龍宴 (已結業)

嘢食非常一般，服務更係「極品」！午市市段入座，但坐到下午茶時段唔可以叫下午茶。然而，個經理拎左張下午茶紙比我，話只可以叫呢張，點知我遞單嗰時，個姐姐話唔可以，我話個經理話可以，個姐姐：「總之就唔可以啦！」跟住送嘢食嚟，個姐姐撞善我膊頭，連一句唔該或者唔好意思都唔識講，唔知呢間酒樓點樣培訓啲員工。講嘢前後不一又冇禮貌，唔識同人溝通，真心反晒白眼，服務咁差就算食物好味都冇意思，更可況食物質素below average，以後唔會食！😡

今餐有菜有肉。第一味片皮鴨，第二味腐竹雜菌浸學斗苗，第三味臘味炒芥蘭。片皮鴨有俾青瓜、蔥同醬做配料。最鍾意就係自己用薄餅皮包晒佢地嗰下。片皮鴨味道還好，但賣相就差d。我覺得可以細塊少少同切口齊d，放整齊d。而且青瓜唔算新鮮，薄餅皮亦太乾。最愛就係第二味，清清地又唔會太淡，食到所有材料既味道。呢碟我食好多！喜歡清淡唔油膩既朋友要叫～第三味主要係靠臘味既香口，令成碟菜充滿油香。芥蘭唔會太老。鍾意臘味既朋友要試下。

最近飲食業踏入低微，唔同餐廳都用唔同手段吸引客人，龍宴晚飯時間平時都比較少人，所以出招既手段更加多，其中包括首次出現既自助火鍋，見食評個度無乜人寫，就獻醜寫寫啦。價錢： 成人約$120-$140 （視乎你早食遲食，閒日定假日）食物種類：如圖所示，大部分食物都係自助取，種類以咁既價錢算不過不失。另外可能因為本身主力係晚宴既關係，醬汁種類亦較齊。味道：除左食物種類，最重要梗係味道啦，老實講，打邊爐難食極有個譜，依度大部分食物都不過不失，重點推介係依度有牛筋，可以按自己口味整到幾林都得另外依度既響鈴卷係自家製，好脆好新鮮可惜既係，依度既肥牛真係好肥，肥膏多過肉魚蛋都豬肉丸都有點怪味服務：龍宴服務不嬲麻麻，今次自助形式算比較方便，但有時出面野無哂要佢加番個時就要等好耐侍應人數又少，十問七唔跟整體：咁既價錢下，我覺得整體質數算係咁，可以一試，但首選就應該唔會啦

喺上水長大既我 每逢假期/休息 🙆🏻‍♀️陪媽媽飲茶已經成為一種習慣❤️上水數得出嘅酒樓來來去去都是某幾間😂，最好食的是x港。雖然龍宴都食過好幾次，但眾多酒樓之中價錢最實惠🤫(第一次埋單200有找😆)這裡的口水雞略為出色，因為醬汁味道配合雞嫩滑的口感味道是有驚喜，不過認為辣味不夠，如果有得選擇辣🌶️的級數更好😋😛⭐️⭐️⭐️⭐️另一款，藥膳雞腳，有助補血活血之餘也對人體的腸胃和排便有一定的功效👍🏻👍🏻味道食得岀很非常足料去煲，所以湯我都飲哂😂😂⭐️⭐️⭐️⭐️⭐️

下午茶去到擺飛，成班之客（接待員）掛住吹水 (傾計)。之後安排入座所謂的貴賓房，只不過係圍板，但茶錢就由$8蚊變到 $12蚊。食物質素好一般，收費卻不符合比例。服務方面更超級失望，如無必要應該唔會再幫襯！

D野食尚ok, 但服務質數奇數，漏單，嚟錯野咩都試過。而家仲玩到 任由熟客自己入去揀位， 難為出面真正攞飛嘅人係度苦等， 話佢呢啲就係舊式酒樓嘅潛規則。。。 但係冇辦法，老爸鍾意飲茶， 而且佢又係成間屋邨嘅唯一酒樓， 所以唯有繼續忍氣吞聲去幫襯lor

諗住買隻雞，燒肉回家食，星期一黃昏6點半，門口兩個阿支客小姐顧住傾計，眼尾無理下我，用隻手指指我入收銀買飛。收銀在門口，行到入去收銀旁，突然有個178cm高穿銀色部長西裝男人，高速迎面過來，完全無停低之餘仲出手推開我拖住的三歲小孩，側身攝過要出門口，但我的左邊夠十個人出，佢係要我和細路讓佢，問佢想點，佢仍然用手推我個女。行到去收銀，都未開口講要咩，被個傳菜阿嬸大力由左面推開，問今日例湯係咩。我未做得切反應，佢已經唔知閃左去邊。收銀姐姐最友善，同我講，啲人咁鍾意同你有身體接觸嘅？撞到你飛起喎。原本諗住匆匆忙忙買完食物就回家，唔使20秒就俾人撞左兩次，收銀姐姐見到成個過程，形容係撞到飛起，如果唔係拖住個細路仔，我報警話普通襲擊呀越諗越嬲俾人撞到咁仲要係依度買嘢食？兩個職員一句歉意都沒有，好在依家係農曆五月,我以為現在是七月撞野。

落單漏野, 啲野嚟得又慢, 問野問幾次都冇人 follow up, 碟炒飯我自己炒仲好食過佢咁嘅服務, 咁嘅食物質素, 人食嘅? 點解仲可以生存到?垃圾酒樓, 成個香港酒樓都俾你搞彎晒

龍宴位於上水彩園商場，搭電梯上一層便是。右邊係燒味部，隔著玻璃可以看到師傅斬燒味。燒味可以在旁邊買飛付款，外賣返屋企。假日早上通常都唔駛等位。上菜時間偏耐，所以一坐低即時剔點心紙落單，然後才慢慢斟茶。韮菜煎薄餅 （特點）薄餅調味足夠，看似金黃色，可惜食落係凍的。蜜汁叉燒腸 （精點）蜜汁叉燒半肥瘦，腸粉夠滑。豉汁蒸鳳爪（中點）鳳爪夠入味。潮州粉果（小點）粉果皮好蝦人，蒸的時間得過長過短，都會有影響。今天的粉果蒸得太耐了，太濕太霉，一夾餡料四散。兩段小插曲，職員看錯單落錯臘腸卷，請她取走。沒有翻查點心紙，便一口話客人圈錯。請職員確認訂單才上菜，職員竟然轉個圈又想放低落錯的臘腸卷。第二段插曲，經理與另一小職員在食客們前互相指罵，不論誰對誰錯，留待落場先討論吧。食物做不好，服務也強差人意。生意難做，點心價目都分頗多時段，早市、午市、下午茶，星期一至五，星期六、日及假期又唔同。

之前食過哪個甚麼大閘蟹套餐，以後都不會再幫襯，管理有問題，叫一圍套餐，一路食一路不停改餸菜，原因是說廚房沒有食材，結果到最後改了3菜，連甜品薑茶湯圓也可以說厨房沒有湯圓想我們接受桂花糕，能不能完成套餐應該是晚市前就知道有多少份數，都完成不了就不要接單😡

同屋企人搵野食，大家話想食酒樓就來試下。但餐牌好少野食，揀來揀去都冇野岩食。最後叫左6碟點心，埋單$318，但就係餓住咁走。一口豆腐夠曬香口，但呢間啲皮太厚，同出邊比唔算好食咕嚕肉盛惠$88， 用上豬頸肉夠曬嫩口，可惜粉漿太厚，最終口感與排骨相比更為厚實。味道正正常常，但份量太少。芋頭馬拉糕冇味，冇芋頭香味，亦冇馬拉糕原有香氣。和親朋戚友聚會偶爾可以來一試，食物質素不差，但沒有特別驚喜之處。不要抱太大期望來食就對了。

向來知道這間酒樓又貴又唔好食，但整個屋邨只有這間酒樓，而家中有老人家，行動不便，只好無奈都要幫襯。進入後，部長安排了搭枱位，我們看見一張5人枱，已經坐了4人，又怎能再加兩個位呢? 禮貌地向部長反映後，他們仍然堅持可以，都無辨法，只好坐下。因為老人家有個扶手的買送車，部長指示我們放在後面一些空間，我們仍合作照做。誰知，十數分鐘後，他們有另一些同事用責備的語氣，指那位置會阻礙他們，我回應了:在入坐前，我們已向你們的部長反映空間不夠，是她堅持要我們坐在這，並指示我們把車仔放在這裡的。那員工反而語氣更重地責備我們，叫我們不用解釋。他們之間沒有溝通，為何要客人來受氣呢?! 位置安排不當都算，還要用這語氣、態度對待客人，是甚麼一回事? 此外，我們坐下不久，就已經落單。食物足足要等足25-30分鐘，又是怎樣的一回事?如果食物要新鮮蒸，所以要花上這些時間都無辦法。但食物到時，蒸籠是不熱的，咸水角個心更是凍的，到底食物送上桌前，放了多久？食物質素差，成個地板都有很多垃圾，都算。態度差到一個點，是沒法令人接受。但離開去櫃台結帳時，櫃台員工戴上耳機，完成沒有望過客人。她取過單計算後，更沒有用口告訴客人幾多錢

禮拜日早上同家人飲早茶，每人叫左個孖寶餐，一個飯跟一個點心，每個餐26.8。其實唔係第一次呢間食，大概知道食物水準係一般，談不上好食，但係因為比較近先選擇呢間。家人同我一樣，選擇左銀魚仔排骨飯，叫左一個粟米魚餅同薑汁糕。個飯黎到正常賣相，用個匙一畢落去，d飯好爛好濕....D排骨林得誇張無肉味，我同家人食左幾啖就放棄二個點心算正常質素，只係粟米魚餅超級油膩，薑汁糕都ok既..本身對街坊茶樓都無乜期望，但以呢間既食物黎講，係強差人意

今日同brother去飲茶，brother話試下幟哥係上水嘅龍宴。我地叫咗6樣野，埋單剛好$200｡蜜汁叉燒腸 - 好攪笑的事…第一次食咁煙韌嘅腸粉，用匙羹唔能夠輕易切唔開，要用筷子夾斷。蟹籽燒賣 - 正常沒有驚喜。鮮蝦灌湯餃 - 湯頭夠濃，用料都算足，挽回分數。蠔皇鮮竹卷 - 鮮竹夠滑，食材感覺新鮮，呢個幾好味。脆皮燒肉飯 - 皮係脆嘅，肉就乾身咗d﹐反而想讚個芥末醬，幾清新好味。古法馬拉糕 - 甜味適中，質感不夠鬆軟，普普通通。總括屬普通的街坊酒樓，少有的看到餐具上印有出產地及牌子，是泰國製的，但沖茶的茶壺不是用瓷器，有點失望。

前排去左上水同公公婆食飯，老人家鍾意食中菜，所以就去左係彩園商場的酒家。燒味拼盤，呢個係例牌的份量。特別一讚係燒肉，個塊皮係新鮮鬆脆，幾好食。蒜蓉炒豆苗，豆苗炒得岩岩好，唔會太老。乳香蓮藕片炒五花腩片，感覺油左少少，不過整體還可。菠蘿咕嚕肉的排骨塊經炸香過，酸甜汁的酸味及甜味配合得幾好，而且D汁唔會過多，令到排骨唔會浸住D汁。另外，公公鍾意食魚，所以叫左一份古法蒸龍躉球。我麻麻地食魚，但食左少少覺得都可以。最後，我們叫左份魚香茄子煲。對我而言，都係油左少少，不過勝左茄子夠淋夠入味。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)