龍門冰室 (已結業)

早幾日，約咗好同事去紅磡食晏，二話不說就去睇下「龍門冰室」嘅人龍長唔長啦，出奇地只得10人左右，咁當然排隊入座支持下啦已經差不多一個月無光顧，今次叫咗常餐，豬頸肉叉燒辛辣麵（辛辣麵+$4），仲叫咗茶走豬頸肉叉燒辛辣麵：好多餸呀，豬頸肉滿滿的，還有叉燒都唔少，喜歡食肉嘅朋友真係啱晒當然仲有辛辣麵味粉啦，除自己可接受嘅程度而落味粉，我全包粉落晒，撈勻食，超正邊食邊傾大快朵頤，最愛人情味嘅港式冰室茶餐廳另外，值得一提，杯茶走好濃，煉奶落得仲重手，啱晒鍾意甜味嘅茶走精期待下次再幫襯

朋友相約，過嚟捧下龍門冰室場。其實唔係為了顏色而言，的確想幫襯下，因為食物水準其實唔錯，已茶餐廳來講比起以上是嗰幾間，龍門冰室確實用心經營而份量亦都大大份絕不欺騙。食物，差點確實選擇多。朋友點了個雞髀煎蛋飯，我就點左個帶點開胃嘅酸辣雞肉米粉。雞肉米粉大大碗而且湯汁味道唔錯，酸辣味亦到家，餐飲配凍檸茶。聽說呢度比較出名係咖喱，一定會再來幫襯試試這裏的咖喱飯。

這天約會了朋友仔們來到紅磡龍門冰室，之前已經吃過好多次，每一次都不會令人失望的良心食店。門口有著一幅連儂板，可以俾市民寫下的心聲memo紙，份外溫暖。一到埗已經有一條人龍，其實每次都有人龍的，實在太多人支持，今次人龍不算好長，亦算快可以入座。正！食物方面，每次都好大碟，份量好充足，而且好好味，大推！店員也好有禮貌又親切！今次我就點左黑椒牛柳炸帶子配飯，好好味，牛柳有兩塊，而且好夠”淋”，亦好入味，帶子亦大粒，每次都吃到Lam Lam脷朋友仔就點左芝士汁雞翼撈丁，她說芝士濃郁，好不錯而另一明友仔就點左常餐，份量亦好多（但忘記左影相），配埋佢喜歡的茶走。大家可以一聚又可以暢所欲言，簡直是一個大滿足的下午～每次未吃完已經諗定下次幾時再來！每次見到張單都特別窩心～HKers，加油！

點了傳統英國早餐 All Day Breakfast $70有炒滑蛋，德國香腸，煙三文魚，煙肉，大蘑菇，薯餅，焗豆，多士 。還送了蕃茄雜菜湯，菠蘿蛋沙律，非常豐富。早上十一時後就有供應。雖然德國腸不是那種很肥厚的，但薯餅非常鬆脆香口，煙三文魚亦挺新鮮。焗豆用了一個小杯分開，算是細心，不怕弄濕薯餅。多士厚度適中，重牛油香味。最後還點了一道牛肉配帶子。牛肉肉質很嫩，而炸帶子的炸粉亦不會過厚，配有沙律菜，減低油膩感。飯後點了一杯鮮奶咖啡，雖然沒有拉花，但味道不錯。跟普通咖啡店的差不多。

大家加油~時刻記住我食第一次時食焗魚柳飯龍蝦汁分量正常~我是夠飽的~味道啱我口味~係人多的~但排隊都要入因為入面所有人都係善良既香港人~真香港人橕返真香港店自己香港自己救

老闆深黃到乜咁 要懲罰是常識吧！🌝之前仲要入埋poly煮飯比小朋友食 真係唔懲罰下佢都唔得呀🥰🥰 -而且野食大件夾抵食 人均都係三十幾蚊！抵佢咁多人排隊💛😋 -

星期五放工終於去左試近排好紅既龍門冰室.7點去到已經見條人龍去到街尾😂等左1個鐘有位，好彩果日唔係好熱😬.叫左2個扒餐同2樣小食.差d食唔晒😂.首先黎左個蜜糖雞翼望落出緊煙熱辣辣，而蜜糖係雞翼表面融化，食落好香甜.跟住第2個小食係芝士焗西蘭花. 芝士係本人最愛😍，再加岩岩焗起，超好味. 其實食完呢2個餸已經3成飽，跟住再到2個主菜加餐湯差d嚇親......😅因爲真係好大碟. 80蚊係香港已經好小機會食到咁足料既雜扒.有成3塊扒，又有雞翼，帶子，薯條，好抵食. 而西冷亦好大份，好juicy上面係西冷下面係雜扒. 仲包餐湯餐飲差足電填飽肚既一晚Btw, 香港人加油！

邊有可能嘢食可以咁足料，仲可以咁好食，兼送埋個良心俾你！嗰碗雪菜肉絲米，成個面都係雪菜，佢塊多士軟滑都不能形容，個蛋奄列又係足料到爆曬燈，佢杯薑汁奶茶都好好味！真係要同身邊嘅朋友推介一下！排隊等耐少少都值得。👍🏻👏🏻正當好多人諗住排隊去懲罰佢，點知想俾多少少貼士啲員工打下氣都唔比！我一定會再抽時間再去懲罰下佢個老闆同啲員工先。😎個老闆仲要細心到門口放一大堆支裝飲品自取，為各位加油！希望老闆生意興隆，長做長有呀！🤩💪🏻♥️

唔駛諗, 近期之大熱, 好多真香港人都讚不絕口,讚既唔只係老細伙計既用心, 更重要係個份人情, 同埋食物既味道又抵食!!!我絕對唔介意排隊, 雖然等左都算耐, 平日既下午都要等差唔多30分鐘先搵到位(我地係4個人去)

今天下午探望媽媽，路過這𥚃，看到有人排隊，便去吃個下午茶。下午茶粟米碎蛋沙律配炸雞脾$33，飲品奶茶紅豆冰另加 $9。炸雞脾皮脆肉嫩，肉汁豐富。粟米碎蛋沙律，除了粟米和碎蛋，還有雜果在內，作為下午茶，份量適中。奶茶紅豆冰，紅豆已經煮得很腍，帶少許甜，所以奶茶不用加糖，甜度剛剛好，個人很喜歡這個組合。瑞士汁雞翼出前一丁，多士配3.6北海道牛乳炒蛋$43，凍鴛鴦加$3。出前一丁的麻油包另上，方便客人自已加在麵上，這個安排才可以聞到麻油的香氣，是一個窩心的設計。瑞士汁味道不會太鹹，醬油的香味，滲透入每隻雞翼內，和雞肉起了一個化學作用，變得更加美味。多士配3.6北海道牛乳炒蛋，炒蛋的牛乳味道鮮甜，多士是厚切，而且香脆。凍鴛鴦奶味適中，而咖啡和茶，比例均勻。

i visited this restaurant last week. the queue was extremely long. so i decided to switch to takeaway. it only took me 10 mins to get the food. the portion was huge. food was good and delicious. all the staffs were busy but friendly. they act quickly as ninjas .

小弟就耳聽途說話有間茶記最近好出名，咁公司附近放飯就諗住去幫襯一下，一去到哇，好長一條人龍，其實打呢篇野已經係剛剛一個月之後嘅事！依家行過條人龍足足兩倍有多！！咁講返食物先啦！個人來講就10分鍾意佢嘅3.6牛乳炒蛋個飯嘅質素就同你比嘅價錢成正比！下次希望可以再試試其他菜式la!我諗呢間野好大機會比我返抄！如果呢間野有外賣公司幫手送外賣咁附近寫字樓嘅同事應該會日日叫龍門冰室既外賣！唔知有冇啦遲啲再去睇睇希望午市冇咁長人龍！

今日經過這間龍門冰室餐廳,見到原來都有很多款式，所以就一於試嚇。排隊約十分鐘有位喇，況且是卡位。星級雜扒$97有西冷扒、雞扒、英式腸、煙文魚及炸帶子，還有我愛食的薯條。跟配有西蘭花、椰菜花。星級雜扒，要了個黑椒汁。真是意想不到，星級雜扒非常大份。雞扒在最上面，大大件的雞扒，肉質很嫩滑。西冷扒在雞扒下面，不要以為是雜扒，西冷扒會細件，原來份量都不少，西冷扒肉質軟嫩，黑椒汁令牛扒更為惹味。煙三文魚，令三文魚帶有煙燻味，與刺身又是另一番的美味。炸帶子，外表帶橙色的炸帶子，外帶酥脆，內裡軟中帶煙軔，食落感覺新鮮又美味。西冷扒拼煙腩肉$62西冷扒拼煙腩肉，也是要了黑椒汁，跟配也有西蘭花、椰菜花。西冷扒份量不少，也是肉質軟嫩。煙腩肉，煙腩肉不會太瘦也不會肥，是揀了非常靚的腩肉做，很濃香的煙燻味，稍咸，但餸飯剛剛好。跟餐柚子蜜$5柚子蜜，帶柚及蜜糖味，甜度剛好。柑橘蜜$5柑橘蜜，味道帶點咸及甜，柑橘的味道入口已感覺到，帶點蜜味，冰冰涼涼的，口感很好及好飲。

🇭🇰 紅磡．．．．ヾ(๑╹◡╹)ﾉ”．茶餐A $43推薦分數：◆◆◆◆◇相信這陣子大家對龍門也不陌生吧(⁎⁍̴̛ᴗ⁍̴̛⁎) 每天大排長龍 只想好好懲罰它(˶‾᷄ ⁻̫ ‾᷅˵) A餐對我來說有點美中不足 畢竟瑞士雞翼配撈麵才是美味絕頂(呵) 食物性價比是頗高的 雞翼嫩肉 油多咸香 炒蛋足料 沒很多的挑剔 只是趕時間的人別來 在旁都能感受店員和廚師都忙不過來 希望他們都有時間好好休息吧( ･᷄ὢ･᷅ )

很多時經過這間龍門冰室餐廳都見到排著人龍，看真點原來都有很多款式，所以今日就一於試嚇。排隊約十分鐘終於有位喇，況且是卡位。星級雜扒$97有西冷扒、雞扒、英式腸、煙三文魚及炸帶子，還有我愛食的薯條。跟配有西蘭花、椰菜花。星級雜扒，要了個黑椒汁。真是意想不到，星級雜扒非常大份。雞扒在最上面，大大件的雞扒，肉質很嫩滑。西冷扒在雞扒下面，不要以為是雜扒，西冷扒會細件，原來份量都不少，西冷扒肉質軟嫩，黑椒汁令牛扒更為惹味。煙三文魚，令三文魚帶有煙燻味，與刺身又是另一番的美味。炸帶子，外表帶橙色的炸帶子，外帶酥脆，內裡軟中帶煙軔，食落感覺新鮮又美味。西冷扒拼煙腩肉$62西冷扒拼煙腩肉，也是要了黑椒汁，跟配也有西蘭花、椰菜花。西冷扒份量不少，也是肉質軟嫩。煙腩肉，煙腩肉不會太瘦也不會肥，是揀了非常靚的腩肉做，很濃香的煙燻味，稍咸，但餸飯剛剛好。跟餐柚子蜜$5柚子蜜，帶柚及蜜糖味，甜度剛剛好。柑橘蜜$5柑橘蜜，味道帶點咸及甜，柑橘的味道入口已感覺到，帶點蜜味，冰冰涼涼的，口感很好及好飲。無貴乎這麼多人排隊，原來是因為價錢平民，質素不錯之餘，大份又抵食.