龍城冰室

營業中

休息中

指數👧🏼👧🏼👧🏼👧🏼👧🏼滿分💯味道：👧🏼👧🏼👧🏼👧🏼味道係幾好嘅，瑞士雞翼上色入味，3.6牛乳炒蛋都幾滑，塊香酥丹麥多士係幾有層次幾有口感，個羅宋湯幾多料，味道不過不失，果皮清蒸龍躉魚頭腩都幾滑，招牌海鮮湯海鮮雜菜煲，啲食材也ok，但個湯比較䶢.抵食：👧🏼👧🏼👧🏼常餐個價錢可能比出面常餐貴少少$55，二人餐就都算抵，兩餸兩飯兩湯$159服務：👧🏼服務態度真係麻麻，問佢拎水，三個人俾兩杯，之後想問佢哋要多一杯，問咗好多個好多次先拎到，收銀員落單員也態度唔多好.地點：👧🏼👧🏼👧🏼附近周圍也好多食肆，唔難搵.

星期六嘅銅鑼灣人頭湧湧🙍🏻‍♀️🙍🏻🙎🏻‍♀️🙎🏻🙎🏾‍♂️🙎🏻‍♂️ 兩點鐘想食個下午茶周圍都要等位 嚟到呢間茶餐廳門外時裏面已經坐滿 侍應叫我哋喺門外等 🙋🏻‍♀️但係當我同後面嘅人好守規矩咁等嘅途中 餐廳竟然比後來嘅兩枱客直入 完全無人理🤷🏻‍♀️終於入到座喇 但係一坐低已經覺得同坐喺街無分別 完全感受唔到有冷氣 ☀️🥵以為係因為大門成日開住所以先咁熱 就嗌嘢食 😰不過越坐越唔對路 無論大門係開定閂都好熱 🥵我叫咗個湯河 食完已經成頸都係汗 當日銅鑼灣氣溫係34度🥵好在食物都尚算滿意 迷你版蝦球湯河好足料 兩隻蝦球都大粒而且彈牙 跟餐配嘅XO醬炒蘿蔔糕就完全唔覺有落XO醬 只係焗到熱辣辣姐 🥵辣魷魚公仔麵啲魷魚切成幼條狀 得五至六條 好似孤寒咗啲 司華力腸就唔評論喇 🤭天氣涼啲 先再俾個機會你🤔💰海鮮湯鮮蝦球湯河配XO醬炒蘿蔔糕跟凍檸茶 $51秘製香辣魷魚公仔麵配司華力腸跟熱奶茶 $48👉🏻龍城冰室 銅鑼灣謝斐道500號維安商業大廈地.

一早就跟男朋友來到銅鑼灣，餓腸轆轆的我們當然要快點找個地方吃早餐🍽良久沒吃沙嗲牛肉麵，即時翻查網上💻資料看到銅鑼灣一間冰室的評價不錯，決定來這邊試試 招牌沙嗲牛肉公仔麵 $38招牌秘製香辣魷魚公仔麵 $38各配3.6牛乳炒蛋拼腸仔 及 芝士火腿牛角酥這款沙嗲牛肉麵味道很好，沙嗲味🐂牛肉入味腍滑，帶有🥵微辣感覺麵質偏硬和爽彈，喜歡💕吃偏硬身的這個絕對能被滿足😊男友就選擇另一款這店的signature good：秘製香辣魷魚🦑公仔麵，這款在坊間的茶餐廳或冰室也是少見的款式面底跟沙嗲牛肉麵是一樣的，不過它最🌟精彩的就是用上秘製🌶辣汁烹調的水魷秘製辣汁勁度不錯，不會太辣但夠惹味😋，水魷新鮮爽脆亦都入味，不過配麵的話🥣湯底將辣汁溝淡，味道變得有點奇怪沒那麼好吃😔，不過整體味道不錯新鮮度高兩款早餐均配有3.6牛乳炒蛋🥚及腸仔，腸仔味道正常👌🏻，炒蛋做得不錯，口感柔軟，🥛奶味和蛋味並重，調味足夠，整個味道很好比較驚喜🤩的是這個餐還配送一個芝士🧀火腿牛角酥，外間的多數是方包🍞或丹麥酥，但這裡奉上的是牛角酥🥐，而且還有餡料啊！雖然並沒有翻熱到非常酥軟的感覺，不過單單從這個價錢已經覺得值回票價😙店家坐落於

Hello! 大家好！魚蛋姐又出動飲飲食食喇～ 今次去到銅鑼灣搵食，想食個下午茶，但狐狸先生話我知已經5點3。要快行搵餐廳。目標已經鎖定：炸脾薯條加凍鴦。路經此龍城冰室，下午茶去到6點，有炸脾加薯皇餐。寫得出薯皇應該比起普通薯條好少少？入到餐廳，待應哥哥見我疑惑坐邊個位就指示我坐低先，的確減少了我遲疑既時間。一於我都跟返佢既節奏，即刻落埋柯打：「炸脾薯皇飲凍鴦少甜，唔該！」凍鴦嚟先！果然無令我失望，個人喜好係奶重D 。完全符合我既口味，我會形容呢個凍鴦比例係正既！以我飲凍鴦經驗黎講，就算同一間上市連鎖快餐店，啡同茶比例次次飲都唔一樣，但我相信下一次嚟龍城都可以飲到Exactly係呢個比例。薯皇底炸脾面，茄汁隨後跟上。拳頭咁上下大份雞脾！切開，咬落都幾JUICY。薯皇熱辣辣，8成軟身2成脆身。如果要拆開3個items, 去俾價而我又覺得值既我會俾$35炸脾，$15薯皇，$22凍鴦假設$72-實際$45＝ 賺$27哈哈！

龍城冰室不嬲都係我嘅最愛。佢嘅常餐同早餐嘅沙嗲牛肉麵、炒蛋各樣不嬲都好好食。佢嘅存在完美抵抗到藍店同紅店嘅茶餐廳。好可惜新界牛冇分店。🥲龍城嘅酸菜魚性價比最高， 70幾蚊一個晏晝對於九龍區來講都算係咁上下，送湯、嘢飲同埋跟白飯。佢嘅酸菜魚酸味、麻辣味道足夠，麻味後勁會勁少少。要值得一讚嘅係佢魚片夠滑，仲以為好多塊魚片。我淨係將啲湯攞嚟撈飯食，都食晒成碗飯，真係好好味，一個人食真係好飽！絕對可以再返嚟encore！

見到咁多食評講依間茶記有鮑魚，就黎試試佢。分店都有幾間，近日就去左銅鑼灣果間試試門面正常星期五晚上6點，可能未放工。所以唔算多人，仲有位的。menu 成本書咁厚，影唔哂。叫左個1人餐試試佢。免費餐湯同平時茶記飲果d 一樣+$43 有個菜健康d, 蒜蓉同薑爆到好香，唔錯主角，鮑魚一品雞煲好香，一個人食，份量算多。兩個人就差小小。足料，鮑魚都有4~5隻。細細隻。送飯一流，好開胃。鮑魚嘅真正size 係咁。真係有比鮑魚你，唔係鮑片。茶記食物唔錯，出得快。選擇多。下次再試下其他菜。

個日兩點幾係銅鑼灣未食Lunch，好鬼肚餓所以衝左入去龍城打算食個快飯。見到佢個常餐有香辣魷魚公仔麵出面啲常餐好少見，所以叫黎試下。一如茶餐廳常餐既速度，五分鐘內已經上齊晒。唔知係咪肚餓，覺得個魷魚公仔麵好食（不過都幾辣），炒蛋多士都OK。總體黎講係滿意既。

呢排成日OT，晚餐都想食下邪惡野慰勞自己🥲，於是就同男友一齊試呢間餐廳。餐廳好近地鐵站，位置方便，夜晚去到唔洗點排隊，座位都幾寬落，食物仲要平靚正👍🏻>羅宋湯：入面幾多雜菜，味道算唔錯，酸酸地幾開胃。>沙嗲牛肉面常餐：沙嗲味道濃郁，牛肉好淋好入味，公仔面煮到岩岩好，多士都係即烘，熱辣辣咁食好好味，不過滑蛋就老左少少，可能加忌廉煮會好味d。>咖哩薯仔雞扒飯：薯仔+雞扒好足料，女仔食可能只食餸就飽，飯係炒飯，粒粒分明，咖哩唔太辣，但汁就少左d，唔太夠撈黎食。>芝士流心西多士：打卡一流，不過芝士唔夠濃，食落冇想像中咁好味，係正常既西多士加少少芝士汁咁。

龍城冰室我朋友係呢間嘢fans，每次問佢食咩好都係推呢間，今次試佢個下午茶，嘢食唔係太差，但整體感覺唔係咁好，侍應嘅態度差咗少少，落單催三催四。—————————————————————  焗鮮茄豬扒飯 💸$53面頭有芝士，個茄汁整得幾好嘅，有好多蔬菜係上面、 芹菜、蕃茄、洋蔥、菠蘿，豬扒都勁大塊而且係厚切，但係敗北係啲飯度，啲飯有炒底，但係佢啲好碎，好大部分都係斷開咗嘅米，可能係因為啲米唔靚或者放得太耐變到太乾啦，如果佢做返好啲啲飯，呢個焗豬會好高分。煙三文魚牛角酥 配 越南春卷拼”薯條” 💸$45呢個餐好搞笑，個餐牌寫薯角，叫完嘢食張單寫薯皇，諗住冇問題，點知嚟到係薯條。問個侍應佢就話係配薯條。。。 講咗個包先，都有三、四塊三文魚，入面仲有啲生菜同蕃茄，個牛角包就有烘返熱，雖然燶咗少少邊，個整體個包係好食。炸嘢方面就油咗少少啦，正正常常，餐廳都有用返啲生菜墊底去吸返少少油。叫咗兩杯凍檸茶，出哂事，啲茶色好混濁，飲落澀澀哋，應該放咗好耐未沖新一壺茶，btw我食到一半見到隔離枱嗰杯檸茶就係正常顏色(應該係新沖)，好心就唔好比啲放咗咁耐嘅比客啦總結，我覺得呢個價錢係銅鑼灣食到嘢算係咁，但

好小朝早10點幾，在銅鑼灣搵野食，今日就係咁，漫無目的地’掃街‘時，來到這間‘龍城冰室’，確認有早餐供應後，順利入座卡位✌️落單快，上餐也快！1）早餐牌 C：HKD40.-香辣魷魚麵+腸+炒蛋+火腿芝士牛角飽+熱奶茶用魷魚乾搭配公仔麵的早餐唔多見，而且看上去都幾重口味，為左我哋啲中年人的健康，最好管住自己，這個餐留卑後生仔食罷了👇👇2）我叫了份： 歐陸早餐 （牛扒）HKD44.-煎牛扒+德國腸+炒蛋+火腿芝士牛角飽+熱咖啡火腿芝士牛角飽本來應該唔錯，火腿芝士都OK，但牛角飽不夠新鮮，酥皮棉軟，咬落有啲黏牙…牛扒一般，後悔淋了黑椒汁，鹹左小小.😏無論如何，係銅鑼灣地段，企立的店面裝修，高效的服務，咁嘅收費，低食喇👇

外賣一到打開個盒咬咗一舊雞已經發覺唔對路，之後再睇埋其他原來舊舊都生嘅，除咗啲蟲草花之外成盒雞都唔食得！唔知以為呢間係刺身店打電話同嗰個人講佢話啲雞係咁㗎唔係生㗎，難道熟同生我唔識分咩佢話換過個俾我最終我轉左酸菜魚！真係冇下次太過分啦

同朋友去銅鑼灣買d 野，宜家鋪頭都好早關門所以要趕住快d 食完再去行，就入左呢間龍城冰室啦🤔🤔 常餐～瑞士雞翼撈公仔麵 ($55)🐥🐥兩隻有埋翼尖既雞翼，配瑞士汁撈麵好夾好好食，跟餐有埋丹麥多士好鬆軟又有一層層幾正 星州炒米 ($58)🔥🔥朋友既炒米係正常茶餐廳質素，睇落都幾足料🤣🤣 凍檸茶 (跟餐+$3)🍹紅豆冰 (跟炒野+$12)🧋炒野本身冇跟野飲，見到特飲同凍飲只差3蚊就揀左紅豆冰啦，都幾大杯，d 豆煮到甜甜地幾好飲 #香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #foodblogger #berryfoodie

呢間銅鑼灣嘅良心食店都頗有人氣，今日忍唔住拜會一下，結果真係發現新大陸——價廉物美，包羅萬有——正啊！（更）認真mode呢其他都真係幾厲害，好少茶餐廳可以好似呢間咁多食物選項，由常餐到碟頭飯到湯飯到扒，咪玩啦師兄點解可以keep到咁多款式而且真心味道幾高質，so crazy！海鮮湯花甲泡飯🍲$63本來貪得意試下only，結果真係飲第一啖湯就覺得好驚艷（menu都有提你記得飲湯which真係應該飲😍）超濃超鮮甜嘅海鮮湯，而且花甲都幾多，至少10隻，其他配料又好豐富，有合掌瓜有木耳，仲有少少菇菌，同埋我冇咁鍾意但無可否認好重要嘅芫茜。飯都煮得啱啱好，浸住湯食到最尾都仲覺得軟硬度恰恰好，非常難得瑤柱福建炒飯🍛$60認真呢齋睇樣已經覺得好食啦係咪先。配料又係冇花冇假真係應有盡有咁滯，芡汁濃稠但混和啲飯依舊食到粒粒分明嘅米飯。整體真係好唔錯，食到地道港式料理熱好力克☕️熱檸茶🍋$6不過不失，冇咩特別。我杯熱檸茶嘅檸檬比咗四五塊，都幾大方btw環境都唔錯，坐得舒服冇人趕，不過七點左右開始多人唔好意思坐太耐

今晚去銅鑼灣睇戲，開場前先去吃點東西。龍城冰室係謝斐道，久違了，今晚舊地重臨，先醫肚，再睇戲。龍城冰室裝修簡潔，地方企理，環境舒適。入坐時剛好5點45分，下午茶至6點，晚市套餐則於5點30分開始。這個時間正好可以叫兩飛，一個下午茶餐和一個晚市套餐。看看餐牌，選擇多得驚人。休閒下午茶有36款，晚市鑊氣小菜套餐更有39款，真係花多眼亂，亦證明呢個廚房係實力派，可以做出那麼多菜式。先來個休閒下午茶餐煙三文魚牛角酥，加配特飲紅豆冰。牛角酥都幾大個，屬大碼牛角酥，外皮鬆脆，三文魚塊數量都算多，配沙律醬和生菜吃，味道不錯。特飲紅豆冰，紅豆夠多夠腍又大粒，都收貨。晚市鑊氣小菜套餐就選了男人的浪漫，即是支竹豆腐火腩煲，包明火例湯及白飯。明火例湯是章魚豬骨蓮藕湯，例湯夠老火，湯水清甜潤喉。主角支竹豆腐火腩煲，果然好夠鑊氣。火腩塊塊工整又大件，唔係碎料，而且份量都唔少，肉質同味道都很好；因為鑊氣夠，支竹和豆腐都熱辣辣又入味，水準之作。

事緣昨晚快10點就用Apps叫外賣、點餐後預計9:45可提取、我准時到，等左30分鐘入去問櫃檯職員、見我有蒸魚就話要等20分鐘，apps個預算時間唔係佢哋俾，我話dee 我已經等左30分鐘、佢就即刻話我講粗口、完全冇任何服務精神去跟下單。跟住再過5分鐘另外一個阿姐攞我嘅外賣出外又嘈你乜號碼、我係app叫根本冇佢嘅3位號碼、之前呢個阿姐已試過粗聲粗氣，我已經嬲、一手拿左就走、跟住肥妹櫃檯叫出來話先生你唔可以咁冇禮貌、（我有爆一兩句粗）仲話你咁可以報警、嗰刻冇諗起應該叫佢快d報、因為已過10點但仲有好多客在堂食中。我想話一間茶記做有蒸魚的單要50分鐘、點都應該同客講唔好意思我跟跟、但肥妹櫃檯（除非係太子女自己生意）、咁對話即係趕客、唔想做外賣唔想做app Order就唔好做、唔係就做好d。今次已唔係第一次咁嘅情況、以後叫外賣實唔再點呢間、幾好食都冇用。