龍記飯店

營業中

休息中

好耐之前係中環返工一段時間，做過咩已經無咩印象，唯一記得就係龍記既叉燒。早排放假得閒又走去中環行下。下午茶時間，當然又去龍記。龍記叉燒入味爽脆，必食之選。另外仲有懷舊燒臘，相信好多人都有講唔使我再多介紹。但怕肥既我一直都無試，希望有日會試下。跟碗既一條菜心甜，唔老，好食。檸檬茶有少冰無少甜，一般茶餐廳都系咁，無奈。老闆娘唔算有禮，說話唔多客氣，但其實對客唔錯。當日有位婆婆點叉燒米，但叉燒太硬咬唔到想換冧啲既叉燒，燒味師傅一直唔換仲口出怨言，但老闆娘就一句都無多，直接幫婆婆換。估唔到係中環呢啲商業地帶，都咁有街坊情味既店。高質燒味，一定會再幫襯，值得支持既老字號。