龍門冰室 (已結業)

紅磡其實都幾多好嘢食，但講到最鍾意嚟紅磡食嘅嘢都係冰室，因為覺我冰室始終係香港人獨有嘅嘢，最具香港特式，哈哈！栗米煎龍利柳飯 $47龍利柳相對健康D，同埋唔會煎得好勁！食落龍利柳好滑身，同埋唔覺有腥味，所以就算驚腥嘅都唔會啊！雞扒鮮茄汁焗飯 $53第一次配雞扒，但原來都同茄汁幾夾，平時只識茄汁+豬扒。唔錯唔錯！而且茄汁都幾多，唔多酸，而雞扒幾大塊，幾抵食！黑松露薯條 $38唔算好出色嘅黑松露薯條，可能因為佢D黑松露係加哂落個醬，而我平時係加哂落個薯條！所以感覺一般。蜜糖雞翼 $38蜜糖好多，但雞翼偏細隻，但小食嚟講份量都幾夠。熱鮮奶 $19普通牛奶，唔太特別。🍽6/10🔎 龍門冰室 (紅磡)紅磡寶其利街47號銳光中心地下

一般般既一日。決定食下呢間龍門冰室，未食過，亦未曾聽過朋友有試過佢咁，叫係試下新野咁。入到去好快就坐低左。裝修都幾好既，乾乾淨淨咁。人呢，都算流轉幾快，但時時坐滿。入到去，見基本上人人都係食佢啲常餐，咩叉燒意粉、叉燒麻油公仔面咁。但我又無咩興趣食呢啲喎，就諗住是但揀一樣午餐黎食咁。是日午餐。我最後選左黑椒牛椒炸帶子同凍檸茶。埋單55蚊。跟著我叫既黑椒牛柳炸帶子就上枱啦⋯份量算俾得幾多，牛柳都俾左4塊，每一塊就係細細塊咁既。醬汁方面，不過不失。炸帶子，中中挺挺。啲飯稍為硬左少少。總體，幾尚可。切起黎，就係咁既樣。唔會太硬，唔會硬到咬唔開咁。食起上黎，口感都唔錯咁既。嗯⋯餐飯入面叫最好既凍檸茶。唔會俾太少檸檬，但都係有啲啲甜。

今晚趁老公公司週年晚宴，同阿女出街食個晚飯，原來龍門冰室是非一般茶餐廳，除了一般茶餐廳食物之外，也會供應一些西餐或其他菜式，例如意大利飯、麻辣湯麵等。晚飯時段座位九成滿，店內擺滿龍珠公仔，有趣有趣。店員好好人，卡位有人走，主動叫我哋轉枱，欣賞你哋好客之道。阿女二話不說，揀咗鐵板餐~紐西蘭羊架配香草腸，配餐湯~ 蕃茄雜菜湯是阿女的最愛，用咗湯麵碗盛載，好大碗呢。鐵板羊架配燒汁香噴噴，飯嘅份量都非常足夠，連其他配料把鐵板填得滿滿的。羊扒入味夠淋，阿女越食越開胃。我喜歡那個香草腸，勁大條，香草味好吸引。我自己揀咗忌廉汁帶子炒意粉，廚師用咗大量香濃忌廉汁，意粉爽口，彈牙帶子都有好多粒，加埋煙肉，整體表現出色。另外，再加個黑松露薯條，薯條即叫即炸，香脆可口，黑松露沙律醬非常滋味，食到停唔到口。跟餐兩杯飲品叫咗凍檸茶及奶茶紅豆冰，後者唔係周圍有得飲，呢度嘅味道配合得好好，紅豆夠淋唔會太甜，加上奶茶的香，正呀！冰室嘅常餐同下午茶似乎都唔錯。 下次叫埋老公嚟試下個玉子燒。

早前食咗佢嘅下午茶餐，好唔錯，好鍾意佢嘅玉子餐，又滑又厚，好正! 於是今日下晝經過又想試吓午餐😋其實menu選擇都好多, 我就比呢個流心鵪列餐吸引咗，配有豬、牛、雞任你揀，我就叫咗雞扒黑椒汁，睇落、食落同聞落都有水準蛋照樣好滑，確係有流心雞扒先誇張-大大件又野味，唔大食既我都好味到KO咗佢，雞肉都好嫩㗎。意粉好正路，黑椒汁亦足夠混入所有意粉，包你唔會唔夠撈汁啊!我已預咗下次同同事黎再食其他嘢，因為實在次次都有唔同選擇同不同既滿足感，價錢亦相宜!

下就同住紅磡既朋友食完台灣菜 就去左佢屋企傾下計同玩下狗仔夜晚就去左附近既一間冰室食晚餐—龍門冰室兩個人都唔算太肚餓所以決定點一個主菜 加兩個小食食完之後再決定叫唔叫甜品鮮茄汁 豬扒 焗飯主菜點左鮮茄焗豬扒飯上枱嘅時候店員好細心咁提醒我哋小心碟邊熱焗豬扒飯熱辣辣出爐 面上鋪左一層芝士 睇落好邪惡茄汁亦都好多 豬扒有四大塊 整體好味道芝士焗西蘭花又係一本好邪惡嘅小食芝士份量足 加上滿滿忌廉汁焗出嚟嘅西蘭花沾滿醬汁而且西蘭花焗得夠軟 硬度適中 唔錯唔錯椒鹽雞翼一份雞翼有六隻每隻都炸得好香 加上椒鹽整體香脆可口 雞肉嫩滑 仲有肉汁流出架一人點左一杯熱檸水 健康之選估唔到我哋兩個人咁樣叫就已經好飽本身打算叫埋甜品 可惜最後太飽就唔叫呢度嘅甜品賣相睇落去都十分之唔錯只好下次再嚟試啦

我經常都幫襯，尤其係早餐，佢嘅吉列豬扒好有日本feel，餐飲嘅咖啡又特別多選擇，我差不多試齊佢唔同嘅咖啡，Latte, mocha, green tea latte, 連澳州的Flat white 都有，雖然咖啡水平唔算突出，但有選擇好過冇選擇。我老婆通常會揀叉燒湯意粉，叉燒瘦得來都幾林，值得一食再食！

冰室就食過好多間，但係有自己特色，價錢平民，份量又十足嘅…就得今次呢間龍門冰室！先講環境，佢配置咗Marvel原素，有好多模型同掛牆海報，裝潢別具一格！座位方面，有保留傳統冰室嘅卡位特色~ 食物方面，有各種常餐，食到一般冰室嘅多士炒蛋呀火腿通呀等等！除此之外，佢有好多fusion choices!有risotto呀，咖哩呀，日式奄列飯等等等等，好多都係普通餐廳唔會食到嘅，所以食到悶唔知食乜好嘅朋友，嚟到呢間餐廳應該一定唔會悶！我同朋友試咗鐵板羊架配香草腸，份量好足，98蚊有兩大塊羊架一大條腸，好正不過略遜一籌嘅係羊有啲老咗少少…雖然係咁，但係跟餐嘅杏霜好滑，西湯好足料我哋仲試咗土匪雞翼同黑松露薯條！雞翼好juicy!黑松露醬都好正好香，配即炸嘅薯條係一絕~意大利飯都okay, 飯身硬咗少少，但係有好大塊嘅煙三文魚，大滿足hehehe食完過條馬路仲有得平平地係寶石睇戲，係拍拖嘅好選擇

今晚同朋友出開红磡，經過這間叫龍門冰室的食店。又到晚飯時段，於是入內進食。店內環境舒服，位置又夠大。店員很客氣為我們拿來餐牌，看完餐牌，食物種類很多。最後叫咗黑松露雜菌炒通粉，黑松露味道好濃，好香。聞到味道，胃口大開。雜菌也很新鲜而且真係十分多，味道好食。所以印象很深刻。另外叫咗個黑椒汁至尊海鲜鐵板配薯菜。個人認為這個是必食的，首先海鮮又多又新鲜，份量也十足。黑椒汁又濃又香，配菜也很多，薯條做得很好食，似即炸的，好入味道，另外，加咗個奄烈配芝士腸，奄烈非常好食，口感一流，印象難忘。芝士腸同樣都做得很好食，有水準。飲品則叫左凍奶茶和凍央。奶茶味好濃。好飲。價錢又合理。個人認為這家食店是物超所值。值得一讚。

今日經過紅磡，見行到有d晏好攰，就入一間叫龍門冰室的餐廳食晚餐！ 餐廳裝修光新，牆上掛上好多漫畫公仔！坐位都舒適寬敞！餐牌～我同我男朋友都叫左美式鐵板餐😋先上餐湯～羅宋湯都好足料，夠曬濃，好飲至尊海鮮～D青口好鮮，好大隻！蝦都好爽口！魷魚彈牙，有咬口！帶子都鮮甜！龍利柳都好咪！配上芝士汁，真心夾又好食！星級雜扒～呢個都幾超值，份量大，又多選擇，岩曬食肉獸！有西冷扒、雞扒、英式腸、煙三文魚、炸帶子，勁多野食！鐵板餐都會配曬薯菜、飯或者意粉！我個大食男友仲叫埋土匪雞翼！估唔到一份小食會有6隻雞翼咁多！都整得幾入味我地仲叫左好多懷舊特飲😬菠蘿冰～咸檸七～總括來說，餐廳價錢超值，份量大，多選擇，下次去開紅磡我都會去食！

今日星期五比較多時間食晚飯 去咗黃埔行街同食飯 黃埔嘅食物比較貴 所以我地行咗去紅磡嗰頭食 俾我哋搵到間好抵食嘅冰室 店員服務十分好 不過繁忙時間如果一或者兩位嘅就要搭枱啦😮 未到七點半已經好爆棚啦黑椒汁牛仔骨拼炸蝦炸帶子配薯菜 原本好想食牛仔骨所以嗌呢個餐 但係店員話牛仔骨太好賣 所以暫時冇貨😿 如果照嗌呢個餐就會轉牛扒俾我地 牛扒size都幾大塊 炸蝦同炸帶子外層脆卜卜 黑椒汁就另上嘅 倒落鐵板上會有”嗞”一聲 大家要小心彈到呀🤧 不過咁先有鋸扒feel😻鴛鴦汁焗雙扒飯 原來汁係自己揀嘅 咁我就揀咗芝士汁同鮮茄汁 而鴛鴦扒係豬扒同雞扒 飯嘅份量好適中 鮮茄汁就冇咁膩 芝士汁就啱晒我呢啲芝士怪🤤芝士焗西蘭花 芝士汁好多 每舊西蘭花都好多芝士 邪惡得嚟又有少少健康🥦土匪雞翼 香料味好重 而且係炸雞翼嚟嘅 所以外層好脆卜卜 鎖住咗好多肉汁🙊 都唔錯熱檸茶同熱奶茶係跟餐嗌嘅👍🏻呢間冰室幾抵食 唔怪得咁多人啦 餐牌仲有好多其他選擇 下次再試其他先😛

今日去紅磡行街，和老公在「龍門冰室」食了個午餐。老公叫了是日午餐 ， 咖哩牛腩配炒蛋。$48一般茶餐廳都是用黃薑粉來煮咖哩的，我這次還食到香草的味道， 雖然說不出是什麼香草，但咖哩汁裡加了香草，不錯。另外，牛腩是肥瘦適中(瘦的較多)，最怕是吃肥牛腩，成口油。雖然牛腩份量不太多。滑蛋很有技巧地包住白飯，蛋很滑，加埋咖哩汁混合一起吃，正。米線煮得很淋很滑，菇味濃郁，湯也有菇味。鹵水雞翼 $22雞翼食不出雪藏味，而鹵水汁也夠入味。

係poly 做完野，同朋友諗住係紅磡搵下好野食，行行下發現左呢間龍門冰室咁多年黎都冇食過，見佢門面新淨，就入去試試啦！首先睇佢嘅餐牌，發覺啲菜色選擇都幾豐富，除左有一般冰室嘅早午餐，常餐，同埋碟頭飯焗飯之外，仲有唔少特色食物，例如有蛋包飯，韓式泡菜鐵板飯，英式全日早餐，麻辣米線，同埋日式玉子燒等等，如果有時食厭左茶記食物都算有另外嘅選擇👍🏻我地叫左幾款食物，第一樣係芝士焗西蘭花，用左大量芝士，邪惡感十足！然後係蜜糖雞翼，略嫌有少少乾身。主菜方面，叫左個咖哩汁庵列炸魚柳配意粉，個咖哩汁係偏港式帶點微辣，炸魚柳幾嫩滑，配埋炒得半熟嘅庵列蛋好豐富👍🏻第二個主菜係韓式泡菜鐵板雞扒鴨胸飯配黑椒汁，雞扒肉質juicy唔鞋身，但可惜嘅係揀左個黑椒汁唔太夾泡菜。最後兩個人叫左咁多野加埋野飲每人都唔過一百蚊，幾抵食，poly 嘅學生又多個選擇啦！

跳完舞之後，約了朋友來龍門冰室紅磡，結果朋友的導航把她帶去了另外一間分店。小夥伴們，下次注意看清楚啦，是紅磡紅磡紅磡！很容易就找到啦！門面很響亮！午餐看上去也是不錯的選擇！便宜還有飲品！餐廳內裝修也是簡單舒服😌 超級香港情懷！而且，位置寬敞，跟別的茶餐廳不一樣喔！餐牌可以選擇的太多了！可惜只有一個胃，下一次來吃其他的。今次點了我的最愛，羊排！熱氣騰騰🍲超級適合冬天進補！我肚子實在太餓了，就一邊吃一邊等我的朋友👬之前吃過的🐑羊排，特別容易烤得太乾了。龍門的剛剛好，肉質細膩，有彈性！喜歡羊的朋友，一定要嘗試。肥美多汁的肉，配上黑椒汁，一切剛剛好。吃了肉，配上一點蔬菜，然後來一杯檸檬🍋水，一頓豐富的晚餐🥣簡直每天都充滿希望和愛❤️

諗住找間茶仔，食個簡單晚飯，點知見到呢間，門口貼晒餐牌，好多款式都有，意大利飯/韓式泡菜飯/鐵板...唔駛諗，啱晒我為食肥妹，入去慢慢揀食物：老公點了咖哩羊架飯，看上去得兩件羊架，仲擔心唔夠飽，食落原來都有點膩應該吃不下三件的...羊架煎得外層香脆，我覺得肉的熟韌度我剛好，老公就想再嫩啲啲...咖哩汁香，微辣，幾惹味，未到印度咖哩既濃，又不似日本咖啡既甜，果然係秘製，有啲料到呢個飯仲係有餐湯送添，好大碗我點了忌廉汁帶子意大利飯，飯感不似意大利飯的硬，很易入口，忌廉汁有香濃洋蔥味，不會很"結"，是港式口味的忌廉炒湯飯，帶子炒得剛好，嫩口不會韌同乾，帶子雖然唔多，有香菇搭夠，加上呢個份量和水準，絕對對得起$65價錢~加$4有杯特飲了，抵玩喎~奶茶紅豆冰，奶茶香滑夾紅豆冰，多了份甜和口感，不錯~綠茶鮮奶咖啡，賣相係....不太吸引，但飲落淡淡綠茶香，不錯不錯。環境：地方不太大，4人枱分卡位和有背椅，卡位較寬敞舒適。 服務：待應姐姐很親切，友善介紹菜式及飲品。上菜下單快捷，果然係茶記。

食物、坐位，尤其服務完全超差。食物分量完全不足，餐具同埋配件都唔乾淨，紅磡區座位仲細過尖沙咀，謝謝趕唔切收野咁，係咁趕客。食嘢出品又冇份量有冇品質駛乜響度食。失望到爆。