龍泉私房菜

營業中

休息中

食過兩次味道已經唔係特別有咩好食 蟹唔錯嘅但係食食下野成個冷氣機風口噴水出嚟全台野食濕曬雖然佢哋都話賠返 送多兩個餸俾我哋但係我哋都話唔使啦，因為都食得7788但係佢哋就堅持話要送我哋話算啦，唔使，費事嘥嘢佢哋就話係都要送… 都唔聽人講嘢嘅…道歉又無誠意 係咁話得啦得啦冇事之後仲痴線係小朋友隔離收餸個碟餸個底有個蠟燭公司應收碟嗰陣啲蠟燭嘅蠟滴到小朋友好彩唔係好熱姐完全唔明白，明明已經早幾碟餸讓左個位比佢哋上菜同個阿姐都係繼續話得啦，得啦冇事 完全不能接受差劣食到吹漲

這間私房菜朋友之前就一直十分推介，終於有機會約上好友一起來品嘗，雖設於工廠大廈，但可謂臥虎藏龍，食物質素不輸外面的大酒樓，環境乾淨整潔，類似中式酒樓格調，有多間厢房，私隱度極高，訂位時店家會傳菜單俾參考以上套餐，價格親民，任君選擇今晚我哋的主題係龍蝦燕窩海鮮餐首先來了一盅生拆蟹肉扒金山勾翅，每人分到一碗好足料的翅，湯味好鮮，有份量芝士龍蝦頂牙爽口，芝士味好好味，每人一大塊有多。原隻鮑魚扣山珍海味，鮑魚夠淋身，花菇好大隻，海參和花膠味道好正，好豐富芝麻雞，可說是我人生之中食到最好味的雞，香脆得來肉質好滑，再來一隻都可以食曬普通的一碟蒸元貝也豐富多彩，大大隻又新鮮醬油好好味好大隻的蝦配芋蓉多士好味得來勁香脆清蒸大東星新鮮肉質好滑，某某人把頭尾都清得乾乾淨淨，真係小貓食大魚，食完一大輪，起身消化下先，後面的飯菜甜品也忘了拍，總言而之用4百多元能食到咁多海鮮，已經係超值了，所以勁推介

簡直垃圾，比街邊檔更差。魚翅衰過碗隻翅，花膠海參食到我要吐返出嚟。只係碟芝痲雞可以。這是我食過最最差的私房菜。我哋8個人，個個都話唔好食。招呼還可以。洗手間只係得一格男女共用。所以同枱女士都要結單後去apm 商場找洗手間。大家都話冇下次了

經朋友介紹推薦🌟，同屋企人嚟呢間私房菜試吓，呢度位置方便，最緊要係啲嘢食俾足料，高質素，屋企人都讚我搵到個好地方👍生拆蟹肉扒金山勾翅，一嚟就有大大碗翅，仲要碗碗都啖啖翅，真係不得了～食得好爽😂再嚟有呢個天下第一雞，好香好滑，好香脆，好好味😋呢個蒸元貝又係好好味👍 真材實料，配埋個汁真係好夾😍我最中意就係呢個芝士龍蝦🦞 好高質，嚿嚿都啖啖肉，咁多個人分都食到好飽😆仲有呢樣呀，原隻飽魚扣山真海味，一嚟到咁大盤，大家都嘩一聲，又有鮑魚，又花膠，仲有海參，堅係好味嘅，好入味💯再嚟炸到金黃色香脆嘅黃金蝦球拼芋蓉多士，其實已經好飽，證明真係好足料😋😋😋呢條東星班肉質好滑，食魚最緊要配到個好味嘅豉油汁，呢個汁調得好好味🤤超夾呀！瑤柱扒時蔬，真係好足料，食完啲菜都仲有好多瑤柱汁🤪原本已經好飽，但呢個炒飯又食左2碗，屋企人都清曬，因為真係好好食，炒到一粒粒咁，讚☺️終於到甜品啦～ 係牛奶燕窩，好香牛奶味，同一開頭個翅一樣，呢個啖啖燕窩，絕對俾足貨😋總結，我朋友真係冇介紹錯‼️呢度食物質素高質之餘，環境同地理位置都好好，絕對係家庭聚會嘅好地方，又有房俾我地夠曬私人，屋企人都係咁讚👍😆 仲已經話要同朋友再嚟食過

係YouTube見H E A佬介紹，我哋約上12月之星去品嘗鮑參翅肚菜式。 離觀塘地鐵站只需5分鐘路程，係位於工廈的10樓單位，室內乾淨企理，都幾大下，有多間廂房和大廳，當晚我哋12人安排咗廂房。花雕蛋白醉蟹，花雕味極香，蛋白吸收咗蟹的鮮味，蟹鉗特大，回味無窮元貝好大隻又新鮮，擺放好有特色，勝瓜墊底，就連勝瓜都好好味這碟勁足量，包羅萬有，味道扣得好好，鮑魚夠淋，每人還有冬菇，花膠海參份量十足黃金蝦球好大隻爽口惹味，配上芋泥多士，完美組合天下第一雞即係芝麻雞，皮炸得香脆可口，肉質好滑，平時我不喜歡食雞的今晚連食兩塊還想再食因為這餐是以海鮮主打，有兩條友對海鮮敏感，店家推介了師傅的拿手好菜，崩沙腩，果真不錯，肉質好滑，真係值得－試

冬至正日與家人齊聚慶祝，龍泉私房菜以前在尖沙咀都食過，都算吾錯；所以諗起佢，宜家搬到觀塘又近近地，諗住再去試吓，每位$438另加一。第一道菜，花膠海參燉螺頭，無海參無螺頭；第二道菜，金銀蒜勝瓜蒸元貝，元貝吾新鮮，似急凍；勝瓜蒸到乾晒縮水。清蒸游水東星班，一上枱見到就知係死魚，完全吾覺游水魚，肉質劣。荔芋多士，食到成口油，無芋泥味。飄香粉飯原來係美極炒飯😡牛奶燕窩只是煉奶加生粉水😖所有菜式談不上是私房菜，品質低劣，衰過大排擋，又無服務，仲要加一，極度失望，食到一肚氣😤😤😤

吾經朋友介紹都吾知呢度有間咁正海鮮私房菜，抵食得來兼好味，冬至團圓提早了兩星期訂位，訂位時order了龍蝦海鮮套餐，份量大份之余材料新鮮。套餐余下任君選擇生拆蟹肉扒金山勾翅：大大塊翅肉質好厚，爽滑，湯羹美味金銀蒜勝瓜蒸元貝：元貝好大隻新鮮伴有每人一塊勝瓜天下第一雞：酥皮香口，肉質好滑，不用醬汁也好入味芝士龍蝦：起球龍蝦肉、師傅細心周到，啖啖肉爽口嫰滑，加埋濃香芝士好味到無得輸原隻鮑魚扣山珍海味：我哋加咗$ 60升級咗大鮑魚，都幾有份量，冬菇海參花膠醬汁咗鮑魚的鮮味，極品黃金蝦球拼芋蓉多士：咸蛋黃醬汁咗蝦球，好好味，芋蓉多士脆脆的帶有少少甜清蒸東星斑：肉質好滑新鮮，豉油汁調得好味瑤柱扒菜心：菜好甜瑤柱醬汁有鮑魚汁的鮮味，後上的飯吾記得影，不過也好好味牛奶燕窩：甜度適中，燕窩滋潤養顏，好滿足的一餐

餐內嘅「金山勾翅」似乎稀咗一啲、「芋蓉多士」當你咬一啖就已經覺得太油。值得一讚嘅係「天下第一雞」好滑，而「牛奶燕窩」就唔係太甜。不過嗰啲菜式應該要經常更換一下，咪好似嗰個「蛋白花鵰蒸蟹」已經見咗幾年仲喺度🤦‍♀️

今晚開開心心同屋企人一齊食餐冬至飯，預訂左6點半，結果叫起菜都等到大約7點先有得食。第一道菜雞湯，話明係螺頭，但係成個湯一粒螺頭都揾唔到。到第二道菜，蒸扇貝，扇貝係完全無味，係急凍貨，下面就配左聖瓜，聖瓜係未熟。之後就食左荔蓉多士，油到飛起，難食。一睇菜單先發現貨不對版，明明話係粉絲蒸扇貝，就變左聖瓜，多士係配黃金蝦，結果變左美極蝦，仲要唔問唔通知。上菜好慢，中間等左超過40分鐘，呆坐。魚重泥味，最尾嘅鮮奶燉燕窩，係煉奶開水加生粉，一pat野。完全唔值400幾，仲收加一。第一次食飯食左3個鐘，浪費時間，極度失望

龍泉私房菜位於駱駝漆大廈1座10樓 離觀塘站5分鐘路程 非常方便 而且系1座關係 等lift時間比3座更短✌🏼訂位後餐廳就會sd佢地個menu比食客簡 要提前order 總共6款 任君選擇👍🏻豐儉由人今次1行4人 餐廳安排左間房比我地 有獨立電視機 私隱度又高 好適合同朋友高談闊論又吾怕比人嘈著曬😊我地簡左set E - 龍蝦燕窩海鮮餐金銀蒜粉絲蒸元貝元貝非常大隻 重點系墊底既聖瓜完全吸收左元貝既鮮味 就咁食味道都好似食緊元貝😋🐥天下第一雞真系冇改錯名 外皮炸到超香脆 好似紙咁薄 完全冇炸醬 面頭鋪上芝麻更香口 內裡肉質依然嫩滑 而且冇雞胸部分 非常好食🥇🐚花膠海參燉螺頭湯好濃郁好中意🧡用料非常足仲吾油膩 有花膠 海參 鮑魚仔 雞腳 西施骨 螺頭 原隻鮑魚扣山珍海味同湯料有啲似 都系鮑魚 海參 另有冬菇 配上蠔油鮑汁 同一般酒樓水準相約🦞芝士龍蝦伊麵簡呢個餐都系因為佢 龍蝦起左殼 啖啖肉 味道都好正🤗不過份量比較少 1人得1舊 多啲就好啦🥹🦐黃金蝦球拼荔蓉多士邪惡組合😈蝦球同樣去左殼 沾滿喊蛋黃醬 非常惹味 多士全炸但食落吾油膩 可能系比荔蓉中和左🐟清蒸游水星班魚好新鮮 加上熟油好香

去食私房菜就係食師傅的功夫和手藝，現在的環境能繼續營業的樓上食肆肯定有佢獨特的一面，性價一定係高，材料一定係新鮮，價格一定係親民，才能保持返一班熟客。龍蝦燕窩海鮮套餐豪而實在＄418可享受以下菜式：生拆蟹肉扒金山勾翅，一梳梳大大塊的翅份量好足，每人分到一碗芝士龍蝦，大大塊的龍蝦肉爽口彈牙，就連芝士撈伊麵都好好味，賣相了得，食也太贊聽朋友講他們的雞做得非常了得，本來6人係半隻的，我驚唔夠食所以加到一隻，表面鋪滿芝麻好香脆，四個字皮脆肉滑，正金蒜蒸元貝，大大隻好新鮮配勝瓜好好味這碟材料非常丰富足料，味道扣得好濃香，鮑魚夠淋，滿足感十分芋蓉多士好香脆，黃金蝦球大大隻散發出牛油咸蛋黃的香味，回味無窮清蒸東星斑，好新鮮肉質好滑，鮮總言而之，現時四百多元可以食到以上咁多新鮮而又好味的食材，都多得好朋友的推介，一定會再來捧場

見疫情無咁嚴重就帶埋屋企人去食返餐好嘅呢間平時都成日去食但平時就同朋友或者同事食開A同B嘅餐平啲今次就試咗招牌嘅套餐E 龍蝦燕窩海鮮餐不過如果大家要去食就留意番要4位或者8位起我最愛食嘅元貝勁多蒜蓉好香，又夠新鮮平時最鍾意去飲就係食呢個芝士龍蝦伊麵勁多芝士，龍蝦🦞夠彈天下第一雞類似炸子雞但係炸得好香，本身雞又香唔錯原隻鮑魚扣山珍海味呢個真係勁多料又有鮑魚又有花膠又有海參又有冬菇每人都係$400幾真係好抵去飲都唔止比呢個價只要呢個就好有新意炸都得好香鍾意食蝦嘅人一定要試吓屋企人覺得呢條魚好正好新鮮尤其係呀爸佢一個人都食咗一半呢間私房菜除咗岩同屋企人食都好啱一班同事慶祝食飯，價錢又抵推介大家試吓

疫情之下，好難得約齊出嚟食飯，正好有兩位七月之星，在朋友介紹下聽聞龍泉海鮮餐抵食得來環境又舒適，有多間獨立廂房，朋友相聚無得輸。今次我哋預訂了佢哋的招牌套餐（龍蝦燕窩海鮮餐）生拆蟹肉扒金山勾翅，一梳梳的翅，份量十足，湯底濃香金銀蒜粉絲蒸元貝，好大一隻，新鮮熟度剛剛好，好有滿足感天下第一雞，皮脆香口，肉質夠滑，跟外面的炸子雞另有一番風味芝士龍蝦伊面，因有人吾食芝士，所以我哋改了上湯，本人喜好芝士，但上湯原汁原味大大塊龍蝦肉爽滑彈牙，回味原隻鮑魚扣山珍海味，份量十足，鮑魚夠淋黃金蝦球拼茘茸多士，多士脆得來香口，蝦球彈牙爽口清蒸東星班，時間蒸得啱啱好瑤柱菜心，菜嫩清甜飄香炒飯，炒得乾身少油夠鍋氣牛奶燕窩，圓滿的一餐肯定少不了甜品，養顏滋潤，幸福感滿滿。

父親節失望的一餐呢間餐廳我哋由尖沙咀食到佢搬黎觀塘，以前係好好食，而家越嚟越差，今年父親節食完直情要black list.第一樣上枱嘅係蒸扇貝係唔熟嘅！粒扇貝點整都唔離殼。但屋企人話已經食左少少，翻蒸又唔知點處理，所以算數。到翅啦，個翅啲湯係有味，但啲翅仔係無味，完全無入到啲上湯嘅味入去。蛋白蒸蟹就正正常常冬菇鮑魚海參花膠，冬菇好食，鮑魚一般，花膠又唔淋又無味，海參直頭仲有啲唔好嘅味道。黃金蝦併芋蓉多士非常之油，啲蝦係無蝦味嘅蝦仁。菜ok,炒雞ok,雞都唔錯啦⋯⋯魚…魚係無嘅，佢上菜次序唔跟菜單，食到最尾都唔見條魚，一問之下佢話無魚。咁就補番啲鮮奶燕窩俾我哋啦。小朋友一直等住食魚，咁餐廳都好有心，蒸番碗水蛋俾佢…咁鮮奶燕窩呢…都係唔好食嘅，鮮奶味食唔到，煉奶味就好出。最後食埋芒果布甸…然後就肚痛啦，姐姐落到樓下已經要搵廁所。事後有再向餐廳反映事件，餐廳話佢啲扇貝係刺身級🤷🏻‍♀️Not again!

朋友聚舊， 呢間私房菜食過幾次， 由尖沙咀舊舖食到觀塘 ，價錢合理 ，環境唔錯， 今次我哋一行六人選了E餐 龍蝦燕窩海鮮餐 $418 +10% 服務費, 💥💥記得☎️預約訂坐， 另設有whatsapp訂座💥💥， walk in 去無得食架! 疫情之後都係第一次去 ，安排坐房，讚👍跟餐牌上菜次序, 先上生拆蟹肉扒金山勾翅感想💝 每人分到一碗翅，好足料，好多 魚翅，最後6人食完仲有三碗份量! 金銀蒜粉絲蒸元貝感想💝 元貝有部分唔太熟 經反映後 ，重新蒸過唔熟嘅元貝，有服務💯天下 第一雞感想💝 雞定得脆口 芝麻味好香🐔芝士龍蝦伊麵底🦞感想💝 賣相一流 ，打卡一流，好味😋原隻鮑魚扣山珍海味感想💝 個碟 有火熱住，包你食到 熱辣辣 嘅食物，呢個係王牌👑招牌三色蝦🦐 ( 多士,豉油蝦, 黃金蝦)感想💝 多士用芋泥做餡料，出色， 啲蝦整到好脆 連殼都可以食埋🦐清蒸游水東星斑🐟感想💝 條魚蒸得啱啱好， 好滑瑤柱扒時蔬飄香炒飯牛奶燕窩感想💝 甜品唔太甜我鍾意仲令送咗布甸畀我哋總結💢: 今時今日嘅物價 ，佢收費好合理 水準依舊 ，會再去支持! 👍