龍城冰室

營業中

休息中

今日同朋友去銅鑼灣行街買嘢，跟住同朋友去享受吃下午茶。我個朋友提議我去龍城冰室吃，佢話龍城冰室嘅下午茶係有好多嘅選擇，間冰室位於銅鑼灣謝斐道五百號地舖，亦都係近崇光百貨，餐廳個門口有好多優惠嘅食譜，店內裝修感覺舒服，啲卡位都幾好坐。冰室有兩款下午茶，一款係必食自選下午茶，另一款就係休閒下午茶，我當然就係揀呢個必食之選下午茶啦，真係好多選擇由A去到M，有肉燥飯、炒飯、公仔麵、牛肉麵、通心粉、雞髀、牛角酥、熱狗同豬扒包，我就選擇食E.沙嗲牛肉麵。選完後又再選一款小食，小食有10款選擇，有炸雞、炸吉列蠔、雞中翼、腐皮卷、蝦多士、香草腸、蘿蔔糕、沙律菜、越南春卷、咖喱角同薯條，樣樣我都覺得好食，最後我選擇咗要5.蝦多士共4件。我個朋友就選擇咗休閒下午茶，因為佢話午餐吃多咗，所以佢就選擇這個，總共有31款，佢就選擇咗16.瑞士汁雞中翼拼沙律，食物賣相吸引，可以慢慢享受。叫咗都唔夠5分鐘啲嘢食就嚟到喇，沙嗲牛肉麵味道就都好香濃，牛肉同公仔麵都好有口感，真好食。蝦多士就炸得好鬆脆，亦都好好味。我朋友叫咗個瑞士汁雞中翼拼沙律，佢話好好味，就俾咗一件雞中翼我吃，真係非常入味亦好有口感，是必食。我哋兩個下

抵食茶餐廳， 每次嚟銅鑼灣食個快飯都嚟呢度， 皆因為大件夾抵食， 佢呢度啲鐵板餐牛扒餐應該係附近最平， 焗飯有水準不過嘢飲嗰啲全部另計， 平時食開 焗豬扒飯，牛扒餐， 雜扒餐， 皆因我都係食肉獸， 上次 食 嗰啲都ok, 佢每日都有是日晚餐，留意只係送湯， 飲品令叫， 不過佢啲晚餐都叫大 大分， 今次叫咗中式牛柳飲羅宋湯， 我都唔想再加九蚊轉凍飲， 羅宋湯香辣小辣， 隻碗仔非常細但係佢都裝滿嘅， 中式牛柳唔錯， 夠鑊氣， 都係菠蘿洋蔥好多， 另一位選擇咗芝士牛 脷焗飯， 芝士好多炒飯底， 不過牛脷就好 怪， 味道好似咸豬脷咁， 有啲煙燻味， 非常之淋， 另外叫咗個凍菜蜜加多 九蚊， 兩個人161蚊喺銅鑼灣食叫做抵啦! 下次試埋其他嘢再同你哋介紹

有好多沙爹牛肉 🤩很濃味的早餐😝好食半條腸仔+炒蛋…………………..面量很豐富😄炒蛋香滑～呢個麵餐係38蚊連熱飲😎豬包細細。。。不是我找的一個🥲🥲🥲

龍城冰室地址: 銅鑼灣謝斐道500號維安商業大廈地舖電話:=====================今日做到8pm 先放工，一個人走左去茶餐廳食完飯先返屋企。原本仲以為要食碟頭飯架啦，估唔到8:30去到，唔係所有野都賣光，都仲有小炒$82 一人餐，一碗飯，天氣好熱另外加杯凍飲叫左個韓式泡菜鮮蝦球花甲豆腐鍋，一人份很健康，海鮮屬於低脂低卡的肉類，蛋白質也是易於吸收。加上大量豆腐同泡菜，健康好味，酸酸辣辣的泡菜含有發酵益生菌，食完腸道好d ,香港人出街食缺乏菜，今日就多吃綠色菜食物類別多，一丁友都唔怕悶

同几個朋友揾地方去食宵夜，上openrice揾到呢間寫住開到2點，入去坐低都係11點鬆D，叫左個吉列豬，轉过頭就聽到另一個大声鬧寫單果個：都講左冇炸野啦，又入單！咁再叫过第樣，我同朋友叫嘅每一樣野都相當……難食，都算喇，忽然有一個四眼哥哥，聲如烘鐘帶著几分怒氣嘅語調同全場客講，你地埋左單先呀吓，我要收工架，即是全場肅静，我彷彿覺得好似差人扲檔咁：”全部踎低，身份證，男左女右！”唯有快D飲埋杯野埋單走人，咁嘅食店真係揾鬼幫襯啦！

店名：龍城冰室地址：銅鑼灣謝斐道500號維安商業大廈地舖（港鐵銅鑼灣站C出口,步行約2分鐘）營業時間：07:00- 02:00電話訂位：22345222 / 22589222今日到銅鑼灣，去咗黃店大集團「龍城冰室」佢哋全港九總共有六間分店，真係梗有一間喺左近，今日就去咗銅鑼灣試吓佢哋招牌下午茶「龍城炒米粉」連凍飲，盛惠$58。味道方面，略為重口味，不過都幾好食，夠鑊氣足料，不過如果歡喜食清淡啲嘅朋友就可以試吓其他野。環境方面，一般茶餐廳裝修，當日全場爆滿，生意算幾好，都有啲年輕朋友，店員招呼十足，而且快手，值得一讚！如果大家lunch可以懲罰下佢👍🏻大家有時間可以試一試🙏🏻

黎咗呢間好多次，不過第一次寫食評比佢。本身諗住過嚟食大火焗豬扒飯，見lunch set都有想食嘅嘢就慳返幾蚊啦🤭咖哩牛筋腩飯，比想像中好。本身對茶餐廳牛腩不敢要求，點知呢個ok喎，腩同筋都炆得夠淋又入味，都清走晒啲雪味，可能我好彩，成碟大部分腩係半肥瘦，得一舊係全瘦柴皮腩。要彈下個汁同薯仔，薯仔炆得不夠淋，個汁就不夠香濃又比較水。講真，炆得牛筋嘅汁一定杰身，咁水應該係炆好啲筋腩先放落咖哩度。不過整體真係ok，茶記牛腩算好好了。

今日唔食下午茶！食豬扒飯！等左10分鐘，但真係焗到熱辣辣出爐，啲汁仲咋咋聲響，正正子😋因為要湊夠字數，唯有將豬扒飯斬開三件黎講啦😂汁：唔係螢光汁，好重茄膏味，夠曬酸甜夠曬濃👍🏻 咋咋聲好夠熱！👍🏻 芝士味都夠👍🏻飯：炒飯底正！ 仲要碟邊有飯焦！夠曬香口！（不過唔夠脆）碟底都多油，不過冇油點整到有飯焦？豬扒：咸到傻咸到懷疑人生！粉漿又厚！仲要好肥！一啖咬落去軟pat pat,都唔知自己食緊粉漿定肥膏定肉！成個飯最敗筆就係豬扒！😭😭總結：個飯加埋個茄汁真係好香口好夠味！仲有飯焦真係有驚喜！不過個豬扒同飯太油膩，仲要豬扒咁鬼咸，最後太滯都食唔曬。如果豬扒粉漿薄啲同冇咁咸一定會成日黎食！

去到銅鑼灣，其實返工快食嚟講都會搵間茶餐廳去解決肚餓問題。正所謂快、靚、正。咁我係通常都會揀呢間龍城冰室，因為食物質素尚算穩定，唔太洗等位就入到去，卡位唔算迫，都幾寬敞，又可以坐得耐啲，上菜快，咁其實幾適合打工仔嘅我解決返工食晏嘅需要。我通常都會等到去下午茶時間先去食，唔洗等位，價錢又平幾蚊。貴就貴啲，個咖哩牛筋腩飯 $58 配熱飲。白飯份量真係好足好大碗，薯仔、牛腩都有幾舊，多咖哩汁，真係好夠飽。咖哩入味，牛腩都冧。唔辣，係個汁唔夠滑。

今朝瞓醒11點幾都唔知食咩好，醒起龍城啲早餐去到11:30嘅，於是就即刻打電話去嗌外賣，叫咗個沙嗲牛肉公仔麵配芝士火腿牛角酥加埋個炒蛋同埋腸仔！我多數都會先食芝士火腿牛角酥先嘅，外賣拎到返嚟呢都仲係熱辣辣㗎，趁佢熱嘅時候食得比較脆口，芝士火腿少少溶溶地嘅感覺，食落去係超香超好味！沙嗲牛肉公仔麵個醬汁超濃郁㗎！我自己就鍾意食撈麵多啲，個外賣係會分湯，我多數就唔會浸晒個公仔麵落個湯度，撈埋啲沙嗲汁食勁香！炒蛋都炒得好滑溜㗎，但條腸仔呢就好似縮左水，以前係一條而家得返半條配埋杯凍奶茶，佢凍奶茶奶味都好濃嘅，啱晒我飲！

一直有食開龍城，之前叫酸菜魚，焗豬扒飯都好食，但最近兩星期啲野食異常地鹹， 上星期食酸菜魚以為重手咗，今日再試下蔥油雞飯，塊雞扒鹹到擺唔落口， 太鹹食唔到呀，唔知係咪轉咗師傅？

哇。太小氣了。。不小心倒左杯水姐，一直係到唱說話卑人聽。驚死冇人知我地倒左杯水甘。真係笑死我了。又話d水流左出門口。又話成地都係水。一杯水姐。大哥我地冇心架洗唔洗甘啊。真幼稚

食物味道還可以但得半條腸嘅早餐係咩玩法？成本貴可以轉第二種食材 ，唔睇餐牌真係以為俾人偷食咗，最嬲係之前都係一整條，轉左Menu錢就照加份量反而少左，錢唔係咁賺嫁，咁樣真係好難再幫襯

年初七行完山，本来去愛店食蒸海鲜。但要等1 小時，就在樓下的龍城冰室下午茶，消磨一些時間。下午茶餐超過30 選擇，點了9號魚柳包餐、10 號煙三文魚餐及13 號香辣炸雞髀餐。食物賣相整齊，味道及食物質素理想。香辣炸雞髀，表面的一層孜然粉香味撲鼻，在焦乾的鸡皮下是香嫩的鸡肉👍👍👍！阿叔落單表现完全專业，我们只是報上号数，阿叔已滚瓜烂熟地說出食物名字，令人配服。阿叔还谦称日日咁做，冇辦法唔熟。坐下時又细心奉上兩杯熱水方便洗歺具，再另外送上歺纸。聽到阿叔跟另外一名顧客主动說“如果大风可以轉到另一位置。茶歺厅能由如此服务态度，超班！敬业樂业👍👍👍👍

今日早餐就黎左龍城冰室食個好既，叫左個常餐炭下先。龍城冰室既常餐真係唔錯，首先佢條香腸，唔係好重味精味，但係味道都夠味。個炒蛋就可能有北海道牛乳既關係，入口都好滑，好好味。不得不提龍城冰室常餐既公仔面，佢比較起其他不同冰室既常餐黎講係好味好多，麵質的確比較彈牙，濃濃既湯底，配合埋牛肉簡直一流，而且牛肉既分量都算多，夠仲哂飽肚。最後佢既餐包可以加配牛角包，牛角包外層香脆，而且個包都好香好好食。一個字，正！