龍華酒店 (金輪天地) (裝修中)

地點方便，離天后地鐵站5分鐘路程嘅食廈內高層，窗邊位有超靚海景，裝修係懷舊香港老店style,又燈籠，又木框，又紅櫈，係娘但非常親切，不自覺諗起細個果陣，乳鴿偏瘦，三高人仕冇負担，燒嘅皮脆香口，連骨都吞得落，豉油皇嘅亦好入味，肉質較軟適合老人家，雞粥粥底綿，雞肉超滑有雞味，油炸鬼同香生泡响粥入面仍保持脆口，其他小菜如炒鮮奶，炒班塊，蝦球亦中規中矩，人均二百五樓下，今時今日香港物價超貴，呢個價位非常可以，值得再去。

今晚一家三口慶祝老公生日去天后龍華酒店食晚飯，點了出名的芒果蝦球，西蘭花炒龍躉，菜遠牛肉，豉油皇炒麵和杏汁豬肺湯，每樣都非常美味，招呼亦非常親切，價錢亦合理，埋單九佰有找（open rice 訂位有九折）！值得推薦

同老婆行完街發現原來天后都有龍華酒店，喜歡食乳鴿的我們梗係要試下，兩個人點了四道菜，老實講都係高水準乳鴿當然唔少得，原來呢度嘅乳鴿係用一級鴿，特別大隻又多肉，唔同其他地方用bb鴿，食落有口感得多。而且佢地係會先用皮水再風乾，加埋鹵水及秘製香料，實在皮脆肉嫰，招牌果然名不虛傳。雞粥有上湯及黄油雞味，雞靚食落又彈牙咕嚕肉用新鮮菠蘿，佢個糖醋汁很特別，撞出來嘅味道邊度都食唔到，而且每塊肉都大細適中，有咬感又有味道。最正就係呢味香芒蝦球，鮮芒果汁加上桂花糖，仲有爆炸糖喺面頭，連埋塊薯片一齊食，一啖食落去，鮮味，肉汁，脆味，樣樣有，十分滿足。

- 龍華酒店1938 -呢間餐廳充滿舊時風味裝修乾淨 仲有靚景🌈☀️Menu都多選擇同變化 真心高質好食🥳 💚龍華招牌脆皮乳鴿龍華乳鴿遠近馳名，但原來乳鴿有分BB/一級/二級，一般出面都係用BB鴿，但龍華用一級鴿，即係等級最高既大鴿！外型結實飽滿，食落去外皮脆，內面肉味濃得黎有層次，肥美多汁。高質得黎價錢又親民，大推👍🏻 🖤新鮮鳳梨咕嚕肉 鮮菠蘿咕嚕肉酸甜消滯，開胃，香酥脆薄薄咕嚕肉肉質外脆肉軟多汁👅 重點係用咗新鮮菠蘿加秘製糖醋汁，每一塊都厚薄適中，口感相當好。 💃🏻跳醬桂花香芒蝦球 大廚洪哥親自研製！依個菜式好新穎獨特，用新鮮芒果校汁再落桂花糖，香口又甜而不膩。最特別係面層加咗爆炸糖，用薯片塾底，食落去真係好似有野係口入面跳舞咁，非常值得一試～🐔龍華雞粥 我平時麻麻地雞粥，因為啲雞會好鞋，但係龍華雞粥啲雞係先烚再沖冰水，令雞肉夠嫩滑又有彈性，粥底仲有鮮腐竹再加雞上湯，鹹味剛剛好。最重要既係雞肉會滲出雞油，淡淡既油香增加鮮味！同招牌乳鴿一齊食係絕配！#hkiger #hkfoodie #hkfood #hkgirl #hkfoodblogger #hkfoodlover #hkg #h

今日好想食乳鴿, 係港島上班既我, 又想食,緊係去依間啦,方便又好食!!但午餐真係食得唔多, 我下次一定要食晚餐先得仲有好多野都想食呀龍華招牌脆皮乳鴿招牌乳鴿金黃色外皮相當吸引,肉味香濃,咬落去爽身且香滑,肉汁好豐富~ 識食乳鴿一定要黎依到, 大大隻~淨係食乳鴿我都飽跳醬花香芒蝦球依個其實係一口香芒蝦球, 佢細細個一口食落去有唔同既口感, 有爆炸糖,有芒果汁,有蝦,有薯片~真係好開胃,好滿足~好推介黎食, 但一定唔好星期一黎!!逢星期一佢地唔開!! 

記得小時候去沙田龍華酒店吃乳鴿，那個味道真令人懷念。我家住天后，去沙田有些遠，宜家天后開了龍華酒店，就去試下，結果喜出望外，每一道菜都很好味，尤其是乳鴿，更加是皮脆肉嫩燒乳鴿炸大腸粗齋煲鮮奶炒帶子

點心質素差 而且分量少蝦餃皮厚痴底燒賣接近叮叮點心程度 細粒 賣相差肉絲炒麵變左鼓油王炒麵都夠膽話冇上錯食物唔係正常茶樓分量味道亦冇驚喜待應冇經驗加唔夠人 得兩個樓面坐低等左15分鐘先有人上餐牌途中已聽到隔離枱不停催食物，好唔耐煩。面積不大，外面一入去有部琴比人彈，進食中途有小朋友不斷喺度亂按整啲噪音出黎。

今次第一次光顧，吃了這裏的特色美食如乳鴿、軟滑雞粥，桂花豆腐花、香脆春卷、爽口鳳爪、超流心流沙包等。我特別喜歡這裏的雞粥，因為沒有落味精，而且雞肉軟身滑口，相當好吃，非常值得推介，大家記得一定要過來吃！👍🏻👍🏻👍🏻🥰