齊柏林熱狗店 (太安樓) (已結業)

政治示威影響如同打風，無地鐵搭幸好有巴士，近近地即興約去朋友家玩打麻雀 。我地終可品嚐到Zeppelin熱狗專門店於太安樓的新開分店食熱狗🌭、邪惡薯條🍟及薯格😋上次來到多人要等及時間好晏而放棄，今次多時間可耐心等😁即整需時，要耐心等待，買完飛要等約10分鐘， 呢個時候去了老虎堂買珍珠奶飲 😋今次試左：🤤火炙芝士辣肉醬熱狗辣辣地，好香口，肉質口感好，好多邪惡芝士🤤澳式風情熱狗相對清淡，有菠蘿，其實每款熱狗用既腸未必一樣，可以逐款試曬P.s. 熱狗嘅麵包唔夠脆，可能叫了外賣，用個盒裝住有少少焗淋咗😥本來打算攞去朋友家食，後來都見有枱可以立食就忍不住即食🤭🤤烤菠蘿一般🤤細薯條 （買熱狗+$12 有2款小食，計落$6超抵食）幾好，香口，唔會過咸，沾埋醬汁食更惹味感覺無甘熱氣🤤飛船小食杯有雞塊、薯格、洋蔥圈，雞塊麻麻，M記較好味！其他Good😋#太安樓美食 #西灣河 #MagicCherry攻美食 🍒

上次多人，排左陣，今日下午時段見唔多人排，就即9衝入去，又係點翻上次個火腿芝士辣肉醬熱狗。果然又有新感覺，上次覺得少少漏，今次食完冇左呢個感覺，正左！問左老闆，佢話聽左客人意見，改良左。係聽人意見，值得支持!趁冇乜人真係快少少落order, 制作需時XD

同靚靚老婆手拖手試 Zeppelin 熱狗專門店，6款熱狗都好吸引！仲有邪惡薯條、薯格、冰菠蘿、烤菠蘿！依間專門店有唔少分店，西灣河依間成日要排隊，不過佢做到好晚都未收，可以放假打牌時買外賣。熱狗其實都有分類，茶餐聽用細腸（一係5000年，一係美國廚司），宜家、戲院D都整得唔錯，至於用外國粗身腸既Zeppelin，既做到配料醬料好味，腸質都唔錯。「不過個麵包就唔夠脆」。今日試左🤤火炙芝士辣肉醬熱狗辣辣地，好香口，肉質口感好，唔係5000年文化腸，有幾款醬同芝士🤤澳式風情熱狗相對清淡，有菠蘿，其實每款熱狗用既腸未必一樣，可以逐款試曬🤤烤菠蘿一般🤤細薯條幾好，香口，唔會過咸🤤飛船小食杯有雞塊、薯格、洋沖圈，雞塊唔好食，其他Goooood

黎到西灣河，不得不去太安樓覓食下！行過見到新開左間熱狗店，就決定試下啦。今次同朋友分別揀左芝士熱狗同田原風味熱狗仲加左薯條。佢個熱狗份量都幾多下，起碼有我一隻半手掌咁長。麵包有焗過都幾脆，我食田原風味就係蔬菜配醬，佢餐牌上面都會寫名係有咩材料落咩醬，好細心！好詳細！食落味道好好，不過佢個醬有d多，所以都幾膩，如果可以下次叫佢少d醬先得。朋友食個芝士都好吸引，芝士佈滿晒係上面勁吸引呀！然後個薯條都好好食，好脆好香，不過都係太多醬啦，可以叫佢少番d。絕對會再幫襯！

經過見好似開左冇幾耐,決定買個熱狗黎試下,選擇唔少炸洋蔥圈熱狗第一次聽, 咁有創意就揀佢熱狗腸香脆, 洋蔥圈原來係成條連住炸再將腸穿入去,好高技術下不過高估左個份量, 早知加$12 食埋個薯條堂食完 收銀哥哥仲好有禮貌講多謝

住係附近既朋友話唔開心 想出去吹水 我朋友夜晚想去海傍吹水 想搵啲野咬下 外賣左兩隻熱狗 要等十分鐘左右 所以等緊期間去便利店買左d啤酒 之後去拎熱狗 再去左海傍 一路飲吓啤一路食熱狗吹下水 好正好有feel 成件事好有feel 😂 冇加薯條好後悔 唔係可以再吹水吹耐啲! 熱狗同之前一樣好食 不過今次外賣出去食仲正 哈哈!

見新開熱狗鋪諗住試下，四眼收銀員員工問我食咩，話某部分食物會等耐d﹐答左佢食咩佢就話要等好耐，我禮貌問佢大概等幾耐，佢就指下後面zip 滿order 嘅board﹐就黑口黑面話：「d單就係哂度，你自己衡量吓要等幾耐，我答唔到你幾耐，總之好耐。」我點知你整order要幾耐，連你做員工都答唔到，客人點知，其實你答個大概時間我都收貨啦，如果你d 單做啱切你不如拉閘唔好接單囉。住西灣河咁耐，係太安樓幫襯咁多間鋪頭，未遇過咁差態度嘅收銀。最後我呆一呆，冇叫野食走左

太安樓裡都林立不同種類的美食小店，店舖競爭相當之大，要具有特色先可以突圍而出😊呢間熱狗店終於伸延到港島東喇！愈夜愈熱鬧的太安樓中，當然有不少食客，點餐後約15分鐘後，美食就遞到手上🥰美國洋蔥圈熱狗🌭️🥔一次過滿足曬2個願望，大啖咬落沾有香濃BBQ醬汁的洋蔥圈及脆皮腸，而且麵包焗得好香脆！拎起食時要揸實腸仔尾端，不然會從洋蔥圈中滑出黎😂澳式風情熱狗🌭️熱狗上面鋪滿煙肉、菠蘿仲有千島醬、夠哂足料，芝士有拉絲效果！🍍芝士煙肉薯條🧀🍟切得超厚薯條，啖啖薯仔肉，加上分量十足，見到滿瀉嘅芝士同底下嘅肉醬，同朋友share食十分好在炎炎夏日，店舖位置有限的情況下食熱辣辣熱狗都好考意志力，但面對美食及店員窩心安排在冷氣機下用餐，值得再黎💯

總係覺得宵夜時段既太安樓呢兩三個月無咩野食，有時去到都唔知食咩好，食黎食去都果兩三樣，講真，真係有d悶咗。呢日，比我發現開咗間美式熱狗店！即刻試試佢！-睇個menu其實就唔多選擇，不過我覺得選擇少有時係好過好多選擇，因為佢地會專注做好果幾樣野食呀嘛。我地就簡咗火炙芝士辣肉醬熱狗＋細薯仔＋冰菠蘿！外賣返屋企食！其實起初有少少擔心呢d熱狗拎到返屋企會唔會凍晒呢，會唔會唔好食呢？但都無得諗咁多啦！試就試啦！-【細薯條（茄汁＋千島醬）】食第一條，依～ 有驚喜喎，佢無因為焗係膠袋到而變得淋身出晒油，熱度好夠，而且依然外脆內軟，都無出晒油既狀況！另外，佢個茄汁千島醬酸酸甜甜，一口接一口，爽！-【火炙芝士辣肉醬熱狗】喂！好大個熱狗！仲要好好食喎！佢呢到個包係用嘉頓麵包，鬆軟得黎唔乾，而條腸既味道都好好，成個熱狗本身係非常classic既熱狗款。 然後佢地係熱狗加上辣肉醬同芝士，辣味令個包既層次更加豐富好味！！都係幾好食！-總結，食完先知原來呢間鋪頭已經有幾間分店，小店要加油！而且鋪頭入面既幾知年輕人都好用心好有禮貎，值得一讚！快d去試下啦！

太安樓入面啲小店久唔久就會大換血，呢排又換咗一批新嘅小店，今日就試下熱狗😋本身想揀signature嘅火炙辣肉醬熱狗，不過唔食得辣但又好鍾意食芝士，所以就試吓三重芝士嘅熱狗熱狗店好貼心，用張紙巾包住隻叉，非常衛生加咗$12套餐配2個小食，揀咗牛油粟米同細薯條，薯條雖然係細，但係都有好多，而且炸得好脆，就算攞到返屋企食都未淋雖然話係牛油粟米杯，只食到輕微嘅牛油味，啱曬我呢啲又怕肥又想食得健康啲嘅人🤣最後去到主菜三重芝士熱狗，就略為失望，芝士經過一程5分鐘嘅路程後，就已經啱晒變咗一舊膠，可能要即食先有熱熔嘅感覺

剛好到西灣河辨事，順道到太安樓潮勝。晚上8點多到，依然有不少小店營業。今天吃的是在荃灣、屯門、堅尼地城有分店都有分店的美式熱狗店Zeppelin Hot Dog Shop。熱狗有6款口味選擇，還可以加購薯條、炸薯格等小食。熱狗包選用嘉頓麵包，即場旱熱後熱辣鬆軟。火炙芝士辣肉醬熱狗，熱狗包旱熱後塗上了芥末醬，再加放荷蘭腸、洋蔥和辣肉醬，店員再火炙芝士。熱狗包辣辣地非常惹味，加上火燒芝士勁邪惡。一個熱狗包剛好可以飽肚，還有少少空間可以食附近的雞蛋仔，珍珠奶茶，海南雞飯等美食。

團購價$35買左$50現金券，之前冇試過。熱狗款式有多種，最後揀左火灸芝士加大薯條。熱狗很足料，有芝士有辣肉醬，賣相很好但覺得整體太咸😓⋯⋯而薯條都ok👌，醬料都不錯。有機會會食芝士薯條。

行過西灣河見有點肚餓，咪諗住入去太安樓睇下有乜小店好食，點知發現有一間新開張熱狗小店好多人排隊，咪諗住試試，點知真係好有驚喜，CP 值十分高我就試咗熱士辣肉醬熱狗及芝士大薯條，小店即叫即做，醬汁及芝士比例恰當，唔會太鹹，又唔會因芝士比例太多，食到好流，麵包保持微暖，口感一流，薯條粗大，食落有薯味，再配合即整熱熔芝士及即炸薯條，真係無得輸，好食過 M 記幾倍雖然係小店，但睇得出班後生仔好比心機用去製作，真係值得推介嘅香港小店

Weekend當然是訓到自然醒呀～ 仲唔應該煮飯🤣所以派咗老公去太安樓買新嗰間熱狗返嚟試吓，上佢地facebook page有埋menu, 遙距老公落單🤣🤣本身淨係要田園風味熱狗🌭️，但睇睇吓見到薯條都好正，就追加咗芝士大薯條老公話等咗差唔多4個字，即叫即製嚟講係接受珧嘅～ 但佢行返嚟又2個字，返到嚟啲薯條仲脆㗎🤩 不過熱溶淋上面嘅芝士就瓊咗，我開焗爐再焗返溶先食，薯條即刻變咗再炸，超邪惡！！！！配埋酸酸甜甜嘅茄汁+bbq sauce，堅食唔停口！！！！但最恐怖係咩呢？就係食完唔會頂住個肚，可以繼續KO埋隻熱狗！熱狗配料比得非常大方～ 洋蔥絲青瓜絲食極都仲有，再加埋千島醬同沙律醬，搞到賊仔即刻出現！雖然爆晒醬，但食落一啲都唔哩hea, 熱狗麵包可以cover到大部分配料，咬落去唔會咇到周圍都係～ 青瓜洋蔥同蕃茄都好新鮮～ 下次要試埋其他味先得～

行完夜山，剛好西灣河站脫出，去太安樓食宵夜。.幫襯一位朋友開的熱狗店🌭試試，從來沒特別喜歡吃熱狗薯條，不過他做的醬料令平凡的熱狗薯條變得不一樣，好惹味，的確是做得不錯😻。.🔸芝味熱狗$38🌭材料有三重熱溶芝士、粟米🌽、蛋黃醬、法蘭克福腸，半溶的芝士🧀有拉絲效果，邪惡但又停不了口😋。叫店員將熱狗切半，更易食。.🔸芝士辣肉醬薯條$26🍟第一杯給的薯條忘了給肉醬，幫我們再做後，變成超級邪惡版，肉醬和芝士🧀也超多，幾乎蓋過薯條，辣肉醬做得不錯，少少辣，如果有肉醬意粉🍝應該幾好賣。.