龍苑茶餐廳

營業中

休息中

湯用料十足，鴨腿夠淋， 如果經過的話就要來吃這個十分方便及好味，材料十足，價錢相宜，抵食又好味！所以我經過都會來吃這個鴨腿湯飯，需然不是常常吃這個鴨腿湯飯，但是我都會叫其他食物。

今早入左呢間嘢食個早餐竟然有驚喜，我叫左杯凍檸茶杯嘢味道怪怪地🙄佢嗰2隻太陽蛋個黃有魚腥味🙄🙄服務態度唔見好得去邊🙄🙄🙄佢唯一好處係有露天位食煙😂唔明咁嘅嘢茶餐廳都可以生存到😱🤣🤣今早入左呢間嘢食個早餐竟然有驚喜，我叫左杯凍檸茶杯嘢味道怪怪地🙄佢嗰2隻太陽蛋個黃有魚腥味🙄🙄服務態度唔見好得去邊🙄🙄🙄佢唯一好處係有露天位食煙😂唔明咁嘅嘢茶餐廳都可以生存到😱🤣🤣

我真係好鐘意我樓下果間茶餐廳的蒸魚餐，點解! 因佢真係名符其實大件夾抵食又好食，梅菜蒸鯇魚餐$48(見相中)重要叫凍飲或汽水等唔洗加錢兼夾送埋例湯。在而家物價咁貴的香港，邊到可以食到咁抵又好食的蒸魚餐，重要佢個例湯冇加味精的足料老火湯。所以放假我一定會到呢間茶餐廳我最愛的梅菜蒸魚餐。

今日在大圍食晏，隨便揾間茶餐廳食，行過見到一間龍苑茶餐廳的露天雅座有好多裝修工人，司機哥哥食緊飯，見佢哋好多人都食緊我的最愛，就是鮮橙色的汁撈住啲排骨的餸，於是我就再無睇附近的餐廳就衝咗入去，並隨即睇我剛才所見的橙色物體在這裡是叫什麼名字，原來這店稱呼為生炒骨，未叫嘢食已經送上一碗清補涼豬骨湯，湯味是青紅蘿蔔豬骨湯的味。之後一碟飯及一碗餸就送上。飯方面，軟硬程度正常，可能佢哋睇過有食評話佢哋啲飯所以改善咗啦，但係個生炒骨就真係麻麻地，啲排骨炸到好乾身，而且比較厚粉，排骨無肉，食過一粒其實係啲粉包住骨炸，全碗食得一粒真係感覺到真係食緊肉，其他的都好似食緊紙皮咁，驚起的是成碗餸內有一舊仔菠蘿。但係睇返價錢快餐$40包埋一杯凍檸茶，算係咁啦，但如果煮得好食啲就好了。其實可能唔叫快餐會好啲，其他午餐都係貴$5。

今日全日冇食早餐就出咗門口，唔知係咪因為餓過龍， 所以去到大圍附近求其見到有茶餐廳就走咗入去，結果又一次中伏嘅體驗。 雖然入去之前都冇咩大嘅要求，但係都真係比預期差好多首先佢呢度嘅午餐及快餐一啲都唔平，不過呢個價錢如果好味嘅話就冇所謂。 我點咗A餐嘅洋蔥豬扒飯首先佢嘅豬扒係超細塊，腸仔係得一條，啲汁係好少同太濃， 基本上食曬啲餸一定會整返好多飯， 而且啲白飯係比較硬!以午市40蚊嘅價錢應該仲有好多選擇，所以絕對唔會再來!

龍苑都可以算係信義家當叫外賣的地方今晚突然有朋友自遠方來所以要嗱嗱聲加多少少餸龍苑都不失為一個好選擇就加個黑椒豬肚啦雖然呢味信義家未點過朋友見到話想試就試下啦~未打開盒就已經聞到陣陣黑椒的香氣一打開就已經食指大動忍唔住偷食~~~哈哈熱哄哄的豬肚，份量夠多無雪味，同埋唔會過鹹鹹味適中，黑椒味濃唔食得辣既朋友試就要諗一下啦另外有配菜的蔥有大量可以當菜食~~~哈哈哈汁沒有太多多汁的話我地應該撈埋飯添呢個下次一定要再ENCORE!!!! 不過呢幫你落單既店員有時都會火氣猛架~~~ 可能呢度鑊氣夠啦~~~ 哈哈哈

今日返工，早餐見仲有時間食豐富啲，火腿通粉配牛油方包、午餐肉煎蛋包熱飲品1杯。火腿通粉味道適中，餐蛋就係唔够熱，偏涼，午餐肉較硬唔够脆口，而牛油方包亦欠鬆軟牛油又少，仲唔新鮮，好立克又偏甜，但好香好立克味，份量足夠女士食，價錢一般$29，總括黎講，剛好合格。

落左街係周圍行左陣,去到e到食飯,係到住左十幾年,黎e到食飯唔多過5次,要左個扒餐豬扒:幾好食,比普通好食小小,普通野冇咩特別火腿奄列:成個餐之中最好食,入面仲有好多蛋汁冇全熟(正)方包:軟,牛油香=普通好食級數凍好立克:幾大杯,味道一般綜合黎講:食物一般,價錢一般,勝在近

上次食過煲仔飯.. 味道唔錯!! 但係無影相.. 今次叫左縛個小菜食.. 幾好味!!今次叫左"中式牛柳".. "什菌扒豆付".. "生炒骨"同"椒鹽尤魚so"!!中式牛柳:: 牛柳好.. 個汁酸酸地唔錯!! 什菌扒豆付:: 味道有點像羅漢X生炒骨:: 唯一美中不足係排骨唔係炸完再炒的 椒鹽尤魚so:: 香脆.. 有點大排檔風味!! 茶餐應的價錢.. 酒家的水準(當然不是高級酒家啦!!)

見沒有人寫這間茶餐廳的食評 , 我又寫一下 起碼可以有少許資料給網友參考雞扒 , 火腿奄列 , 牛油方包 , 麵 + 熱奶茶 , $23 價錢一般雞扒和火腿奄列沒有縮水 , 夠大份 , 而麵是bulk pack 貨雞扒不錯 , 皮炸得脆 , 肉也嫩並已經切成小塊入口當然沒有新鮮雞的雞味 , 這也是意料之內罷奶茶的茶味不濃 , 質素算是一般茶記貨色