龍門冰室 (已結業)

今天在附近放工，所以與朋友來了龍門冰室試一試。我們先點了一份黑松露雜菌芝士玉子燒餐。玉子燒煮得剛剛好，黑松露味香濃，而且中間的雜菌足料。多士是烘底的，十分香脆。我們又加了鹹牛飲炒蛋，鹹牛飲炒蛋皮薄料多，十分滋味。我們又點了一份芝士汁撈丁配雞脾。撈丁十分彈牙，芝士汁味道香濃。雞脾十分大隻，性價比很高。另外，我們又點了一份椒鹽雞翼。椒鹽雞翼有6隻，味道不會太咸，煎得很香。我們又點了一份黑松露薯條。薯條份量十足，新鮮出爐，炸得很香脆。再點上黑松露醬料，十分滋味今天真的很滿足，下次會再來試試其他菜式。

在黃埔新天地購物後，在OpenRice 找到這間冰室，前往試一試！服務員說這裡鐵板餐比較多客點，就點了一份至尊海鮮鐵板餐。套餐包飲品和羅宋湯，羅宋湯不含味精，大大碗，真才實料！海鮮板鐵板有龍利柳、帶子、蝦球、靑口、魷魚圈，配上黑椒汁和薯條，味道不錯，薯條剛剛炸起，乾身脆口不大油，蝦球大大粒，口感彈牙！龍利柳配上蒜蓉黑椒汁少辣野味！離開時看到餐牌原來有全日自選百搭面，可配雞、豬、牛扒、魚柳和瑞士雞翼（自選一款）可配不多餐廳會做的炒蛋白，和5種粉面選擇，明天再來試試！

冰室是近年出現得最多又最快，各區都有幾間不同名字的冰室，可以說是各展所長，百家爭鳴。今天中午便來到紅磡的龍門冰室 。香脆豬扒包餐$28連咖啡或茶可以選炸豬扒或煎豬扒，麵包夠脆，而麵包內有沙律醬和生菜🥬，減少油膩感。如果加點蕃茄味道會更好。咖喱牛腩撈丁$48牛腩未算很腍，咖哩味道適中，公仔麵是出前一丁，麵質有嚼勁，這個組合不錯。凍鴛鴦加$3咖啡和茶的香味適中，甜度不高。整體食物質素不錯，價錢比較適中，兩人平均消費$40。

同朋友去寶石戲院睇完戲，見到對面有間冰室就入咗去坐低食個午餐。呢度嘅食物選擇非常之多，而且種類亦都好廣泛。除咗有一般茶餐廳有嘅菜式之外，亦都有好多西餐，今次就決定試試佢。我哋要左一份all day breakfast同香蒜牛油帶子意粉。兩個餐都包餐湯沙律同飲品。先講個餐湯系超級足料嘅雜菜湯，入邊有蕃茄，薯仔，西芹，洋蔥，紅蘿蔔。而且非常大碗如果細食嘅朋友直頭可以當一餐！另外沙律份量亦都唔可以睇少，有粟米雜果同埋碎蛋，有家庭嘅味道。到個all day breakfast喇，依然份量驚人！有兩大塊牛油厚多士，一份超厚奄列，仲有香腸，煙肉，煙三文魚，薯餅，茄汁焗豆，好滿足呀！而意粉亦唔會差過d西餐廳，意粉唔會過淋，帶子都有好多粒，而且都算大粒。真系好抵食！而飲品都好有驚喜，叫左一杯奶茶紅豆冰，奶茶夠香夠滑，而紅豆亦夠淋。另外亦叫左杯mocha，竟然都唔差過coffee shop。價錢仲要咁平，真系好值得一試。

同朋友行過紅磡附近諗住紅磡出咗名多嘢食不如周圍試下, 見到有間龍門冰室好似個名都唔陌生就膽粗粗入去試，於是我哋兩個都嗌咗同一款就係一個雞扒撈丁諗住食公仔麵應該都冇死但係老實講佢哋真係連公仔麵都撈得好鬼難食又硬我以為個面未熟，我覺得個個麵可以煮得再淋多少少，而家有少少似喺度食緊鐵線咁🤷‍♂️至於其他硬件嘢我覺得不過不失啦，都係整整齊齊一間茶餐廳叫佢會埋嚟基本態度ok，但食物質素真的是有點強差人意。希望佢哋能夠正視問題愈做愈好。

上個禮拜，住係加拿大嘅堂表哥黎遊香港。因為我之前去咗加拿大打攪咗佢一個月，所以今次好盡力咁帶佢周圍玩希望報答反佢。考慮到佢食野都稍微咀尖，我都唔敢即刻帶佢食啲好地道既港式或中式美食。龍門冰室式嘅菜式多元，包括中西式美食，帶咗佢去食佢都好滿意。首先我地叫左黑椒汁爵士西冷扒香草腸。西冷扒夠份量同嫩口，香草腸可口，配黑椒汁食意粉正。係外國食扒大嘅堂哥亦稱讚扒同腸都幾好。然後係芝士汁魚柳流心奄列飯。魚柳夠哂大塊，奄列蛋亦炒得唔錯、唔會老。薯條炸得好靚，鐘情加美式快餐薯條嘅堂哥都好鐘意。香蒜雞翼好香好入味！！熱杏霜濃厚得黎唔會太甜，堂哥第一次飲感覺幾好。紅磡龍門冰室雖然唔算大，但係坐位都唔少，坐位間格幾舒服、無咩擠迫感，員工都幾nice。餐廳多元化嘅菜式適合外國親友初嘗本地餐廳。

由於個人都好鐘意本地既地道茶餐廳，所以叫到既都會一試～見龍門冰室既裝修都幾有心思，模仿番舊時冰室餐廳裝修，一於同家人試試啦！睇到個餐牌都係一般茶記食物等等，但見到流心奄列餐又幾吸引，見到$50一份包啡/茶，相信此奄列應該就會係呢間冰室既拿手小菜！就試試佢啦～上餐速度都算幾快，冇耐就到啦。意想不到流心奄列居然會流咖哩，食落真係唔錯，流心既賣點確實幫成碟飯加左分！雖然裝修都好新淨，唔會好似傳統冰室咁有風味，但舒服既環境，闊落既座位令我同家人坐得好舒適！！值得推薦～

前排興睇avengers，我作為avengers fans都第一時間衝去睇啦，不過睇戲果日放工已經7點，又見得返一個鐘都無就要睇戲，食唔食啲野好呢？男朋友就話呢間冰室近近地，食個快飯啦，本身都無乜期待，點知一入到去，竟然有驚喜！係好多avengers嘅模型！好多iron man，連美國隊長個盾都係到！好滾動！相信老板一定係avengers忠實fans！我都未嗌野已經被呢到嘅擺設深深吸引，好少冰室咁有心架嘛。講返野食，我嗌左個海鮮板餐，價錢算適中，海鮮主要有大蝦仁、龍脷柳、魷魚等等，都係例牌野，個扇貝好彈牙，最有海鮮味！味道主要靠黑椒汁調味，意粉就不過不失，份量好夠，不過同黑椒汁唔太夾，我會想要燒汁多啲！仲嗌左份焗西蘭花，正正常常，芝士味都幾出不過食冰室都講求速度，平時食「炸炸聲」都等好耐，但今次都算快，可以趕得到去睇avengers！我見佢menu仲要炒公仔麵、咩麻辣麵、泡菜乜乜，好多選擇，下次有時間會再黎食！到時睇下老細有無再買新figure先

其實起初都無諗過會中伏，普普通通想食嗰lunch，都要受氣，同有壓力，我見呢間龍門冰室 門口幾靚，咪入去試下，餐廳環境都尚可以，但餐廳質素同服務態度真係唔得，一坐就吹我食咩，唔洗時間睇咩大佬，吹完我落單，佢上餐又勁慢，半個鐘先上到，但其實我只係叫咗一個瑞士汁雞翼撈丁，呢啲唔需要半個鐘就可以整到嘅食物，仲要出咗俾我無耐，就問我可唔可以食快啲，出面好多人，但你出餐慢我先至咁耐都未走，但你仲要怪我吹我，真係唔會再有下次

紅磡其實都有好多唔同嘅餐廳，咁嗰日放lunch就想食茶餐廳，見到呢間龍門冰室嗰門口望落市市正正，咁就入咗去啦，menu都算多野揀價錢唔算貴，但啲質素同服務態度就唔得掂，我叫咗嗰秘製滷水雞髀飯啦，雞髀係大舊，但其實骨仲多大舊嗰啲肉，滷水汁根本就係豉油，一啲滷水味都無，得豉油咁咸，一啲都唔值42，再黎飲品呢，真係激到彈起，我叫咗杯華田啦，出到黎，根本就唔係話田，難聽啲講句，叫杯水都好飲過呢杯野，所以唔會有下一次，永久黑名單

佢雖然係一間茶餐廳，但內面擺設特別，有好多iron man，都幾吸引。食物都唔錯，佢都有好多唔同款比你選擇，價錢算合意，食物份量都ok，味道一般唔係差。上次去食個黑松露玉子燒勁飽仲要食唔晒

在附近看過電影後，我跟朋友都覺得肚子餓了，就找附近一間餐廳吃個晚飯。一打開餐牌真的令人驚喜，因為有那麼多選擇任君選擇，對於我這個有選擇困難症的人來說，也需要些時間去挑選，有很多款都想吃呀。先來一杯咸檸樂，超清涼的。這個是咖哩吉列豬扒飯，大大件，外層夠脆，整體不錯。我們還點了一客黑松露醬薯條，這個醬真的愈吃愈想吃下去，薯條炸得剛剛好，夠熱，可以一試。我就點了一個羊架飯，份量可以，味道不錯，想不到這個價錢可以吃到這個份量的羊架，真的性價比高。這間位於紅磡的冰室，能夠提供很多食物上的選擇，價錢也相當貼地，味道份量都不錯。我看之後平常都會過來這間吃，因為性價比實在很高，而且坐得舒適，與朋友邊吃邊談十分不錯。

今日同朋友 4個人係紅磡經過龍門冰室 見到呢間餐廳 就唸住黎食下填下肚 。入到黎 完全冇人招呼 無視我地，過咗10分鐘 。終於有人黎，之後我地叫咗啲嘢食重點黎啦:阿華田完全冇味 啲蛋淡過水 啲叉仲有粒飯喺度，公仔麵啲湯好似水咁,餐具方面,冇筷子！員工態度又十分惡劣 ，各位千其唔好黎呢間！ 我寧願食屎都唔食龍門冰室！

早幾日呀叔我係有好多復仇者宣傳品的寶石戲院睇完戲，打算食d野，行下行下就見到呢間冰室。咁小弟平時都係食開茶記，但發覺紅磡黃埔的茶記開始做唔住，反而呢種「冰室」就企得好硬，日日都坐滿人。新派冰室通常環境都企理過茶記好多，呢間都唔例外，估唔到仲有好多復仇者聯盟既野，無論係雷神個槌，定係米國隊長個盾，呢間冰室都有，我可以合理推斷呢間冰室唔係咁簡單，我開始懷疑個老細唔止係avengers fans，佢好大機會係Nick Fury。不過點講都好，話知你間野幾靚，餐廳最緊要係好吃！咁睇一睇menu，一般茶記有的野呢間都有，有美式鐵版唔洗講，大大隻米國隊長係度，但估唔到仲有韓國泡菜飯，我估係黑豹當年去完韓國之後教呢度的廚師整的。結果我叫左個咖哩海鮮飯，咖哩係港式個種少少辣而味道唔會好濃，都幾好吃。除左成隻匙羹咁大的青口，仲有魷魚同蝦咁，比較可惜既係蝦都係犯了平時煮蝦會犯的毛病：為左要彈牙爽口而冇左蝦味，但要做到彈牙同有蝦味係好advanced既技術，有機會我可以分享下，此處就先不提。叫多碟芝士焗西蘭花，呢碟上菜比較耐但都理解，西蘭花唔會話好硬，配上芝士絲絲入扣。飲檸水／檸茶最緊要係4片檸檬，大家記住

一直在理工大學上學，常常放學也會肚餓落紅磡找美食。紅磡舊區很多小店，每一間也有獨自的不同風味，每次吃都有驚喜。這天放學來試這間龍間冰間，看到冰間二字應該是懷舊小店，一進餐廳內，看到的是番新了的裝修，全店都是白色磚和黑色鏡子，感覺舒適新穎。架通還擺放了超人figures公仔和磚畫，很有心思，相信店主是喜歡超人的！小食首先點了一個黑松露西籣花，很足料放了很多黑松露，西籣花加上黑松露的配答我都是第一次試，味道很配合，有很濃郁的黑松露味，而且即叫即焗，非常熱！ 實在不錯另外又點了一個土匪雞奕，也是即叫即整，超級熱！喜歡吃很熱食物的朋友會很喜歡雞奕外脆內軟，香脆可口芝士焗青口，很多白汁和芝士，賣相不錯。六隻都是大隻的。主菜點了至尊海鮮鐵板餐和星級雜扒鐵板餐，兩碟都很足料，很大塊扒，蝦又有四大隻很大隻，香腸幾好味