龍邦燒味小廚茶餐廳

營業中

休息中

經過附近 見到幾多人買 又要加餸 不如試下呢間啦  試下外賣燒鴨 味道普通  D肉略生..粉紅色既...一家人打開個盒 準備起快 見到大家都停左一停畢竟咁粉紅既鴨 第一次遇到 大家有D遲疑左一陴

今日無飯帶，一枝公出去食又覺悶，於是搵埋個同事（咁橋又無帶飯）一齊gogogo 💪🏿呢間聽講叉燒係出名既，但午市門面一向勁多人，啲人通常買外賣返去食。不過今次勁好彩，唔使等即刻有得入👍🏿上菜非常快，落單唔使半分鐘已經有飯送到。先試個叉燒，的確係正喎！顏色鮮豔唔在講，食落唔覺乾身，咬落都幾淋，尤其半肥瘦果幾舊特別好食！至於燒腩仔呢，除左卜卜脆之外都無其他形容詞了。燒鴨好靚仔，食落肉質唔算鞋，屬中上水準。食食下見到對面枱有叫燒鵝脾飯，好似仲正咁喎！下次黎一定要叫呢個！

自從對上次係龍邦食粉果陣見到人地碟靚靚燒味，一直都想黎親自試下今日同事話想食燒味，即刻諗到呢間，由於太多人，所以買飯盒算。。。但係，唔好以為燒味飯盒好頹！呢度既燒味飯盒絕對好過出面好多堂食燒味多多聲我叫左個燒排骨叉燒雙併飯賣相見唔見到D色澤幾自然，同埋一睇就知係新鮮出爐，5係放左好耐，乾爭爭果d。見到d燒得咁靚既燒味仲唔食指大動咩味道燒排骨可能係因為瘦肉較多，略硬，跟軟骨既肉好食D叉燒不得了，係肥叉！！肥而不膩果種，燒得勁香，D油香出晒黎滲落d飯到簡直食完升仙其他雖然菜心一條，但並唔求其，有水準。飲品可揀例湯或是日紙包飲品X1價錢39元正

波兰朋友想吃中国菜，找到这家餐厅我觉得味道一般般，中午时间人很多，外边排了一圈人，我以为是在排队，其实是在等外卖，其实不用等位，直接进去就好。我俩一开始对面坐，还没坐下，就听服务员说“坐边”我想了半天没明白，后来才理解是要我俩坐在一边。。两人桌，最后居然拼桌可以坐死人。。不过也可能是因此不用等位。点了四宝饭，原来没有尝试过，其实就是一堆内脏，味道一般般，下次还是老实点叉烧饭吧服务员不会说英文，普通话说得不错，我第一次意识到茶餐厅的服务员不会英文

近排，成日都想喺呢頭附近搵間有好味早餐A嘅茶記，但仍未搵到。有時，真心想幫襯小店，但唔係間間小店爭氣，有時真係無奈地要返去食大快活。好似龍邦咁，個火腿通粉d湯只係僅僅暖暖哋，而且d通粉根本未煮透，全完唔過心，粒粒硬嘣嘣，𡁻到牙都軟埋！煎蛋又係，只係暖暖哋，似係煎定，如唔係，即係煎好咗一段時間都冇人攞過嚟！不過，好在唔油，加返d分。凍檸茶都係離哂譜！明明叫咗小冰，但出到嚟三份二杯都係冰，咁如果我冇叫小冰，咪成杯都係冰，真係痴線！原來今時今日自從商品說明條例生效左之後，仍然有咁多餐廳仲係話自己賣緊鮑魚，如果第日俾人投訴真係唔好問點解！仲有，呢度有個短髮侍應阿姐，嘩！把聲真係嘈到拆天，由坐低食早餐，佢就一路不停鬧自己個同事，鬧到我食完個早餐都仲未鬧完，仲要講之前其他客人嘅是非，佢唔煩，我都俾佢煩死啊！！

中午lunch行去食燒味飯聽聞呢間出名黑面+串嘴🙈 但去到侍應又會打下招呼，又會笑笑口，其實服務都唔係好差者！試左個叉燒海哲瀨粉叉燒好夠味，蜜汁份量岩岩好又唔會乾身，肥瘦岩岩好！唔會要咬到牙都軟！海哲都唔錯，夠爽口！但瀨粉就麻麻啦，湯好淡口，個粉又唔係彈牙...（下次要叫飯！）但下次一定會再黎試四寶飯，見同事果碟好似好正😂

番上環做野，順便食埋慢先走。見到龍邦環境唔錯，就決定食個茶記啦。叫左個牛腩飯食牛腩既份量非常之多，而且腩肉、軟骨、牛筋樣樣都齊哂真係好開心。主角牛腩炆得好入吸，每一口都有類似柱候醬個種香味爆出黎而且已經炆到林哂，用筷子已經可以撒開，好易入口，又有牛肉個種香味。真係好正宗既港式茶記牛腩飯最鐘意係有好多軟骨林林地又帶有咬口的啫喱狀，香料既味道已經完成滲透牛肉同軟骨，但一咬落去又有軟骨自身既甜味真係好正！

After following BBQ pork in many famous restaurants. I just stop by and give it a try without expectation. Turns out this was the good BBQ pork for the whole trip. Worth to try and will definitely come back again.

食4寶飯，問佢拎薑蓉，5比你都5緊要，仲要串到爆，以後5會再去。話說貪方便，就去LEE 間買外賣。之前試過食菜遠牛肉河，好難食，無味。今次又貪方便，又出事。外賣叫個4寶飯，$40，走果時問佢拎薑蓉。我:個男員工就話: 我;男員工黑面;只係要求少少調味料，D員工駛5駛黑哂口面呀。間野5算乾淨，成日見佢呼呼喝喝D客人。我深明5係要求你好好既服務，但吳可以係喝人，無禮貌同黑面。貼錢買難受，以後5會再幫襯。

初次來到呢間餐廳，見到好旺場，仲10個有9個食燒味飯，應該係招牌菜！咁就簡係試下啦，叫個最貴既雞脾四寶飯，仲可以選擇油雞/切雞/燒鴨👍🏻其餘2寶又可以自己選擇，唔使下下買啲員工係咩四寶，仲有1寶就緊係咸蛋啦！餐牌清晰！我就選擇左燒鴨，紅腸，燒肉。燒鴨皮脆肉嫩，不錯！可惜燒肉太肥，唔係好食到！紅腸就不過不失！

突然好想食佢既燒豬骨，就午餐去買個外賣食下先燒豬骨叉燒飯，配例湯（$49）:即刻食啖燒豬骨先，點解咁架😖點解咁架，好大陣豬蘇味呀，食唔到，又燒得太濃👎，好彩叉燒又淋，味道都不錯。例湯可能太熱入碗，好大陣膠味😞整體來說，飯餸份量係多既，就咁食叉燒飯其實都ok既

因為屋企裝修，搬咗去家姐度，做咗上環之友，所以認識到龍邦，因為係家姐個飯堂，起碼一個禮拜有兩三次係度食，雖然佢都唔需要人哋寫食評都已經超好生意，但係作為飯堂之一嘅一定要寫下支持下～佢話試過lunchtime遲咗少少打電話黎叫定個餐，打成四十幾個電話都唔通，所以如果要叫定中午飯最好11點半好打黎啦～呢度個老闆娘同啲侍應個個都超快手，斬叉燒pack飯盒超快，食晏時間真係大排長龍～冇辦法啦因為呢度嘅燒味真係好吸引，可以包中湯或者餐飲，我特別鍾意佢哋個中湯冇味精，叉燒油肥瘦適中，好好味！！ 燒肉平時都有叫都好香口好脆～除咗燒味之外，佢哋的小菜，常餐都好好味～常餐特別鍾意叫佢哋㗎午餐肉，切得好厚，同埋鮑魚絲好味，個蛋奄列都係好好味，好大塊～食物有質素，價錢合理，同埋啲職員服務好好同勤力，難怪咁旺場～

In a lunch time there's always a long line for taking away. I tried BBQ pork rice once then I'm crazy about its taste! BBQ pork here is very sweetened I think. Second time I tried BBQ pork with over-easy eggs as eat in. I prefer without eggs cus it's too mild for me to mix with sweetened parks. Anyway I come here frequently to take away my lunch! Cus a pork rice including a bowl of soup only cost 37HKD! Yummy.

一到lunch 就會出現人龍的燒味店~ 因為佢的燒味飯大件又抵食!自選雙拼燒味飯送飲品或例湯只需 HK$39, 向上環區真係幾抵!佢的燒味份量, 飯量同葱油量都十分充足除左份量, 質量都很高: 飯很軟熟 , 燒味夠入味性價比高, 好過好多大型連鎖店的燒味飯多多聲

每次午市總是大排長龍，聽聞此家的燒味飯不錯，如果想要食，就要耐心等候一下。雙拼飯$39，送免費例湯。是次選擇了油雞燒鴨飯，相對於附近的有運燒味，本人覺得這間更合口味。雞肉肉質細嫩，入口香甜，口感油而不膩。鴨肉皮香脆，肉質一點也不老，還帶有香味。不過例湯就差到極點，和水一般，淡而油膩。