龍苑茶餐廳

營業中

休息中

今日在大圍食晏，隨便揾間茶餐廳食，行過見到一間龍苑茶餐廳的露天雅座有好多裝修工人，司機哥哥食緊飯，見佢哋好多人都食緊我的最愛，就是鮮橙色的汁撈住啲排骨的餸，於是我就再無睇附近的餐廳就衝咗入去，並隨即睇我剛才所見的橙色物體在這裡是叫什麼名字，原來這店稱呼為生炒骨，未叫嘢食已經送上一碗清補涼豬骨湯，湯味是青紅蘿蔔豬骨湯的味。之後一碟飯及一碗餸就送上。飯方面，軟硬程度正常，可能佢哋睇過有食評話佢哋啲飯所以改善咗啦，但係個生炒骨就真係麻麻地，啲排骨炸到好乾身，而且比較厚粉，排骨無肉，食過一粒其實係啲粉包住骨炸，全碗食得一粒真係感覺到真係食緊肉，其他的都好似食緊紙皮咁，驚起的是成碗餸內有一舊仔菠蘿。但係睇返價錢快餐$40包埋一杯凍檸茶，算係咁啦，但如果煮得好食啲就好了。其實可能唔叫快餐會好啲，其他午餐都係貴$5。