅分店, 點解今晚會特登入黎龍門居食呢？ 其實我係特登黎食佢嘅Burrito架!!!!🌯牛柳+熱熔芝士Burrito (HKD47)上次食左雞肉已經好掛住個Burrito, li排要食多啲牛肉所以揀牛柳, 今次即買即食一定係加8蚊要熱熔芝士🧀吧! 一打開合d芝士多到要爆出黎🤩, 牛柳肉份量要用”澎湃”黎形容, 咬落無筋夠軟腍, 生菜新鮮shok shok聲, 由於實在太大份burrito同太足料, 最後都要老公出手🙌🏻.🌯跟住梗係要加HKD12食Mozarella芝士條(2條)& HKD12食法式蘆筍巴馬臣芝士波 (2粒), 每款一人一件, 推介蘆筍芝士波必食👉🏻佢有啲似IKEA嗰隻frozen西蘭花焗薯, 但店家li款芝味更濃, 薯粒更有口感.🌯德國🇩🇪酸菜熱狗🌭️ (HKD38)平時喺Aeon買一包6條靚腸標準價都要HKD59即係成10蚊條腸, 店家選用大大條紐倫堡腸做熱狗竟然只賣38蚊🤣, 老公話酸菜真係好好食, 又足料.🌯細薯條+雪碧 (+HKD12)其實最驚喜係li個add on薯條, 佢特別在唔係個

相信好多朋友對呢間熱狗店都唔會陌生今次亦係貓生貓太第三次食喇🤤本身第一次食只係抱住一個撐黃店既心態點知原來真係食到停唔到口之後貓生每次見到都一定要食 仲要食返同一款💛😝.1️⃣芝味熱狗 $38(三重熱溶芝士、粟米、蛋黃醬、法蘭克福腸）👦🏻已經食第三次 可想而知有幾吸引面頭個芝士真係厚到好誇張 輕易一咬就有拉絲🧀鐘意食芝士既朋友真係唔好錯過～仲有特別既係腸仔底下加埋沙律醬 食唔停口🤤2️⃣薯格 (細: $15)同樣地👧🏻都係每次都會嗌同一個小食即叫即炸 好香口好脆😚.舖頭內幾乎貼滿文宣、poster荃灣店更有巨型連儂牆💛想食熱狗🌭️就一定要去撐下黃店喇～.好味指數：🌕🌕🌕🌕🌗窮遊指數：🌕🌕🌕🌗🌑性價比：🌕🌕🌕🌕🌑回頭指數：🌕🌕🌕🌕🌕

🐻其實好耐無食熱狗啦 😆 尼間店都聽過佢既名，原因係佢都幾黃啊，而且見到好多朋友影相打卡，見到隻熱狗真係流曬口水 🤤 本🐻今次去屯門龍門居店，雖然唔算好起眼，但要搵一定搵到既 😌 去到發現有8款熱狗，款款都好有特色咁唷 🤤 🐻係「火炙芝士辣肉醬熱狗」同埋「澳式風情熱狗」之間掙扎，最後因為「火炙芝士」而揀左前者😆 聽聞尼間熱狗店🌭️會再係屯門良景店開新店，大家都要繼續支持黃店啊 🤗推介‼️✨「火炙芝士辣肉醬熱狗」即叫即整熱辣辣送上😲 雙重火炙芝士鋪面，再加埋秘製辣肉醬、新鮮洋蔥粒、黃芥末醬，配上120g粗荷蘭腸 🤤 一大口超滋味無得輸啊‼️✨買完先發現原來買熱狗仲可以加$12任選兩款小食🥺 見到薯條好吸引，下次再試俾大家知‼️

美國洋蔥圈熱狗🌭️ $35+$12 配兩款小食小編揀左細薯條同汽水食嘅時候有啲後悔揀左呢款熱狗因為打開發現佢真係好普通😂熱狗腸中間串左幾個洋蔥圈食嗰陣都幾捩棄😣一係洋蔥圈跣 一係腸跣不過個包微烘過小脆就幾好而味道都唔及以前食嘅其他味正但唔知係咪分店問題 再加上食嘅款唔同 荃灣嗰間真係正極多！服務態度亦好極多👍🏻細薯條🍟一直好中意佢個醬嘅溝法 係千島醬加茄汁咁嘅配搭食薯條好味😋但可惜佢個薯條係凍嘅😢即刻扣好多分

間唔中想食垃圾食物就買熱狗食。自問未試曬咁多款，因為差唔多次次都被澳洲風情熱狗🌭️吸引。面頭嘅芝士好吸引，有燒過嘅痕跡。入面嘅菠蘿增加再清新嘅口味。麵包外表有脆脆地，入面就十分鬆軟。至於呢個熱狗用嘅紐綸堡腸咬落d汁出曬黎，為成個包增加濕潤感。再加10蚊買咗細薯條。呢到係粗薯條，感覺呢幾次食薯條質素差咗，入面空空的，亦都偏淋。

去屯門揾fd, 住喺度多過廿年嘅朋友特登帶我去龍門居嘅美食街朝聖, 第一站食完個好好味嘅lunch, 跟手買埋小食今晚返工食. Li間熱狗店x Burrito店都想食好耐了😋😋😋😋.>Burrito有多款配料選擇: 有齊雞/牛/豬/蝦/魚任揀, 亦照顧到素食嘅朋友👉邪惡嘅芝士同充滿夏威夷feel嘅菠蘿🍍. >雞肉x 芥末沙律 Burrito (HKD33)拎到返公司講緊都成三個鐘之後, 唸住喺pantry焗一焗個Burrito先食. 發現無li個需要, 中間切開, d菜仲keep住新鮮挺身, 咬一啖就知個膠袋原來係for承返住爆出黎嘅餡, 雞肉x芥末沙律醬好味😋, 切片蕃茄增加juicy感, 如果即食我會recommend加熱熔芝士, 超正🤤, 個Burrito由頭至尾都份量十足, HKD33實在抵食!

最近忙於懲罰良心食肆，龍門居既一條街就有七間，實在係有排罰。今次試下zeppelin hot dog，叫左芝士辣肉醬薯條、士林原味熱狗，跟餐加12蚊左菠蘿冰同牛油粟米。芝士辣肉醬薯條 - 芝士拉絲好正呀～～肉醬香濃薯條香脆，推介！士林原味熱狗 - 好食，包鬆軟，腸仔唔會咸。菠蘿冰 - 一路食一路話呢個係童年回憶，記得以前小息菠蘿冰成日賣哂，消暑一流。牛油粟米 - 好邪惡既美食，香甜多汁。支持小店！下次再幫襯其他小店。

作為屯門嘅街坊，當然要力撐一下啲小店啦今次去到龍門居樓下試一試呢度嘅熱狗店脆卜卜薯格！講起薯格我都唔知有幾耐冇食過！今次下午茶所以就買咗一個細嘅去試吓超級無敵極度後悔點解我咁蠢淨係買咗一份細嘅？炸到外脆內軟，而且好香好好食！真係可以叫份大既黎食都唔會嫌多！！！重頭戲熱狗！揀咗個洋蔥圈配熱狗本身以為呢個配搭會食到好滯，點知佢配左個酸酸甜甜嘅汁，食落好開胃越食越上癮，不知不覺就成舊都食晒黎番個合照先啦yeah

高層量外賣熱狗店。推介澳洲風情熱狗$36, 餡料芝士,煙肉,菠蘿,纽倫堡腸,菠蘿清甜juicy , 火炙芝士溶在熱狗表面很creamy , 紐倫堡腸又彈牙, 熱狗包又軟熟配千島醬。加$12 有餐跟,可揀2款小食或飲品。還有火炙芝士辣肉腸熱狗$40, 香辣肉腸配火炙芝士很搭配。田園風味熱狗, 有很多青瓜絲,洋蔥, 紐倫堡肉腸（外皮脆內軟）配千島醬一绝。小食還有麥樂雞塊配滋味燒烤汁和蔥花; 鱼手指; 洋蔥圈; 芝士辣肉醬薯條… 各具特色，值得推介。

印象中既熱狗係香口配美味醬汁 可惜唔知係咪為咗慳錢 成日偷工減料 啲醬汁小到食落去勁乾 薯條亦然 好幾次已經特登叫佢多醬汁 可惜都冇改善過 已經俾咗幾次機會 唔值得再食 其實與其慳啲醬汁錢 不如做好個品牌 真心失望其實新年後 已經見佢加咗價 以為食物質素可以得以保證 可惜嘅係每況越下 成日諗住俾多次機會佢 每個星期都去試 可惜食物質素每況愈下 如果成本做唔住真心寧願佢加價好過偷工減料 例如叫個芝味熱狗餐 食完一啲都唔滋味 其實好掃興 希望佢哋真心會改善