龍宴 (已結業)

知客-肖玲，趙存 態度惡劣，全都留給熟客 私相授受。冇禮貌，等了兩小時都沒枱 ，態度似喝狗一樣。食物還可以，不是抵食，食物等待時間太長，侍應少，冇人理會。支客，經理，侍應只招呼熟客，有報復心態，一直玩野，不停叫把大枱預留給熟客

星期六早茶，侍應又唔夠，點心又唔熱。做衰龍皇個名。哎。。。。以後對幟哥的生招牌大打折扣。同部長講，好似好唔滿意，對唔住都無聲。唔檢討又何來有進步，幟哥，唔好日日上電視，留番啲時間管理業務啦。

下午茶由一點四十五分就開始，時間比一般下午茶早炒粉麵$48，我㨂左鮑汁雜菇炆伊麵，麵的硬度適中，吾會太林，鮑汁入味，炒得吾會太油有冬菇，雞脾菇，秀珍菇，全都爽口，份量亦不少，抵食！還有很多特價點心添

作為一個孝順既仔女，星期日梗係要陪爸爸媽媽飲茶食飯啦！今日就去左上水彩園邨既龍宴酒樓。打開餐牌見到午市孖寶，好似幾抵食咁，即點。星洲炒米，好夠份量，米粉炒得夠乾身，唔會成碟油冧冧。而且配料夠哂多，蝦仁又大隻爽口冇雪味食到落底都冇話多滴油，讚龍宴一品炒飯，同星洲炒米一樣夠乾身同大碟，飯唔會黏成一舊舊，粒粒分明又夠圓大。飯面鋪上炸蒜，大大增加炒飯既蒜香味。重本落埋瑤柱絲炒可惜配料少，只有少量翠肉瓜同肉粒。飲茶除左食飯，就緊係要食點心啦！大大粒蝦餃，好足料既蝦餃，可是外皮不夠韌力，一夾就散馬拉糕，甜度剛剛好，口感鬆軟。份量就較普通酒樓細

整體感覺不錯，食物水準好、服務也好，唯一不滿要親身去畀留位訂金。早前在信箱收到宣傳單，見到菜單及價格不錯，老爺奶奶也想去試試，便訂了一席「魚翅海鮮龍躉全包宴」，電話訂枱堅持要之前先到舖頭落$500訂。見網上評價麻麻，心裏涼了一截。早2天中午專程去落訂，中午人得多，咁啱見到個知客及燒味師傅都很惡（話說有個客想要燒腩骨、但叫錯咗燒腩仔，畀個知客同燒味師傅鬧到一面屁，堅持話係個客落錯）。昨晚去食飯，晚上食客唔太算太多，跟中午班街坊明顯唔同客路，係啲飲下紅酒、食飯傾下計嘅斯文客，所以唔算太嘈。可能晚飯人唔多，招呼我哋張枱個姐姐幾乎專門招呼我哋張枱。成晚啲菜都味道不錯，重點推介個古法蒸頭腩、個葱油淋文昌雞，真係好好味、雖然個雞油咗少少但乾葱油好香，個炆頭腩啲魚皮好厚、好重膠質。最驚喜係個原茄泡時蔬，最初以為係一碟蕃茄+菜，點知食落好鮮味，啲蕃茄好有蕃茄味，令成碟菜好清新、好開胃。老爺奶奶全家人都食得好開心。

叫一碟簡簡單單炒米粉，無配料之餘，重要無炒過，只係用水淨煮，完全無味道，未食前，我們立即叫職員退了去，但服務員回答到：「係咁架啦，有咩問題呀。」服務員說完即轉了頭離去，沒有再理會事件

因為懶惰，好耐冇寫食評，但今次唔寫唔得。上次外賣鹵水掌翼，冇味都算，仲要勁多黑灰毛毛，唔知點食！！諗住比多次機會，今日就去買四寶飯，超難食，叫佢多汁就一d汁都唔落，燒排骨只得骨頭冇肉即唔洗食，燒肉3份2係肥肉，仲要塊皮係硬的。買野時，收錢既知客服務態度超差，前後經歷過3個知客，至買到，可能覺得少錢，唔想做我生意。仲諗住龍宴係龍皇集團，應該唔會太差，打算同屋企人去試試，因食開某酒樓結業了，如Ok 就做飯堂，點知外賣都那麼差，即係唔洗再試，去第二間算了。

試業真係試業....lak碌lak到無話可說入單入錯檯號，埋單又奇怪，無啦啦一個餸拆兩個items, 啲員工員又唔識解釋亂咁吹除咗個飯太硬之外，其他餸(涼瓜牛肉，蒸魚，豆苗，宮廷排骨) 都叫ok啦，不過食物質素同同集團既龍皇差天共地。服務都係同一般屋邨酒樓差唔多，manner 都唔係好掂，野都未食完就趕住收野。最唔掂係啲凳好似二手咁污漕到爆，一間新開試業嘅鋪頭嘅用具點解會咁？

四年只有一次嘅29/2，一班人搵地方飲茶，去到要攞飛等位，好在5分鐘左右有位，地方裝修新潮，中式氣氛，燈飾特別， 其中有種半圓絨面嘅卡位！幾特色！不過我哋人多，所以無機會坐！坐低店員問晒我哋要嘅茶，我哋問佢攞大碗洗餐具，佢比一個玻璃碗，唔係好大，點夠我哋9個人，加上啲碗筷真係好污糟，全部黏滿乾咗嘅食物殘留物！隔咗好耐都未見茶到，再問店員先攞來！仲跟一個大保溫瓶！唔使成日叫店員加水！點心款式有啲幾特別，點心好快上！ 沙巴海蝦餃：蝦餃脹卜卜，皮煙韌，蝦爽口，有肉汁好味！ 蠔皇叉燒包：包身鬆軟，叉燒甜膩！好味！醬皇金錢肚：金錢肚炆得淋兼入味！好味！薑蔥牛柏葉：牛柏葉有陣喇口嘅味！漂得太勁，差差差！香滑奶皇包：包身鬆軟，奶黃少又唔香，啞色唔流心，一般懷舊四寶雞扎：好大扎，食了火腿，火腿彈口有肉汁好味！南翔小籠包：賣相醜樣，尤其係個皮，又厚又泡，肉汁又唔多！差！山竹牛肉球：牛肉球滑，馬蹄爽口，最好味嘅係索晒肉汁同喼汁嘅腐皮！好味！養生棉花雞：棉花多，索晒汁，爽口好味！鮮蝦仁腸：賣相醜樣！腸粉皮唔夠滑，蝦仁爽口，一般！蟹籽燒賣：蟹籽蒸過唔脆！燒賣唔大粒，蝦肉爽口，豬肉多肉汁，皮薄多汁！好味！香茜

是日與家人飲茶，見這間酒樓新開便試一試。坐下才發現這個龍皇酒家的副線。想不到在這老屋邨內竟然有如高檔酒樓，是好還是壞？0_0"看看價錢，散叫點心有點貴⋯⋯這些套餐價錢較平易近人，但在同區比較，還是貴20~30%。一行四人叫了A餐。點心是固定的，不能轉，整體來說不錯。春卷非常可口香脆，燒賣的豬肉新鮮、蝦爽口，還蠻足料。老火湯夠足料也夠火候！味道鮮甜、香濃，没有味精。 炒飯夠鑊氣，夠乾身。味道不過不失，但配料只屬一般貨色，没什麼特別。蝦鮮又爽口，惹味但有點油。上湯鮮味、茄香撲鼻。莧菜蕩得青綠、爽口，草菇就略為失色。P.S. 新年期間再次到此飲茶，點心確實不錯，惟價錢較貴。炸物如：香芋卷、春風腸 (即春卷＋腸粉)等較出色。但奶皇包不夠香滑。

本人從小三起因為無自家飯，所以細細個已經到處去食食食，食好野！今日見到又有野新開張，當然要一試啦！常言道，成日係屋企食野既人就覺得外面既食物，濃味多油，我呢啲已經食都無咩感覺既人，都覺得佢哩道煮既小菜好油，好濃味，泥一次已經好有罪惡感，如果平時係屋企食飯多，就唔好咁大期望啦