龍悅 (新翠商場)

營業中

休息中

可能柴灣區沒什麼茶樓選擇，不明白媽咪約人飲茶要去這間劣酒樓。未寫過劣評，今次真係要寫吓。人手不夠，員工面又黑，侍應推用過嘅碗碟車仔去清潔時，仿佛茶客嘅椅子都擋住她去路，沒有叫人讓開，只會撞向你的椅子，你知驚就自己避開啦，一點禮貌也沒有。要食水仙茶無水仙，要龍井就給你綠茶當係啦，有茶你飲算係咁食物質素就。。。。。，爸爸對食無高要求都覺得碟斑腩炒河好唔掂。點心就無樣好食。蘿蔔絲餅个皮厚到呢…. 總結純粹要充飢的話，咁就可以嘅，都好多茶客。想食好少少嘅點心，咪嘥錢啦！

星期日諗住飲下午茶，入座時間都係2:45pm.咁係門口拎飛，當時都好似得罪佢咁😂攞完張飛，佢就叫我地自己行入去。行到入去見到無人執枱，而客人亦都唔多，咁就叫侍應麻煩幫手執執（其實都係第一次見啲酒樓未執好枱就叫人入座）。點知換來只有三個侍應大大聲對住我同家人喺度討論：「乜咁晏都仲有人飲茶㗎咩？」呢下真係呆左...其實唔想客人入坐可以講，唔使咁單單打打掛😑呢間野真係可一不可再！勁失望，呢間野真係永世都唔會再去！

3大2細去完青年廣場，經過呢間酒樓，1/5唔洗等位咪入去飲茶。點知中伏!約11:20坐低，叫埋嘢食，叫咗8樣點心，唔係碟碟都要蒸，好似芋角，唔洗蒸。等咗20分鐘，問侍應，佢話睇下，再等咗一陣又再問部長，佢話要蒸20分鐘，最後11:55先上第1碟芋角，微暖，12:05先陸續上其他嘢食。啲嘢上得好慢🐢🐌好慢。😴就算12:10再加單叫海浙熏蹄等到1:15埋單都無來。收銀員仲要好無禮貌話無可能😤，係燒味部拎出來，死唔信，以為我哋呃佢，話要去了解下。🙄😅😅了解完咪証實無來到。總結一句:趕時間就唔好幫襯呢間酒樓。🤦‍♀️

18/12 下午1點令同呀婆去飲茶去到叫左兩位 入到去先好多吉位就問個西裝呀叔可唔可以唔搭枱呀叔話要去番門口問個紫衫女職員，我左腳咬柴包紮緊 我話你方唔方便用對講機叫咪出去 我左腳咬柴唔想再行番門口西裝呀叔話：你隻腳有事就咪黎飲茶啦！O 哂咀...之後我去番門口問位紫衫女職員可唔可以唔搭枱，一係我轉3位比多位茶錢女職員話： 唔係你想加就加，3位最低消費 $320你得唔得我話：下 ..你酒樓邊到有寫 咁兩位最低消費幾多女職員重覆： 3位 埋單最低消費$320 你有無問題咁咪唔飲囉..有次去飲..d野食要等40分鐘已經麻麻地呢間..今次仲要攪d咁既野 真心無下次

呢間酒樓專做柴灣長者生意，本身都唔expect有咩高質素。點知叫碟春卷黎到係凍既。係雪櫃攞出黎嗰種凍。食左一啖發現係凍就叫侍應換，點知個姐姐話我已經食左一啖，唔肯俾我換。仲好惡咁不停重覆我已經食左一啖。唔食一啖點知佢凍定熱？其餘員工態度都非常差，大部分都係新移民，舉手落單全部扮睇唔到。食物方面選擇都好少，價錢都唔平。唯一好處係有卡位，坐得都算舒服，可以同住附近既長輩飲茶。但基於食物質素同員工態度，我唔會再黎食。

香港人近年無辣不歡，甚至追求辣的層次感；吃中菜也不再等於傳統或古舊，一些新派及有創意的中菜亦很合年輕人口味。 之前看了Ben Sir 條 “辛潮” 片，介紹「噴香八味鮮辣蟹」，甚吸引。熟悉我的朋友都知道我是無辣不歡，剛巧好友作家「文氏深」十月份生日，就同朋友們來嘗試辛辣中菜。 坐低，看 menu，發現除了辣蟹，還有其他香辣菜，那就一次過來三道。 「噴香八味鮮辣蟹」$168 / 四人份 原隻越南肉蟹，用羊角椒、乾紅辣椒、花椒、乾辣椒碎等，做出數種複合辛味層次，熱辣辣用煲仔上。辛辣經烹調後滲進蟹肉，先嚐到蟹鮮和刺激，之後是香辣餘韻，惹味。而且葱段、料頭索哂汁，相當好下飯。 我都扮吓 Ben Sir 喺條片的表情，過過癮： 「酸辣香橙骨」$88 / 四人份 外表看來與一般「酸甜香橙骨」差不多，味道是怎麼樣？ 甫放入口，先嚐到甜的香橙味，繼而湧出一股辛辣感。與一般的「酸甜香橙骨」不同，小心被它的外表騙到！辣度不算輕，嗜辣者該會很滿足。 「鮮辣紅湯炆鍋 (無水火鍋)」$98 / 四至六份 似盤菜又有點似麻辣鍋，相當大份，

為免同人迫, 今晚提早同家中老人家預祝母親節。亦為咗方便出入, 就揀咗喺柴灣港鐵站新翠商場裏面既龍悦。呢到環境ok, 坐落唔迫。因為老人家食量唔多, 所以今晚點咗四個餸, 有黑椒炆猪手, 一字骨, 薑葱斑頭煲, 家鄉蓮藕餅, 再加兩碗白飯。呢間酒樓上菜速度算快, 落單唔需要等好耐, 餸菜就逐一送上。每款食物份量一般, 我地四個人食剛好。如果再多人食就唔多夠。味道方面, 以每款$98黎講算幾好。薑葱斑頭煲香口, 算超值; 家鄉蓮藕餅有臘腸粒, 鹹鹹地好送飯。埋單$510, 以晚餐黎講, ok。

其實每年嘅團年飯屋企人都會選擇喺老人家屋企附近 嘅酒樓食一圍咁，普通酒樓食普通嘢我呢方面都理解到所以要求都唔會太高~ 不過今次真係好過份成個12人餐3500蚊唔貴嘅~食咗一碟嘅四式燒味拼盤乳豬都算整得好食,但係上到呢碟大蝦伊麵真係眼都突埋連一個唔入廚房唔識煮餸又唔買餸嘅人都忍唔住問咗一句:點解啲蝦係黑黑咁嘅?睇相都知我諗我唔洗點講!團年飯攪啲咁嘅嘢真係想暈!又淡口又冇味!嬲到我跳起所以大家下次考慮食團年嘅時候真係要考慮下食物質素!

選擇這間酒樓晚飯只因方便各人前往, 不求高水準食物及服務, 只求一頓平實的安樂茶飯。結局就...... 只有吃得滿肚氣! 訂了8pm的1.5 席9道菜之晚飯,  十多人的晚飯總需要一些時間才到齊起菜吧! 我們大概8:20pm 大部分人到了便叫職員起菜, 上了第一道乳豬後, 接下來的15-20分鐘內陸續再上了4-5道菜, 枱面已逼滿了, 但上菜的速度未有按實際枱面情況慢下來, 差不多每數分鐘便下一道菜或多道菜一同來, 已再放不下更多的菜式。我們只好叫職員放慢上菜速度, 職員說廚房要趕收工, 我們這邊廂叫樓面上菜慢一點, 等枱上有位置才再來, 但那邊廂已見尾段的炒飯出來了, 當時只是約8:45pm, 還要是星期六, 場內仍有很多食客。食肆因為廚房要趕收工而急忙上菜, 要顧客以上菜同樣的光速吃掉菜式, 期間職員跟廚房以對講機溝通, 亳無保留地以不屑及態度傲慢的口吻話 "XXX號枱叫上菜慢D喎...", 亦無絲亳感到不好意思, 而較高級的樓面職員只懂敷衍了事或左閃右避, 不提供任何協助, 原本打算來個開心聚會, 搞到氣氛超不爽! 如果此酒樓不打算服務顧客, 只打算以方便自己的方式, 塞滿顧客腸

 本人在1:10pm. 到收銀處買外賣， 本人只有$1000元， 收銀說不收$1000元， 本人話轉頭拆散再買， 他便說我玩野， 是甚麼惡人， 太恐怖了！  這是收銀的態度嗎？

今日撞正打風既日子就同老婆黎試下打風唔算太多人我地決定叫三個小菜試下豉椒炒蜆黑椒牛仔骨煲BB乳鴿三樣野都不過不失上菜速度都唔算快但驚訝既事居然係個煲上先😅份量都算中規中矩 價錢都可觀值得一試

時間：星期六 1:45-2:00pm人數：2幾乎滿座，如非等下午茶，唔使等位。<< 食物 >>粥：幾綿，都足料。雞紥：幾大份。蜂巢芋角：外面炸得幾鬆。底有油(預咗) 但唔算多。原籠馬拉糕：有啲失望。比起其他酒樓好細件。升唔高咁，唔夠鬆。茶：$10 一位。<< 環境 >>冷氣開到超大。好彩同waiter講佢肯熄細啲。不過都係带番件厚啲嘅外套穩陣啲。

蒜蓉炒菜心，雖然係普普通通嘅一道炒菜，但係廚師炒得夠哂火候，濃濃嘅蒜香味加上充足嘅鑊氣，配上鮮嫩嘅炒菜心，食到阿婆不斷大讚。蒜蓉粉絲蒸扇貝，88蚊有成八隻，認真抵食，新鮮嘅扇貝上面加上粉絲，蒜蓉同埋香蔥，最後淋上豉熟油，又哪有不好吃的理由呢？清蒸海斑，海班新唔新鮮，啲肉會唔會梅一食就食得出， 所以其實係無得呃嘅，好明顯呢條魚得。餐廳特登搵啲火喺下面興住條魚，就算食到最後一啖，啲魚都仲係暖暖地嘅，真係夠哂貼心。豉汁帶子蒸豆腐，帶子豆潤咁細，豆腐鞋過豆干，呢碟餸搭嗰兩條菜心老過阿婆，衰收尾。另外侍應叔叔同嬸嬸狀甚忙碌，嗌嘢食慘過借錢。

今天晚上和家人一起到柴灣新翠商場裏面的龍悅酒樓吃晚飯。 這家酒樓是新開的，環境相當不錯，企理光猛，晚飯時段亦有孖寶套餐選擇， 價錢屬不過不失。叫了一碟蒜蓉炒菜心，由於有老人家，特意安排菜心 煮得軟熟一些， 味道口感還可以，但油份太多，感覺非常不健康。另叫了蒜蓉蒸扇貝， 扇貝蒸得有點過火，令到肉質變得煙靭， 同樣地，易贊了太多熟油， 令到粉絲太過油膩。清蒸海斑算是整晚最好的菜餚，碟下面放有蠟燭， 令到蒸魚可以保持溫暖， 令到魚不容易變得腥，算是有心思。整頓飯也只不過是數百元，有海鮮有菜， 價錢算是不過不失，不過尚有進步空間。

明星執左， 這間酒樓用左原址， 所以今天特登來試下因為11點去到，所以不用等位坐低後， 立即睇下有咩食先，不過有點失望， 食物價錢方面比昔日的明星還要貴， 茶位每位10蚊， 所謂的午餐套餐， 價錢貴， 可以揀嘅款式亦較少 最後點了福建炒飯同豉椒排骨炒河福建炒飯：材料足：有乾瑤柱絲， 蝦， 雞肉粒菜芯粒， 冬菇粒，帶子， 紅蘿蔔，芡汁剛好， 味道適中， 飯粒分明豉椒排骨炒河： 材料都豐富，有芽菜， 大量排骨， 青紅椒同洋蔥， 豉味濃， 河粉炒得入味及每一條河粉都有豉椒汁份量很大，一 碟飯麵足夠2-3人食用不過杯茶淺色無味，唔知係新沖出來，還以為沖左好多次， 要11蚊茶錢，真的物非所值此外，侍應生服務態度差， 無人斟水， 客人不停投訴， 竟然無人理（注意：這裡唔搭枱，同筲箕灣麗宮差不多，但這裡一定要填3個人茶錢， 即是最少要收3個人茶錢， 有位茶客因為在收錢時才知， 不停說無理由， 咁樣收費不合理， 不過無人處理）最正的是，大家估下炒兩碟粉麵加3位茶錢盛惠多少?!是205蚊呀！真是昔日明星的一倍價錢有多門口logo午餐單無色無味茶份量大、足料炒粉飯麵