龍華開心美食

營業中

休息中

新北江兩餸飯店有2間，之前食過果間無開，就試下呢間龍華啦，望下d餸款式都幾多，仲有滷水雞比同煎魚選擇，睇餸既時候都有d街坊係度買淨餸，價錢方面就同之前食果日差不多，兩餸飯$41，3餸要$61。今日揀左南乳豬手同煎蓮藕餅，先講豬手有4舊，南乳味有少少唔算好重，紋得都夠腍，無怪味，算幾好食，煎蓮藕餅有2大塊，食到有豬肉同蓮藕粒，豬肉比例較多，調味都可以，呢個份量幾多我都剩左1塊留第日食，飯既質素都幾好，有飯香而唔會濕，軟硬都適中。雖然價錢唔算係平但質素好同份量足，如果揀雞比煎魚呢類會再抵食d，店員態度方面就比較粗聲氣少少，未去到好過份，食物黎講可以再幫襯。

從未見過一間態度差到爆嘅食店，今日真係見識到知道呢間舖頭賣兩餸飯，所以專登行過去睇吓有咩餸揀點知我只係望咗幾眼，企近門口有個應該係負責收銀嘅肥佬職員竟然鬧我「望咩呀望，行來行去響度望！」哇！原來賣兩餸飯連望下都唔得？唔望點知d餸啱唔啱食，何況我冇企定定阻住人買飯，更加冇不停行來行去，純粹只係離遠少少望咗幾眼咁都已經鬧我？乜佢哋嘅兩餸飯矜貴到會比人望蝕㗎？從未遇過一間態度咁差嘅食店（絕無任何誇大成份），想無啦啦比人鬧嘅即管去見識下啦！

對飯盒嘅要求唔高,所以覺得還好。價錢係有啲貴嘅 39蚊兩餸飯 仲要唔包嘢飲分量係一般偏多少少囉啲款都有十幾二十種環境可以係講差,啲桶擺曬喺店嘅正對面可以坐低食飯嗰度 地下放曬嘢有啲枱又擺嘢冇乜地方可以食飯最重要係勁冇禮貌囉！！！！！佢哋喺到傾偈,我咪諗住等佢哋傾完 我先買嘢食囉咁我諗完 佢哋仲未傾完咁我咪再等下佢哋先啦 我又唔趕時間跟住佢哋傾完啦個 男嘅就喺度講 要咩呀（勁冇禮貌）咁我講完要乜嘢啦就等個男pack好過飯 畀我拎走跟住佢做緊嘢 我咪唔出聲 啲員工又冇叫佢返嚟幫我pack好嗰飯 咁等佢返嚟先啦 咁人哋做緊嘢 我冇可能會叫佢哋放低手上面嘅嘢叫佢過嚟pack飯咁佢忙完返嚟啦 佢問個飯係邊個嘅我講咗 喺我嘅跟住唔知佢係咪聽唔到啦佢問番個員工跟住話係我嘅 跟住畀錢嘅時候 佢喺度細聲喺度講 出聲啦你唔出聲（勁冇禮貌喺度話個客）咁我都見到你喺度做緊嘢 我先費事嘈你啫