龍翔酒家 (已結業)

👉友人推介呢度燒乳豬，特登過嚟試吓。。。👆上到嚟環境舒適，又🈶️大電視📺。兩枱之間留🈶️一定🈳️間。👍用餐最怕枱貼枱。。📌化皮燒乳豬（半隻）$388 ～ 外皮尚算脆口，但皮下70%係白色肥肉，丟嘅比食嘅多好多。🙁📌上湯焗澳洲龍蝦伊麵（改芝士 + $30）+ 京式片皮鴨 孖寶 $548.📌上湯焗澳洲龍蝦伊麵 ～ 上枱一大碟，龍蝦🦞肉鮮甜彈牙，伊麵、芝士汁份量極多。📌京式片皮鴨 ～ 片皮鴨即烤送到，外皮香脆，大大隻漲卜卜。職員手法純熟，即片即食，隻鴨唔會太肥，唔錯。🥳📌二食鴨殼炆涼瓜 $50 ～ 🉑️揀涼瓜或茄子🍆。目測大約只有半隻鴨，蒜、薑料頭足，炆涼瓜好味，但如果畀返多啲鴨身我好啲囉！😐📌晚茗茶 $10/人👉入座要先行長樓梯，長者或不方便人士可能不太友好！！🏬 龍翔酒家 (柴灣)🚦 柴灣怡順街1號宏德居商場地下1-3號舖

要讚個片皮鴨做得好出色，皮脆又香，師傅都切得好好！可惜一打開擺白色薄皮既蒸籠，發現一隻小小強！🪳其實大家已經好唔ok！不過新年流流，大事化小，換左就算！繼續食飯…西湖牛肉羹、金銀蛋菠菜、粉絲煲、西蘭花炒蚌，全部都OK。戲肉嚟喇！大家等待隻片皮鴨切件炒茄子，熱辣辣上菜，咦？兩隻脾呢？😳點解全部都瘦瘦件？我地頭先片完好juicy推入廚房果隻鴨呢？仲要啲肉唔係頭先睇落嫩口既，食落似隔夜鴨🫢仲收我地$268 + $50 片皮鴨兩食？！同部長講，部長想送個甜品甜品了事，係咁道歉。我地完全無曬胃口，埋單走人算係咁。寫呢篇野只係唔想其他人中伏！原本一家人新年想開開心心食餐飯，結果一肚氣！ps 上錯菜果啲已經唔在講…總之好自為之

呢個長假期，放假真係好爽，係除夕前夕同屋企人一齊飲個早茶真係盡下孝心先。 呢間都幾就腳，係衰在要行樓梯上去，如果老人家隻腳唔好就麻煩啲啦，都2層樓咁高嘅樓梯。行上去都幾係嘢！咁我同屋企人就10點去到，都唔係幾洗等位，我哋揀咗搭檯，咁快啲有位坐就算啦。叫咗個家鄉煎薄罉，正所謂fried chinese pancake，好中式嘅煎餅，大大份仲飽過食pizza，有菜脯有香蔥，都有小小火腿粒，幾個人share唔錯嘅選擇。之後叫咗個孖寶，蝦餃拼潮式蒸粉果，加多籠鳳爪排骨$54.8，真係抵過食啲蒸點心嘅舖頭。蝦餃都正正常常，兩隻原粒蝦係裡面。潮式蒸粉果，雖然無花生餡，但肉碎撈啲菜脯咬落都幾爽口。鳳爪排骨就可以唔洗叫啦，油到爆炸，食落又有雪味，唔好食囉。 鮮竹牛肉球，莞茜味好重，都係為飽肚，唔算太好食都唔係好推薦。煎釀孖寶，咁有尖椒&茄子，佢煎得唔會好爛，尖椒&茄子都挺身，魚肉都好香好厚肉，但其實都油膩。呢個我極推薦，叉燒餐包，啱啱出爐，熱熱地又好香，蜜汁叉燒配佢搽咗層蜜糖係面度焗，真係好甜好香，呢個真係推薦，好好食。其實所有嘢都幾抵食，味道唔好追求啲乜嘢，但埋單都係$180有找，3個人$60人均，

呢個長假期，放假真係好爽，係除夕前夕同屋企人一齊飲個早茶真係盡下孝心先。呢間都幾就腳，係衰在要行樓梯上去，如果老人家隻腳唔好就麻煩啲啦，都2層樓咁高嘅樓梯。行上去都幾係嘢！咁我同屋企人就10點去到，都唔係幾洗等位，我哋揀咗搭檯，咁快啲有位坐就算啦。叫咗個家鄉煎薄罉，正所謂fried chinese pancake，好中式嘅煎餅，大大份仲飽過食pizza，有菜脯有香蔥，都有小小火腿粒，幾個人share唔錯嘅選擇。之後叫咗個孖寶，蝦餃拼潮式蒸粉果，加多籠鳳爪排骨$54.8，真係抵過食啲蒸點心嘅舖頭。蝦餃都正正常常，兩隻原粒蝦係裡面。潮式蒸粉果，雖然無花生餡，但肉碎撈啲菜脯咬落都幾爽口。鳳爪排骨就可以唔洗叫啦，油到爆炸，食落又有雪味，唔好食囉。鮮竹牛肉球，莞茜味好重，都係為飽肚，唔算太好食都唔係好推薦。煎釀孖寶，咁有尖椒&茄子，佢煎得唔會好爛，尖椒&茄子都挺身，魚肉都好香好厚肉，但其實都油膩。呢個我極推薦，叉燒餐包，啱啱出爐，熱熱地又好香，蜜汁叉燒配佢搽咗層蜜糖係面度焗，真係好甜好香，呢個真係推薦，好好食。其實所有嘢都幾抵食，味道唔好追求啲乜嘢，但埋單都係$180有找，3個人$60人均，真係

今年做冬慳返啲工夫，買出面盤菜食，煮咁多人分量都好花時間。之前都試過其他餐廳的盤菜，但質素參差。盤菜最忌料唔足，收一千幾百食豬皮魚旦就難以交代，就算有時睇落係貴價食材但一食就知係次貨；另外食材入唔入味都緊要，試過一盤野食材完全無味，只係撈汁，仲要點辣醬先食得落。今次試呢間盤菜算幾唔錯。料足，味濃，分量亦非常慷慨，十二人分量但基本上十二人食八成都飽到滯鮑魚 ：大大隻，隻隻湯匙咁上下大，軟糯，有魚味瑤柱：原粒，差唔多一蚊銀咁大，炆到諗而不散，鮮美花膠：大片，有膠質黏口，唔係車仔麵貨色金蠔：最好食呢樣，大粒，鮮甜唔腥，上等貨，而且入哂味，出色扣肉：肥廋均勻，炆到諗哂入味，送紅酒一流蘿蔔：一路熱住食到最後，鮮甜湯汁喂哂入去，大滿足仲有其他幾樣，鮮蝦，切雞，燒鴨，花菇等等都幾好，都係新鮮食材。盤菜有跟埋一大兜湯汁，一路慢火滾住食一路加，唔會食到乾晒。家人非常滿意，無投訴，團年飯可以番食

今早十一時二十分到酒樓飲早茶,問高佬(見圖) 取早晨特惠點心纸, 他看枱上沒有該纸,對我說你自己找,找不到就沒有了他這種態度已不是第一次, 不知道老闆得悉後如何感受？謹此分享, 謝！

無煮飯，出街食晚飯就選了這家。之前食過一次覺得好Ok，所以有第二次。而且有些優惠小菜，很實惠呢！這個煎墨魚餅，圖中已經是食了3塊的樣子，份量足，而且脆口彈牙，很好食。一家人空口就食哂全碟。燒雞也不錯，皮脆肉嫩，味道不錯，半隻份量也對眼，我都是喜歡塊蝦片，馬上兒時回憶返哂來。涼瓜斑腩煲，一上枱煲仔菜的香味馬上飛哂出來，有好多塊魚肉，而且真的是斑腩，沒有太多骨，這是我們一致讚好的。這酒樓的晚飯小菜是不錯的，所以應該都會有第三次

第一日開張就去試食, 落單有矛`少少混亂, 可以理解, 等左5-10分鐘, 即叫即蒸, 蒸籠全新, 雞札唔肥, 雞肉冇霉, 好食. 雞絲粉卷有師父喎! 唔會成舊肥豬肉捞埋, 有口感. 算唔錯, 我反而欣賞壺普洱茶, 佢冇話加水就黑晒, 好飲.