龍島 (中環站)

營業中

休息中

呢排瘋狂愛上緑茶o既家姐一聽到熱情店員咁講, 即刻二話不說俾錢買左佢地.truffles外層o既青色假左少少, 應該係白朱古力加左d食用色素, 緑茶味來自裡面o既軟心. 食落覺得似中式緑茶多d, 味道幾清新, 茶微微o既甘味中和左白朱古力o既甜味, 唔錯!

係新產品! $5一個, $12三個. 店員好落力向我推銷呢個scone, 話超好味, 隔離舖頭d 職員個個都爭相買黎食咁話. 見佢咁落咀頭, 就試左個. 呢個scone o既質地似蛋糕, 密度幾高, 幾重手, 所以雖然細細個, 食落都幾飽肚. scone本身唔甜, 甜味來自黑朱古力碎. 整體黎講, 無論口感同味道都幾得意, 有別於文華, 半島等出品o既傳統scone, 可以試下!

經過地鐵站，順便買o左一件返屋企試。只係賣$16，所以期望都唔高。講講賣相先，個樣都唔錯既，有一塊朱古力同有o的忌廉，但包住o個張紙好難搣，因為佢竟然係用膠紙貼住既，我搣完張紙，件蛋糕已經「不成糕形」。面頭有一層藍苺醬，但無原粒藍苺，而餅底只係威化餅底，只係薄薄既一層。食味方面，面頭層藍苺無乜味道，芝士唔夠香，亦唔夠滑，最差係個餅底，好油之餘但又無乜味，口感好差。o的忌廉同埋塊朱古力同件餅好唔夾，唔加好過。成件餅幾乎無可最之處。

前言：女友生日，午飯的時候，從太古跑趕去中環，送蛋糕上她辦事處，好讓她在下午跟同事分享。女友留下一小件，讓我接她放工時，讓我試味。食物和評語：‘綠茶禾果子蛋糕/ Green Tea Konnyaku Cake’（$219/個，約兩磅）。朱古力蛋糕夾綠茶慕絲，上塗一層薄薄的綠茶味忌廉，再灑上一層綠茶味粉末。其中，綠茶慕絲裡混有綠茶味蒟蒻（Konnyaku），口感特別。綠茶部份，抹茶味香濃，蛋糕屬於偏硬，都OK 的。有下次。註：a. 除了綠茶味，此蛋糕系列還另一款名為‘芒果禾果子椰子蛋糕/ Mango Konnyaku Coconut Cake’，不知是否夾混有芒果味蒟蒻的芒果慕絲？b. 這個兩磅蛋糕算有特色，才$219，夠18個人食，算便宜！c. 男店員專業有禮，好！