龍悅 (新翠商場)

營業中

休息中

剛剛食完覺得收銀態度極差，所以上openrice睇睇， 原來哪位收銀員好出名的( 有咁多劣評)， 其實唔鍾意做咪唔做囉為何要對客人發脾氣， 影響曬其他同事嘅形象， 有好多老夥記喺度返工都冇你做收銀咁舒服， 都唔知為乜佢要趕走啲客(不會再幫襯)， 建議想食個開心飯的咪去， 除非你唔使去收銀度埋單

好多人飲茶嘅目的就係想成家人聚下就會忽略左D野好唔好食難得搵到一間坐得舒服野食ok又唔難搵位嘅店飲茶睇價錢好似炒粉麵有D貴過百蚊碟但上到枱又覺得值wo因為大碟一人一碗仔真係可以餵飽4個人雪菜火鴨絲炆米啲鴨肉切得好粗米粉煮得香又入味記得叫個點心拼盤呀$66咁多樣點心真係好抵而且樣樣都好食叉燒包同馬拉糕印象深刻叉燒包個餡好鮮馬拉糕又香又甜唔會死甜唯一唔滿意嘅係個海蜇$48仲要加一真係太細碟似譚仔加配小食份量甘細

在這酒樓飲下午茶有兩次，款式還可以。去年曾來吃晚餐，可能疫情剛恢復很多客，當時人手不足欠招待，食物亦不夠熱，感覺好一般，今次再來竟然有驚喜。其實當晚已經8點後衹有幾張枱，職員態度也熱情; 餐牌價格跟之前降價了較吸引。我們點了簡單的四餸一湯，先來每人一盅雞骨草豬骨湯，不是味精湯好飲。貴妃雞半隻弄熱才送上，肉質不會太老，拔絲菠蘿咕嚕肉稍嫌不夠拉絲但肉粒夠味不會太酸，金薯牛柳粒最好味，薯仔爆過脆口牛肉夠腍多汁，梅菜扣肉煲多汁好味，扣肉稍嫌未夠腍但不影響味道，更送上椰汁桂花糕作結尾。今次吃飯的體驗非常好，絕不會因為人少或夜就求其馬虎，服務態度熱情，值得一讚，現時香港的飲食業潛在好大競爭，希望大家繼續保持專業態度，相信香港的食客好快會回來。

唔寫食評睇到其他人留言，都唔知原來係慣犯，樓面啲員工已經同心恊力睇你唔到，（包括啲男女主管）問你點解唔寫枱號？點同你入單？去到比錢都要一肚氣，明明去到收銀面前，個收銀老阿姐當睇我唔到，叫咗後面個阿叔上嚟比錢，問阿叔琴晚個餐好唔好食，啲翅得唔得條魚o唔ok? 足足問咗幾分鐘，原來係熟客😌問到個阿叔都有啲唔好意思，終於到我比錢阿姐即刻變面，黑口黑面叫我check 清楚張單😑😑點叫香港人留港消費？？？

去到嗌3個點心既外賣，個收銀同啲部長黑口黑面，收銀找錢畀我，劈的錢俾我，毫無禮貌可言。原本話要等20分鐘先有點心，之後等咗半個鐘，問佢有未。部長就一臉鄙視話已經嗌咗好多次，但前提係我連一個酒樓姐姐既人影都見唔到😅而且跟本無人攞住袋外賣嗌號碼。服務態度極差，無咩事都唔好嚟呢間酒樓。

未見過有服務員未執枱就叫人坐左埋去先，冇人帶位自己行埋去，趕時間最後嗌左外賣，話等20分鐘，點知等左成個鐘。其實都係一籠蝦餃，一籠燒賣，但係要等成個鐘？收銀個呀嬸仲要話我地有病，等一陣就催！希望呢間野快啲執笠！唔好比呢啲咁嘅服務態度嘅人再遺害香港聲譽😊經理仲要一句唔好意思都冇，仲要笑笑口，到底呢間野點樣喺度屹立咁耐

有一天晚上，我和太太想吃一頓清淡的晚餐，於是我們在外賣APP中找到了一家酒樓，他們提供了一個套餐，包括兩隻乳鴿、魚湯時菜和芝士大蝦伊麵，價格大約為$2xx。我們決定嘗試一下這個套餐。首先，伊麵的份量還算可以，但芝士味道並不突出。為了增加味道，我們不得不在家裡加入了一些芝士片。在其他方面，乳鴿味道正常；然而，魚湯時菜並未表現出鮮明的魚湯味道，整體表現普通，份量偏少。總之，這家酒樓的外賣套餐呈現出一般的水平，並無特別之處。考慮到整體表現，我們可能不會再次選擇這家酒樓名店的外賣。

燒味師傅態度極差；問佢有冇淮鹽話特價食物冇喎，要就俾$2，明明海報沒標明。食物質素而一樣差乳鴿未炸熟，煎都香過佢所謂既炸，肉質鬆散貴妃雞斬得一舊大一舊細；勁多碎骨，份量亦令人懷疑不足一隻以後唔幫趁

星期日，朋友共進晚餐，在柴灣新翠商場。一時心急無睇OpenRice 又見不用位就衝咗入去食飯喇，見餐牌有片皮鴨餐五佰幾好似抵食咁就order 咗叫咗一枝啤酒兩個白飯。埋單六佰幾四位人均消費$165。結果可以接受的食品只是白飯同金銀蛋時菜！（請看圖片）傳菜員上菜時，枱上已經放滿餸菜傳菜員都夾硬來叠上其他碟面一言不發就走了，雖然因疫情關系傳菜員已戴上口罩，不想而知都係黑口黑面！人又唔係多點解一點招呼服務都無呢？再查看OpenRice 的朋友們大多數光顧過這間酒樓的評論都是差極。酒樓的老闆丶股東們有無檢討下呢！總之以後不會幫襯。

近排得閒可以飲下下午茶見呢間人少少又未泥過，所以就揀咗呢間試下d枱都有d密，不過唔算太多人所以都唔叫焗促煎釀茄子，茄子愛好者泥講就覺得好好味而且好熱，茄子皮都好脆好油抄手，個餡做得幾好，唔會太濃味煎鯪魚餅，幾香口但略嫌太油，好彩有d粟米同蔥中和返少少但係幾好食嘅蝦餃同燒賣都好好，可以嗌2粒淺嚐下，不至於會好快食飽但呢個蝦餃皮就有少少厚，有d失色燒賣都足料，咬落都實的的唔會有一夾就爛個d肥豬肉feel時菜鯪魚球，同我想像中嘅有d唔同不過係比想像中好味反而牛肉球就令人有d失望，個味就有d怪粉果就無食過，所以唔知好唔好味🤣🤣鳳爪就不過不失，反而想讚一讚嘅係擺底嘅芋頭切到細細粗，唔會好散但都好入味！不過d枱布就有少少污糟，可以改善下就好d上點心速度係好慢，但全部野都好熱，食得岀係新鮮嘅如果趕時間嘅就真係唔好泥，會等到好心急🤣

諗住食個團年飯，服務態度又差，係到受氣，啲服務員又企哂係到傾計，有咩理由正常一間酒樓8點鐘一半都唔滿可想而知真係幾有問題仲有一個夠膽死係我張枱到斟茶比隔離枱洗手一次好了

今晚買了一份外賣，燒鵝下莊（$105）！到打開食嘅時候發覺變咗燒鴨（$55）😤！當然立即打電話返去問吓可以點樣處理！聽電話嘅同事亦都將個case 比返個經理去處理！佢第一句就問我有無單！我答佢冇，因為張單已經俾咗斬燒味嘅師傅先至可以攞到外賣！我心諗！（你唔係連呢個程序都唔知吓嘛）🤔其實反正都錯咗！我就建議佢不如退返個差價或者比返同等價值嘅coupon 等我下次用啦！點知佢竟然話要我攞返盒嘢返嚟比佢睇過先可以！講到我好似以一個平嘅價錢呃份燒鵝食咁！我就對佢表明我身在銅鑼灣，而你地間鋪就響柴灣，所以現在唔方便拎過嚟！不如我聽日先再過嚟處理！點知個聰明絕頂嘅經理竟然同我講！所有嘅數都要即日處理，仲千叮萬囑要帶返盒野俾佢睇過！否則的話到第二日就冇㗎喇！😐😐😐（就連一句唔好意思都冇）我心又諗！如果今晚你哋有個客埋單綠卡！個員工唔小心碌多咗一個位，由$1000 變咗$10000！今晚唔返嚟處理到聽日果$9000就凍過水？🤔🤔🤔當然呢個咁深嘅問題我冇再去問佢喇！因為以佢嘅水平我相信佢真係處理唔到！所以我都冇再糾纏落去！不過就真係遇上一個不愉快嘅經歷！

食物份量唔細，味道都好，但係羊腩煲內並沒有筍，好像沒有靈魂一樣缺少了什麼咁，內裡竟然換了羅白和蓮藕😂，有點奇怪，盤龍鱔好像兩條不一樣的加在一起，因為頭尾竟然魚的質地有分別，上部有彈性魚肉新鮮，下半部魚肉有點散，好像不太對勁，整個餐都係$1688全包宴,其實係抵食,分量足夠撇除以上兩個菜差了點，好像只炸子雞，皮脆肉有汁，讚其他食品就沒有太大問題，這個價格是性格比高。

今日嚟到新翠商場頂樓嘅龍悅飲茶 , 下午茶時段嚟到唔使等位燒腩仔望落去個樣唔錯 , 可惜一食落去 , 個皮係脆 , 不過啲肉臭臭地 🤢🤢🤢 食咗幾舊就冇食啦 鮮蝦腸粉蝦幾大隻 , 而且好食 , 不過個粉皮厚到不得了, 又唔滑 燒賣 , 蝦餃 味道不過不失 , 蝦餃幾大粒 wor粟米墨魚餅 味道係唔錯㗎 , 不過真係油到不得了 ... 食完成個口油淋淋 😵😵炸豆腐算係成餐飯比較好食嘅食物 , 外皮脆 , 入面嫩滑 , 份量合理 !食物都唔係呢一間食店嘅重點 , 重點係佢哋嘅服務態度真係好差 🤮🤮 店員無禮貌 , 做嘢求求其其 , 上點心大大力放落枱 , 仲要放喺你隻手隔離 😕 出聲話佢 , 佢先至講唔好意思 , 笑笑口行開 🙄🙄食物質素屬中下 , 加上咁嘅服務態度 , 絕對唔會回頭 !!! 👎👎

呢間係新翠商場上的酒家龍悅，佢既下午茶時間飲茶真係好抵。嗌左好多點心埋單都係200幾蚊咋！鮮蝦蟹籽燒賣，隻蝦超級大隻，而且個燒賣唔會好粉好難吃，超好味，鮮味十足！豉汁蒸鳳爪係必點！佢個汁超濃郁又入味，而且仲有腐竹同宇頭係入面，超香超好味！然後就係個鮮竹卷，入面既材料多到呢！有西芹，竹筍，紅蘿蔔等等，個汁相當入味，口感很軟屬，超級滿意！個叉燒包入面勁多叉燒，唔會話得一兩舊叉燒，D叉燒多到成個包都食得哂！煎蘿蔔糕又係好香，配上甜醬+麻醬簡直係一流！佢煎得好香好脆，但又唔會結焦，值得一試！