齊柏林熱狗店 (太安樓) (已結業)

沒想到馳名黃店界的齊柏林在西灣河也有分店,看來擴充速度奇快呢~其實很想試一試其熱狗,可是已近晚餐時間,所以只能略為支持一下其小食,惟有下次再戰吧,反正處處都有分店。即炸大薯格   22元  4.5/5分點完單之後就等10分鐘左右,然後就直接打包走人,在旁邊品嚐,當然要熱食啦~份量多又不貴,有好多茄汁,好好味,非常滿意!等候時好多人都叫熱狗配小食打包,大約都要等10分鐘,證明都是即做新鮮,似乎香港人對熱狗的接受程度提高不少,希望下次有機會在其他分店試試~

未食之前，充滿着期待，Order左田園風味熱狗，新鮮即製，其實成個包嘅餡料做得唔錯，可惜青瓜絲雪得太凍，令到成個包就算新鮮製造出嚟，都瞬間變凍哂，有點失色！🙁薯條亦應該係翻炸過，感覺好硬，食到咀都損，有點失望😭但係有機會，都想俾多次機會佢試吓其他包嘅！曾經聽過朋友話西環嗰間好好食，但係西灣河就真係普通過普通，首先太安樓環境太熱，仲要等候時間超級耐，衛生環境又唔好，我只係有幾張枱俾人企喺度食，大大減少堂食嘅意欲，建議都係take away算啦！

🔎Zeppelin Hot Dog Shop (西灣河) 📍西灣河筲箕灣道57-87號太安樓地下A55A號舖-食齊柏林又唔一定食熱狗嘅 今次係太安樓掃黄就淨係嗌咗小食🔹雞塊 $20/9件相信大家都唔會去食金拱門 但又想食雞塊嘅話其實齊柏林都係個好選擇 仲要係即叫即炸 無雪藏味 加埋BBQ醬都幾好味🔹大薯條 $15食小食又點少得薯條 大薯條係用熱狗盒放滿 真係勁多勁抵食 仲要係粗薯條 仲要淋咗大量茄汁同千島醬 又好味又唔dry呀🍴搵返相關地區👉🏻 #90sfoodieshare_西灣河#食在西灣河

齊柏林既熱狗絕對係高水準之作，CP價極高！可以將平平無奇既熱狗做到咁多款式同配搭之餘味道仍然維一定既水準，值錢又唔係好貴，掂呀！美國洋蔥圈熱狗係一條煎到脆卜卜既法蘭克福腸上面套住一圈圈既即炸洋蔥圈，再淋上特色惹味既燒烤醬，再撒上芝士粉，將美式風味表現得淋漓盡致！澳式風情熱狗紐綸堡豬肉腸配上清新而不膩既千島夏威夷醬同菠蘿，啖啖肉既腸仔上面鋪滿芝士，芝士下面再蘊藏煙肉，我比較鐘意呢個配搭！重點係啲麵包咬落去係脆，證明佢地係先前用牛油焗過，加分！呢個價錢食到呢個質素，良心小店，超值！

良心熱狗店越開越多 17間分店可見其受歡迎程度極高抵食套餐 熱辣辣超高質熱狗薯條-🍟 大薯條薯條熱辣辣又粗又大條 醬料極多啱晒我呢個食醬怪😂 啖啖都食有茄汁同千島醬 真係毫不吝嗇俾勁多貨 必讚千島醬好好味 兩款醬料撈埋睇得又食得🤤🌭火炙芝士辣肉腸 芝士+辣肉腸+生洋蔥+黃芥末+荷蘭腸😋 睇到個配搭已經lamlam脷!! 餐牌上見到有兩隻辣椒仔唔算食得好辣嘅我仲有問下可唔可以要小辣 店員話辣度係固定但整體唔會好辣 食完都覺得完全冇問題🤙🏻 餡料好豐富呀真係 表面舖滿芝士 內裡有啲肉醬茄醬黃芥末醬 淡淡嘅辣味再提升成隻熱狗嘅味道 加上條腸又大又香 整體嘅體驗都好好 可以睇定餐牌諗定下次試邊隻味啦😆

星期日係外賣日。 星期日冇人煮飯就最岩試下平時最想食既外賣小店。我地叫左2個熱狗都係best seller, 就試1試啦。 我地6點左右叫外賣， 都唔少人買。火炙芝士辣肉醬熱狗：上面真係好多半溶芝士， 未食見到已經流口水。個辣肉醬唔算太辣， 但幫個狗狗加左唔少分， 腸就冇咩特得。紐約辣熱狗：明顯比之前試既熱狗辣好多， 上面有洋蔥絲， 食落去香口好多。熱狗腸我覺得都係冇咩特別， 可能d topping 真係吸引太多。我比較鍾意火炙芝士辣肉醬熱狗， d芝士太過吸睛。

我哋買左齊柏林熱狗店嘅薯格（小）（$15）（其實本身想食熱狗但係覺得熱狗應該會太飽😫😫）因為我唔係好鍾意食茄汁嘅關係所以叫咗蛋黃醬因為係即叫即整嘅關係所以真係勁新鮮滾熱辣🥰🥰而且呢度薯格嘅口感完全係我想要嘅👏👏

🔎齊柏林熱狗店 💛 #黃店系列📍西灣河筲箕灣道57-87號太安樓地下A55A號舖-💛多次罷市、支援手足、文宣齊柏林係好多區都有分店 有好多款都想試 價錢雖然唔算平 但質素都對得住個價錢嘅🔹 火炙芝士辣肉醬熱狗餐 $54 自選2款小食/飲品 揀左細薯條同牛油粟米杯熱狗真係好好味 就算係外賣返去食凍左少少都好味熱狗包夠鬆軟 芝士凍左拉唔到絲 辣肉醬都幾多 轉左紐綸堡腸 外脆得黎又唔會好咸薯條都好味 比想像中多 唔想飲汽水所以跟多個粟米杯 感覺健康D?🤣

久仰Zeppelin Hot Dog大名但一直未試過食終於今日黎到美食店林立嘅太安樓黎食🌭️-由於朋友唔鍾意食芝士所以基本上好多望落幾吸引嘅選擇（例如火炙芝士辣肉醬熱狗、芝味熱狗）都唔食得我地最尾揀左澳式風味熱狗餡料有煙肉、千島醬、菠蘿🍍同紐倫堡腸-我覺得個煙肉係最好食嘅部分因為本身煙肉有相當多油脂配合酸甜嘅菠蘿、千島醬都幾好食條紐倫堡腸都幾好食佢無普通嘅脆皮腸咁脆口，但好處係唔會奪去煙肉、菠蘿等餡料-另外要大讚嘅係佢潛艇堡個包本身由於佢係即叫即製所以唔會啲千島醬汁唔會搞到個包淋bat bat同埋你會見到個包嘅邊有啲炭燒過嘅痕跡所以食落口會有炭燒香味-Overall非常推薦大家支持呢間小店

今日就介紹返一款好味既小食啦！呢間「齊柏林熱狗🌭」我自己Bookmark 左好耐，今日經過西灣河終於可以試到！我覺得佢味道未去到話非常難忘，但價錢合理又幾好食😋！呢款澳式風情熱狗🌭，熱狗既麵包輕輕煎過，所以裡面暖暖地，麵包就幾鬆軟👍🏻，而餡料方面，用左芝士🧀菠蘿🍍煙肉，甜甜嘅千島醬，加上菠蘿肉，味道都幾清新，而入面既香腸都幾脆口，煙肉為熱狗帶點油份！最重要既係千島醬上有一層厚厚芝士，味道份外濃郁，難怪長期都咁多人排隊，未試過既真係要試下呀！

『抵食熱狗套餐//加12蚊有薯條有栗米』突然非常想吃熱狗 想起家附近有這家熱狗店之前試過幾次都很不錯所以今天再來吃吃看火焰芝士辣肉醬熱狗 $42不知道是不是我的錯覺今天的熱狗包，沒有之前的鬆軟，有點偏乾 幸好上面的醬汁非常多，吃下去還算是潤 Cheese很香，但如果份量可以更多就好了 香腸的外皮爽脆，但不算多汁 整體來說，熱狗的表現不錯，但不會很有驚喜 這個價錢是不錯的選擇 購買熱狗可以加$12，就可以自選兩款小吃 或者是飲料 我就選擇了玉米和薯條 玉米是牛油味的，但不會油膩 薯條份量很多，但是上面的番茄醬和沙拉醬太多了， 有點泡軟了 或許下次我會選擇少醬～～～

疫情被困屋企時突然好想食熱狗。是日放工搵到呢間熱狗店。睇個樣都覺得應該幾好食。我已經成九點先黎，竟然仲要排成6個人。太安樓黎講，佢都真係幾好生意。叫左個德國酸菜熱狗。唔係Best Seller 黎，但見都夜喇～都係唔好食澳洲同美國呢啲重口味狗。等左十分鐘左右。唔知係咪因為餓，驚喜地覺得好好味！個包比想像中軟(雖然我會鍾意硬啲嘅包), 紐倫堡腸比較細條，但好在唔會好咸，啲酸菜炒過同隻狗好襯。最好係啲醬嘅份量剛剛好！竟然無食到周圍都係！發現呢間嘢真係大檸樂。遲啲又要黎encore。

叫左個 澳式風情熱狗🌭，佢啲芝多都呢😍😍，啲千島醬又同佢好match,啲煙肉芝士千島醬同熱狗腸，一啖咬落去真係好感非常豐富，食完會好漏，食完熱狗之後仲想食日本嘢🤦🏻‍♂️

香港專賣熱狗店唔多，平食既我諗起IKEA，但真係得個平字，條腸好似白烚咁，醬料只有蕃茄醬同芥末醬，純粹要黎填肚， 都幾難食下，但太安樓竟然有間熱狗店，即刻好有衝動試返隻士林原味熱狗$32熱狗即叫即做，所以都要等一陣，香腸用上匈牙利腸，條腸咬落好脆帶微辣，加上茄汁，黃芥末，酸瓜醬，芝士粉，個酸瓜醬酸酸甜甜，中和返香腸既咸味，熱辣辣食，非常好味除左散叫熱狗，仲可以跟餐+$12揀佢特選既小食同飲品，另外亦都有d小食可以散叫，例如洋蔥圈，炸雞塊，薯格等，下次幫襯會試下

太安樓一向都有很多好味的小店匯聚，是一個不容錯過的「搵食」好地方，今日就推薦這間熱狗店😍 食物 3/5👉 澳式風情熱狗菠蘿+煙肉+千島醬加上大量芝士 的配搭無論係熱狗/Pizza都同樣好食加上中間的德國腸， 鐘意食熱狗的您一定要試下😉備註：此餐廳有幾間分店， 我第一次食荃灣分店就已覺得驚為天人， 芝士熱狗上的芝士像瀑布般咁多😋