影片
電話號碼
31862385
94635278 (WhatsApp)
營業時間
今日營業
全日休息
星期一至二
12:00 - 23:00
星期三
全日休息
星期四至日
12:00 - 23:00
*(每天之營業時間可能有所不同，請直接whastapp餐廳查詢)
以上資料只供參考, 請與餐廳確認詳情
有關獎賞計劃
94 瀏覽
長假期留港消費有着數，兩個人獨霸廂房、以親民價品嚐富豪飯堂前大廚的私房菜，喺邊度有得食？遠赴大埔，這一程物有所值！眾所周知，灣仔「福臨門」是屹立不倒多年的富豪飯堂，這晚我們到大埔「龍尾軒」品嚐的私房菜，主理人龍師傅正是那處的前大廚，工作有10多年之久。這個晚上由龍師傅發辦，每位$510 的私房菜，吃到的、果然是富豪們喜歡的味道，細緻的家常菜，清而味足，沒有混濁的調味料，材料新鮮，份量恰到好處。我倆最欣賞 正宗順德拆魚羹，其次是燒椒皮蛋、鮑汁章魚雞粒炒飯完全就是那富豪飯堂的味道！前菜三款：燒椒皮蛋、香煎蓮藕餅、黑蒜牛柳粒燒椒皮蛋最有驚喜，辣汁調味出色，香而不過辣；黑蒜牛柳粒鬆軟味香，相比之下蓮藕餅太順滑，若然能保留多些蓮藕纖維口感會更合我心意。正宗順德拆魚羹材料豐富，刀工幼細，很有魚羹的香味，內有陳皮、魚、粉絲、馬蹄、豆腐、欖仁、紅蘿蔔絲、木耳絲及薑絲等。桃茸生汁蝦球迷你蝦撻有西菜的影子，也許因為有桃汁及沙律醬，鮮爽的蝦球帶少少酸，食落更開胃。香煎帶子伴螞蟻上樹造型花上心思，帶子中央的辣椒粒很搶鏡！粉絲的乾濕度恰到好處，味道豐富入味。野菌紅燒豆腐味道及口感皆豐富的素菜，厚切的冬菇片及鮑魚菇柔韌好嚼，豆腐超滑，西蘭花爽口，燒汁味道濃郁。鮑汁章魚雞粒炒飯非常喜歡這個組合，鮑汁味道濃郁，飯粒濕濕地，配搭煙靭的章魚及雞肉粒，極之討好。南北杏雪耳燉木瓜很清潤的不敗甜品，燉得夠火喉，木瓜清甜可口，雪耳半溶膠化，甜度適中。龍尾軒的環境是另一驚喜，獨立三層村屋，入口的復古亭園佈置非常吸睛，擺放了酸枝家俬木桌椅；我們在地面層的獨立廂房用餐，非常寬敞，更有電視設備；上一樓是散座樓層，二樓是貴賓房，有卡拉OK，適合宴會。
繼續閱讀
而家出街越嚟越少人食中菜好味嘅順德菜更加難搵，今次就特登帶父母嚟試最近好多人討論嘅龍尾軒。地點位於大尾督，喺大埔轉van仔入嚟20分鐘左右，一落車入到村會見到一間有中式格調嘅餐廳，喺門口隔離仲整左個涼亭，如果日頭黎可以坐出面真係幾有風味。講返野食，叫咗媽咪心心念念嘅順德煎釀鯪魚，我第一次食但都feel到果種手工味，魚皮又薄又香脆同入面鯪魚嘅香味配搭出層次感。另一味豉油王乾煎海蝦，D蝦大隻又入味，絕對係今餐嘅亮點。成日聽人講炒飯係最睇到廚師嘅功架，食完呢道鮑汁雞粒炒飯就明白曬。原來呢道嘅主廚曾經喺富豪飯堂福臨門廚師主理私房菜，唔怪得連平平無奇嘅杏仁茶都可以咁好食。
繼續閱讀
呢間餐廳位於龍尾村的中式庭園私房菜，師傅會按照當天最新鮮的食材，再構思菜式，係中式的omakase~師傅係前福臨門廚師主理，厲害👍酸辣土豆絲x手拍青瓜x椒鹽脆魷魚以脆嫩的土豆絲為主角，酸辣的調味恰到好處，刺激味蕾，開胃。手拍青瓜爽脆可口，小菜清新又解膩。魷魚外酥內嫩，椒鹽的香氣四溢，細細份就唔覺得好邪惡。粟米豆腐花膠羹豆腐花的柔滑搭配粟米的甜味，花膠的加入為羹品增添了豐富的口感，滋補又養生。藤椒蒸斑球斑球肉質鮮嫩，藤椒帶香辣，但會保留了魚的鮮美，適合喜愛鍾意新口味嘅人。沙拉一字骨甜香可口的沙拉醬汁，人人喜愛。特別鍾意一字骨嘅部位，因為肉質會較滑～葱油雞葱蒜薑都係師傅自己手切，比例都師傅自家調製，比坊間的葱油特別好味，葱香味濃，雞肉亦醃得好入味。上湯鮮百合浸菠菜鮮百合的甘香與菠菜的清香交融，湯汁清澈而鮮美。古法金瑤炒絲苗炒絲苗的米粒分明，瑤柱份量多，每口都食到，口感豐富。銀耳南北杏燉萬壽果甜品滋潤可口，萬壽果增添了自然的甜味，冬天飲完，喉嚨很滋養。
繼續閱讀
喺大尾督玩完去附近食埋嘢先返屋企，睇左幾間，見佢介紹寫話係前福臨門廚師主理，而且出面有個中式庭園仔，感覺私隱度好高又好靚，最後就入去試一試三款前菜 （$160）兩個人唔係食好多，所以揀咗幾款前菜可以試多幾款味。黑松露翡翠豆腐好出色，將豆苗釀咗喺豆腐入面，加埋個醬汁係完全食到廚師嘅功架，真係出面食唔到👉🏻酸辣土豆絲👉🏻黑蒜牛柳粒👉🏻黑松露翡翠豆腐👍🏻👍🏻👍🏻五指毛桃玉竹燉雞湯（$196）私房菜嘅燉湯永遠都冇令人失望，清甜、足料、夠滋潤漁村小炒王（$168）惹味小炒王，魷魚、蝦乾都好香，配白飯就一流了烤菠蘿咕嚕肉（$160）菠蘿又甜又清新，中和返咕嚕肉油炸嘅熱氣感紅豆沙湯圓（$120）紅豆沙唔會太甜，有香嘅果皮味，仲有湯圓添走嗰陣時，侍應仲介紹話呢度可以包場，有卡拉OK，而且每層都有獨立廁所，鍾意私隱度高，又想攪啲私人聚會，呢度都係唔錯嘅選擇
繼續閱讀
今晚同屋企人book左食冬至飯，有兩個老人家，所以揀左間粤式私房菜，打電話黎book既時候已經知道可以揀廚師發辦，一於試一試大廚🧑🍳推介。入到餐廳門口已經見到個中式傳統四合院式裝修，香港🇭🇰真係比較獨有。首先上既係前菜三小碟。金沙南瓜片，南瓜好甜，再用上薄薄一層既咸蛋黃醬包住，一食就非常開胃🤤椒鹽魷魚🦑，平時都有食開既都知最怕係有層好厚既炸粉，但今次既呢碟，唔單止炸得好鬆脆，仲有魷魚既鮮味。辣子雞丁 🐥，雞粒Size啱啱好，辣道又非常適中，冬天食真係啱哂。食完前菜，就上左每人一位羊肚菌粟子燉鮑魚湯，老人家最鍾意飲燉湯，佢哋仲讚好足料，鮑魚鮮甜，飲完真係暖粒粒。欖角陳皮炒斑球，呢度菜最好嘅係起哂骨，對於鐘意食魚既老人家👵🏻真係天大喜訊。今次既斑球啖啖用，雖然位上得兩三塊，但係都非常滿足😌。燒汁真菌炒牛柳粒，身為牛魔王🐃既我已經非常興奮，今次用上真菌做配搭，食落更加有口感。海螺葱油雞🐤。第一次食葱油雞配上海螺🐚，爽口既海螺配上滑雞，味道更加鮮甜。食到咁上下本來想嗌個白飯，點知就即刻上左個XO醬黑松露海皇炒飯🤣。炒飯一粒粒，配上特製XO醬，真係一大滿足。古法豬油炒菜心🥬，豬油炒菜唔洗講一定又香又爽甜，兩位老人家食完都係讚不絕口。最後送上紅豆沙湯圓做甜品，今晚係冬至飯，當然要團團圓圓啦。
繼續閱讀
您可能會有興趣的...