龍悅 (已結業)

第一次嚟柴灣飲茶，星期五和同事一行四人，去到柴灣地鐵附近商場的龍悅酒樓，大家坐低個個話肚餓，最快係點特定午餐啦，於是叫了自選套餐（$138），其中包括任選一款炒粉麵及四款點心，我們選擇了雪菜肉絲窩米粉，另外點心則叫了豉汁蒸鳳爪，陳皮牛肉球，鮑汁鮮竹卷和養顏紅棗糕。另外再加了蜆芥靚魚球、瑞士雞翼和燒賣。呢間酒樓大件夾抵食，四個人每人夾了＄80埋單，抵食！我們埋單時，已經見到有人龍排隊飲下午茶，想必然下午茶更抵食？！

下午茶，近近地跟同事去試試小西灣龍悅。這裡做街坊生意，價錢都相對便宜，環境唔算太大，不過下午茶印不用排隊。首先點了炸豆腐，香口，應該係即叫即炸，調味都不錯，不淡口亦不會過咸。薄餐，本來我就不太喜歡這款點心，總覺得它太厚粉，不香口，味道又沒有特別，不過龍悅的又跟平常的有點不同，粉漿好像加了蛋，沒有很厚粉的感覺，不錯。炒飯看看真功夫！飯都係一粒粒，沒有飯焦，味道雖然沒有特別（可能材料所限），都價錢不貴，值回票價。

之前係龍悦打過邊爐，尚算可以，點知今晚無做打邊爐，唯有試下晚飯小菜啦叫左好幾樣想食嘅小菜，都話廚房無，想炒個飯，又話無，心諗你不如摺埋休息多幾日好過啦最後求其叫幾樣算數BB乳鴿，肉質鮮嫩，味道唔錯，亦係全晚唯一熱辣辣上枱嘅小菜依個牛柳粒算不過不失，藕尖味道爽甜，頗有新鮮感，牛肉普普通通，唔算難食，不過碟野只係微暖嘅，大大扣分碟豆苗就好少少，仲有少少煙出，份量都幾足，豆苗無乜渣，尚算合格到全晚最貴但最垃圾嘅小菜登場，個鐵窩係完全冰凍嘅即係將煮好食物放入去偽裝，個茨汁如圖所示，一敗塗地、不堪入目、慘不忍睹，漿住一舊舊根本好似廚餘垃圾咁，雞同鮑魚都充滿住雪味，我真係好欣賞廚房有勇氣拎得出兜咁嘅嘢俾客食最後埋單每人160左右，如此質素，食小菜都係去返茶記無咁嬲

事原同屋企人食團年飯，食一個幾千蚊嘅餐，原本對間野都無咩期望，但求食餐正正常常嘅團年飯，點知佢可以漏單，仲要幾枱一齊漏，都唔只，仲要上果窩翅係凍嘅，我地同佢經理投訴，佢竟然同我講個同事放錯咗咗窩翅響另外一枱嘅上菜枱，擺咗烏龍，com幾支啤酒就算，心諗擺烏龍係你員工問題，你要個客凍野就係你員工一再失職，唔係要我做客呢班人同你頂呀？

同母親慶祝生日,近近地就呢咗龍悦食晚飯,可能早嚟,得我一枱客,部長都熱情招呼。先叫咗個老火湯：淮山杞子燉鴿湯,湯底清甜,雞脚入口即融,啱晒老人家食。由於賀生日一定要食壽麵(伊麵),所以叫咗上湯波士頓龍蝦(伊麵底),$198就食到,唔算貴吖,份量足夠四人食,龍蝦肉弹口,伊麵味道適中。再叫埋菠蘿咕噜黑豚肉(炸得夠脆),南乳粗齋煲(材料十足),蒜蓉白菜苗,所有小菜咸淡適中,味道啱啱好,可以算係有營食肆。

今日去飲茶，真令人失望，再黎龍悅飲茶。職員聽完當聽唔到，叫拎張嬰兒椅，無反應。開位拎幾次先齊。今時今日都仲可以有甘既服務😪是沒有training?還是管理問題？

今日早起身就同家人去飲茶食個午飯去到商場等左一陣就有位可以飲茶了入到去就睇下有咩好食/想食..今日叫左5樣野食,包括煎薄撐,煎釀茄子,潮州粉果,燒賣,雞包仔,鮮蝦米網腸煎薄撐--唔夠香口,如果可以再煎多一陣就好喇,其他都冇咩特別,唔算太粉囉煎釀茄子--這個就夠香口了,魚肉都OK,唔算好肥膩..不俗潮州粉果--個皮都唔算厚,入面都好足料...皮太厚會食粉咁,太薄就一夾就穿,佢都算丫丫好燒賣--入面豬肉唔多肥肉,唔會咬落去成口油,隻蝦都OK,幾爽口彈牙雞包仔--正常雞包仔,皮無濕都係好重要,有時濕左個皮會好難食鮮蝦米網腸--好好食,個彩粉拉出黎堅滑,連埋蝦仔食落好真係一流

因為就腳同食物質素不俗，所以差唔多每星期都同屋企人喺度飲茶，但唯一唔好嘅地方，就係要同人搭枱，但相對等位時間就唔駛咁耐啦! 因為爸媽都鍾意食煎釀茄子，所以成為必叫項目，魚肉彈牙，加入咗蝦米，食落更香口，而茄子夠厚身夠淋，又唔太油，好味。鮮蝦米網腸係我嘅最愛，因為出面通常都係食到炸両，蝦腸，义燒腸呢啲大路嘢，而呢個米網腸就用米紙包住鮮蝦再炸，然後先包腸粉皮，所以外滑內脆，真係又特別又好味，所以次次嚟都會叫。潮洲蒸粉果亦係我另一必叫之選，因為佢啲粉果皮好煙韌，而餡料係素嚟嘅，主要係沙葛，所以食落好爽甜，好清新，正 ! 义燒包都 ok，唔算太多餡，屬細細個嗰種，食完個胃仲有位食多幾樣嘢。蝦餃普通，皮薄夠煙韌，食到有爽口蝦粒同竹筍粒，但肥豬肉較多，食完有啲膩。馬拉糕我無試，但家人話好鬆軟，又唔係太甜，都係必叫。食咗咁多嘢，每人埋單都唔駛$60，仲要啲食物質素都唔錯，抵食呀

今天是老朋友聚餐，食物水準大家都覺得物超所值，份量足夠，材料新鮮，味道不錯，龍蝦份量都多，海中寶正，黃金百花球新鮮熱辣又不油膩，我們還將套餐的燒雞轉為他們店的招牌燒鵝，買相靚美味道好，條魚新鮮蒸得肉質滑溜，最後的荷葉飯都無懈可擊，正！

The restaurant is comfortable and bright in lighting. The food is delicious especially the spicy green bell pepper and prawn dumpling. The food temperature is not appropriate. I guess it is because the speed of food delivery. 3 pieces of food order were passed to supervisor at 13:21 and 13:37. however, the order was placed to kitchen at 13:36, 19:46 and 13:49. The food arrived at 13:50. The food waiting time was too long simply because of slow order process. When we ask the supervisor to check t

今日入黎小西灣行左一陣,行到咁上下食個下午茶醫下肚又口乾想飲下茶,跟住就入左去一間酒家叫龍悅下午茶時段都算幾多人,要搭枱坐,不過都冇咩所謂都係咁食架JA睇左D點心紙叫左以下點心點心拼盆,天天煲靚粥,櫻花蝦韭菜棵,蒜茸蒸鮮魷,鮮蝦米網腸點心拼盆--每樣野有兩件點心,當中有燒賣,蝦蛟,紅棗糕,差燒包,潮州粉棵燒賣唔多肥肉都算唔錯,蝦蛟個皮都幾好蝦算新鮮,紅棗糕一般,差燒包同潮州粉棵不過不失天天煲靚粥就好仰抽獎咁睇下當日有咩弼食,咁好玩岩晒我,今日抽中柴魚花生粥冇咩特別櫻花蝦韭菜棵--韭菜都幾香蒜茸蒸鮮魷--蒜香鮮魷算大隻,間唔中食下都幾好鮮蝦米網腸--腸粉成日食,米網咁整都少食,口感唔錯,又好食,值得推介,是日最佳

見上次食過個乳豬仔咁好食，又再嚟樓下番兜，今日嗌咗個翅嚟試吓，點知就咁燒焦，呢個翅認真攞命，個芡仲杰過開粉未搞勻嗰啲芝麻糊，用匙羹輕輕一不，再跣番落個碗度，個芡會令你搵到雪蛤膏嘅視覺效果，從來未食過一個翅個芡係可以杰到咁樣樣嘅，入面嘅含翅度我都唔再斟酌嘞，但係個芡真係十級地獄，惡劣。黃金炸蝦球，一上枱就見到個擺碟求其到丫，好似一堆草地滾球一樣，食落口成口都係粉，僅餘嗰二両肉又唔新鮮喎，係個黃金嘅味道都算唔錯，個鹹蛋黃味都幾香。

燒味拼盤，個乳豬勁脆，脆得嚟唔會硬之餘又夠哂鬆化，不過我嗰件咁橋無乜肉，喺脆皮嘅底下淨係得肥膏，乳豬無肉食而淨係得塊皮真係爭好遠，燒鴨個皮都幾脆，中間個海蜇就鹹得滯喇，而個叉燒作為呢度嘅招牌，我覺得乳豬比起個叉燒更加出色。條魚並無好似新翠嗰間龍悅咁樣，有支蠟燭喺個底下慶住，條魚好明顯梅梅哋，唔係咁新鮮，但係又唔算話太死嗰隻，贊啲豉熟油上面，又生猛多兩錢，另外啲葱唔知乜嘢事好似膠扎帶咁鞋，唔通連條蔥都唔新鮮！？再另外呢度嘅阿姐比起新翠嗰啲和藹好多，真係食餐飯都食得舒服啲㗎。

今日例假剛巧女兒也不用返學😊👪 就到附近的酒樓去嘆茶，因為是平日所以人也不算是太多，只等了十分鐘左右就可以入座，夥記安排座位給我們到一個房間，裡面只有四五張枱， 因為這個房間就在窗邊，所以能夠遠遠看到海邊的風景環境不錯，點了一個五式點心拼盤， 裏面有蝦餃、燒賣、叉燒包、紅棗糕和粉果 蝦餃燒賣都不錯皮薄餡靚，最驚喜的是那紅棗糕🍮，甜度適中沒有遮蓋紅棗的香氣，再加上一個黑椒牛柳炒烏冬，今天的午餐也真不錯😀😁

新開張，諗住黎試下。今日下午12:00黎飲茶，自己搵位，無人執野。搵左好耐，職員全部視而不見，掂行掂過，勁！搵到個部長，竟然話「等下啦，梗係要等」未食就飽左，一肚氣，無下次