龍蝦燒 (已結業)

在開飯網頁睇過這間舖的食評,有人話好,有人話唔好,一次唔知晚飯去邊處食,想起它,決定去試下鵝肝多士太大件,好彩叫了一份兩人食,煎得唔夠,好難食燒龍蝦仔,叫了兩隻$48的,一隻蒜蓉,一隻芝士,好細隻,味道普通其他食物都好普通,地方又逼,2人吃了$378,不會再去

媽子生日, 她說看到雜誌介紹這間"龍蝦燒", 便去試一試.果晚細佬早收工, 先去搵位, 我7點係jordan mtr meet埋我女友時, 細佬說已經有位坐下了, 似乎時間夠早, d人未湧到, 唔駛等位.不過原來由佐敦站行過去真係好遠, 早知轉車轉到暈都去柯士甸站啦. (都行左足足20分鐘)去到媽子亦已抵達, 我地四人(媽子, 細佬, 我, 我女友)坐一張桌剛剛好, 我地身型大份都坐得okay舒服喎.我自己好怕熱, 係極大汗之人, 又係佐敦行過來, 熱到hi hi, 心想食串燒, 一定熱到不得了, 但點知間野冷氣夠勁, 雖然無吹正, 但又夠涼喎~(呢樣對於我好重要)店家介紹的燒魚okay好食, 不過盬燒都係比較咸;主打龍蝦真係幾靚, 我地4人分兩隻來食都覺得唔錯, 材料本身好又燒得夠味, 我地揀$68一隻果d, 覺得算係合理, 細隻d果d可能爭少少;有燒菜心, 除左熱氣d之外, 其實好好味;燒茄子幾好, 不過未必人人like;燒羊就反而無特別驚喜, 可能因為同食西餐差唔多;燒五色蠔好正, 水準一流;最後意猶未盡加單每人一串雞柳, 要等得耐d, 不過伙記招嗎同態度都幾okay;雞柳都好好

姑姐生日哥哥提議去食重慶燒，不過因為姑姐同幾個細佬都唔得食辣野，再加上前排經過龍蝦燒門口果個姐姐好熱情咁介紹，所以最後落實左去食龍蝦燒。因為生日既關係係ITALIAN TOMATO訂左個蛋糕，預早小小去龍蝦燒放低個蛋糕先，姐姐叫我最好早小小人齊入去坐住先，如果唔係一陣多人驚俾唔到位我。多謝提醒~! 未夠7點我同姑同埋細佬去到.. 先坐低。 老實講，位係窄既，係唔係幾好坐，侍應部份魂魂地遊，年紀比較大既姐係串串地咀既，但係.. 唔好當佢高級食店，當佢大排檔.. 就OK。基本上無明文規定一人可以叫幾多隻龍蝦，但係我地一坐低姐姐就話因為旺場既關係，遲小小叫可以要兩個人SHARE一隻龍蝦，叫我地如果諗住一人一隻最好叫左先。其實我唔係好明.. 咁係咪一張枱5個人.. 只可以叫一次之後唔可以再燒龍蝦? ANYWAY，竟然佢咁講，我地就落住3隻先。唔係好敢試佢果D新款食法，即係果D蜜桃芝士牛油燒... 叫左普通既芝士牛油燒, XO燒同埋蒜蓉牛油燒.. 都幾好味另外叫左羊架, 牛串呢兩個都好OK. 芝士牛油焗雜菌, 燒大蜆同埋牛油蒜蓉金菇天使麵都係必叫既食物黎架總括黎講，食物OK啦。人多去可以BOOK

好多人寫食評，扮哂食家，彈呢樣彈嗰樣。住住無諗過一分錢一分貨。但今次食完龍蝦燒，不得不寫一寫食評讚一讚。朋友女友生日，想食海鮮。係某雜誌見到有介紹，於是就去試一試。一去到，服務非常好。侍應好有禮貌。但講真，坐就真係唔係太舒服。無計，係舊樓地舖，唔通會有5星級酒店環境咩。講真，價錢唔算得話好平，但同質數係成正比。以呢個價錢，食龍蝦真係算做唔錯。其實計落無加一，都算係平咗。88$最貴龍蝦無哂。唯有揀次一個價價。但又唔算係差，XO醬燒味真係唔錯。其他串燒都有水準，如果唔講賣相，環境，呢度都算係抵食之選。唯一要彈係冬蔭功只係一個辣海鮮湯，真係失咗水準，要改善。8個人食到任飲任食咁，都係2000$埋單，食海鮮，都算係咁。有龍蝦，雞泡魚，鱔等等等等。最值得讚係店員態度，真係一流。又無收切餅費。值得一試

6月8日(星期三) 同個朋友去試食, 之前聽人講理到人多, 成日無位, 服務態度差, 我去當日就唔覺喇, 一去到剛剛有位 (可能老細係到, 態度幾好, 落單又快).食既野太多, 唔太記得, 值得推介1, 聖子王(新鮮爽口, 係最好食), 五香鴨舌, 金菇肥牛卷.2, 龍蝦都ok, 多膏 (以理個價, 算ok), 汁燒魷魚筒 (燒得唔錯, 唔會太生或熟, 可惜燒汁唔夠多, 唔係就正好多)3. 肥牛粒燒得有D 熟, 搞到無咁嫩口. 土豆片太厚, 如果似大陸果種薄薄一片, 就入味好多.

點了:燒大龍蝦----揀左58蚊0個種(分48, 58, 68蚊幾種), 諗住中價，應該大隻一點，結果係都好細隻，前排0係花月庭食自助餐送既龍蝦都大隻過佢...味道就OK 啦，但肉都唔係話爽口彈牙，唔覺得好新鮮，但明明見佢0係個缸度揀出黎，個缸度隻隻都好似識郁喎，或者係隻蝦本身質地真係麻麻啦，未必係佢唔新鮮卦！生蝦刺身-----哇，唔得呀！佢有八隻蝦，但入面有四隻正常SIZE 既蝦，有幾隻簡直係發育不良到嚇死人，簡直覺得呃錢。亦唔新鮮，一定唔會再食！有點搵笨的！燒大海蝦----呢個都幾香脆，我覺得都爽口既，但妹妺話佢0個隻麻麻地，呢個中規中舉啦！燒生蠔-----呢個幾好味喎，都幾濃味，感覺幾JUICY.燒盲鰽------呢個又腥又鞋，真係唔會再叫呢隻燒魚。皮係冇刮鱗的，再加埋超多鹽鋪滿晒成條魚皮黎烤，咸到癲，食唔到D 皮啦！因為太咸同太多鱗嘛！芝士牛油西蘭花-------呢個OK 啦，芝士唔係好濃，但又未至於稀，當然濃D 足料D 會好好多啦！燒司華力腸-------呢個好味。不過我諗燒呢味應該好難會燒得唔好味燒金菇肥牛卷--------呢個都好味既，幾香口，牛肉都唔UN.豆腐丸----

本來lum住食"重慶燒"，太多人之下，去左lee間。佢叫得龍蝦燒，龍蝦應該有返甘上下，我地3個人一人點左一隻:xo味: ok la蜜桃味: good try. 但唔係好match蒜味: 最香最好味D龍蝦都新鮮，當然大隻D會好味D，不過個價錢都合理。本人最鍾意嘅首選燒羊肉串同燒大蘑菇。D羊嘅調味唔係好濃，特顯D羊本身好嫩，似羊仔肉。燒大蘑菇應該加左D汁料燒，一D都唔乾，好JUICY ^^，食完想再叫多ROUND TIM!!叫下叫下都食左好多野，最後叫個燒菠蘿。燒完嘅菠蘿果然好甜，美中不足係有"根"。

o係呢度第食評, 都真係第一次(平時我都成日o係openrice巢好野食.)原因? 就係呢間食市, 所謂既bbq, 未燒野食, 先令我地一肚火.近日o係團購網發現offer, $30食到餓肝多士(送埋$50現金劵,就買黎試下.一去到鋪頭, 一位疑似老闆娘的侍應好細心, 講解有咩野食, 同埋點樣食為之好味, 仲要幫埋我地拉開張桌子, 等我地睇電視可以舒服d. 點知, 當我拿取團購證order後,佢知道我剩係用張團購證都已經黑面. 大佬, 真金白銀買嫁wor. 個offer條款下又冇寫名要食滿幾多錢先可以食個多士.只有寫住「食滿150蚊可用50蚊現金烤」咋wor! 等左9個字次後都冇野上桌 當我問及老細時, 老細行開一會, 然後聯同疑似老闆娘的侍應走過黎, 呢個時候先話張團購證要係度食野先可以用嫁wor. 要我地等左9個字, 追問後先俾個甘既野應我. 有冇心做生意, 有冇心去做promote嫁?我話, 「甘我地咪唔用張$50減免囉?我地俾左錢買個多士嫁wor.」 佢地話, 「甘你地問佢退番錢囉, 我地係同呢張野吸引人食野, 吾係吸引人地剩食餓肝多士!」條款入面, 冇寫過要「係度食其他野先

見某雜誌寫到好好味咁，所以專程到場試食！點知……我全家人極度失望！１）我地已經訂左位，　　點知去到個刻仲要至少等多十分鐘　　阿姐無派飛，　　個個黎到係哂個門口到，　　佢跟本唔會記得邊個黎先同黎後２）入到去，　　我地比佢地編排左去另一間舖個邊坐！　　坐位唔舒服（椅）　　而且位置極之好狹窄，　　我比傳菜個阿姐撞左好多次背脊３）ｄ野等左成半個鐘先有得食，　　最離譜係咬落口係凍嫁囉！　　龍蝦並非想像中咁好味，可能配料要改良　　鵝肝多士ｄ多士林哂，不過塊鵝肝都ｏｋ　　三文魚頭仲以為係半邊頭咁上…點知得幾個魚“較”　　雞中翼尚算合格好味４）埋單居然都要成半個鐘　　因為間舖太迫既關係，　　我地企哂係門口，　　是罰企半小時嗎　　而且仲見到ｄ阿姐跟單跟到亂哂仲要嗌交？我唔會再比多次機會呢個舖。

叫左個48蚊龍蝦燒,燒得唔錯,唔會過老,蝦頭都好多膏,好味另叫左燒蜆及貴妃蚌,前者太老,後者好味,所以話佢d水準唔係咁穩定佢個牛肉串,燒魚,牛利都ok(以呢個價錢),但叫左好多食物佢都落蜜糖就真係頂唔順,我覺得雖然比客人揀落唔落係好事,但都要有自己o既燒法囉.總括呢間野唔貴,hea下飲下大啤都ok o既,d阿姐都好殷勤的

繼上次係佐敦食串燒之後...今次就試lei間啦,朋友話d龍蝦仔都ok,即管試試看...都係一般食串燒o既格局啦....入到去咁o岩有台成8個10個,勁嘈呀...我地兩個人乜都叫少少食下啦象拔蛘仔,都係蒜蓉,但都唔似燒o既...似蒸多d...不過就幾新鮮,夠鮮甜...生蠔,都算幾大隻,又係揀左蒜蓉,都唔腥,算ok..龍蝦仔,叫左一隻一開二呀,蒜蓉丫...都唔好大隻架ja,48蚊...d肉都實,唔係"梅"o既...都ok啦魚片頭,本身魚片頭都幾爽口,但我request要d蜜糖,加左落去d味怪怪地雞軟骨,我最愛...一定要叫黎食下,都ok,揀左少辣,但都冇料到...加d粉啦,都ok...墨魚膠雞翼,即係雞翼拆左骨再讓左d墨魚膠落去...麻麻地o者,我諗都係食返正常雞翼會好d...豬頸肉,lei個都燒得ok,唔太肥,可以一食..娃娃菜,還可以啦....都夠林.....茄子,好大塊呀...勁多蒜蓉,係過份多....熟晒o既...食完都幾漏下...蕃薯,揀加d蜜糖...d味好似好怪咁,唔知佢用咩蜜糖呢...仲要唔熟,叫佢再燒多轉先得...但個味都係怪怪地...好彩都有熱飲...柚子蜜...同都係同

見雜誌有廿蚊晚市coupon, 近近地就走去試一試... 點知... 店內地方細, 但都有幾張檯, 可以坐廿幾人吧...六點幾去到已經坐哂人, 不過剛剛有人走我就不用等位就可以入坐...一坐底, 都未整頓好, 店員就係咁問你要唔要食咩咩咩咩咩咩... 又話多人燒等得耐...我都未睇有咩食, 係唔係咁趕住落單呀...總論係... 冇下次~

噚晚友人做老闆，請我同monkey去食龍蝦燒，原來間舖嘅名直頭係叫龍蝦燒，喺佐敦渡船街。友人揸車同我哋過去，好好彩咁啱對面有車位，唔駛走來走去，另一對友人就自行過去，最近的港鐵站係柯士甸啩~店面小小，都算逼夾，但價錢親民，小龍蝦燒38蚊一隻，大龍蝦燒48蚊一隻(又唔好幻想到好大~)，蟶子皇30蚊一隻，嗰啲咩燒牛柳、燒雞軟骨之類就10-20蚊/串，都唔算好貴~有唔同嘅香料(左起)：應該係rosemary之類、花椒粉、孜然粉、勁辣粉、味椒鹽、辣粉蒜蓉飽不錯、燒粟米勁甜唔乾必叫海鮮類 (奉勸唔好一上枱就掂個殼，因為係透過個殼燒熟啲肉，個殼就好似個煲/穫咁)蒜蓉扇貝：感覺好似蒸咁、爭咗啲粉絲蠔：唔會縮到好細、燒完都有海水味魷魚：香、但唔夠味，可能for自己落辣粉蟶子王：好肉、都係好似蒸咁、好香清酒煮青口：幾甜，但無乜酒味，唔知係因為蒸發咗，定因為我飲緊Asahi唔覺呢~主角來了！龍蝦燒！呢嗰係大size。有個缸養住，即叫即劏。好新鮮！每人一隻！燒菠蘿：好多汁，食到成手都係燒烏頭：太多嘢食、求其食咗兩啖咋燒豬頸肉：好滑呀、點孜然粉食正焗西蘭花，汁好濃其實一行6人唔止食呢度咁少，仲有茄子、雞軟骨

本人很喜歡食蠔, 媽媽很喜歡食龍蝦, 這店可以滿足哂兩個願望, 所以一直都想試這店. 終於係今日試到了.蒜蓉/XO醬/芝士牛油燒龍蝦 (每位惠顧滿$40, 可以$38換1隻) 豆腐丸串 $10雞腎串 $10燒生蠔 $15/隻田雞 $14/隻因為流量大, 所有食物都覺得很好味/新鮮.

好耐冇食龍蝦燒LA...今日約左HONEY去O個度食宵夜~!! 9:45PM去到, 即刻有位,VERY GOOD~!! 因為HONEY未到的關係, 所以我就睇下MENU睇下有咩食先LA...點之...龍蝦仔 - 冇牛肉卷 - 冇扇貝 - 冇鮑魚 - 冇 (其實仲有好多野都冇...激死我LA~!! 上一次黎食都已經冇龍蝦仔GA LA...今次又冇...)不過既然黎左, 冇辦法LA...唯有叫其他野LA~(其實O個刻已經冇晒胃口了...!!)最後, 我地叫左:1) 大海蝦($13) - 味道OK LA...不過SIZE就細左DD2) 貴妃蚌($15) - OK好味3) 聖子($20) - OK好味4) 墨魚咀($12) - 好好味...5) 燒生蠔($13) - 普通6) 芒果蒟蒻($18) - 普通, 冇乜特別講完野食, 講下SERVICE先...普遍來講, SERVICE唔係好得...何解??首先, 可能實在係太忙LA...D STAFF個個都做到「木口木面」的, 有D STAFF就算明明聽到你叫佢, 都要扮聽唔到...而且態度NOT SO GOOD!!另外, 我亦都聽到周圍D枱好好