龍記飯店

營業中

休息中

好耐之前係中環返工一段時間，做過咩已經無咩印象，唯一記得就係龍記既叉燒。早排放假得閒又走去中環行下。下午茶時間，當然又去龍記。龍記叉燒入味爽脆，必食之選。另外仲有懷舊燒臘，相信好多人都有講唔使我再多介紹。但怕肥既我一直都無試，希望有日會試下。跟碗既一條菜心甜，唔老，好食。檸檬茶有少冰無少甜，一般茶餐廳都系咁，無奈。老闆娘唔算有禮，說話唔多客氣，但其實對客唔錯。當日有位婆婆點叉燒米，但叉燒太硬咬唔到想換冧啲既叉燒，燒味師傅一直唔換仲口出怨言，但老闆娘就一句都無多，直接幫婆婆換。估唔到係中環呢啲商業地帶，都咁有街坊情味既店。高質燒味，一定會再幫襯，值得支持既老字號。

這是一間唔會令你失望的店，分量足味道好，這間店吸引著大量遊客與本地人。從最簡單叉燒雙蛋飯到四五寶飯都不能挑剔，晚市仲特價益街坊的良心食店。鍾意叉燒的第一次黎可以黎個叉燒雙蛋，想樣樣試下或者黎個四寶飯。叉燒好食，燒肉皮脆咸度適中，魷魚入味，鴨香雞滑，雞肝濃郁。個份量比一般燒味店多，無論料同飯。胃口細可以叫少飯或者轉米粉。

係中環番工既都知道隨隨便便食個午餐有時都要70、80蚊以上架有次朋友就帶左圈圈⭕️去🌟龍記飯店🌟佢推介我食🔺鴨脾四寶飯堂食都係50幾蚊炸~~~~而且好足料 有半隻蛋、有菜、有雞重點係隻鴨脾呀😍我叫左免切 鐘意用手拎住黎食啖啖肉、更滋味😋皮脆肉嫩、又香口🤤雖然係油膩左少少但偶爾食一次半次冇乜所謂啦🙈飯既份量對我黎講就有啲多不過對於男士黎講就應該岩岩好聽講平日午餐時段戶口都大排長龍今次我地等左一陣就食到 真係好彩☺️

因為公司棟大廈出左個外賣自取app，所以有優惠，俾八蚊就可以食到個晏。但十一點開始，好多餐廳都peak，唔再接order，所以最後揀左呢間。因為啲單寫左你個名，所以唔會攞錯或俾早到嘅人攞左，所以一去到就可以拎。拎到返嚟，一打開就「嘩」一聲，因為我估唔到個份量係咁大份，四寶嘅種類竟然唔係得紅腸魷魚，而係有齊叉燒，燒肉，切雞，紅腸再加半隻咸蛋。份量同性價比竟奇高啦，淨係隻咸蛋都夠我食晒成兜飯了。因為我一向麻麻地叉燒，所以還好。佢有肥有瘦，但有啲位就硬左小小，唔夠腍。而切雞就唔夠滑。燒肉個皮好脆，啲肉唔會好乾好硬，呢個唔錯。而紅腸我自己本身唔鐘意食，但佢唔會好咸，所以我諗算ok。以八蚊嚟講十分滿意，以正價55蚊嚟講，喺中環，咁嘅份量，仲有例湯，都好唔錯架啦。

曾經在中環食燒味叉燒，朋友當時推介說龍記的燒味和叉燒是最棒的，不但肥瘦適中，還很juicy。令我十分期待，今天終於有機會來這裏嘗嘗在餐廳內看到獎項和報章雜誌的報道，令我更期待我們Order燒味雙拼飯。朋友order雞潤叉燒飯，說很好吃，所以想讓我一嘗雞潤，可惜賣光了，朋友便改為order燒肉叉燒飯。燒肉的皮有一半淋了，有一半是脆的。朋友說這個是普通了一點，但她試過來單獨買燒腩肉，確是很棒。我則order了蜜汁叉燒和滷水雞全翼瀨粉。叉燒卻是瘦肉較多，但蜜汁好味😋雖然沒有朋友說的那麼棒看來真的要看彩數滷水雞翼滷得不錯，很入味

是日路過中環，當然要去龍記食返個燒味飯先繼續。龍記是很多中環人嘅飯堂，以前我都一個星期大概會食１，２次。今日黎得到，就食豐富D，整個乳豬三寶飯再加海蜇！喺龍記叫燒味飯嘅技巧係，除非你有一兩樣野係好想食，如果唔係一般都係叫N寶飯係會抵好多。但係分別就係N寶飯俾嘅燒味係會有uncertainty嘅，例如今日依個乳豬三寶飯加海蜇，一黎到，我心入面都呆左一呆。因為乳豬三寶飯加海蜇，除左"乳豬"同"海蜇" 係fix左之外,，其餘竟然係得到燒鴨 (一般係雞) 同 燒排骨 (一般係叉燒)！可以話真係估佢唔到。應該係話依個亦都係龍記食咁多年都會有樂趣同新鮮感! 哈哈

店內環境好有地道特色，老牌舊店好有feel叫左乳豬三拼飯，乳豬拼咩係師傅決定，次次都唔同，令人聯想起omakase結果係乳豬拼叉燒、油雞從來冇食過咁正嘅乳豬！多數市面上啲乳豬其實都係乳豬「皮」，得塊脆皮癡住一層脂肪，有時仲唔脆嘅添...龍記嘅乳豬塊皮又薄又脆，咬落kok kok聲，皮底下層脂肪薄薄地食落一啲都唔油膩，重點係佢地嘅乳豬係連住好大塊嘅肉架！　而且唔會過咸過油過乾，調味適中，燒味界實屬罕有從來冇食過咁正嘅叉燒！肉夠林，蜜汁香甜度適中！平時食開嘅普通叉燒係一忽較乾較韌嘅瘦肉，連住一舊仔肥膏，呢度啲叉燒肉係完美結合肥同瘦，所以咬落好林好軟熟，啖啖肉香，改寫「肥瘦均勻」呢個term！油雞都係唔會太咸、肉質鮮嫩；三種肉分量都好多，一啲都唔姑寒，中環$80左右食得到，抵！

要出中環辦有點事，見時間尚早，就快快腳去龍記食碟飯先行。以前我仲喺中環工作的時候，果陣龍記幾乎係我嘅飯堂，一個星期總有最少一兩次LUNCH會去食，甚至有時ＯＴ得時間夜，都會出黎去食個飯先繼續。或者，偶爾早放工又會去斬個料返屋企同屋企人一齊食。一般叉燒燒肉雞鴨，到乳豬、燒鵝、乳鴿、海蜇生腸果ｄ都全部食過哂。環境就一般，尤其是lunch繁忙時間，坐得當然會好迫，不過大家都係快快手食完就走，唔會太介意，通常要等位但一兩個位好快充攝到。以前好多時都會心多多，成日揀n寶飯，但今日就想食叉油雞，然後口痕再拼多個海蜇，加杯凍飲，就整整$70元了。人在中環，是差不多了。今日燒味的種類攪定了，真正來的部位，就是看彩數了(如果是n寶飯，咁有時種類都係看彩數）。油雞走翼，來的是少少上脾位，叉燒今日俾嘅係全瘦叉，也是看彩數。海蜇一如既往，給的份量也不少。個人好喜歡食海蜇，但市面上有這樣一人份量拚海蜇的燒味飯店，其實不多，所以黎得到的，都總會多拼一個海蜇。

• 叉燒切脾米粉🍜•💵Price: $74🍴Food: 4.5/5❤️-叉燒肥瘦適中，而且非常厚切，食落鬆化無渣。雞脾更加正，肉質嫩滑啖啖肉，呢個價錢我覺得好ok🤤不過講真有少少要睇彩數，因為雖然我呢碟個叉燒咁正，但我同事黎到既叉燒同切雞既賣相同食落都麻麻😅不過我自己黎講一定會再黎🥳-

事情係。我叫切雞飯走胸 來到三件雞背。無問題。問題係我叫走胸。你點解給我雞胸白肉。那我就問。這是什麼。 服務員跟我說。緊有兩件雞胸。 個心想。什麼叫走胸。 都我找數是。個女員工。仲講。雞胸有咩問題。我叫走胸。但你給我雞柳白肉個種喎。 高級食店。仲攞獎喎。仲唔平。

可能因為去完一個長旅行，啱啱返嚟香港有啲掛住香港嘅燒味添。今日lunch time就嚟咗龍記燒味啦，叫咗肥叉燒配貴妃雞飯，仲有凍檸茶少冰。其實平時都有得閒嚟食龍記燒味，但一直都覺得冇咩特別，反而今日一食，肥叉燒非常入味，又唔會太肥，凍檸茶調味剛剛好，話少冰真係少冰的。有啲期待下次再去食！

本局長是日中午於中環體察民情，但覺中環生機勃勃，不愧為香港之心臟。至一燒味飯店門外，見「龍記」招牌甚具威勢，遂長驅直入。店內尚算寬敞，牆上貼滿揮春、菜牌，報紙雜誌訪問等。見牆上一剪報寫此店乳豬、叉燒、燒鵝有「中環三寶」之稱，遂著小二來一乳豬飯，凍咖啡走甜。乳豬皮脆肉嫩，豬皮卜卜脆，肉半肥瘦，是為誠意之作。飯粒粒分明，豉油汁甜而不膩。驚喜的是凍咖啡亦有水準，有奶香，非九流茶記稀nelnel求其之作。總括而言，食物水準頗佳，本局長盡興而歸。

昨天吃了燒肉油雞飯，一坐後待應即說要$65一碟，錢多少對我冇問題，最緊要好食，一看到這碟飯，簡直中伏！燒肉所有皮肉分離，其實都無所謂，最大問題就是一半皮𠱓一半皮濕而淋，即是這些皮是有計劃地分配給顧客！叫油雞，大家樂都會給一些胸或背，也可以搭些翼和脾，佢居然是一只又乾又瘦的雞翼，也同時間隔離枱客也投降點解又是雞翼，那時我發覺這間店雙拼雞是永遠是翼，那時我十分激氣叫待應來投訴，居然他説你落單要講清楚要那部位，那麼我問他乜一只雞好多只翼嗎？他不知怎樣回答！大家看完照片後請大家決定會否再繼續幫趁，我就打死都唔會再去！

係中環食燒味飯真係唔平，平時食開都成六七十蚊，去酒樓食都不在話下，今日同事帶我地去試下好好味既燒味飯，呢度一個燒味飯都係五十蚊，平時同事加班或者午飯都會選擇黎食。午巿食都要排下隊，就連五點幾收工都多人買，要排隊，不過大多數都係買外賣食，通常成隻咁買。我叫左個四寶飯試下，平時啲雙拼都係$50，如果食乳豬飯就貴啲，大概要六十至七十，我有同事食過話好好食，我就未試過，叉燒半肥瘦，啲燒肉又唔”鞋”，而啲飯又粒粒分明。

約咗朋友行街但早咗到，最好就梗係搵個地方食嘢食住等啦原本諗住食隔離間，但要等就轉咗去依間。見到坐滿人又要等諗住再轉下一間，店員話上層有位就決定試下依間上層都係要搭枱，牆貼滿了報章嘅報導、採訪，食燒味就梗係叫番至愛油雞叉燒飯啦等咗唔夠5分鐘就有得食❤️油雞有小小老，唔算滑，味道鹹香。叉燒就好出色，肥瘦均勻，蜜汁味香，配飯一流。略嫌豉油同蜜汁有啲少，可以多啲汁就更好啦賣相 5/5口感 4/5味道 5/5番食率 4/5