龍豐粉麵茶餐廳 (已結業)

今日下午我們喺粉嶺附近做完嘢之後，覺得有啲肚餓，所以我們喺周圍行吓睇吓有咩食？行到去聯和墟有間叫「龍豐粉麵茶餐廳」，當時係下午茶時間，店內嘅人客都算多，心諗食物出品應該都會唔錯，所以我們就入咗食下午茶！我們叫咗牛根牛丸粗麵嘅牛根燜得非常入味，質感相當煙韌軟滑，而且份量超多，而牛丸雖然祇得兩粒，但質感好爽口彈牙，而且牛肉味都幾鮮味，至於粗麵嘅麵質亦好爽滑煙韌！四寶米粉嘅魚蛋比較腍身，而且味道亦有啲腥，而魚片就係魚片頭，味道比較鹹，而魚皮餃嘅皮就非常厚身，食落嘅感覺亦有啲「粗嚡」，至於中間嘅餡料就超油膩，因一咬落去就成口都係油，真係極之油膩，豬肉丸就不過不失，至於墨魚丸就非常爽脆彈牙，而且有好鮮嘅墨魚味，係眾多款丸之中比較好！

20170322(星期三)，又想吃雲吞麵，但聯和墟真的沒有絶頂好的雲告麵，於是又到了龍豐。是日點了:雲吞麵($27)走青，好像比前加了$1，雲吞麵湯底太咸，雲吞味道一般，比前退步了，失望。炸魚皮($10)--約有五、六件，魚皮脆是脆，但脆得來有點硬，味道怪怪的。凍檸茶--回家看相片才知原來是有冰的，因為我飲的時侯，心想叫了凍檸茶，為何一粒冰也沒有，完全唔凍，白加了$2，應該是茶太熱，冰融解得太快，不倫不類的凍檸茶。埋單$45，雲吞麵退步了，暫時不會再光顧。

龍豐茶餐廳在和豐街路上當眼處，非常易找。在聯和墟食粉麵，很多人都會為名牌豬手慕名而來，我有時唔想食咁多肉，就會想起到龍豐食碗雲吞麵。而家仲有$20幾元一碗的粉麵，已經很難找了。叫了雲吞麵和牛肚粗麵:人流不多，很快便上枱，有5粒雲吞，蝦和肉份量平均，麵質彈牙爽口，湯底較一般雲吞湯底濃，我每次到此也是吃雲吞麵。家人點的牛肚粗麵，牛肚份量不少，切成細細件，"好淋"又入味，我試了一點粗麵，還是覺得幼麵好吃。餐廳唔係好大，座位不太舒適，為雲吞麵而來，吃罷快快埋單。

上次食早餐，今次試埋粉麵，下午茶時間，人客唔算多，環境幾舒服！ 店員比較趕，落好單，食物好快到， 雙丸河加紫菜（$31）雙丸問咗係牛丸加魚蛋，如果轉就計雙拼，魚蛋唔係粉但削，唔彈牙，無乜魚味，豬肉丸有肉汁，幾彈牙，比魚蛋好！紫菜比得多，爽口無沙，河粉滑但我哋幾個人食河粉都覺得有怪味！攪到個湯底好怪！本個湯好濃郁！熱檸茶：茶底味道幾濃！茶餐廳水準，檸檬唔澀！阿姐店員爽快，中間我哋對賬單唔明，都會詳細解答，廁所略濕滑，尚算乾淨！ 不過一間專做粉麵店，連粉都有問題！真失望！

早餐嘅重要！雖然港式餐廳嘅早餐都好似，但大家都會揀唔同嘅餐廳試下！今日我就去試下另一間未試過嘅！呢間其實係粉麵店，早上會有港式早餐！去到好爆埸，我們要分開坐兼要搭枱，格局係潮式粉麵店，好簡單，枱面有一啲食潮州粉麵常見嘅調味料！早餐選擇同茶餐廳差不多，但有一樣幾特別！豬腩肉米線，我配炒蛋紅腸、熱檸水！食物好快到！豬腩肉4件，睇落肥瘦相間，咬落肥肉炆到好似彈牙啫喱，瘦肉索晒啲汁，唔嚡！好味！（本來對腩肉都有啲抗拒）米線彈牙，最讚係個湯底，好濃好味！之後來個紅腸炒蛋多士，賣相好亂，應該好趕出菜，多士連牛油都未搽勻，不過夠鬆脆，紅腸好熱，不過好油，應該係炸唔係煎，雞蛋先出事，超多油，每個凹位都係一個油塘，可以𢳂出一茶匙油！好恐怖！又唔夠滑，好老！唔好味！熱檸水正常！店員可能太忙，佢哋鍾意自說自話，放錯食物，三番四次同佢哋講嘢都唔會回應，好專心做嘢！我們客人只能等佢哋留意我們欠乜，而唔可以講！因為佢哋唔會理！每間餐廳都應該有一款食物有特色！呢間可能係粉麵店，都係粉麵有保證！

在附近工作，已吃厭聯和墟的食肆，發現開了一間新的粉麵茶餐廳，就去試試。午飯時間要等位，但不是很久。餐廳𥚃面很闊落，樓底很高，座位也算舒服。叫牛腩河，姐姐問我要招牌定普通，我問她有什麼分別，她説招牌是用新鮮牛腩。我其實對牛腩不太講究，但姐姐極力推介，就試一試，另加炸魚皮、熱檸茶。魚皮先來，不油，很脆，還有魚味，正！牛腩河伴有很多蔥花冬菜，太好了！牛腩入味、鬆軟，不知是否新鮮的關係？可惜，檸茶沒有茶味，失望。總結：值得再來。最好是吃後不會口渴，証明少味精少鹽！

前幾日重陽放假，拜完山之後去左龍豐粉麵茶餐廳食野，外觀好新淨(可能新開)，地方好乾淨舒服，位置算闊落，唔似其他茶餐廳咁，逼到背貼背。服務員態度都好親切，會主動同你介紹下有咩野好食。講番食物，我叫左個牛腩粉、菜心同涷奶茶。水吧沖奶茶沖得唔錯，茶膽應該都幾靚，而牛腩炆得好冧，又唔算肥，個粉又唔會浸得耐，變左一PAT野咁。最後，我都係食左30零蚊，好抵食，聯和墟附近有水準又抵既野唔多，呢間算唔錯，值得支持。

星期四放左工經過樓下呢間新開既店食佢既牛腩麵， 淨雲吞 再加杯檸茶。 一入到去呢間新店覺得好舒服， 因為岩岩裝修好。 啲員工服務態度不錯， 好主動同客人傾計， 佢既牛腩入味， 冇我平時出去食既牛騷味， 麵都好爽。個淨雲吞好鮮甜，今次總共食左52蚊好抵，聽人講佢既鮮腩好好食，  下次會再黎幫襯食佢既招牌鮮腩！：）