龍蝦燒 (已結業)

朋友"大壽"請食飯，一眾兄弟姐妹唯有勁叫豪食一番。因為要食到盡，除了order食店主打的龍蝦仔外，老闆介紹了當日生猛海鮮︰枇杷蝦 及 鮑魚仔，仲食左.... 聖子王、生蠔、扇貝、大蜆、貴妃蚌、燒魚、多春魚、風鱔、羊仔架、牛柳串、牛脷、蝦膠雞中翼、清酒煮蜆、雞脾菇、秀珍菇、菠蘿、香蕉.... d海鮮的確幾新鮮，而燒嘅時間都拿揑得不錯，燒完上枱嘅魚、蝦、蜆都仍然好juicy，唯一comment係蒜蓉好似太多，就算清酒煮蜆都加了好多蒜蓉一齊煮，蓋過了清酒香及蜆嘅鮮美了 燒雞脾菇及菠蘿都好好味，最好就係每食完一、兩種海鮮後，食素菜過一過口腔中蒜味。可能伙計見我地係大豪客，都十分殷勤服侍，仲叫老闆黎同我地打招呼o添

當日二男一女，吃了很多串燒，都好抵食！價錢尚算合理，　至少我一個男的都可以夠”皮”特別推介是燒龍蝦，　帶子，　燒菠蘿，燒物來講，　尚算合理．　Fair marks

雖然熱氣, 但間唔中食下都OK既~招牌蒜燒龍蝦, $38隻做噱頭幾好, 不過係無咩肉食既....老虎蝦$18隻, 好正....多春魚, 乾身, 唔膿, 幾好~仲有D菜, 有D可惜, 好凍~食完海鮮, 到肉類.ANGUS牛粒...冰鮮肉..不過調味粉都差唔多蓋得住D雪味..都係燒白果好食~BY THE WAY,個老世幾NICE, 向拒投訴支飲管太短, 拒話好盡力搵左另一支俾我, 話得呢D....但係我發覺隔里台用緊O個D好長LOR= =

啱啱有親戚响外國返左嚟, 所以帶佢地去食d特式嘢, 廢是成日食中菜咁悶, 睇左飲食男女介紹, 決定去佐敦嘅龍蝦燒一試~一行8人大約7點左右到逹, 訂左位, 所以唔駛等,坐低之後, 一路陸續都有客人入座, 好好生意喎~今次都order左好多款式, 但招牌菜燒龍蝦就當然唔少得啦!!燒龍蝦都有兩個款式, 芝士或蒜蓉, 各有特式, 個人口味~我鍾意芝士 ^0^跟住仲叫左安格斯牛柳串, 嘩!呢個yummy, 燒得啱啱好, 食落仲有肉汁架~讚!!老豆同媽子都鍾意食羊, 所以都order埋燒羊架, 醃得幾好味, 好香羊味但又唔會”so”, 食到老豆同媽子舔舔脷~大家都想試下海鮮, 所以order左燒貴花蚌(蒜香中帶出海鮮鮮味, 唔錯~唔錯~)、燒蟶子王(名乎其實係”蟶子王”, 好大隻, 味道鮮美)、燒生蠔(個賣相好得, 連我平時唔食蠔都忍唔住要試)仲有老闆特別推介嘅時令超巨型帶子, 佢話呢d超巨型帶子唔係時時都有貨架,今次真係有口福~~(後來我仲聽到伙記叫沽清添呀, 證明好嘢多人食, 真係手快有, 手慢無)帶子燒完出嚟仲有汁, 味美鮮甜, 超讚!!仲有, 嚟多個雞腎串, 好爽口呀, 加辣粉食好好味~

三个女仔, 今晚去左lee度食門口ok多人, book左七點半, 好彩armarm有位d位都幾窄, 以五分中極速入第一張order, 等左9個字, 野飲都未有, 一定漏單la, 老細送番个涼拌青瓜補數=]第一round海鮮, 龍蝦仔ok多膏, 多garlic, 38蚊隻抵食!只要有garlic ge seafood都幾好, 冇就冇乜味.第二round d肉都ok, d牛柳粒仲有肉汁第三round ge燒蕉ok, 而garlic燒饅頭就正=]缺點就上菜慢d, 超肚餓就唔好泥喇同埋太多樓面, 好迫...好多野都冇/賣哂食左兩個中, 走嗰陣原本滿滿ge龍蝦缸吉左...

元宵節呢日去完element 諗住去燒物, 見到有個牌寫住,38蚊有燒龍蝦,咪try下我地未到6點半就到左, 間舖勁細,見都有7成人,ok掛....我地點左:龍蝦- 38蚊個隻, 好彩點一隻, 因為冇味,得d蒜茸lor聖子- wa....好細隻,又係冇味,,得d蒜茸lor(去酒樓食會好味d)豆腐串- 佢可能燒錯左,我地食到係炸魚旦,唔係豆腐~ 但冇味羊肉串,雞骨串,雞肉串,燒9菜- 勁油, 冇味釀雞亦- 入面係蝦膠,但又係冇味茄子- wa.....勁油.........食完"利"都痕埋,又冇味成餐都冇味, 有調味料, 但全部實晒, 用唔到........位已經細, 又窄, 肥d都坐唔到,下次咪攪d野油到..........但食食下埋單都唔平

I read their promotional article and got a $20 off coupon from "Eat & Travel Weekly", so travelled all the way from HK island to the remote location of the restaurant.Was really attracted by the $38 lobster. When I walked into the restaurant, the manager was very keen in promoting their seafood. As soon as I showed him the voucher his face was darken immediately. Initially he said I could use the voucher for the seafood that he was promoting.Then when I ordered the $38 lobster + $25 of whole aba

今日本來諗住去"重慶燒"到食, 點知冇位!! 就去左隔離呢間"龍蝦燒". 開頭見佢好似好多人, 就覺得應該都唔差掛?! 誰不知, 唔試由至可, 一試把幾火首先環境就比較迫, d 食物又差, 調味料又完全不夠味. 一開始就食左串牛, 但D牛肉一食落口就覺得怪怪地, 唔知點咁. 跟住果個牛油帆立貝完全無味, 多春魚同金菇肥牛又燒得太燶, 龍蝦好細隻又無味.食物上得好慢, 一路食都唔多滿意O架O勒...但最嬲O既係我O地等O左成個鍾, 連對面O岩O岩坐低O既夫婦點O左同一樣O既餸, O黎得仲快過我O地!! !好明顯漏單啦~ 但係問完侍應, 佢又唔覆,又要我O地等! then再追問第二個侍應同佢講CANCEL, 佢居然話"我都冇辨法, 老闆都只係叫我追廚房, 不會取消." then我o地話咁cancel 晒佢埋單啦, 跟住佢竟然答 "係啦, 不如你出去埋單取消啦~" !! 真係火都O黎, 埋單即走! 2個人o係度幫襯o左成$300幾, 唔飽同咁o既質素~非常唔抵食總括而言: 唔會再去......

在添記吃完美味的三文治和蒜茸包後，仍覺意猶未盡，想找東西繼續醫肚，行經一處簡陋的店舖，竟見裡面有枱有櫈，還有人在吃東西，好奇心起，於是進去問問，原來是「龍蝦燒」的舖頭太多人，所以在這裡開了新檔（有點似大角咀的名店「神廚館」呢），見之前在這附近幫襯過的「重慶燒」都不錯，於是入去試試這裡的串燒。誰不知......因為之前已吃了三文治，不想吃得太多和太貴，所以只是叫了一些串燒，沒叫海鮮（當然也沒有叫這裡的招牌燒龍蝦啦），誰不知......這次叫的東西基本上沒有一樣是合格的，最正常的已算是簡單易做的燒菜心，但也只是不過不失而已，而且份量亦不多，只得三條菜那麼多而已！至於其他......1）燒牛舌：單看賣相，未食落口，完全不知道那是牛舌，吃在口中，那口感也是怪怪的，完全不像以往在任何地方所吃過的那樣。2）燒雞腎：和牛舌一起上，差點還以為這是牛舌呢！至於味道......一般啦！3）燒脆肉瓜：算係ok d啦！4）燒三文魚頭：簡單來說，就是不好吃。5）燒雞中翼：雖然寫了要蜜糖，但因為沒有寫走孜然粉，結果......不錯，雞翼是有一點蜜糖味，但更多的是孜然粉的味，把蜜糖的甜味都蓋過了，變成一朕怪怪的味道

天氣凍冰冰本來想食煲仔飯,有口碑嘅又排餐懵!門口望入去無人嘅又瀨嘢居多,迷迷吓去咗文英街,剛好在這門口對面有錶位!望入去比缸龍蝦仔吸引住咗!短短一個街口已有三間食串燒!(一間曰式、兩間中式)戰況都幾激烈.入來坐下立刻點菜,點菜紙上食物種類款色有百多樣選擇,點菜入單後十多分鐘開始有得食!全部肉類要了大辣,其它中辣.牛脷----切得太薄!一燒就縮埋一舊,食落得一個靱字!鴕鳥肉----仲嚡過牛肉,呢個有兩個靱字!羊肉串----丁點羊肉應有的羶味也沒有,入口完全咬唔開,有三個靱字.雞軟骨----燒得不夠乾身,油份略多.XO醬燒蠔----雖然XO醬的味道不太特出,但蠔本身的質素唔錯蠔身飽滿!合格!金菇牛肉卷----燒得有點過火,牛肉老了少許幸中間的金茹尚有水份,未致於要咬柴皮.蒜蓉燒龍蝦仔----即叫即撈即劏即燒,龍蝦肉夠彈牙,蒜蓉味足!果然係招牌貨.燒秋刀魚----燒得不錯!外皮帶脆,雖然有點腥,但魚肉尚保留一點油份,食落都唔錯!安格斯牛柳粒----唯一唔靱的肉類!雖然肉粒本身油份不多但起碼咬得開吞得落.燒全翼----一隻燒到連中翼位置都唔滑的雞翼!翼尖燶哂,其它位置就好似食雞胸.蒜蓉燒茄子-

之前去過一次都覺得一般，無諗過再去食。點知琴日朋友話想試下，唯有跟大隊......我地總共叫左五款野。今次試左佢個招牌"燒龍蝦仔"，以龍蝦唻講$38一隻，好似幾抵。我地揀咗用蒜蓉燒，蒜蓉夠多，幾香。不過，佢啲蒜蓉超鹹......我地仲叫左個"燒菜心"，都幾硬。我唔肯定係條菜老，定係佢都燒熟透，又抑或呢個係"燒菜心"應有嘅口感......朋友話除左見到塊菜好似有少少燒到煨煨地之外，食落唔似燒.......跟住，有燒鰻魚，呢個無咁鹹，還可以。另外，我地仲一人叫左隻"燒蚌"食。由於都係用蒜蓉泥燒，所以同"燒龍蝦仔"一樣都係咁鹹。最好笑係佢張紙寫話係$10一隻，個職員話琴日要收$12一隻，或者呢啲就係嗰啲所謂嘅"海鮮價".......最後，我地叫左個"燒魷魚筒釀糯米飯"，我地用左半個鐘頭有多嘅時間去等.......我地見得左好耐問下個呀姐，佢竟然會同我地講"整緊ga la~要食好野，就要等下ga la~"我唔知俾咩反應佢好lor~"好野"wor~終於等到上菜，唻到嗰陣，佢幫我地切開左，好多糯米飯喺個魷魚筒度跌曬出泥。佢地糯米飯有幾粒臘肉喺度。呢味係咪真係好野就見人見致la~PS: 味道呢啲就真

當時身在佐敦，有啲口痕，聽人話佐敦八文樓有幾間串燒食，走入去搵，搵到呢間"龍蝦燒"。見一個人食就叫左一串雞同一串牛，諗住呢啲係最大路嘅野，差極都有個譜。今次係買外賣，拎返去原本身處嘅地方食。一拎上手，隔住個袋摸一摸，會係比暖嘅程度再高溫少少，至少唔係熱到會縮手。經過短短三、四分鐘路程，已經變到微暖。我有好大疑問，串燒呢啲即刻燒嘅食品唔係應該會好熱熱到會令人縮手嘅咩？聞到都幾香，味道就一般la~食完先大件事，幾口渴，呢間啲味精都幾重手......

: D 星期4同一個女生出左去佐敦兜左陣搵野食..." 見到有個人派"龍蝦燒"新開張龍蝦38/隻 既傳單"同派傳單既店員傾左陣." 教左我行(因為行幾個街口)位置的確僻左DD..行到服務固然好好"熱情有禮貌 坐低店員就主打龍蝦同扇貝,"龍蝦可以XO醬..蒜蓉或者係芝士牛油燒." $38/隻.. 7吋左右啦..好多肉."味道真係可以" 食完友人都要叫多隻.." 另外叫左雞翼."雞軟骨."原隻茄子." 金菇肥牛 " 羊肉同埋牛肉.."味道真係淡左DD=] 不過勝左枱到有4隻味既粉比你自己調番D味." 另外叫左杯加大既水蜜桃汁."正.."好飲過出面台式餐廳沖個D.." 食左10幾樣野.." $235 埋單.." 的確貴左少少,,"不過會再去的." 雖然僻左DD,,但係質素仲有保証."

朋友生日去咗試新野兼興祝,主打龍蝦,$38一隻,生生猛猛,即捉即燒,去街市買都要這個價,現在仲要有人燒好,所以都幾抵.另外燒蠔都唔錯,又係新鮮野,每隻$12都合理,而帶子就大大隻又厚肉,蒜蓉燒好好味,燒羊架都唔錯,鰻魚都好味,但$20得2舊就唔多抵,甜品就叫了燒菠蘿.(我覺得海鮮好味又抵食,唯獨個燒魚麻麻地,可能d調味差少少,其他茄子和菜都ok)

見佢新開. 林住試試啦又幾味WO , 個龍蝦38 蚊抵食 , 都唔知佢點賺個燒羊扒好入味,食串燒唔飽, 叫左個天面, 比想象中好味. 初時重林住用來頂肚,下次來要再叫我覺得E 度D 燒海鮮幾得 好新鮮下次真係要帶FD 試試